🦋 Meditation verse - சகரியா 2 : 7, 8 / Zechariah 2:7, 8

 தியானம் - 2043

"ஆதவன்" செப்டம்பர் 12 சனி 2026

"பாபிலோன் குமாரத்தியினிடத்தில் குடியிருக்கிற சீயோனே, உன்னை விடுவித்துக்கொள். பிற்பாடு மகிமையுண்டாகும் என்று சேனைகளின் கர்த்தர் சொல்லுகிறார்; உங்களைக் கொள்ளையிட்ட ஜாதிகளிடத்துக்கு என்னை அனுப்பினார்; உங்களைத் தொடுகிறவன் அவருடைய கண்மணியைத் தொடுகிறான்." ( சகரியா 2 : 7, 8 )

நமது பாவ வாழ்க்கையிலிருந்து நாம் நம்மை விடுவித்துக்கொள்ளும்போது நமக்கு வாழ்க்கையில் மகிமை உண்டாகும் என்று இன்றைய தியான வசனம் மூலம் தேவன் நமக்கு அறிவுறுத்துகின்றார். 

பாபிலோன் என்பது அடிமைத்தனத்தைக் குறிக்கின்றது. இஸ்ரவேல் மக்கள் பாபிலோனியருக்கு அடிமைகளாக இருந்ததுபோல கர்த்தருக்கு என நியமிக்கப்பட்ட சீயோன் மக்களாகிய பலர் இன்று அறிந்தோ அறியாமலோ பாவத்துக்கு அடிமைகளாக இருக்கின்றோம். ஆம், பாவ சந்ததிகளாகிய பாபிலோன் வாழ்க்கை வாழும் மக்கள் மத்தியில் அவர்களைப்போல வாழ்ந்துகொண்டிருக்கின்றோம். 

இப்படி வாழும் மக்களைப்பார்த்து, "பாபிலோன் குமாரத்தியினிடத்தில் குடியிருக்கிற சீயோனே, உன்னை விடுவித்துக்கொள். பிற்பாடு மகிமையுண்டாகும் என்று சேனைகளின் கர்த்தர் சொல்லுகிறார்." அதாவது, பாபிலோன் வாழ்க்கை வாழும் மக்களைவிட்டு; அவர்களது பாவ பழக்கங்களை விட்டு, உன்னை விடுவித்துக்கொள். அப்போது உனது வாழ்க்கையில் புது மகிமையைக் காண்பாய் என்கின்றார். 

இப்படி நாம் நம்மை விடுவித்துக்கொள்ளும்போது நமக்கு ஆசீர்வாதம் உண்டு. இன்றைய தியான வசனத்தின் பிற்பகுதியில்  இதனைக் குறித்து கூறப்பட்டுள்ளது. நாம் பாபிலோன் வாழ்க்கையினை விட்டுவிடும்போது, இதுவரை உங்களை அடிமைப்படுத்தி கொள்ளையிட்ட பாபிலோனிடத்துக்கு நான் செல்வேன் என்று ஆவியானவர் கூறுகின்றார்; எனவே, அவர்கள் இனி உன்னை நெருங்க முடியாது.   மட்டுமல்ல, இனி நீங்கள் எனது கண்மணிபோல இருப்பீர்கள். உங்களை எவரும் இனித் தொடமுடியாது. இதனையே,  "உங்களைக் கொள்ளையிட்ட ஜாதிகளிடத்துக்கு என்னை அனுப்பினார்; உங்களைத் தொடுகிறவன் அவருடைய கண்மணியைத் தொடுகிறான்" என்கிறார் தேவனாகிய கர்த்தர். 

ஆம் அன்பானவர்களே, கர்த்தருக்கென்று நியமிக்கப்பட்ட சீயோன் மக்கள் நாம். இதனை உணர்ந்து நமது பாவ வாழ்க்கையினை விட்டு மனம்திரும்பி அவரிடம் வரவேண்டியது அவசியம். இன்று பலரும் தங்களது தொடர்ந்த துன்பங்கள், ஆசீர்வாதக் குறைவுகளுக்கான காரணம் புரியாமல் தொடர்ந்து பாபிலோன் வாழ்க்கை வாழ்ந்து கொண்டிருக்கின்றார்கள். அவர்களுக்கு இன்று தேவன் சகரியா மூலம்  "பாபிலோன் குமாரத்தியினிடத்தில் குடியிருக்கிற சீயோனே, உன்னை விடுவித்துக்கொள்" என அறைகூவல் விடுகின்றார். 

அப்படி விடுவித்துக்கொண்டபின் மகிமையுண்டாகும் என்று சேனைகளின் கர்த்தர் சொல்லுகிறார். மட்டுமல்ல, அதன்பின் எந்தத் துன்பங்களும் உங்களை மேற்கொள்ளாதவாறு கர்த்தர்  நான் காத்துக்கொள்வேன் என்கின்றார். காரணம், பாபிலோன் வாழ்க்கையிலிருந்து விடுவித்துக்கொண்ட  உங்களைத் தொடுகிறவன் அவருடைய கண்மணியைத் தொடுகிறான். அப்படித் தொடுகிறவனை அவர் விட்டுவிடமாட்டார். 

✍️ சகோ. எம். ஜியோ பிரகாஷ்  

Meditation - 2043

"AATHAVAN" | Saturday, September 12, 2026

"Ho, Zion! Escape, you who are living with the daughter of Babylon. For thus says the LORD of hosts, ‘After glory He has sent Me against the nations which plunder you, for he who touches you, touches the apple of His eye.’" (Zechariah 2:7, 8 - NASB)

Through today’s meditation verse, God instructs us that when we free ourselves from our sinful life, there will be glory in our lives.

Babylon signifies bondage. Just as the people of Israel were slaves to the Babylonians, many of us—the people of Zion appointed for the Lord—are today slaves to sin, whether knowingly or unknowingly. Yes, we are living like them, dwelling among a generation that lives a sinful "Babylonian" life.

Looking at people living this way, the Lord says, "Ho, Zion! Escape, you who are living with the daughter of Babylon. For thus says the LORD of hosts, ‘After glory...’" That is, free yourself from the people living a Babylonian life and from their sinful habits. When you do, He says you will see new glory in your life.

When we free ourselves in this manner, there is a blessing waiting for us. The latter part of today’s meditation verse speaks to this. The Spirit says that when we forsake the Babylonian life, He will go against the Babylon that has enslaved and plundered you thus far; therefore, they will no longer be able to come near you. Not only that, but from now on, you will be like the apple of His eye. No one will be able to touch you anymore. This is exactly what the Lord God means when He says, "He has sent Me against the nations which plunder you, for hewho touches you, touches the apple of His eye."

Yes, dear ones, we are the people of Zion, appointed for the Lord. Realizing this, it is essential for us to leave our sinful lives, repent, and return to Him. Today, many continue to live a Babylonian life without understanding the reason for their ongoing struggles and lack of blessings. To them, God gives a clarion call today through Zechariah: "Ho, Zion! Escape, you who are living with the daughter of Babylon."

The Lord of hosts promises that after you free yourself in this way, there will be glory. Moreover, the Lord says He will protect you so that no afflictions will overcome you thereafter. The reason is that anyone who touches you—you who have freed yourself from the Babylonian life—touches the apple of His eye. And He will never spare the one who touches you in such a way.

