🦋 Meditation verse - ஏசாயா 38 : 12 / Isaiah 38:12

 💥"ஆதவன்" 🌳தியானம் - எண் 1918

📆2026 மே 09, சனி   

"என் ஆயுசு மேய்ப்பனுடைய கூடாரத்தைப்போல என்னைவிட்டுப் பெயர்ந்து போகிறது; நெய்கிறவன் பாவை அறுக்கிறதுபோல என் ஜீவனை அறுக்கக் கொடுக்கிறேன்; என்னைப் பாவிலிருந்து அறுத்துவிடுகிறார்; இன்று இரவுக்குள்ளே என்னை முடிவடையப்பண்ணுவீர்." ( ஏசாயா 38 : 12 )

எசேக்கியா ராஜா பிளவை நோயால் பாதிக்கப்பட்டு மரணத்துக்கு ஏதுவாக இருந்தார். அப்போது ஏசாயா தீர்க்கத்தரிசிமூலம் தேவன் அவரது இறப்பின் செய்தியை அறிவித்தார். அப்போது ஏசாக்கியா தேவனை நோக்கிக் கதறி கண்ணீரோடு ஜெபித்தார். அப்போது அவர் ஜெபித்ததைத்தான் தனது நோயிலிருந்து சுகமானபின்னர் எழுதிவைத்துள்ளார்.  அதன் ஒரு பகுதிதான் இன்றைய தியான வசனம். 

ஆடுமேய்க்கும் மேய்ப்பர்கள் கூடாரங்கள் போட்டுக் குறிப்பிட்டச் சில இடங்களில்  தங்குவார்கள். ஆனால் அது நிரந்தரமல்ல, மாறாகச் சில நாட்களுக்குப்பின்  அந்தக் கூடாரத்தை  பெயர்த்துக்கொண்டு இன்னொரு இடத்துக்குக் கடந்து செல்வார்கள். இதுபோலவே ஆடை நெய்கிறவர்கள் குறிப்பிட்ட புடவையோ வேஷ்டியோ நெய்து முடிந்ததும் தறியிலிருந்து நூலை அறுத்து விடுவார்கள்.  மனிதர்களது வாழ்க்கையும் இதுபோலவே இருக்கின்றது. மேய்ப்பர்கள் கூடாரத்தைப் பெயர்த்து வேறு இடத்துக்குச் செல்வதுபோல இந்த உடம்பாகிய கூடாரத்தை விட்டு நாம் கடந்து செல்லவேண்டும்; நமது உயிர் நெய்கிறவன் தறியிலிருந்து நூலை அறுத்துவிடுவதுபோல தேவனால் எப்போது வேண்டுமானாலும் அறுத்துவிடப்படலாம்.  

தனது வாழ்க்கை இப்படித்தான் இருக்கின்றது என்பதனை எசேக்கியா ராஜா உணர்ந்திருந்தார். "இன்று இரவுக்குள்ளே என்னை முடிவடையப்பண்ணுவீர்" என்று தனது மரணம் இந்த இரவிலேயே ஏற்படலாம் என்று எண்ணினார்.  எனவே, ஏசாயா தீர்க்கத்தரிசி அவரது மரணத்தைக்குறித்து தீர்க்கத்தரிசனம் கூறியதும்,  "நமுட்டைப்போலும்,       தகைவிலான் குருவியைப்போலும் கூவினேன், புறாவைப்போல் புலம்பினேன்; என் கண்கள் உயரப் பார்க்கிறதினால் பூத்துப்போயின; கர்த்தாவே, ஒடுங்கிப்போகிறேன்; என் காரியத்தை மேற்போட்டுக்கொள்ளும் என்றேன்." ( ஏசாயா 38 : 14 ) என்று தேவனை நோக்கித்  தான் ஜெபித்ததாகக் கூறுகின்றார்.

