🦋 Meditation verse - லுூக்கா 19 : 46 / Luke 19:46

🌅ஆதவன் தியானம்🌅

எண் :- 2087 - நாள் :- 26.10.2026

"என்னுடைய வீடு ஜெபவீடாயிருக்கிறதென்று எழுதியிருக்கிறது, நீங்களோ அதைக் கள்ளர்குகையாக்கினீர்கள் என்றார்." ( லுூக்கா 19 : 46 )

இன்றைய தியான வசனம் இயேசு கிறிஸ்துவால் மேற்கோள் காட்டப்படும் ஏசாயா - 56:7 வார்த்தைகளாகும். தேவன் இந்த உலகத்தில் ஒவ்வொன்றையும் ஒரு நோக்கத்துக்காக வைத்துள்ளார். அவரது திட்டத்தில் தேவையற்றவை என்று எதுவுமே இல்லை. ஆனால் நாம் அவரது நோக்கத்தைப் புரிந்துகொள்ளாமல் அவர் உருவாக்கிய நோக்கத்துக்கு எதிராகச் செயல்படும்போது தவறு செய்கின்றோம், சில வேளைகளில் பாவம் செய்கின்றோம். 

ஆலயம் என்பது தேவனை ஆராதிப்பதற்கான இடம். அதனை நாம் தேவனை ஆராதிப்பதற்கும், ஜெபங்கள் செய்வதற்கும் பயன்படுத்தவேண்டும். அதாவது, பரிசுத்தமான செயல்பாடுகளுக்காக மட்டுமே பயன்படுத்தவேண்டும்.  இதற்கு மாறான செயல்பாடுகள் செய்யும்போது அதனைக் கள்ளர்குகையாக மாற்றுகின்றோம் என்று பொருள். குறிப்பாக,  பணம் சேர்க்கவேண்டும் எனும் நோக்கத்தில் தனி நபர்களோ, திருச்சபையோ ஆலயத்தைப் பயன்படுத்தும்போது அது கள்ளர்குகையாக மாறுகின்றது. 

மேலும், புதிய ஏற்பாட்டுச்  சத்தியத்தின் அடிப்படையில் நாம் ஒவ்வொருவரும் தேவனுடைய ஆலயமாக இருக்கின்றோம். "நீங்கள் தேவனுடைய ஆலயமாயிருக்கிறீர்களென்றும், தேவனுடைய ஆவி உங்களில் வாசமாயிருக்கிறாரென்றும் அறியாதிருக்கிறீர்களா?"( 1 கொரிந்தியர் 3 : 16 ) என்கின்றார் பவுல் அப்போஸ்தலர். இந்த உடலாகிய ஆலயத்தை நாம் கிறிஸ்துவால் அலங்கரிக்கவேண்டியது அவசியம். இதற்கு மாறாக, பணம், பொருள், அதிகாரம், புகழ் இவற்றைச் சேர்க்கும் தவறான முயற்சிகளில் ஈடுபடும்போதும், போதைப்பொருட்கள் மற்றும் உடலைக் கெடுக்கும் இதரச் பொருட்களைப் பயன்படுத்தும்போதும் நாம் இந்த ஆலயத்தைக் கெடுத்துக் கள்ளர்குகையாக மாற்றுகின்றோம் என்று பொருள். 

நாம் மிகத்தெளிவாக வேதாகமத்தில் வாசிக்கின்றோம், "உங்கள் சரீரமானது நீங்கள் தேவனாலே பெற்றும் உங்களில் தங்கியும் இருக்கிற பரிசுத்த ஆவியினுடைய ஆலயமாயிருக்கிறதென்றும், நீங்கள் உங்களுடையவர்கள் அல்ல என்றும் அறியீர்களா?" ( 1 கொரிந்தியர் 6 : 19 ) என்று. அதாவது, நாம் நம்முடையவர்கள் அல்ல. நாம் கிறிஸ்துவுக்கு உரிமையானவர்கள். நமது உள்ளத்தில் ஆண்டவராகிய கிறிஸ்து மட்டுமே தங்கிட இடம்தரவேண்டும். கிறிஸ்துவைத் தள்ளி இதர எந்த ஒரு பொருளுக்கும் நபருக்கும் நாம் முன்னுரிமை கொடுக்கும்போதும்  நாம் கள்ளர்களைப்போல கொள்ளைப்பொருட்களால் நம்மை  நிரப்புகின்றோம் என்று பொருள். 