✍️ Bro. M. Geo Prakash  

🦋 Meditation verse - மத்தேயு 6 : 4 & 6:18 / Matthew 6:4 & 6:18

 தியானம் - 2042

"ஆதவன்" செப்டம்பர் 11 வெள்ளி 2026

"அப்பொழுது அந்தரங்கத்தில் பார்க்கிற உன் பிதா தாமே உனக்கு வெளியரங்கமாய்ப் பலனளிப்பார்." ( மத்தேயு 6 : 4 & 6:18)

மனிதர்களைப்போல தேவன் நம்மைப் பார்ப்பது கிடையாது. மனிதர்கள் பொதுவாக நமது அந்தஸ்து, திறமை, பதவி, பகட்டு இவைகளைக்கொண்டு நம்மை எடைபோடுகிறார்கள். இவற்றின் அடிப்படையிலேயே நம்மை மதிக்கின்றனர். ஆனால் தேவன் நமது அந்தரங்க வாழ்கையினைப் பார்க்கின்றார். குறிப்பாக நமது இருதயத்துச் சிந்தனைகளையும் எண்ணங்களையும் பார்க்கின்றார். 

தாவீதைத் தெரிந்துகொள்ளுமுன் கர்த்தர் சாமுவேலுக்கு இதனைத் தெளிவாகக் கூறினார். "கர்த்தர் சாமுவேலை நோக்கி: நீ இவனுடைய முகத்தையும், இவனுடைய சரீரவளர்ச்சியையும் பார்க்கவேண்டாம்; நான் இவனைப் புறக்கணித்தேன்; மனுஷன் பார்க்கிறபடி நான் பாரேன்; மனுஷன் முகத்தைப் பார்ப்பான்; கர்த்தரோ இருதயத்தைப் பார்க்கிறார் என்றார்" ( 1 சாமுவேல் 16 : 7 ) என்று நாம் வாசிக்கின்றோம். 

நாம் மற்றவர்களுக்குத் தெரியாமல் நமக்கும் தேவனுக்கும் மட்டும் தெரியும்படி நல்லச்  செயல்களைச் செய்யவேண்டும். நாம் ஜெபிப்பது, தர்மம் செய்வது, உபவாசம் மேற்கொள்வது இவைபோன்ற காரியங்களை அந்தரங்கமான முறையில் தேவனுக்கும் நமக்கும் மட்டும் தெரியும்படிச் செய்யவேண்டும் என்று இயேசு கிறிஸ்து கூறும்போது இன்றைய தியான வசனத்தைக் கூறினார். ஆம், இவைகளை நாம் அந்தரங்கமாகச் செய்யவேண்டும், "அப்பொழுது அந்தரங்கத்தில் பார்க்கிற உன் பிதா தாமே உனக்கு வெளியரங்கமாய்ப் பலனளிப்பார்" என்று கூறினார். 

ஆனால் மனிதர்கள் இதற்கு மாறாக, நல்லச் செயல்களை எல்லோரும் அறியும்படி பறைசாற்றுகின்றனர். பாவ காரியங்களையோ அந்தரங்கத்தில் இரகசியமாகச் செய்கின்றனர். அனால் அன்பானவர்களே, நல்ல செயலோ, கெட்ட செயலோ அனைத்தையும் தேவன் அந்தரங்கத்தில் பார்த்துக்கொண்டிருக்கிறார். நிச்சயமாக அவற்றுக்கு அவர் வெளியரங்கமான பலனளிப்பார்.  

"தேவன் அவனவனுடைய கிரியைகளுக்குத்தக்கதாய் அவனவனுக்குப் பலனளிப்பார். சோர்ந்துபோகாமல் நற்கிரியைகளைச்செய்து, மகிமையையும் கனத்தையும் அழியாமையையும் தேடுகிறவர்களுக்கு நித்தியஜீவனை அளிப்பார்." ( ரோமர் 2 : 6,7 )

ஆம் அன்பானவர்களே, நாம் செய்யும் செயல்கள் அனைத்தும் தேவனுக்குமுன் வெளியரங்கமாக இருக்கின்றன. நமது செயல்கள் ஒவ்வொன்றுக்கும் ஏற்ற பலன் உண்டு. எனவே நாம் எச்சரிக்கையாக இருக்கவேண்டியது அவசியம். நல்ல செயலோ கெட்ட செயலோ அனைத்தையும் தேவன் அந்தரங்கத்தில் பார்த்துக்கொண்டிருக்கின்றார். "அவருடைய பார்வைக்கு மறைவான சிருஷ்டி ஒன்றுமில்லை; சகலமும் அவருடைய, கண்களுக்குமுன்பாக நிர்வாணமாயும் வெளியரங்கமாயுமிருக்கிறது, அவருக்கே நாம் கணக்கு ஒப்புவிக்கவேண்டும்" ( எபிரெயர் 4 : 13 )

இறுதி நியாயத்தீர்ப்பு நாளில் நமது செயல்களுக்குத் தேவன் வெளியரங்கமான பதிலைத் தருவார். இறுதிநாளில் மட்டுமல்ல, அவர் விரும்பினால் நமது உலக வாழ்வில்கூட நாம் நமது செயல்களுக்கு ஏற்ற பலனை அவர் தருவதற்கு உண்மையும் கிருபையும் உள்ளவராகவே இருக்கின்றார். 

✍️ சகோ. எம். ஜியோ பிரகாஷ்  

Meditation - 2042

"AATHAVAN" | Friday, September 11, 2026

"and your Father who sees what is done in secret will reward you." (Matthew 6:4 & 6:18, NASB)

God does not look at us the way humans do. People generally judge us by our status, talent, position, and outward show; they value us based on these things. But God looks at our secret, inner life. Specifically, He looks at the deepest thoughts and intentions of our hearts.

Before choosing David, the Lord stated this clearly to Samuel. We read: "But the Lord said to Samuel, 'Do not look at his appearance or at the height of his stature, because I have rejected him; for God sees not as man sees, for man looks at the outward appearance, but the Lord looks at the heart.'" (1 Samuel 16:7, NASB).

We must do our good deeds in a way that is hidden from others, known only to ourselves and to God. Jesus Christ spoke today’s meditation verse when He instructed that things like our praying, charitable giving, and fasting should be done secretly. Yes, we must do these things in private, and He promised that "your Father who sees what is done in secret will reward you."

In contrast, human beings often trumpet their good deeds so that everyone will know about them, while committing sinful acts in secret. But beloved, whether it is a good deed or a bad deed, God is watching everything in secret. He will certainly give an open reward or consequence for them.

"who will render to each person according to his deeds: to those who by perseverance in doing good seek for glory and honour and immortality, eternal life;" (Romans 2:6-7, NASB)

Yes, beloved, all the deeds we do are out in the open before God. There is a corresponding consequence for every single one of our actions. Therefore, it is imperative that we remain careful. Whether a deed is good or bad, God is watching it all in secret. "And there is no creature hidden from His sight, but all things are open and laid bare to the eyes of Him with whom we have to do." (Hebrews 4:13, NASB).

On the day of final judgment, God will give a public response for our deeds. And not only on the final day—if He so wills, He is faithful and gracious enough to grant us the appropriate fruit of our actions even during our earthly life.

✍️ Bro. M. Geo Prakash  

🦋 Meditation verse - ஏசாயா 60 : 2 / Isaiah 60:2

 தியானம் - 2041

"ஆதவன்" செப்டம்பர் 10 வியாழன் 2026

"இதோ, இருள் பூமியையும், காரிருள் ஜனங்களையும் மூடும்; ஆனாலும் உன்மேல் கர்த்தர் உதிப்பார்; அவருடைய மகிமை உன்மேல் காணப்படும்." ( ஏசாயா 60 : 2 )

நேற்றைய தியானத்தில் நாம் இருளின் அந்தகாரத்தினின்று தம்முடைய ஆச்சரியமான ஒளியினிடத்திற்கு வரவழைத்த கர்த்தரைக்குறித்தும் அவர் நம்மை தெரிந்துகொள்ளப்பட்ட சந்ததியாயும், ராஜரீகமான ஆசாரியக்கூட்டமாயும், பரிசுத்த ஜாதியாயும், அவருக்குச் சொந்தமான ஜனமாயும் மாற்றியுள்ளார் என்றும்  பார்த்தோம். 

