🦋 Meditation verse - ஏசாயா 25 : 4 / Isaiah 25:4

💥"ஆதவன்" 🌳தியானம் - எண் 1928

📆2026 மே 19, செவ்வாய்    

"கொடூரமானவர்களின் சீறல் மதிலை மோதியடிக்கிற பெருவெள்ளத்தைப்போல் இருக்கையில், நீர் ஏழைக்குப் பெலனும், நெருக்கப்படுகிற எளியவனுக்குத் திடனும், பெருவெள்ளத்துக்குத் தப்பும் அடைக்கலமும், வெயிலுக்கு ஒதுங்கும் நிழலுமானீர்." ( ஏசாயா 25 : 4 )

 

தமிழ்நாட்டில் டிசம்பர் 26,  2004 அன்று சுனாமி தாக்கியதை நம்மில் யாரும் மறந்திருக்கமாட்டோம். அப்போது கடல் அலைகள் பனைமர அளவிற்கும் மேலான உயரத்தில் எழும்பி கரையைநோக்கி வந்து மிகப்பெரிய அழிவினை உண்டாக்கின.  சுமார் 8000 க்கும் மேற்பட்ட மக்கள் இதனால் உயிரிழந்தனர். இதுதவிர, கோடிக்கணக்கான பணமதிப்புள்ள சொத்துக்கள் நாசமாகின.

கொடூரமானவர்களின் சீறல் இதுபோன்றதே என்று இன்றைய தியான வசனம் கூறுகின்றது. அது மதிலை மோதியடிக்கும் பெருவெள்ளத்தைப்போல இருக்கின்றது. இவர்களால் ஏற்படும் அழிவும் சுனாமி அழிவு போன்றதே. பல கொடுங்கோல் மன்னர்கள் மற்றும் ஆட்சியாளர்கள் இப்படி இருந்திருக்கின்றனர். ஆனால் இத்தகைய கொடூரமான நேரங்களில் கர்த்தர் பாதிக்கப்படும் ஏழைகளுக்கு பெலனும், நெருக்கப்படுகிற எளியவனுக்குத் திடனும், பெருவெள்ளத்துக்குத் தப்பும் அடைக்கலமும், வெயிலுக்கு ஒதுங்கும் நிழலுமாக இருந்திருக்கின்றார்.  

சென்ற நூற்றாண்டுகளில் ரஷ்யா சீனா போன்ற நாடுகளில் கிறிஸ்தவர்கள்மேல் ஒடுக்குதலும் நொறுக்குதலும் மிகக்கடுமையாக இருந்தது. பலர் உயிரிழந்தனர். கிறிஸ்தவ ஆலயங்கள் நொறுக்கப்பட்டு  வேதாகமங்கள் எரிக்கப்பட்டன. ஆனாலும் பல விசுவாசிகள் விசுவாசத்தைக்  காத்துக்கொண்டு வாழ்ந்தனர். இதுபோல ஹிட்லரின் கொடுங்கோல் சட்டங்களுக்கும் தண்டனைகளுக்கும் பலர் பலியானாலும் அவர்களில் பலரை தேவன் அதிசயமான வழிகளில் பாதுகாத்தச் செய்திகள் பல உண்டு. 

இதுபோல தாவீது ராஜாவின் ஆரம்ப நாட்களில் அவரை அழித்திட மோதியடிக்கிற வெள்ளத்தைப்போல பல எதிரிகள் எழுந்தனர். ஆனால் தேவன் அவரை அவர்களது கைகளுக்குத் தப்புவித்தார். இதனால்தான் அவர், "கர்த்தர் என் பெலனும் என் கேடகமுமாயிருக்கிறார்; என் இருதயம் அவரை நம்பியிருந்தது; நான் சகாயம் பெற்றேன்; ஆகையால் என் இருதயம் களிகூருகிறது; என் பாட்டினால் அவரைத் துதிப்பேன்." ( சங்கீதம் 28 : 7 ) என்று கூறுகின்றார். 

ஆம் அன்பானவர்களே, எத்தனை பெரிய சத்துருவாக இருந்தாலும் கர்த்தரது பெயருக்குமுன் அவைகள் நிற்கமுடியாது. அத்தகையச் சத்துருக்களின் முன் கர்த்தருடைய வெற்றிக்கொடி பறக்கும். இதனை நாம், "அப்பொழுது சூரியன் அஸ்தமிக்குந்திசைதொடங்கி கர்த்தரின் நாமத்துக்கும், சூரியன் உதிக்குந்திசை தொடங்கி அவருடைய மகிமைக்கும் பயப்படுவார்கள்; வெள்ளம்போல் சத்துரு வரும்போது, கர்த்தருடைய ஆவியானவர் அவனுக்கு விரோதமாய்க் கொடியேற்றுவார்." ( ஏசாயா 59 : 19 ) என்று வாசிக்கின்றோம்.