ஆம் அன்பானவர்களே, எசேக்கியாவின் இந்த விண்ணப்பத்தைக்  கேட்டு தேவன் அவரது ஆயுள் நாட்களை மேலும் பதினைந்து ஆண்டுகள் நீட்டித்துக்கொடுத்தார். அதனை அவர் "கர்த்தர் என்னை இரட்சிக்க வந்தார்; ஆகையால் எங்கள் ஜீவநாளெல்லாம் கர்த்தருடைய ஆலயத்திலே என் கீதவாத்தியங்களை வாசித்துப் பாடுவோம் என்று எழுதிவைத்தான்." ( ஏசாயா 38 : 20 ) என்று கூறப்பட்டுள்ளது. 

எசேக்கியாவின் வாழ்க்கை, அவர் தேவனுக்காகச் செய்த வைராக்கியமான செயல்பாடுகள், அவரது உருக்கமான வேண்டுதல்கள் போல நாம் வாழும் வாழ்க்கை, தேவனுக்காக நாம் செய்யும் செயல்பாடுகள், நமது இருதய பூர்வமான வேண்டுதல்கள் இவை அனைத்தையும் தேவன் பார்க்கின்றார்; கேட்கின்றார். அப்படிச் செய்யும்போது நமது மனக் கசப்புகளை நீக்குகின்றார். எல்லாவற்றுக்கும் மேலாக நமது பாவங்களை மன்னிக்கின்றார். அப்போது நாமும் எசேக்கியாவைப் போல "இதோ, சமாதானத்துக்குப் பதிலாக மகா கசப்பு வந்திருந்தது, தேவரீரோ என் ஆத்துமாவை நேசித்து அழிவின் குழிக்கு விலக்கினீர்; என் பாவங்களையெல்லாம் உமது முதுகுக்குப் பின்னாக எறிந்துவிட்டீர்." ( ஏசாயா 38 : 17 ) என்று நாமும் மகிழ்வுடன் கூறமுடியும். 

✍️ சகோ. எம். ஜியோ பிரகாஷ்                              

💥 "AATHAVAN" 🌳 Meditation – No. 1918

📆 Saturday, May 09, 2026

"Like a shepherd’s tent my dwelling is pulled up and removed from me; as a weaver I rolled up my life. He cuts me off from the loom; from day until night You make an end of me." (Isaiah 38:12)

King Hezekiah was suffering from a life-threatening boil and was at the point of death. At that time, God sent a message through the prophet Isaiah announcing his impending death. Upon hearing this, Hezekiah cried out to God and prayed with bitter tears. The verse we meditate on today is part of the writing he composed after he was healed from his illness, reflecting on his experience.

Shepherds pitch tents to stay in specific places for a time. However, these are not permanent dwellings; after a few days, they uproot the tent and move to another location. Similarly, when a weaver finishes weaving a specific garment or cloth, they cut the threads from the loom. Human life is much the same. Just as shepherds uproot their tents to move on, we must eventually depart from this "tent" of a body. Our life can be cut short by God at any moment, just as a weaver cuts the thread from the loom.

King Hezekiah deeply realized the fragile nature of his existence. He felt his end was so near that he thought, "From day until night You make an end of me," believing his death could occur that very night. Therefore, when Isaiah prophesied about his death, Hezekiah describes his prayer to God:

"Like a swallow, like a crane, so I twitter; I moan like a dove; my eyes look wistfully to the heights; O Lord, I am oppressed, be my security." (Isaiah 38:14)

Beloved, God heard Hezekiah’s humble petition and extended his life by fifteen years. Regarding this deliverance, it is written:

"The Lord will surely save me; so we will play my songs on stringed instruments all the days of our life at the house of the Lord." (Isaiah 38:20)

God sees the way we live, the zealous works we do for Him, and our heartfelt, soul-stirring prayers—just as He saw Hezekiah's. When we approach Him with sincerity, He removes our bitterness. Above all, He forgives our sins. When that happens, we too can say with joy, as Hezekiah did:

"Lo, for my own welfare I had great bitterness; it is You who has kept my soul from the pit of nothingness, for You have cast all my sins behind Your back." (Isaiah 38:17)

✍️ Bro. M. Geo Prakash