இன்றைய தியான வசனம், அப்படி நம்மைத் தனது ஒளியால் நிரம்பிய கர்த்தர் நம்மை மற்றவர்களிலிருந்து வேறுபடுத்தி மகிமைப்படுத்துவார் என்று கூறுகின்றது. அதாவது, கிறிஸ்துவின் ஒளி நம்மில் வரும்போது நாம் மற்றவர்களிலிருந்து வேறுபட்டு விளங்குவோம். மட்டுமல்ல, நாம் உலகத்துக்கு மறைவாக இருக்கமாட்டோம். இதனையே ஆண்டவராகிய இயேசு கிறிஸ்து, "நீங்கள் உலகத்துக்கு வெளிச்சமாயிருக்கிறீர்கள்; மலையின்மேல் இருக்கிற பட்டணம் மறைந்திருக்கமாட்டாது." ( மத்தேயு 5 : 14 ) என்று கூறினார். 

ஆம் அன்பானவர்களே, இருள் பூமியையும், காரிருள் ஜனங்களையும் மூடும்; ஆனாலும் நம்மேல் கர்த்தர் உதிப்பார்; அவருடைய மகிமை நம்மீது காணப்படும். அந்த மகிமையை மற்றவர்கள் பார்க்கும்படி அவர் நம்மை உயர்த்துவார். 

கிறிஸ்து தெரிந்துகொள்ளுமுன்  நம் ஆண்டவராகிய இயேசு கிறிஸ்துவின் சீடர்கள் யாரும் உலகிற்கு அறிமுகமானவர்களல்ல. அவர்கள் சாதாரண மனிதர்களோடு மனிதர்களாக வாழ்ந்துகொண்டிருந்தவர்கள். ஆனால் கிறிஸ்து அவர்கள்மேல் உதித்தபோது அவர்கள் மகிமையடைந்தனர். 

இன்று நாமும் இதற்காகவே கிறிஸ்துவால் அழைக்கப்பட்டுள்ளோம். கிறிஸ்துவின் ஒளியைப் பெற்றுக்கொண்ட நாம் அந்த ஒளியை மற்றவர்களுக்குக் கொடுக்கும்படி மலைமேல் உள்ள வெளிச்சமான பட்டணமாக விளங்கவேண்டும் என்று அவர் எதிர்பார்க்கின்றார். அப்படி நாம் விளங்கும்போது என்ன நடக்கும் என்பதனை இன்றைய தியான வசனத்தின் அடுத்த வசனமாக நாம், "உன் வெளிச்சத்தினிடத்துக்கு ஜாதிகளும், உதிக்கிற உன் ஒளியினிடத்துக்கு ராஜாக்களும் நடந்து வருவார்கள்."  ( ஏசாயா 60 : 3 ) என்று வாசிக்கின்றோம். 

இருளான இடத்தில் ஒரு ஒளி இருக்குமானால் அதனைத்தேடி அந்தச் சுற்றுவட்டாரத்திலுள்ள பூச்சிகளெல்லாம் ஓடிவரும். அதுபோல நாம் ஒளிகொடுப்பவர்களாக வாழும்போது ஜாதிகளும், உதிக்கிற உன் ஒளியினிடத்துக்கு ராஜாக்களும் நடந்து வருவார்கள்.

கிறிஸ்துவுக்குள் ஒளிகொடுப்பவர்களாக நாம் வாழும்போது இருள் பூமியையும், காரிருள் ஜனங்களையும் மூடினாலும் நம்மேல் கர்த்தர் உதிப்பார்; அவருடைய மகிமை நம்மேல் காணப்படும். அதாவது, உலகமெல்லாம் இருளுக்குள்ளும் அந்தகாரத்துக்குள்ளும் கிடந்தாலும் கர்த்தரது மகிமை நம்மேல் காணப்படும். 

இந்த ஒளியான இயேசு கிறிஸ்துவை நமது வாழ்வில் பெற்றுக்கொள்ள நாம் முயற்சியெடுக்கின்றோமா? இந்த மெய்யான ஒளி நமக்கு வேண்டும் எனும் ஆர்வம் நமக்கு இருக்கின்றதா? இந்த ஆர்வம் நமக்கு இருந்து உண்மையாக அவரைத் தேடுவோமானால், "உன்மேல் கர்த்தர் உதிப்பார்; அவருடைய மகிமை உன்மேல் காணப்படும்" என்கிறார் தேவனாகிய கர்த்தர். 

✍️சகோ. எம். ஜியோ பிரகாஷ் 

Meditation - 2041

"AATHAVAN" – September 10, Thursday, 2026

"For behold, darkness will cover the earth and deep darkness the peoples; but the Lord will rise upon you and His glory will appear upon you." (Isaiah 60:2, NASB)

In yesterday's meditation, we saw how the Lord called us out of darkness into His marvellous light, making us a chosen race, a royal priesthood, a holy nation, and a people for His own possession.

Today’s verse tells us that the Lord, who filled us with His light, will distinguish and glorify us above others. When the light of Christ enters us, we stand apart. Furthermore, we will not remain hidden from the world. As the Lord Jesus Christ said:

"You are the light of the world. A city set on a hill cannot be hidden." (Matthew 5:14, NASB)

Yes, beloved, darkness will cover the earth and deep darkness the peoples; but the Lord will rise upon us, and His glory will appear upon us. He will lift us up so that others may see that glory.

Before Christ chose them, none of the disciples of our Lord Jesus were known to the world. They lived as ordinary men among ordinary people. But when Christ rose upon them, they were glorified.

Today, we too are called for this very purpose. Having received the light of Christ, He expects us to shine as a city on a hill, giving that light to others. When we shine like this, what happens next? We read in the very next verse:

"Nations will come to your light, and kings to the brightness of your rising." (Isaiah 60:3, NASB)

When a light burns in a dark place, insects from all around swarm toward it. In the same way, when we live as light-bearers, nations and kings will walk toward the brightness of our rising.

When we live reflecting Christ's light, even if darkness covers the earth and deep darkness covers the people, the Lord will rise upon us and His glory will be seen upon us. Though the whole world lies in darkness and gloom, God's glory will be evident on us.

Are we striving to receive Jesus Christ—the true Light—in our lives? Do we harbour a genuine longing for this light? If we seek Him earnestly with this desire, the Lord God promises: "The Lord will rise upon you and His glory will appear upon you."

✍️ Bro. M. Geo Prakash  

🦋 Meditation verse - 1 பேதுரு 2 : 9 / 1 Peter 2:9

 தியானம் - 2040

"ஆதவன்" செப்டம்பர் 09 புதன் 2026

"நீங்களோ, உங்களை அந்தகாரத்தினின்று தம்முடைய ஆச்சரியமான ஒளியினிடத்திற்கு வரவழைத்தவருடைய புண்ணியங்களை அறிவிக்கும்படிக்குத் தெரிந்துகொள்ளப்பட்ட சந்ததியாயும், ராஜரீகமான ஆசாரியக்கூட்டமாயும், பரிசுத்த ஜாதியாயும், அவருக்குச் சொந்தமான ஜனமாயும் இருக்கிறீர்கள்." ( 1 பேதுரு 2 : 9 )

வெளிப்பார்வைக்கு எதுவும் தெரியாமல் இருந்தாலும் இந்த உலகம் அந்தகார இருளில் மூழ்கி இருக்கின்றது. எனவேதான் இன்று இருளின் செயல்பாடுகள் உலகினில் அதிகரித்துள்ளன. நாமும் ஒருகாலத்தில் இந்த இருளின் மக்களாகவே இருந்தோம். ஆனால், ஆண்டவராகிய இயேசு கிருபையால் நமது வாழ்க்கையில் வந்தபோது நமது அந்தகாரம் மாறியது. 