இன்றைய தியான வசனம் கூறுகின்றபடி நமது கர்த்தர் ஏழைக்குப் பெலனும், நெருக்கப்படுகிற எளியவனுக்குத் திடனும், பெருவெள்ளத்துக்குத் தப்பும் அடைக்கலமும், வெயிலுக்கு ஒதுங்கும் நிழலுமாக இருக்கின்றார். அவரது வல்லமைமிக்க கரத்தின்கீழ் நம்மை ஒப்புக்கொடுத்து வாழ்வோமென்றால் நமக்கு நிரந்தர பாதுகாப்பு உண்டு. 

கிறிஸ்தவத்தின் ஆரம்ப நாட்களில் அப்போஸ்தலர்கள் பல்வேறு நெருக்குதலுக்கும் ஒடுக்குதலுக்கும் உள்ளானார்கள். சாட்டை அடிகளும், சிறைச்சாலைகளும் அவர்களை அச்சுறுத்தின.  ஆனாலும் அவர்களோடு கர்த்தரது கரம் பெருவெள்ளத்துக்குத் தப்பும் அடைக்கலமும், வெயிலுக்கு ஒதுங்கும் நிழலுமாக இருந்து பாதுகாத்தது. 

இன்று நமக்கும்  அடைக்கலமாகவும் புகலிடமாகவும் இருந்து நம்மைக் காப்பவர் கர்த்தராகிய இயேசு கிறிஸ்துதான். எனவே நாம் அவரையே சார்ந்துகொண்டு வாழவேண்டியது அவசியம்.  அவரைக்குறித்து ஏசாயா தீர்க்கத்தரிசனமாக, "இதோ, ஒரு ராஜா நீதியாக அரசாளுவார்; பிரபுக்களும் நியாயமாகத் துரைத்தனம்பண்ணுவார்கள். அவர் காற்றுக்கு ஒதுக்காகவும், பெருவெள்ளத்துக்குப் புகலிடமாகவும், வறண்ட நிலத்துக்கு நீர்க்கால்களாகவும், விடாய்த்த பூமிக்குப் பெருங்கன்மலையின் நிழலாகவும் இருப்பார்" ( ஏசாயா 32 : 1, 2 ) என்று கூறுகின்றார். மோதியடிக்கும் பெருவெள்ளமோ புயலோ அவரிடமிருந்து நம்மைப் பிரித்து அழிக்கமுடியாது. விசுவாசத்துடன் நமது ஆவிக்குரிய வாழ்வைத் தொடருவோம்.

✍️ சகோ. எம். ஜியோ பிரகாஷ்                         

💥 "AATHAVAN" 🌳 Meditation - No. 1928

📆 Tuesday, May 19, 2026

"For You have been a defence for the helpless, a defence for the needy in his distress, a refuge from the storm, a shade from the heat; for the breath of the ruthless is like a rainstorm against a wall." — Isaiah 25:4 (NASB)

None of us will ever forget the tsunami that struck Tamil Nadu on December 26, 2004. At that time, ocean waves rose higher than palm trees, surging toward the shore and causing immense devastation. More than 8,000 people lost their lives, and property worth billions was destroyed.

Today’s meditation verse compares the fury of the ruthless to just such an event. It is like a rainstorm or a flood crashing against a wall. The destruction caused by them is akin to the devastation of a tsunami. Many tyrannical kings and rulers throughout history have been like this. However, during such cruel times, the Lord has been a strength to the helpless poor, a defence to the oppressed needy, a refuge from the storm, and a shade from the scorching heat.

In past centuries, the oppression and crushing of Christians in countries like Russia and China were extremely severe. Many lost their lives. Churches were demolished, and Bibles were burned. Yet, many believers guarded their faith and survived. Similarly, though many fell victim to Hitler's tyrannical laws and punishments, there are numerous testimonies of how God miraculously protected many of them.

Likewise, in the early days of King David, many enemies rose against him like a crashing flood to destroy him. But God delivered him from their hands. That is why he declares:

"The Lord is my strength and my shield; my heart trusts in Him, and I am helped; therefore, my heart triumphs, and with my song I shall thank Him." — Psalm 28:7 (NASB)

We also read that "...When the enemy comes in like a flood, the Spirit of the Lord will lift up a standard against him." (cf. Isaiah 59:19).

As today's meditation verse states, our Lord is a strength to the helpless, a defence to the oppressed needy, a refuge from the storm, and a shade from the heat. If we commit our lives under His mighty hand, we have permanent protection.

In the early days of Christianity, the apostles faced various pressures and oppressions. Whippings and imprisonments threatened them. Yet, the Lord's hand was with them, protecting them as a refuge from the storm and a shade from the heat.

Today, it is the Lord Jesus Christ who stands as our refuge and shelter, protecting us. Therefore, it is essential that we depend entirely on Him. Isaiah prophetically speaks concerning Him:

"Behold, a king will reign righteously and princes will rule justly. Each will be like a refuge from the wind and a shelter from the storm, like streams of water in a dry country, like the shade of a huge rock in a parched land." — Isaiah 32:1-2 (NASB)

Neither a crashing flood nor a raging storm can separate us from Him or destroy us. Let us continue our spiritual journey with unwavering faith.

✍️ Bro. M. Geo Prakash