🦋 Meditation verse - எரேமியா 23 : 24 / Jeremiah 23:24

💥"ஆதவன்" 🌳தியானம் - எண் 1931

📆2026 மே 22, வெள்ளி       

"எவனாகிலும் தன்னை நான் காணாதபடிக்கு மறைவிடங்களில் ஒளித்துக்கொள்ளக்கூடுமோ என்று கர்த்தர் சொல்லுகிறார்; நான் வானத்தையும் பூமியையும் நிரப்புகிறவர் அல்லவோ என்று கர்த்தர் சொல்லுகிறார்." ( எரேமியா 23 : 24 )

இந்த உலகினில் துன்மார்க்கச்செயல்களைச் செய்யும் பலரும் அவற்றை பிறரிடமிருந்து மறைப்பதற்கும் நீதிமன்றங்களிலிருந்து தண்டனைகளைப் பெறுவதைத் தவிர்க்கவும் பல்வேறு குறுக்கு வழிகளையும் உபாயங்களையும்  கையாண்டு அவற்றில் வெற்றியும் பெற்றுவிடுகின்றனர்.

கொலை, கற்பழிப்பு, களவு, ஊழல் செய்த பலரும்கூட தண்டனைகளிலிருந்து தப்பிப்பது மட்டுமல்ல, பெரிய பதவிகளும் வகிக்கின்றனர். அவர்களது மனதினில் தங்களை யாரும் கவனிக்கவில்லை, தாங்கள் நல்லவர்கள் என்று மக்கள் நம்புகின்றனர் எனும் எண்ணமே இருக்கின்றது. தங்களது அவலட்சணமான குணங்களைக்குறித்து அவர்கள் கவலைப்படுவதுமில்லை. 

இன்றைய தியான வசனத்தில் அத்தகைய துன்மார்க்கர்களைப்பார்த்துத் தேவன், "எவனாகிலும் தன்னை நான் காணாதபடிக்கு மறைவிடங்களில் ஒளித்துக் கொள்ளக்கூடுமோ நான்  வானத்தையும் பூமியையும் நிரப்புகிறவர் அல்லவோ" என்று கூறுகின்றார். "அவருடைய பார்வைக்கு மறைவான சிருஷ்டி ஒன்றுமில்லை; சகலமும் அவருடைய, கண்களுக்குமுன்பாக நிர்வாணமாயும் வெளியரங்கமாயுமிருக்கிறது, அவருக்கே நாம் கணக்கு ஒப்புவிக்கவேண்டும்." ( எபிரெயர் 4 : 13 )

உலக நீதிபதிகள்முன் லஞ்சம் கொடுத்தும் அதிகாரத்தைப் பயன்படுத்தியும் தண்டனைகளுக்குத் தப்பலாம். ஆனால் சர்வ லோகத்தையும் படைத்த தேவனுக்குமுன் இவை எதுவும் நம்மைத் தப்புவிக்காது. 

ஆனால் பொதுவாக, பணம், அதிகாரம் இவை மனிதர்களின் மனக்கண்களைக் குருடாக்கிவிடுகின்றன. எனவே அவர்கள் தங்களது துன்மார்க்கத்திலேயே வாழ்வைத் தொடர்கின்றனர். ஆழ்மனதில் மனச்சாட்சியின் உறுத்தல் இருப்பதால் அவ்வப்போது கடவுளுக்கு என்று பல்வேறு காணிக்கைகளையும் நேர்ச்சைகளையும் செலுத்திக் கொண்டிருக்கின்றனர். கைகளில் பல்வேறு மந்திரித்தக் கயிறுகளையும் தாயத்துகளையும் கட்டிக்கொள்கின்றனர். 

அன்பானவர்களே, இன்றைய தியான வசனம் துன்மார்க்கர்களுக்கு மட்டும் எச்சரிக்கைக் கொடுக்கவில்லை: ஆவிக்குரிய மக்களாகிய நாமும்கூட எச்சரிக்கையுடன் வாழவேண்டியது அவசியம் எனும் எச்சரிப்பைத் தருகின்றது. இதனால்தான் சங்கீத ஆசிரியர், "உம்முடைய ஆவிக்கு மறைவாக எங்கே போவேன்? உம்முடைய சமுகத்தைவிட்டு எங்கே ஓடுவேன்? நான் வானத்திற்கு ஏறினாலும், நீர் அங்கே இருக்கிறீர்; நான் பாதாளத்தில் படுக்கை போட்டாலும், நீர் அங்கேயும் இருக்கிறீர்." ( சங்கீதம் 139 : 7, 8 ) என்று கூறுகின்றார். 