இப்போது நாம் அவருடைய ஆச்சரியமான ஒளிக்குள் வந்துள்ளோம். மட்டுமல்ல, அவர் நம்மைக் கடவுளால்  தெரிந்துகொள்ளப்பட்ட சந்ததியாயும், ராஜரீகமான ஆசாரியக்கூட்டமாயும், பரிசுத்த ஜாதியாயும், அவருக்குச் சொந்தமான ஜனமாயும் மாற்றியுள்ளார். 

நாம் யாராக இருந்தாலும், இன்று எவ்வளவு பெரிய அந்தகாரத்தினுள் இருந்தாலும் உலகின் ஒளியாகிய அவரால் நம்மை முற்றிலும் ஒளிமிக்கவர்களாக மாற்றிடமுடியும். இதனையே அப்போஸ்தலரான யோவான், "உலகத்திலே வந்து எந்த மனுஷனையும் பிரகாசிப்பிக்கிற ஒளியே அந்த மெய்யான ஒளி" ( யோவான் 1 : 9 ) என்று கூறுகின்றார். எனவே, எந்த மனிதனும் அவரது ஒளியைத் தேடினால் நிச்சயமாக அதனைக் கண்டடைவான்.

இப்படி அந்தகாரத்திலிருந்த நாம் இன்று மெய்யான ஒளியினிடம் வந்துள்ளதால் நாம் அந்த ஒளியை நமக்குள் மட்டும் வைத்துக்கொண்டு இருக்கக்கூடாது. ஏற்கெனவே நம்மைப்போல இருளில் இருக்கும் மற்றவர்களையும் அந்த ஒளியைநோக்கி வரச்செய்யவேண்டும். 

இதனையே இன்றைய தியான வசனத்தில் அப்போஸ்தலரான பேதுரு, உங்களை அந்தகாரத்தினின்று தம்முடைய ஆச்சரியமான ஒளியினிடத்திற்கு வரவழைத்தவருடைய புண்ணியங்களை அறிவிக்கும்படிக்கு என்று கூறுகின்றார். தேவன் நம்மைக் கடவுளால்  தெரிந்துகொள்ளப்பட்ட சந்ததியாயும், ராஜரீகமான ஆசாரியக்கூட்டமாயும், பரிசுத்த ஜாதியாயும், அவருக்குச் சொந்தமான ஜனமாயும் மாற்றியுள்ளது நாம் அவரை மற்றவர்களுக்கு அறிவிக்கவே. 

அவரை அறிவித்தல் என்றவுடன் எல்லோரும் வேதாகமத்தைக் கையில் எடுத்துக்கொண்டு போதிக்கவேண்டும் என்று பொருளல்ல. மாறாக, நமது பழைய அந்தகார வாழ்க்கையிலிருந்து நாம் மாறி ஒளியிடம் வந்துள்ளோம் என்பதனை நமது வாழ்க்கையினால் மற்றவர்களுக்கு அறிவிப்பதைக் குறிக்கின்றது. அதாவது, ஒரு சாட்சியுள்ள வாழ்க்கையினை தேவன் நம்மிடம் எதிர்பார்க்கின்றார். அப்படி சாட்சியாக வாழ்வதே அவரை அறிவித்தல். 

ஆம் அன்பானவர்களே, நாம் தெரிந்துகொள்ளப்பட்டவர்கள்,  ராஜரீகமான ஆசாரியக்கூட்டம், பரிசுத்த ஜாதி, அவருக்குச் சொந்தமான ஜனம். இந்த எண்ணம் எப்போதும் நமக்குள் இருக்கவேண்டியது அவசியம். 

✍️ சகோ. எம். ஜியோ பிரகாஷ்  

Meditation - 2040

"AATHAVAN" | September 09, Wednesday, 2026

"But you are a chosen race, a royal priesthood, a holy nation, a people for God’s own possession, so that you may proclaim the excellencies of Him who has called you out of darkness into His marvellous light." (1 Peter 2:9)

Even though it may not be readily apparent to the outward eye, this world is steeped in deep darkness. That is why the works of darkness are increasing in the world today. We too were once people of this darkness. But when the Lord Jesus entered our lives through His grace, our darkness was turned away.

Now, we have come into His marvellous light. Not only that, but God has transformed us into a chosen race, a royal priesthood, a holy nation, and a people for His own possession.

No matter who we are or how deep the darkness we find ourselves in today, the One who is the Light of the World can completely transform us into beings filled with light. The Apostle John speaks of this very truth:

"There was the true Light which, coming into the world, enlightens every man." (John 1:9)

Therefore, if any person seeks His light, they will surely find it.

Having come out of darkness and into the true Light, we must not keep this light solely to ourselves. We must lead others—who are currently in the darkness just as we once were—toward this light.

This is precisely what the Apostle Peter means in today's meditation verse when he says, "so that you may proclaim the excellencies of Him who has called you out of darkness into His marvellous light." The reason God has transformed us into a chosen race, a royal priesthood, a holy nation, and a people for His own possession is so that we may proclaim Him to others.

Proclaiming Him does not mean everyone must pick up a Bible and preach. Rather, it means demonstrating through our lives that we have turned away from our old life of darkness and entered into the light. In other words, God expects a faithful testimony from our lives. Living as such a witness is what it truly means to proclaim Him.

Yes, beloved ones, we are a chosen race, a royal priesthood, a holy nation, and a people for His own possession. It is vital that we keep this truth continually in our minds.

✍️ Bro. M. Geo Prakash  

🦋 Meditation verse - யோவான் 1 : 23 / John 1:23

 தியானம் - 2039

"ஆதவன்" செப்டம்பர் 08 செவ்வாய் 2026

"அதற்கு அவன்: கர்த்தருக்கு வழியைச் செவ்வைப்பண்ணுங்கள் என்று ஏசாயா தீர்க்கதரிசி சொன்னபடியே, நான் வனாந்தரத்திலே கூப்பிடுகிறவனுடைய சத்தமாயிருக்கிறேன் என்றான்." ( யோவான் 1 : 23 )

உலகின் மிகப்பெரிய வனாந்தரமாக அமேசான் காடுகள் உள்ளன. இந்தக் காட்டுப்பகுதிகளில் உள்ள சில இடங்களில் இன்றுவரை மனிதர்கள் யாரும் சென்றது கிடையாது. காரணம், மனிதர்கள் வாழ்வதற்குத் தகுதியற்ற இங்குள்ள கடினமான சூழ்நிலை. ஆம், வனாந்தரம் பல்வேறு இடர்கள் சூழ்ந்த இடம். பொதுவாக, இருளும் அந்தகாரமும்தான் வனாந்தர பகுதிகளில் நிலைத்திருக்கும். மட்டுமல்ல, பல்வேறு கொடிய விலங்குகளின் வாழ்விடமாக வானாந்தரம் இருக்கின்றது. பொதுவாக, மனிதர்கள் பாதுகாப்பாக நல்லமுறையில் வாழமுடியாத இடங்களே இவை.  

அன்பானவர்களே, இன்று மனிதர்கள் பலரது குடும்ப வாழ்க்கையும் தனிப்பட்ட வாழ்க்கையும் இதுபோல வனாந்தரமாகவே இருப்பதை நாம் உலகத்தில் பார்க்கலாம். வெளிப்பார்வைக்கு பகட்டாக நல்ல நிலையில் இருப்பதுபோலத் தெரிந்தாலும் இருள், அந்தகாரம், பாதுகாப்பற்றநிலை இவையே பலரது வாழ்க்கையாக இருக்கின்றது. இத்தகைய சூழல் மாறிட, "கர்த்தருக்கு வழியைச் செவ்வைப்பண்ணுங்கள்" என்று அறைகூவல் விடுக்கின்றார் யோவான்.  

நமது இருளான வனாந்தர வாழ்க்கை மாறவேண்டுமானால் நமது வாழ்வில் ஒளியாகிய ஆண்டவராகிய இயேசு கிறிஸ்து வரவேண்டியது அவசியம். அவர் நமக்குள் வருவதற்கு நமது வழிகளை நாம் மாற்றவேண்டியது அவசியமாய் இருக்கின்றது. 

