Meditation verse - யாக்கோபு 1 : 23, 24 / James 1:23–24

 ஆதவன் தியானம்

எண் :- 2077 - நாள் :- 16.10.2026

"என்னத்தினாலெனில், ஒருவன் திருவசனத்தைக்கேட்டும் அதன்படி செய்யாதவனானால், கண்ணாடியிலே தன் சுபாவமுகத்தைப் பார்க்கிற மனுஷனுக்கு ஒப்பாயிருப்பான்; அவன் தன்னைத்தானே பார்த்து, அவ்விடம்விட்டுப் போனவுடனே, தன் சாயல் இன்னதென்பதை மறந்துவிடுவான்." ( யாக்கோபு 1 : 23, 24 )

வேதாகமம் ஒரு கண்ணாடியைப்போல இருக்கின்றது. கண்ணாடி  நமது முகத்திலுள்ள குறைகளையும் அழுக்குகளையும் நமக்கு வெளிகாட்டித் தருவதுபோல் தேவ வார்த்தைகள் ஒவ்வொன்றும் நமது ஆத்துமாவின் குறைகளையும் அழுக்குகளையும் நமக்கு வெளிப்படுத்தித் தருகின்றன. 

நாம் வேதாகமத்தைக் கவனமாக  வாசிக்கும்போது நம்மிடமுள்ள குறைகள் நமக்குத் தெரியவரும். ஒருவன் திருவசனத்தைக்கேட்டும் அதன்படி செய்யாதவனானால், கண்ணாடியிலே வெறுமனே தனது முகத்தை மட்டும் பார்க்கிற மனுஷனுக்கு ஒப்பாயிருப்பான். அவன் கண்ணாடியைவிட்டு நகர்நது சென்றபின்னர் அதனை மறந்துவிடுவான். 

கண்ணாடியில் முகத்தைப்பார்த்துத் தங்களைத் திருத்தி அழகுபடுத்திக்கொள்வதில் பெண்கள் பெயர்பெற்றவர்கள். ஒரு திருமண வீட்டிற்கோ, இதர நிகழ்ச்சிகளுக்கோ செல்லவேண்டுமானால் அதற்குமுன் பலமணிநேரம் கண்ணாடிமுன்னின்று தங்களை அலங்கரித்துக்கொள்ள நேரத்தைச் செலவிடுவார்கள். ஆம் அன்பானவர்களே, கண்ணாடி நம்மிடம் இருப்பதைத் தெளிவாகக் காண்பித்துவிடும்.  

நாம் வெறுமனே கண்ணாடியைப்பார்த்து அப்புறமாகச் செல்லும் மனிதனைப்போலல்லாமல் தன்னை அலங்கரிக்கும் பெண் எப்படி அதனை உற்றுப்பார்த்துத் தன்னைத் திருத்திக்கொள்கின்றாளோ அப்படித் திருத்திக்கொள்பவர்களாக இருக்கவேண்டும் என்று அப்போஸ்தலரான யாக்கோபு கூறுகின்றார். இதனையே அவர் இன்றைய தியான வசனத்தைத் தொடர்ந்து, "சுயாதீனப்பிரமாணமாகிய பூரணப்பிரமாணத்தை உற்றுப்பார்த்து, அதிலே நிலைத்திருக்கிறவனே கேட்கிறதை மறக்கிறவனாயிராமல், அதற்கேற்ற கிரியை செய்கிறவனாயிருந்து, தன் செய்கையில் பாக்கியவானாயிருப்பான்." ( யாக்கோபு 1 : 25 ) என்று கூறுகின்றார். 

வேதாகமத்தை வாசிக்கும்போது, கண்ணாடியில் தனது முகத்தைப்பார்த்துவிட்டு நகர்ந்து செல்லும் மனிதனைப்போலல்லாமல் வேதாகமம் கூறும் பூரணப்பிரமாணத்தை உற்றுப்பார்த்து, அதிலே நிலைத்திருக்க்கவேண்டும். மட்டுமல்ல, அப்படி உற்றுப்பார்க்கும்போது தான் கண்டவற்றை  மறக்கிறவனாயிராமல், அதற்கேற்ற  செயல்களைச் செய்கிறவனாயிருக்கவேண்டும். அப்படிச் செய்கின்றவன் பாக்கியவானாயிருப்பான் என்று கூறுகின்றார். 

