🦋 Meditation verse - சங்கீதம் 144 : 1 / Psalm 144:1

 💥"ஆதவன்" 🌳தியானம் - எண் 1924

📆2026 மே 15, வெள்ளி 

"என் கைகளைப் போருக்கும் என் விரல்களை யுத்தத்திற்கும் படிப்பிக்கிற என் கன்மலையாகிய கர்த்தருக்கு ஸ்தோத்திரம்." ( சங்கீதம் 144 : 1 )

எல்லா நாடுகளும் எதிரிகள் தங்களைத் தாக்கி அழித்துவிடாதபடி தங்களைத் தற்காத்துக்கொள்ள இராணுவத்துக்கு அதிக நிதியை ஒதுக்குகின்றனர். பல்வேறு நவீன ஆயுதங்களை தங்களது பாதுகாப்புக்கு எனத் தயாரிக்கின்றனர் அல்லது வாங்கி வைத்துள்ளனர். அவற்றைப் பயன்படுத்தத்  தங்களது வீரர்களுக்குப் பயிற்சியும் அளிக்கின்றனர். 

இதுபோலவே தேவன் தனது பிள்ளைகளுக்கு செய்கின்றார்; பயிற்சியும் அளிக்கின்றார். இன்றைய தியான வசனம் ஆவிக்குரிய போரைப்பற்றி குறிப்பிடுகின்றது. தாவீது அரசனாக இருந்து பல போர்களை நடத்தியவர். எனவே அவர் மனிதர்களின் ஆவிக்குரிய வாழ்வின் போராட்டத்தை போருக்கு ஒப்பிடுகின்றார். 

நாம் தேவனோடு ஐக்கியமுள்ளவர்களாக வாழும்போது இந்த ஆவிக்குரிய போராட்டத்தை மேற்கொள்ள தேவன் நமக்குப் பெலன் தருவார். தேவனே நம்மோடு இருந்து நம்மை இந்தப் போராட்டங்களிலிருந்து விடுபட வழி செய்வார். அதனையே, என் கைகளைப் போருக்கும் என் விரல்களை யுத்தத்திற்கும் படிப்பிக்கிற என் கன்மலையாகிய கர்த்தர் என்று தாவீது கூறுகின்றார். 

இந்த உலக வாழ்க்கையில் நமக்கு இரண்டுவித போராட்டங்கள் உண்டு. உலகப் பிரச்சனைகள், துன்பங்கள், நோய்கள் போன்ற உடல்சார்ந்த போராட்டங்கள்; ஆவிக்குரிய வாழ்வில் நம்மை தேவனை விட்டுப் பிரித்திட பிசாசு கொண்டுவரும் பாவப் போராட்டங்கள். இவற்றையே அப்போஸ்தலரான பவுல், "ஏனெனில், மாம்சத்தோடும் இரத்தத்தோடுமல்ல, துரைத்தனங்களோடும், அதிகாரங்களோடும், இப்பிரபஞ்சத்தின் அந்தகார லோகாதிபதிகளோடும், வானமண்டலங்களிலுள்ள பொல்லாத ஆவிகளின் சேனைகளோடும் நமக்குப் போராட்டம் உண்டு." ( எபேசியர் 6 : 12 ) என்று கூறுகின்றார். 

இன்றைய தியான வசனம் கர்த்தர் நமது கைகளையும் விரல்களையும் போருக்குப் படிப்பிக்கின்றார் என்று கூறுகின்றது.  தேவன் நமக்குப் பல போர் ஆயுதங்களைத் தந்துள்ளார். அவற்றை நாம் தகுந்த முறையில் பயன்படுத்த படிப்பிக்கவும் செய்கின்றார். "ஆகையால், தீங்குநாளிலே அவைகளை நீங்கள் எதிர்க்கவும், சகலத்தையும் செய்துமுடித்தவர்களாய் நிற்கவும் திராணியுள்ளவர்களாகும்படிக்கு, தேவனுடைய சர்வாயுதவர்க்கத்தையும் எடுத்துக்கொள்ளுங்கள்." ( எபேசியர் 6 : 13 ) என்று கூறப்பட்டுள்ளது. முதலில் இந்த ஆயுதங்களை எடுத்துக்கொள்ளவேண்டும்.பின்னர் அவற்றைத் தகுந்த முறையில் பயன்படுத்தவேண்டும்.