இந்த உலகத்தில் மனிதர்கள் நாம்கூட அசுத்தமான இடங்களில் தங்கிட விரும்புவதில்லை. நம்மைச் சிலர்  எவ்வளவுதான் அன்புடன் உபசரித்தாலும், தங்களது வீட்டில் சில நாட்கள் தங்குமாறு  நம்மை வற்புறுத்தினாலும்  அவர்களது வீடுகளுக்குள் நாம் சென்று பார்த்தால் அங்குள்ள அசுத்தமான சூழ்நிலை நம்மை அங்குத் தங்கிட அனுமதிக்காது. ஆம் அன்பானவர்களே, இதுபோலவே தேவன் அசுத்தமான உள்ளங்களில் குடிவருவதில்லை. அவர் நமக்குள் வரவேண்டுமானால் முதலில் நமது உள்ளங்கள் தூய்மையடையவேண்டியது அவசியம். 

மேலும், நாம் தூய்மையான பாலை அசுத்தமான பாத்திரங்களில் சேமிப்பதில்லை. அப்படிச் சேமித்தால் சுத்தமான பால் கெட்டுப்போகும். எனவே, முதலில் பாத்திரத்தைத் தூய்மைப்படுத்தவேண்டியது அவசியம். 

இன்றைய தியான வசனம் யோவான் தன்னைக்குறித்து கூறும் சாட்சி வார்த்தைகளாகும். தன்னைப்பற்றி ஏசாயா தீர்க்கதரிசனமாகக் கூறியுள்ளபடி,  "கர்த்தருக்கு வழியைச் செவ்வைப்பண்ணுங்கள் என்று  நான் வனாந்தரத்திலே கூப்பிடுகிறவனுடைய சத்தமாயிருக்கிறேன்" என்கிறார் அவர். ஆம், உங்கள் வழிகளை செம்மைபண்ணுங்கள் அப்போது நான் உங்களுக்குள் வருவேன் என்று யோவான் மூலம் இன்று கூறுகின்றார்  தேவனாகிய கர்த்தர். 

கிறிஸ்து இயேசுவுக்கு மனப்பூர்வமாக நம்மை ஒப்புக்கொடுத்து நமது பாவங்களை அறிக்கையிட்டு மன்னிப்பை வேண்டும்போது நாம் தூய்மையாகின்றோம். ஆம், அப்போது யோவான் கூறியதுபோல, கர்த்தருக்கு வழியைச் செவ்வைப்பண்ணுகிறவர்கள்  ஆவோம்.  அப்போது அவர் நமக்குள் வருவார்.  அவர் நமக்குள் வரும்போது மட்டுமே நமது குடும்ப வாழ்க்கையிலும் தனிப்பட்ட வாழ்க்கையிலும் நாம் மாற்றத்தைக் காணமுடியும். அப்போது வனாந்தர இருள், அந்தகாரம், பாதுகாப்பற்றநிலை இவை மாறி நமது வாழ்வில் வசந்தம் வருவதைக் காணலாம்.  

"அவர் ஒளியிலிருக்கிறதுபோல நாமும் ஒளியிலே நடந்தால் ஒருவரோடொருவர் ஐக்கியப்பட்டிருப்போம்; அவருடைய குமாரனாகிய இயேசுகிறிஸ்துவின் இரத்தம் சகல பாவங்களையும் நீக்கி, நம்மைச் சுத்திகரிக்கும்." ( 1 யோவான்  1 : 7 ) 

✍️ சகோ. எம். ஜியோ பிரகாஷ்  

Meditation - 2039

"AATHAVAN" | Tuesday, September 08, 2026

"He said, 'I am a voice of one crying in the wilderness, "Make straight the way of the Lord," as Isaiah the prophet said.'" (John 1:23, NASB)

The Amazon rainforest stands as the largest wilderness in the world. Even today, humans have never set foot in certain parts of these dense jungle regions. The reason for this is the harsh and inhospitable environment. Indeed, the wilderness is a place surrounded by various dangers. Darkness and gloom generally dominate these wilderness areas, and they serve as habitats for many ferocious wild animals. In short, these are places where human beings cannot live safely or comfortably.

Dearly beloved, today we observe that the family and personal lives of many people in this world resemble such a wilderness. Even if everything appears prosperous and fine on the outside, darkness, spiritual blindness, and insecurity define their actual lives. To transform such a situation, John issues the clarion call: "Make straight the way of the Lord."

If our dark, wilderness-like lives are to change, the Lord Jesus Christ—the Light—must enter our lives. For Him to enter into us, it is essential that we reform and straighten our ways.

Even as human beings in this world, we do not wish to stay in filthy places. No matter how warmly someone welcomes us or insists that we stay in their home for a few days, if we see an unclean environment inside, we will not feel comfortable staying there. Yes, dearly beloved, in the same way, God does not dwell in unclean hearts. If He is to take up residence within us, our hearts must first be cleansed.

Furthermore, we do not pour clean milk into an unclean vessel. If we do, the pure milk will be spoiled. Therefore, it is necessary to clean the vessel first.

Today's meditation verse is the testimony John gave concerning himself. Fulfilling what the prophet Isaiah had foretold about him, he says, "I am a voice of one crying in the wilderness, 'Make straight the way of the Lord.'" Yes, through John, the Lord God says to us today: "Make your ways straight, and I will come into you."

When we sincerely surrender ourselves to Christ Jesus, confess our sins, and seek His forgiveness, we are cleansed and made pure. Then, as John declared, we become those who make straight the way for the Lord, and He comes to dwell within us. Only when He enters our lives can we experience true transformation in our family and personal lives. Then, the wilderness of darkness, obscurity, and insecurity will pass away, and a vibrant new spring will blossom in our lives.

"but if we walk in the Light as He Himself is in the Light, we have fellowship with one another, and the blood of Jesus His Son cleanses us from all sin." (1 John 1:7, NASB)

✍️ Bro. M. Geo Prakash  

🦋 Meditation verse - கலாத்தியர் 6 : 15 / Galatians 6:15

 தியானம் - 2038

"ஆதவன்" செப்டம்பர் 07 திங்கள் 2026

"கிறிஸ்து இயேசுவுக்குள் விருத்தசேதனமும் ஒன்றுமில்லை, விருத்தசேதனமில்லாமையும் ஒன்றுமில்லை; புது சிருஷ்டியே காரியம்." ( கலாத்தியர் 6 : 15 )

ஆரம்பகால கிறிஸ்தவர்களிடையே இருந்த மிக முக்கிய பிரச்சனை விருத்தசேதனம் செய்துகொள்வது சம்பந்தப்பட்ட போதனைகளே. பழைய ஏற்பாட்டு முறைமையின்படி, உண்மையான யூதன் என்பவன் விருத்தசேதனம் செய்தவனாக இருக்கவேண்டும். ஆதி கிறிஸ்தவர்களிடையே இதுகுறித்து மிகப்பெரிய விவாதங்களும் எழுந்ததுண்டு. ஆனால் அப்போஸ்தலராகிய பவுல் இவைபோன்ற எண்ணங்கள் தவறு என்று கூறுகின்றார். வெறுமனே கட்டளைகளைக் கடைபிடிப்பதால் மட்டும் எவரும் கடவுளுக்குமுன் நீதிமான்கள் ஆகிவிடுவதில்லை. கிறிஸ்து இயேசுவை விசுவாசித்து ஏற்றுக்கொள்ளும்போதுதான் நாம் நீதிமான்களாகமுடியும். 