நாம் எப்படி வேதாகமத்தை வாசிக்கின்றோம் என்பதனை நிதானித்துப்பார்ப்போம். கடமைக்காக வாசிக்கின்றோமா? இல்லை, சிறு பிள்ளைகளாக இருந்தபோது பெற்றோர் நமக்குக் கற்பித்துள்ளபடியால் அந்த வழக்கமான செயல்முறையினால் வாசிக்கின்றோமா? அல்லது ஜோசியம் பார்ப்பதுபோல வேதாகமத்தைத் திறந்து முதலில் கண்ணில்படும் வசனத்தை நமக்கான தேவ வார்த்தையாக எண்ணிக்கொள்ளும் மனிதர்களாக இருக்கின்றோமா? 

இப்படி நாம் வேதாகமத்தை வசித்துக்கொண்டிருப்போமானால் கண்ணாடியிலே தன் சுபாவமுகத்தைப் பார்க்கிற சாதாரண மனுஷனுக்கு ஒப்பாயிருப்போம். அவன் கண்ணாடியைவிட்டு அப்புறம் சென்றவுடன் தன் சாயல் இன்னதென்பதை மறந்துவிடுவதுபோல நாமும் வாசித்தவற்றையும் மறந்துவிடுவோம். அப்படியானால் வேதாகமம் நமக்கு சாதாரண ஒரு கதைப் புத்தகம்போலாகிவிடும். 

வேதாகமத்தை உற்றுப்பார்த்து வாசித்து  அதிலே நிலைத்திருப்போமானால் வாசித்ததை  மறக்கிறவர்களாயிராமல்  அதற்கேற்ற செயல்களைச் செய்கிறவர்களாக இருப்போம். மட்டுமல்ல, அப்போது நமது செய்கையில் பாக்கியவான்களாயிருப்போம்.

✒ சகோ. எம். ஜியோ பிரகாஷ் ✒️

AATHAVAN MEDITATION

Number: 2077 | Date: 16.10.2026

"For if anyone is a hearer of the word and not a doer, he is like a man who looks at his natural face in a mirror; for once he has looked at himself and gone away, he has immediately forgotten what kind of person he was."— James 1:23–24

The Bible is like a mirror. Just as a mirror reveals the flaws and dirt on our face, every single word of God exposes the imperfections and uncleanness of our soul.

When we read the Bible attentively, our shortcomings become clear to us. If someone hears the word but does not do what it says, he is like a person who merely glances at his face in a mirror. As soon as he walks away from the mirror, he forgets all about it.

Women are well known for looking at themselves in the mirror to refine and beautify their appearance. Before going to a wedding or any other special function, they spend hours standing before a mirror to adorn themselves. Yes, dear friends, a mirror clearly shows us what is present on our face.

The Apostle James tells us that we should not be like the person who merely looks in the mirror and walks away; instead, we must be like a woman who examines herself carefully to correct and adorn her appearance. Continuing from today's meditation verse, he states:

"But one who has looked carefully at the perfect law, the law of freedom, and has continued in it, not having become a forgetful hearer but an active doer, this person will be blessed in what he does." — James 1:25 (NASB)

When reading the Bible, we must not be like the man who looks in the mirror and moves on; we ought to look intently into the perfect law spoken of in Scripture and remain in it. Furthermore, when we look into it carefully, we should not forget what we have seen, but put it into practice. The one who does so will be blessed in his actions.

Let us examine how we read the Bible. Do we read it merely out of obligation? Or do we read it out of routine habit simply because our parents taught us to do so in our childhood? Or are we like people who practice fortune-telling—opening the Bible at random and taking the first verse that catches our eye as God's word for us?

If this is how we read the Bible, we are like ordinary man looking at his natural face in a mirror. Just as he forgets what he looks like as soon as he steps away, we too will forget what we have read. If so, the Bible becomes nothing more than an ordinary storybook to us.

If we look intently into the Bible as we read and abide in it, we will not be forgetful hearers, but doers of the word. Moreover, we will then be blessed in all that we do.

✦ 𝓖𝓮𝓸 𝓟𝓻𝓪𝓴𝓪𝓼𝓱 ✦