🦋 Meditation verse - மத்தேயு 10 : 29 / Matthew 10:29

💥"ஆதவன்" 🌳தியானம் - எண் 1933

📆2026 மே 24, ஞாயிறு        

         

"ஒரு காசுக்கு இரண்டு அடைக்கலான் குருவிகளை விற்கிறார்கள் அல்லவா? ஆயினும் உங்கள் பிதாவின் சித்தமில்லாமல், அவைகளில் ஒன்றாகிலும் தரையிலே விழாது." ( மத்தேயு 10 : 29 )

ஆண்டவராகிய இயேசு கிறிஸ்து கூறிய இன்றைய தியான வார்த்தையானது துன்பவேளைகளில் நமது விசுவாசத்தை நாம் காத்துக்கொள்ள உதவுவதாக இருக்கின்றது. சாதாரண அடைக்கலான்  குருவியை தரையில் விழுந்துவிடாமல் பாதுகாக்கும் தேவன் குருவிகளைவிட எத்தனையோ மடங்கு மேலான தான் உருவாக்கிய மனிதர்களை ஆழிந்துபோகவிடுவாரா?  நிச்சயமாக விடமாட்டார் எனும் நம்பிக்கையை இயேசு நமக்கு அளிக்கின்றார்.

ஒருமுறை ஒரு கடவுள் நம்பிக்கையற்ற மனிதன் துன்பத்தின் நெருக்கடியில் சோர்ந்துபோய் வாழ்க்கையில் இனி என்னசெய்வது என்று தெரியாமல் தற்கொலை செய்து மடிந்துவிடக்கூடிய நிலைக்கு வந்துவிட்டான். பல்வேறு நெருக்கடிகள், கடன்பாரங்கள், துன்பங்கள் அவனை வாட்டி வதைத்துக்கொண்டிருந்தன.  தனது நிர்ப்பாக்கிய நிலையினை எண்ணி வருந்தியவனாக வீட்டில் முடங்கி இருந்த அவனிடம் மனைவி கடையில் சென்று சில பொருட்களை வாங்கிவரச் சொன்னாள்.  அவன் அப்படியே பொருட்களை வாங்கிவிட்டு பத்துகாசுக்கு கடலையும் வாங்கிக்கொண்டான். 

அருகிலிருந்த பூங்காவில் அமர்ந்து கடலையைச் சாப்பிடத் துவங்கினான். அப்போது அந்தக் கடலை பொதியப்பட்டக் காகிதத்தில் இன்றைய தியான வசனம் இருப்பதை அவன் கண்டான். அதனைத் தொடர்ந்து அவன் வாசித்தபோது, "ஆதலால், பயப்படாதிருங்கள்; அநேகம் அடைக்கலான் குருவிகளைப்பார்க்கிலும் நீங்கள் விசேஷித்தவர்களாய் இருக்கிறீர்கள்."  ( மத்தேயு 10 : 31 ) என்று வார்த்தைகள் இருந்தன.

ஆண்டவராகிய இயேசு கிறிஸ்துவின் இந்த வார்த்தைகள் அவனுக்குள் புத்துணர்வினைக் கொடுத்தன. "உங்கள் பிதாவின் சித்தமில்லாமல், அவைகளில் ஒன்றாகிலும் தரையிலே விழாது" என்ற வரிகள் அவனுக்குள் மீண்டும் மீண்டும் ஒலித்துக்கொண்டிருந்தன. பிதாவின் சித்தமில்லாமல் ஒரு சிறு குருவியே விழாது என்று கூறும்போது, அவரது சித்தமில்லாமல் நான் எப்படி விழுவேன்? என்று எண்ணத் துவங்கினான்.  அவனது நண்பர் ஒருவர் ஆவிக்குரிய கிறிஸ்தவராக இருந்தார். அவர் பலமுறை அவனிடம் தேவனிப்பற்றி எடுத்துக்கூறியுள்ளார். அப்போதெல்லாம் அவரைக் கேலி செய்த இந்த மனிதனுக்கு அவரது நினைவு வந்தது. நேராக அவரது வீட்டிற்குச் சென்று தனது இந்த அனுபவத்தைக் கூறினான். பின்னர் அவரது வழிநடத்துதலின்படி மனம்திரும்பிய மனிதனாக மாறினான். அவனது வாழ்க்கையும் மாறியது.  

ஆம் அன்பானவர்களே, வேத வசனங்கள் எதுவும் ஆவியின் வல்லமை இல்லாதவையல்ல. ஒரு சிறு வார்த்தைகூட மனிதர்களை மாற்றிவிடும். பிதாவின் சித்தமில்லாமல், வேத வார்த்தைகள் ஒன்றாகிலும் வீணாகத்  தரையிலே விழாது.