"நியாயப்பிரமாணத்தினாலே ஒருவனும் தேவனிடத்தில் நீதிமானாகிறதில்லையென்பது வெளியரங்கமாயிருக்கிறது. ஏனெனில் விசுவாசத்தினாலே நீதிமான் பிழைப்பான் என்று எழுதியிருக்கிறதே." ( கலாத்தியர் 3 : 11 )

ஒரு மனிதன் கிறிஸ்துவினால் பாவங்கள் மன்னிக்கப்பட்டுப்  புதுப்பிறப்பாக மாறுவது முக்கியமேத்தவிர வெளியரங்கமான சில சடங்குகள் தேவையில்லை. காரணம், விருத்தசேதனம் செய்யாதவனும் தேவ நீதியைக் கைக்கொள்ளலாம். ஆம், "மேலும் விருத்தசேதனமில்லாதவன் நியாயப்பிரமாணத்துக்கேற்ற நீதிகளைக் கைக்கொண்டால், அவனுடைய விருத்தசேதனமில்லாமை விருத்தசேதனம் என்றெண்ணப்படுமல்லவா?" ( ரோமர் 2 : 26 )

சில சடங்குமுறைகள் மட்டும் ஒருவரை கடவுளுக்கு ஏற்புடையவராக மாற்றாது. உள்ளத்தில் ஒருவர் மாற்றம் பெறுவதே முக்கியம். "ஆதலால் புறம்பாக யூதனானவன் யூதனல்ல, புறம்பாக மாம்சத்தில் செய்யப்படும் விருத்தசேதனமும் விருத்தசேதனமல்ல. உள்ளத்திலே யூதனானவனே யூதன்; எழுத்தின்படி உண்டாகாமல், ஆவியின்படி இருதயத்தில் உண்டாகும் விருத்தசேதனமே விருத்தசேதனம்; இப்படிப்பட்டவனுக்குரிய புகழ்ச்சி மனுஷராலே அல்ல, தேவனாலே உண்டாயிருக்கிறது." ( ரோமர் 2 : 28, 29 )

ஆதிகால கிறிஸ்தவ சபைகளைப்போல இன்றும் பல கிறிஸ்தவ சபைகளும் ஊழியர்களும் இதுபோல பல்வேறு சடங்குகளைக் கைக்கொள்ள மக்களை வலியுறுத்துகின்றனர். ஒரு மனிதன் புதுப்படைப்பாக மாறுவது குறித்து போதித்து வழிநடத்துவதை விட்டு தாங்களாக சில உபதேசங்களைப் போதித்துக்கொண்டிருக்கின்றனர். 

இதற்கு ஒரு உதாரணம் இன்று சில சபைகள் வலியுறுத்தும் தசமபாக காணிக்கை குறித்த போதனைகள். குறிப்பாக இன்று சில கிறிஸ்தவ சபைகளில் தசமபாக காணிக்கை கொடுப்பது சம்பந்தமான போதனைகள் விருத்தசேதன போதனைப்போல ஆகிவிட்டதை மறுக்கமுடியாது. ஒருவர் தேவ ஆசீர்வாதம் பெறுவதற்கு அவர் தசம்பாக காணிக்கை கொடுக்காமல் இருப்பதே காரணம் என்று சிலர் போதிக்கின்றனர். தேவன் ஒருவர் தசமபாக காணிக்கைக் கொடுக்கின்றாரா இல்லையா என்று தேவன் பார்ப்பதில்லை. உண்மையான மனமாற்றம் பெற்று புதுப்படைப்பாக மாறியுள்ளாரா  என்றே பார்க்கின்றார். 

ஆம் அன்பானவர்களே, கிறிஸ்து இயேசுவுக்குள் காணிக்கை கொடுப்பதும் கொடுக்காமல் இருப்பதும் பிரச்சனையில்லை  புது சிருஷ்டியே காரியம்.  தலையை விட்டுவிட்டு வாலைப்பிடிப்பதைப்போல இன்று கிறிஸ்தவ ஊழியர்களில் பலரும் தலையான கிறிஸ்தவ  போதனைகளை விட்டுவிட்டு வாலைப் பிடித்துக்கொண்டிருக்கின்றனர். 

நமது பாவங்களை கிறிஸ்து இயேசுவிடம் அறிக்கையிட்டு அவரது இரத்தத்தால் கழுவப்படும் அனுபவத்தைப் பெறுவோம். இதுவே நாம் புதுப்படைப்பாக மாறிட முதல் தேவை; இதுவே மறுபடி பிறக்கும் அனுபவம். இதனையே இயேசு கிறிஸ்து வலியுறுத்தினார். ஆம், "இயேசு அவனுக்குப் (நிக்கொதேமுவுக்கு)  பிரதியுத்தரமாக: ஒருவன் மறுபடியும் பிறவாவிட்டால் தேவனுடைய ராஜ்யத்தைக் காணமாட்டான் என்று மெய்யாகவே மெய்யாகவே உனக்குச் சொல்லுகிறேன் என்றார்." ( யோவான் 3 : 3 )

✍️ சகோ. எம். ஜியோ பிரகாஷ்  

Meditation - 2038

"AATHAVAN" | Monday, September 07, 2026

"For neither is circumcision anything, nor uncircumcision, but a new creation." — Galatians 6:15

One of the most significant issues among the early Christians was the teaching concerning circumcision. According to Old Testament tradition, a true Jew had to be circumcised. This sparked intense debates among the early believers. However, the Apostle Paul declares such thinking to be wrong. No one becomes righteous before God merely by keeping legalistic commandments. We can only be justified when we believe in and accept Jesus Christ.

"Now that no one is justified by the Law before God is evident; for, 'THE RIGHTEOUS MAN SHALL LIVE BY FAITH.'" — Galatians 3:11

What truly matters is for a person to be forgiven of their sins by Christ and transformed through a new birth—external rituals are not required. A person who is uncircumcised can still keep the righteousness of God.

"So, if the uncircumcised man keeps the requirements of the Law, will not his uncircumcision be regarded as circumcision?" — Romans 2:26

Ritualistic observances alone cannot render anyone acceptable to God; inner transformation is what matters.

"For he is not a Jew who is one outwardly, nor is circumcision that which is outward in the flesh. But he is a Jew who is one inwardly; and circumcision is that which is of the heart, by the Spirit, not by the letter; and his praise is not from men, but from God." — Romans 2:28-29

Much like the early Christian churches, many churches and ministers today urge people to adhere to various rituals. Instead of teaching and guiding people on how to become a new creation, they propagate humanly devised doctrines.

A clear example of this is the teaching regarding tithing enforced by certain churches today. It cannot be denied that in some Christian congregations, teachings on tithing have become akin to the ancient doctrine of circumcision. Some teach that a person’s lack of divine blessing is due to not giving a tithe. However, God does not look at whether someone gives a tithe or not; He looks to see if they have experienced true repentance and become a new creation.

Yes, beloved, in Christ Jesus, whether one gives an offering or does not give an offering is not the issue—a new creation is what matters. Just like grabbing the tail instead of the head, many Christian ministers today have abandoned the core, head teachings of Christianity to chase after the tail.

Let us confess our sins to Jesus Christ and experience being cleansed by His blood. This is the primary requirement for us to be transformed into a new creation—this is the born-again experience. Jesus Christ Himself emphasized this:

"Jesus answered and said to him, 'Truly, truly, I say to you, unless one is born again, he cannot see the kingdom of God.'" — John 3:3

✍️ Bro. M. Geo Prakash  

🦋 Meditation verse - கொலோசெயர் 3 : 1 / Colossians 3:1

 தியானம் - 2037

"ஆதவன்" செப்டம்பர் 06 ஞாயிறு 2026

"நீங்கள் கிறிஸ்துவுடன்கூட எழுந்ததுண்டானால், கிறிஸ்து தேவனுடைய வலதுபாரிசத்தில் வீற்றிருக்கும் இடத்திலுள்ள மேலானவைகளைத் தேடுங்கள்." ( கொலோசெயர் 3 : 1 )

பிரபலமான ஊழியர் ஒருவரது தலைமை அலுவலகத்துக்கு ஒருமுறை சென்றிருந்தேன். அங்கு பணியிலிருந்த அலுவலர் என்னிடம் ஒரு விண்ணப்பத்தைக்கொடுத்து எதற்காக ஜெபிக்கும்படி சகோதரரைப் பார்க்க விரும்புகிறீர்கள் என்பதனை இந்தப் படிவத்தில் பூர்த்திசெய்து தாருங்கள் என்று கூறினார். அதில் சுமார் 15 பல்வேறு கோரிக்கைகள் அச்சிடப்பட்டிருந்தன. எல்லாமே உலகத் தேவைகளும், பிரச்சனைகளும்தான். இறுதியாக ஒரு கோரிக்கைமட்டும், "ஆன்மீக காரியங்களில் வளர்ச்சிபெற" என்று குறிப்பிடப்பட்டிருந்தது. 