மட்டுமல்ல, இப்படிச் செய்யும்போது நாம் தேவனுடைய ஆலயத்தைக் கெடுகின்றோம் என்று பொருள். "ஒருவன் தேவனுடைய ஆலயத்தைக் கெடுத்தால், அவனைத் தேவன் கெடுப்பார்; தேவனுடைய ஆலயம் பரிசுத்தமாயிருக்கிறது; நீங்களே அந்த ஆலயம்." ( 1 கொரிந்தியர் 3 : 17 )

நமது உடலாகிய ஆலயம் கிறிஸ்துவுக்கான ஜெபவீடு. அதனை கள்ளர்குகையாக்கிடாமல் பரிசுத்தமாய்க் காத்திட முயற்சியெடுப்போம். "ஸ்திரீகளும் மயிரைப் பின்னுதலினாலாவது, பொன்னினாலாவது, முத்துக்களினாலாவது, விலையேறப்பெற்ற வஸ்திரத்தினாலாவது தங்களை அலங்கரியாமல், தகுதியான வஸ்திரத்தினாலும், நாணத்தினாலும், தெளிந்த புத்தியினாலும், தேவபக்தியுள்ளவர்களென்று சொல்லிக்கொள்ளுகிற ஸ்திரீகளுக்கு ஏற்றபடியே நற்கிரியைகளினாலும், தங்களை அலங்கரிக்கவேண்டும்." ( 1 தீமோத்தேயு 2 : 9 -10 ) என்கின்றார் பவுல். இது பெண்களுக்கான அறிவுரை மட்டுமல்ல, அனைவருக்கும் பொதுவானதே. 

அன்பானவர்களே, நாம் நமது உடலாகிய ஆலயத்தை எப்படிப் பராமரிக்கின்றோம் என்று எண்ணிப்பார்ப்போம். நமது வெளி உடலை அலங்கரிக்கவும், தூய்மைப்படுத்தவும் நாம் பல்வேறு ஆடைகளையும் அழகுசாதனங்களையும் பயன்படுத்துகின்றோம். ஆனால் உள்ளான மனிதனை அலங்கரிக்க மறந்துவிடுகின்றோம். அதற்கான முயற்சிகளில் ஈடுபடவே இன்றைய தியான வசனம் நமக்கு அறிவுறுத்துகின்றது.  நமது உடல் ஆலயமாகிய ஜெபவீடு; அதனைக் கள்ளர்குகையாக மாற்றிடவேண்டாம். 

✒ சகோ. எம். ஜியோ பிரகாஷ் ✒️

🌅 AATHAVAN MEDITATION 🌅

No.: 2087 | Date: 26.10.2026

"…saying to them, 'It is written, "AND MY HOUSE SHALL BE A HOUSE OF PRAYER," but you have made it a ROBBERS' DEN.'" (Luke 19:46 - NASB)

Today's meditation verse quotes the words of Isaiah 56:7, highlighted by Jesus Christ. God has created everything in this world for a purpose. Nothing in His plan is unnecessary. However, when we fail to understand His purpose and act contrary to what He intended, we make mistakes, and at times, we commit sin.

The temple is a place to worship God. We must use it for worshiping Him and offering prayers—that is, strictly for holy purposes. Acting contrary to this means turning it into a robbers' den. Specifically, when individuals or the church uses the temple with the intent of accumulating money, it turns into a robbers' den.

Furthermore, based on New Testament truth, each of us is a temple of God. Apostle Paul asks, "Do you not know that you are a temple of God and that the Spirit of God dwells in you?" (1 Corinthians 3:16 - NASB). It is essential that we adorn this physical temple with Christ. Conversely, when we engage in wrong pursuits to hoard money, material wealth, power, and fame, or when we consume intoxicants and other harmful substances that defile the body, we ruin this temple and make it a robbers' den.

We read very clearly in the Bible: "Or do you not know that your body is a temple of the Holy Spirit within you, whom you have from God, and that you are not your own?" (1 1 Corinthians 6:19 - NASB). That is, we do not belong to ourselves; we belong to Christ. We must give space in our hearts for the Lord Christ alone to abide. When we push Christ aside and give priority to any other object or person, we fill ourselves with stolen goods like robbers.

Moreover, by doing so, we destroy God's temple. "If anyone destroys the temple of God, God will destroy that person; for the temple of God is holy, and that is what you are." (1 Corinthians 3:17 - NASB).

Our body, as a temple, is a house of prayer for Christ. Let us strive to keep it holy without turning it into a robbers' den. Paul says, "Likewise, I want women to adorn themselves with proper clothing, modestly and discreetly, not with braided hair and gold or pearls or costly garments, but rather by means of good works, as is proper for women making a claim to godliness." (1 Timothy 2:9-10 - NASB). This advice is not only for women; it applies to everyone.

Dearly beloved, let us examine how we maintain the temple of our body. We use various clothes and cosmetics to adorn and cleanse our outer body, but we forget to adorn the inner person. Today’s meditation verse urges us to make efforts toward that inner adornment. Our body is a house of prayer—a temple; let us not turn it into a robbers' den.

✦ 𝓖𝓮𝓸 𝓟𝓻𝓪𝓴𝓪𝓼𝓱 ✦