இன்று சிறு குழந்தைகள் மற்றும் இளைஞர்கள் பல்வேறு காரணங்களுக்காகத் தற்கொலை செய்வதைப் பார்க்கின்றோம். தேர்வு எழுதப் பயந்து சிலர் தற்கொலை செய்துகொள்கின்றனர்; தேர்வு முடிவு வருவதற்குமுன் பயந்து சிலர் தற்கொலை செய்துகொள்கின்றனர்; இன்னு சிலர் தேர்வு முடிவு அவர்களுக்குத் தோல்வியாக இருந்ததால் தற்கொலை செய்கின்றனர்.  ஆம் நாம் நமது குழந்தைகளுக்கும் இளைஞர்களுக்கும் தேவனைக்குறித்து, அவரது வல்லமையினைக் குறித்து நாம்  அறிவிக்கும்போது இந்த வகையான விபரீதங்களுக்கு அவர்களைத் தப்புவிக்கலாம்.  

"இதோ, நான் புதிய காரியத்தைச் செய்கிறேன்; இப்பொழுதே அது தோன்றும்; நீங்கள் அதை அறியீர்களா? நான் வனாந்தரத்திலே வழியையும், அவாந்தரவெளியிலே ஆறுகளையும் உண்டாக்குவேன்." ( ஏசாயா 43 : 19 ) என்கின்றார் தேவனாகிய கர்த்தர். 

ஆம், ஒன்றினை நினைவில் வைத்துக்கொள்ளவேண்டும். தொழில் முயற்சியில் தோல்வி என்பது வாழ்க்கையின் தோல்வியல்ல; எடுத்தக் காரியம் தோல்வியில் முடிவது வாழ்க்கையின் தோல்வியல்ல; தேர்வில் தோல்வி நமது வாழ்க்கைத் தோல்வியல்ல.  அடைக்கலான் குருவிகளை தரையில் விழுந்துவிடாமல் காப்பாற்றும் தேவன் அவர்களைவிட மேலான மனிதர்களை நிச்சயம் வாழ்க்கையில் கீழே விழவிடமாட்டார். எனவே விசுவாசத்துடன் அவரைப் பற்றிக்கொள்வோம்.  

✍️ சகோ. எம். ஜியோ பிரகாஷ்        

💥 "AATHAVAN" 🌳 Meditation - No. 1933

📆 Sunday, May 24, 2026

"Are not two sparrows sold for a cent? And yet not one of them will fall to the ground apart from your Father." — Matthew 10:29 (NASB)

Today’s meditation word, spoken by the Lord Jesus Christ, helps us preserve our faith during times of suffering. The God who protects a simple sparrow from falling to the ground—will He allow human beings, whom He created and who are worth so many times more than sparrows, to perish? Jesus gives us the absolute assurance that He certainly will not.

Once, a man who did not believe in God became utterly exhausted by the pressures of suffering. Reaching a point where he did not know what to do next in life, he contemplated ending his life through suicide. Various crises, heavy burdens of debt, and afflictions were tormenting him. As he remained shut inside his house, grieving over his wretched condition, his wife asked him to go to the store to buy a few items. He bought the items as requested, and also purchased ten cents' worth of peanuts.

He sat down in a nearby park and began eating the peanuts. At that moment, he noticed that the paper wrap used to pack the peanuts had today's meditation verse printed on it. As he read further, the words said:

"Therefore, do not fear; you are more valuable than many sparrows." — Matthew 10:31 (NASB)

These words of the Lord Jesus Christ infused him with a new vitality. The lines "yet not one of them will fall to the ground apart from your Father" kept echoing inside him over and over again. He began to think, "When it is said that not even a tiny sparrow falls without the Father's will, how can I fall without His will?" He had a friend who was a spiritual Christian. That friend had spoken to him about God many times before, but this man had only mocked him back then. Now, he remembered him. He went straight to his friend's house, shared his experience, and subsequently—guided by his friend—became a repented man. His entire life was transformed.

Yes, dearly beloved, no word of Scripture is devoid of the Spirit's power. Even a single small word can transform a person. Apart from the Father's will, not a single word of Scripture will ever fall to the ground in vain.

Today, we see young children and youth committing suicide for various reasons. Some end their lives out of fear of writing exams; some out of fear before the results are announced; and still others because the results turned out to be a failure. Yes, when we declare God and His power to our children and youth, we can rescue them from such tragic, fatal decisions.

The Lord God says:

"Behold, I will do something new, Now it will spring forth; Will you not be aware of it? I will even make a roadway in the wilderness, Rivers in the desert." — Isaiah 43:19 (NASB)

Yes, we must keep one thing in mind: a failure in business is not the failure of life; a project ending in failure is not the failure of life; a failure in an exam is not our life's failure. The God who saves sparrows from falling to the ground will certainly not let human beings, who are far superior to them, fall down in life. Therefore, let us hold fast to Him in faith.

✍️ Bro. M. Geo Prakash