அதாவது பிரபல ஊழியர் உலக காரியங்களையே மக்களிடம் பிரசங்கித்து அதற்காகவே ஜெபிக்கிறவராக இருக்கின்றார். இன்றைய தியான வசனம் இதற்கு முற்றிலும் வேறான ஆவிக்குரிய உண்மையினை நமக்கு எடுத்துக் கூறுவதாக உள்ளது. 

முதலில் நாம் பாவங்கள் மன்னிக்கப்பட்டு கிறிஸ்துவின் மீட்பு அனுபவத்தைப் பெறவேண்டியது அவசியம். இப்படி நமது பாவங்கள் மன்னிக்கப்பட்டு நாம் கிறிஸ்துவுக்குள்ளான மனிதர்களாக மாறிவிடும்போது பாவத்துக்கு மரித்தவர்களாகின்றோம்.  மட்டுமல்ல, கிறிஸ்து மரித்து உயிர்த்ததைப்போல நாமும் புது மனிதர்களாக உயிர்பெறுகின்றோம். இப்படி நாம் அவரது மரணத்திலும் உயிர்ப்பிலும் அவரோடுகூட இணைக்கப்பட்டவர்களாகின்றோம். இதுதான் ஆவிக்குரிய சத்தியம்.

ஞானஸ்நானம் இதற்கு ஒரு அடையாளமாக இருக்கின்றது. "ஞானஸ்நானத்திலே அவரோடேகூட அடக்கம் பண்ணப்பட்டவர்களாகவும், அதிலே அவரை மரித்தோரிலிருந்தெழுப்பின தேவனுடைய செயலின் மேலுள்ள விசுவாசத்தினாலே அவரோடகூட எழுந்தவர்களாகவும் இருக்கிறீர்கள்." ( கொலோசெயர் 2 : 12 ) என்று நாம் வாசிக்கின்றோம். 

இப்படி நாம் மெய்யான மனம்திரும்புதல்பெற்று ஞானஸ்நானம் பெறும்போது கிறிஸ்துவுடன் மரித்து நாமும் உயிர்தெழுந்துள்ளோம் என்று அறிக்கையிடுகின்றோம். உண்மையான ஆவிக்குரிய ஞானஸ்நானம் பெற்றவர்கள் கிறிஸ்துவுடன்கூட எழுந்த அனுபவத்துடன்  கிறிஸ்து தேவனுடைய வலதுபாரிசத்தில் வீற்றிருக்கும் இடத்திலுள்ள மேலானவைகளைத் தேடுகின்றவர்களாக இருப்பார்கள். 

நமக்கான நிலையான வீட்டினை ஏற்பாடுசெய்ய ஆண்டவராகிய இயேசு கிறிஸ்துச் சென்றுள்ளார். இதனையே ஆண்டவராகிய இயேசு கிறிஸ்து தனது சீடர்களுக்கு,  "என் பிதாவின் வீட்டில் அநேக வாசஸ்தலங்கள் உண்டு; அப்படியில்லாதிருந்தால், நான் உங்களுக்குச் சொல்லியிருப்பேன்; ஒரு ஸ்தலத்தை உங்களுக்காக ஆயத்தம்பண்ணப்போகிறேன். நான் போய் உங்களுக்காக ஸ்தலத்தை ஆயத்தம்பண்ணினபின்பு, நான் இருக்கிற இடத்திலே நீங்களும் இருக்கும்படி, நான் மறுபடியும் வந்து உங்களை என்னிடத்தில் சேர்த்துக்கொள்ளுவேன்" ( யோவான் 14 : 2, 3 ) என்று முன்னறிவித்தார். 

அப்போஸ்தலரான பவுலும், "பூமிக்குரிய கூடாரமாகிய நம்முடைய வீடு அழிந்துபோனாலும், தேவனால் கட்டப்பட்ட கைவேலையல்லாத நித்திய வீடு பரலோகத்தில் நமக்கு உண்டென்று அறிந்திருக்கிறோம்." ( 2 கொரிந்தியர் 5 : 1 ) என்கின்றார். நாம் கிறிஸ்துவுடன்கூட பாவத்துக்கு மரித்து ஜீவனுக்கென்று எழுந்தது உண்மையானால் இந்த நிதியவீட்டின்மேல் ஆர்வமுள்ளவர்களாக இருப்போம். இதனையே இன்றைய தியான வசனம் நமக்கு எடுத்துக்கூறுகின்றது. 

அதாவது, முதலில் நாம் கிறிஸ்துவுடன் மரிக்கவேண்டும்; புதிய மனிதர்களாக அவருக்குள் உயிர்ந்தெழவேண்டும். ஞானஸ்நானம் பெறுவதன்மூலம் அதனை வெளியரங்கமாக அறிக்கையிடுகின்றோம். "ஆகையால் கிறிஸ்துவுடனேகூட நாம் மரித்தோமானால், அவருடனே கூடப்பிழைத்தும் இருப்போம் என்று நம்புகிறோம்." ( ரோமர் 6 : 8 )

ஆம் அன்பானவர்களே, வெறும் உலக காரியங்களுக்காக ஜெபிக்கின்றவர்களாகவும் அவற்றையே வாழ்வில் தேடுகின்றவர்களாகவும் இல்லாமல், ஆவிக்குரிய மேலான காரியங்களையே நமது வாழ்வில் வாஞ்சிக்கிறவர்களாக இருப்போம். 

✍️ சகோ. எம். ஜியோ பிரகாஷ்  

Meditation - 2037

"AATHAVAN" | September 06, Sunday 2026

"Therefore, if you have been raised with Christ, keep seeking the things that are above, where Christ is, seated at the right hand of God." (Colossians 3:1, NASB)

I once visited the headquarters of a well-known minister. The staff member on duty handed me an application form and requested, "Please fill out this form stating why you would like to meet the brother for prayer." The sheet listed about 15 different prayer requests, almost all of which were centred around worldly needs and personal struggles. Only the very last option read: "To grow in spiritual matters."

This clearly reflected how that prominent minister primarily preached about earthly matters and focused his prayers on them. Today's meditation verse presents a spiritual reality that stands in stark contrast to such a mindset.

First, it is essential that our sins are forgiven and that we experience the redemption found in Christ. When our sins are forgiven and we are transformed into people in Christ, we become dead to sin. Not only that, but just as Christ died and rose again, we too come alive as new creations. In this way, we are united with Him in both His death and His resurrection. This is the core spiritual truth.

Water baptism serves as a visible sign of this reality. Scripture tells us:

"having been buried with Him in baptism, in which you were also raised with Him through faith in the working of God, who raised Him from the dead." (Colossians 2:12, NASB)

When we experience genuine repentance and undergo baptism, we publicly testify that we have died with Christ and have been raised with Him. Those who have experienced true spiritual baptism will live out this resurrection life by actively seeking the higher, heavenly things where Christ sits at the right hand of God.