எனவே நாம் கர்த்தருக்குப் பயந்த வாழ்க்கை வாழவேண்டியது அவசியம். பயந்த வாழ்க்கை என்றவுடன் எப்போதும் நடுநடுங்கி நாம் வாழவேண்டும் என்று பொருளல்ல, மாறாக "தீமையை வெறுப்பதே கர்த்தருக்குப் பயப்படும் பயம்" என்று வேதம் கூறுகின்றது.  அதன்படி தீமையான காரியங்களுக்கு விலகி நாம் வாழவேண்டியது அவசியம்.  

பல்வேறு மலர் மாலைகளையும் நறுமணப்பொருட்களையும் அகர்பத்திகளையும் தேவனுக்கென்று படைப்பதையல்ல, மாறாக நமது நறுமணமான வாழ்க்கையை நாம் அவருக்குமுன் காண்பிப்பதையே தேவன் விரும்புகின்றார். ஆம், "கர்த்தருக்குப் பயப்படுதல் அவருக்கு உகந்த வாசனையாயிருக்கும்"  ( ஏசாயா 11 : 3 ) என்று கூறியுள்ளபடி நாம் அவருக்கு  வாசனையைத் தருபவர்களாக வாழவேண்டியது அவசியம். 

வானத்தையும் பூமியையும் நிரப்புகிற தேவனாகிய கர்த்தருக்குமுன் ஒளிவு மறைவற்ற நேர்மையான தூய வாழ்க்கை வாழ நம்மை அவருக்கு ஜீவபலியாக ஒப்புக்கொடுப்போம். 

✍️ சகோ. எம். ஜியோ பிரகாஷ்       

💥 "AATHAVAN" 🌳 Meditation - No. 1931

📆 Friday, May 22, 2026

“Can a person hide himself in hidden places so that I do not see him?” declares the Lord. “Do I not fill the heavens and the earth?” declares the Lord. (Jeremiah 23:24)

In this world, many who commit wicked acts employ various shortcuts and clever schemes to hide their deeds from others and avoid facing punishment from the courts. They even find success in doing so.

Many who have committed murder, sexual assault, theft, and corruption not only escape punishment but also hold high positions. In their minds, they believe that no one is watching them and that people believe they are good. They do not care about their own wretched character.

In today’s meditation verse, God looks at such wicked people and says: “Can a person hide himself in hidden places so that I do not see him? Do I not fill the heavens and the earth?”

“And there is no creature hidden from His sight, but all things are open and laid bare to the eyes of Him with whom we have to do”. (Hebrews 4:13)

Before earthly judges, one can escape punishment by offering bribes or using political power. But before God, the Creator of the entire universe, none of these things will deliver us.

Generally, however, wealth and power blind the spiritual eyes of human beings. Consequently, they continue to live in their wickedness. Because they feel the pricks of conscience deep within, they occasionally offer various offerings and vows to God. They tie various enchanted threads and amulets around their hands.

Beloved, today’s meditation verse does not give a warning to the wicked alone; it also warns us, as spiritual people, that we must live with caution. This is why the Psalmist says:

“Where can I go from Your Spirit? Or where can I flee from Your presence? If I ascend to heaven, You are there; If I make my bed in Sheol, behold, You are there”. (Psalm 139:7-8)

Therefore, it is essential for us to live a life fearing the Lord. When we say a "fearing life," it does not mean we must live in constant trembling. Rather, the Scripture says, "The fear of the Lord is to hate evil." Accordingly, it is vital that we keep away from evil things.

God does not desire that we offer various flower garlands, perfumes, and incense sticks to Him; instead, He desires that we display a fragrant life before Him. Yes, just as it is written, "And He will delight in the fear of the Lord" (Isaiah 11:3), it is essential that we live our lives bringing a sweet aroma to Him.

Let us commit ourselves as a living sacrifice to the Lord God, who fills the heavens and the earth, so that we may live an honest, pure life without any concealment.

✍️ Bro. M. Geo Prakash