இந்த ஆவிக்குரிய போராயுதங்களைக்குறித்து நாம் எபேசியர் 6: 14 முதல் 17 வரையுள்ள வசனங்களில் வாசிக்கின்றோம். ஆம் இந்தப் போராயுதங்களை நாம் தகுதியான முறையில் பயன்படுத்த நம்மைப் பயிற்றுவிப்பவர் தேவனுடைய ஆவியானவர்தான். 

இன்று பலர் வாழ்க்கையில் சலிப்படைந்து தற்கொலை எனும் விபரீத முடிவைத் தேடிக்கொள்கின்றனர். காரணம் தேவனது ஐக்கியம் இல்லாததுதான். அவரோடு ஐக்கியமுள்ளவர்களாக வாழ்வோமானால் இன்றைய தியான வசனம் கூறுவதன்படி நமது கைகளையும் விரல்களையும் போராட்டத்துக்குத் தகுதிப்படுத்தி நம்மை வெற்றியுடன் நிலைநிறுத்துவார். 

இப்படி வல்லமையும் அன்புமுள்ள தேவன் நமக்கு இருப்பதால் அவருக்கு நாம் நன்றியுள்ளவர்களாக வாழவேண்டியது அவசியம். எனவேதான், "என் கன்மலையாகிய கர்த்தருக்கு ஸ்தோத்திரம்" என்கின்றார் சங்கீத ஆசிரியர். இந்த ஆயுதங்களை நாமும் பயன்படுத்தவும் அதன் மூலம் வெற்றிபெறவும் முடியும். எனவே, சங்கீத ஆசிரியருடன் சேர்ந்து நாமும் என் கன்மலையாகிய கர்த்தருக்கு ஸ்தோத்திரம் என்று சொல்லி நன்றியுள்ளவர்களாக வாழ்வோம்.  

✍️ சகோ. எம். ஜியோ பிரகாஷ்

💥 "AATHAVAN" 🌳 Meditation – No. 1924

📆 May 15, 2026, Friday

"Blessed be the Lord, my rock, who trains my hands for war, and my fingers for battle."— Psalm 144:1

Every nation allocates significant funds to its military to defend itself from enemy attacks and destruction. They manufacture or purchase various modern weapons for their protection and provide rigorous training to their soldiers on how to use them.

In the same way, God acts for His children; He provides them with training. Today’s meditation verse refers to spiritual warfare. David, as a king, led many physical battles. Therefore, he compares the struggles of a human's spiritual life to war.

When we live in fellowship with God, He gives us the strength to overcome this spiritual struggle. God Himself stays with us and paves the way for our deliverance from these conflicts. This is why David says, "Blessed be the Lord, my rock, who trains my hands for war, and my fingers for battle."

In this worldly life, we face two types of struggles:

1. Physical struggles: Worldly problems, sufferings, and diseases.
2. Spiritual struggles: The battle against sin brought by the devil to separate us from God.

Regarding this, the Apostle Paul says:

"For our struggle is not against flesh and blood, but against the rulers, against the powers, against the world forces of this darkness, against the spiritual forces of wickedness in the heavenly places." — Ephesians 6:12

Today’s meditation verse tells us that the Lord trains our hands and fingers for war. God has given us many weapons of warfare, and He also teaches us how to use them appropriately. It is written:

"Therefore, take up the full armour of God, so that you will be able to resist in the evil day, and having done everything, to stand firm." — Ephesians 6:13

First, we must take up these weapons. Then, we must use them in the right manner. We read about these spiritual weapons of war in Ephesians 6:14–17. Indeed, it is the Spirit of God who trains us to use these weapons effectively.

Today, many people become weary of life and seek the disastrous end of suicide. The reason for this is a lack of fellowship with God. If we live in fellowship with Him, as today's meditation verse says, He will equip our hands and fingers for the struggle and establish us in victory.

Since we have such a powerful and loving God, it is essential that we live with gratitude toward Him. This is why the Psalmist says, "Blessed be the Lord, my rock." We too can use these weapons and achieve victory through them. Therefore, let us join the Psalmist in saying, "Blessed be the Lord, my rock," and live as grateful people.

✍️ Bro. M. Geo Prakash