Our Lord Jesus Christ has gone ahead to prepare an eternal home for us. He foretold this to His disciples:

"In My Father’s house are many dwelling places; if it were not so, I would have told you; for I go to prepare a place for you. If I go and prepare a place for you, I will come again and receive you to Myself, that where I am, there you may be also." (John 14:2–3, NASB)

The Apostle Paul affirms this same hope:

"For we know that if the earthly tent which is our house is torn down, we have a building from God, a house not made with hands, eternal in the heavens." (2 Corinthians 5:1, NASB)

If it is truly case that we have died to sin and been raised to new life with Christ, our deepest desires will be anchored in this eternal home. This is precisely what today’s meditation verse urges us to pursue.

Simply put, we must first die with Christ and then rise as new creations in Him—an inner transformation we publicly declare through baptism:

"Now if we have died with Christ, we believe that we shall also live with Him." (Romans 6:8, NASB)

Dear beloved, let us not be people who pray merely for temporal, earthly desires or spend our lives chasing worldly things. Instead, let us earnestly long for and pursue the higher, spiritual things of God.

✍️ Bro. M. Geo Prakash  

🦋 Meditation verse - பிலிப்பியர் 1 : 21 / Philippians 1:21

 தியானம் - 2036

"ஆதவன்" செப்டம்பர் 05 சனி 2026

"கிறிஸ்து எனக்கு ஜீவன், சாவு எனக்கு ஆதாயம்" ( பிலிப்பியர் 1 : 21 )

ருஷ்ய எழுத்தாளர் லியோ டால்ஸ்டாய் அவர்களது பிரபலமான ஒரு மேற்கோள், "ஒருவரை நீங்கள் நேசிக்கும்போது, ​​அவரை அவர் எப்படிப்பட்டவரோ அப்படியே நேசிக்கிறீர்கள்; மாறாக, அவர் எப்படி இருக்க வேண்டும் என்று நீங்கள் விரும்புகிறீர்களோ அப்படி அல்ல" என்பதாகும். ஆண்டவராகிய இயேசு கிறிஸ்து நம்மை இப்படித்தான் நேசித்தார். நாம் பரிசுத்தவான்கள் என்று அவர் நம்மை நேசிக்கவில்லை. நாம் பாவிகளாக இருக்கும்போதே நம்மை அவர் நேசித்தார். 

"நாம் பாவிகளாயிருக்கையில் கிறிஸ்து நமக்காக மரித்ததினாலே, தேவன் நம்மேல் வைத்த தமது அன்பை விளங்கப்பண்ணுகிறார்" ( ரோமர் 5 : 8 ) என்று நாம் வாசிக்கின்றோம். ஆம், இந்த உலகத்தில் நாம் ஒருவரை உண்மையாக நேசிக்கும்போது  ​​அவரை அவர் எப்படிப்பட்டவரோ அப்படியே நேசிக்கின்றோம். அப்படியே கிறிஸ்து நம்மை நேசித்தார். 

இதுபோல நாமும் அவரை எந்த நிபந்தையுமின்றி நேசிக்கவே அழைக்கப்படுகின்றோம். அந்த அன்பினால்தான் அப்போஸ்தலராகிய பவுல், "கிறிஸ்து எனக்கு உயிர்" என்கின்றார். இந்த உலகத்தில் காதலர்கள் பலர் தாங்கள் காதலிப்பவர்களைப் பார்த்து , "நீதான் என் உயிர்" என்று கூறும் வார்த்தைகள்தான் இவை. இப்படி நமது உயிராக நாம் கிறிஸ்துவை எண்ணி அன்புசெய்யவேண்டியது அவசியம். 

தொடர்ந்து பவுல் அப்போஸ்தலர், "சாவு எனக்கு ஆதாயம்" என்று கூறுகின்றார். இதற்கு நாம் இரண்டு பொருள் கூறலாம். ஆவிக்குரிய விதத்தில் கூறுவதென்றால், கிறிஸ்துவுக்காக நாம் பாவத்துக்கு மரிப்பது நமக்கு லாபமாகும். காரணம் நாம் அவரோடுகூட மறுமையில் நித்தியமாக வாழ்வதற்கு நாம் தகுதிபெறுகின்றோம். இன்னொருபொருள், கிறிஸ்துவுக்காக என்று உண்மையாகப் பணிச்செய்து மரிப்பது நமக்கு ஆதாயம். 

இப்படி நாம் கிறிஸ்துவை அன்புசெய்வோமானால் நமது வேறு எந்த உலக ஆசைக்கும் அவரைத் தேடமாட்டோம். கிறிஸ்துவின் பிரசன்னம் நம்மோடு இருக்கவேண்டும், அவர் நமக்குள் இருந்து நம்மை வழிநடத்தும் அனுபவம் நமக்கு நிரந்தரமாக வேண்டும் எனும் ஆசைகளே நமக்குள் எழும். 

சமீபத்தில் படித்தப்  பத்திரிகைச் செய்தி என்னைச் சிந்திக்கவைத்தது. தனது காதல் கைக்கூடாததால் ஒரு பெண் தற்கொலை செய்து மடிந்துபோனாள். அதனை அறிந்த அவளது காதலனும் தற்கொலை செய்துகொண்டான். சாகுமுன் அவன் எழுதிவைத்திருந்த கடிதத்தில், "அவளே எனது உயிராக இருந்தாள்;  அவளோடு சாவதே  எனக்கு நல்லது" என்று குறிப்பிட்டிருந்தான்.  ஆம், கிறிஸ்துவின்மேல் நாம் கொள்ளவேண்டிய அன்பு இதுபோல தூய்மையான காதல் உணர்வுடன் இருக்கவேண்டியது அவசியம். 

வேதாகமத்தின் உன்னத சங்கீதம் தேவனுடன் பக்தன் இந்த அனுபவத்துடன் பாடிய பாடல்களே. "கிறிஸ்து எனக்கு ஜீவன், சாவு எனக்கு ஆதாயம்" என்று நம்மால் கூறி வாழமுடியுமானால் நாம் மெய்யான ஆவிக்குரிய வாழ்க்கை வாழ்கின்றோம் என்று பொருள்.

✍️ சகோ. எம். ஜியோ பிரகாஷ் 

Meditation - 2036

"AATHAVAN" | Saturday, September 05, 2026

"For to me, to live is Christ and to die is gain." — Philippians 1:21

A famous quote by the Russian author Leo Tolstoy states, "When you love someone, you love the person as they are, and not as you'd like them to be." This is precisely how the Lord Jesus Christ loved us. He did not love us because we were holy; He loved us while we were still sinners.

We read, "But God demonstrates His own love toward us, in that while we were yet sinners, Christ died for us" (Romans 5:8). Indeed, when we truly love someone in this world, we accept and love them just as they are. Christ loved us in the exact same way.

Likewise, we are called to love Him unconditionally. It is out of such devotion that the Apostle Paul declares, "Christ is my life." These mirror the words lovers in this world often say to one another: "You are my very life." We must cherish and love Christ as our very life.

The Apostle Paul goes on to say, "To die is gain." We can understand this in two ways:

Spiritually: Dying to sin for the sake of Christ is our gain, as it makes us worthy to live with Him eternally in the life to come.

Ministerially: Faithfully serving Christ to the point of giving up our physical life for Him is ultimate gain.

If we love Christ with this depth, we will not seek Him for worldly desires. Instead, our hearts will burn with the longing to abide in His presence continuously and to experience His guidance from within.

A recent news article gave me pause for thought. A young woman committed suicide because her love went unfulfilled. Upon hearing the news, her lover also ended his life. In his suicide note, he wrote, "She was my very life; dying alongside her is better for me." Our love for Christ ought to carry that same pure, consuming passion.

The Song of Solomon in Holy Scripture reflects this exact devotion between the believer and God. If we can truly declare and live out, "For to me, to live is Christ and to die is gain," we are living a genuine spiritual life.

✍️ Bro. M. Geo Prakash