"ஆதவன்" தியானம் - 1949
"இவ்வுலகத்திலுள்ள விபசாரக்காரர், பொருளாசைக்காரர், கொள்ளைக்காரர், விக்கிரகாராதனைக்காரர் இவர்களோடு எவ்வளவும் கலந்திருக்கக்கூடாதென்று நான் எழுதவில்லை; அப்படியானால் நீங்கள் உலகத்தைவிட்டு நீங்கிப்போகவேண்டியதாயிருக்குமே." ( 1 கொரிந்தியர் 5 : 10 )
இந்த உலகத்தில் விபச்சாரக்காரர், பொருளாசைக்காரர், கொள்ளைக்காரர், விக்கிரகாராதனைக்காரர் எல்லோருமே நிறைந்திருக்கிறார்கள். உண்மையான ஆவிக்குரிய அனுபவத்தோடு வாழ்பவர்கள் குறைவானவர்களே. நாம் மற்ற எல்லோரையுமே பாவிகள் என்று கருதி ஒதுக்கினால் இந்த உலகத்திலே நாம் வாழமுடியாது; அப்படியானால் நாம் உலகத்தைவிட்டு ஒதுங்கிப்போகவேண்டியிருக்கும். அப்படி ஒதுக்கினால் நாம் உலகத்தில் வாழவும் முடியாது, யாருக்கும் சுவிசேஷம் அறிவிக்கவும் முடியாது. எனவே அவர்களை ஒதுக்கவேண்டாம்.
கொரிந்து சபையில் விபச்சார பாவத்தில் ஈடுபட்ட ஒருவன் உறுப்பினராக இருந்ததை அப்போஸ்தலரான பவுல் கடிந்து கொண்டு அவனைக்குறித்துப் பல விஷயங்களைக் கூறிவிட்டுத் தொடர்ந்து எழுதும்போது இன்றைய தியானத்துக்குரிய வசனத்தைக் கூறுகின்றார்.
இயேசு கிறிஸ்து பாவிகளோடும் ஆயக்காரரோடும்தான் அதிகநேரம் இருந்தார். "அவர் ஆயக்காரரோடும் பாவிகளோடும் போஜனம்பண்ணுகிறதை வேதபாரகரும் பரிசேயரும் கண்டு, அவருடைய சீஷரை நோக்கி: அவர் ஆயக்காரரோடும் பாவிகளோடும் போஜனபானம் பண்ணுகிறதென்னவென்று கேட்டார்கள்." ( மாற்கு 2 : 16 மற்றும் மத்தேயு 9:11, லூக்கா 5:30) "நோயாளிகளுக்கே மருத்துவர் தேவை" என்றார் இயேசு கிறிஸ்து.
அதாவது பவுல் அப்போஸ்தலர் கூற விரும்பும் கருத்து என்னவென்றால், நம் கருத்தை ஏற்காதவர்கள், பாவ வாழ்க்கை வாழ்பவர்கள் இவர்களோடுதான் இந்த உலகத்தில் நாம்வாழவேண்டும். அப்படி ஒதுக்கினால் நாம் இந்த உலகத்தில் வாழமுடியாது.
ஆனால் தொடர்ந்து பவுல் அடிகள் எழுதுகின்றார், "நான் உங்களுக்கு எழுதினதென்னவென்றால், சகோதரனெனப்பட்ட ஒருவன் விபசாரக்காரனாயாவது, பொருளாசைக்காரனாயாவது, விக்கிரகாராதனைக்காரனாயாவது, உதாசினனாயாவது, வெறியனாயாவது, கொள்ளைக்காரனாயாவது இருந்தால், அவனோடே கலந்திருக்கக்கூடாது; அப்படிப்பட்டவனுடனேகூடப் புசிக்கவுங்கூடாது." ( 1 கொரிந்தியர் 5 : 11 )
அன்பானவர்களே, பவுல் அடிகள் இரண்டு கருத்துக்களை வலியுறுத்திக் கூறுகின்றார்.
1. இந்த உலகத்தில் விபசாரக்காரர், பொருளாசைக்காரர், கொள்ளைக்காரர், விக்கிரகாராதனைக்காரர் எல்லோருமே நிறைந்திருக்கிறார்கள். அவர்களை ஒதுக்க வேண்டாம். காரணம், அவர்கள் ஒருவேளை நம்மூலம் கிறிஸ்துவை அறிந்து மீட்பு பெறலாம்.
2. சகோதரன் என்று கூறப்படும் ஒருவன் - அதாவது நான் இரட்சிக்கப்பட்டேன் மீட்பு பெற்றுள்ளேன் எனக் கூறும் ஒருவன் நமது சபையில் இருந்துகொண்டு, விபச்சாரம், பொருளாசை, கொள்ளை, விக்கிரகாராதனை செய்பவனாக இருந்தால் அவனோடு சேர்ந்திருக்கக்கூடாது, அவனோடு சாப்பிடக்கூடாது. சுருக்கமாகக் கூறுவதென்றால், கிறிஸ்துவை அறிந்திருக்கிறேன் என்று கூறிக்கொள்ளும் ஆவிக்குரிய ஒருவன் இத்தகைய பாவங்கள் செய்பனாக இருந்தால் அவனை முற்றிலும் நம்மைவிட்டு ஒதுக்கவேண்டும்.
இப்படிப் பவுல் அடிகள் அவர்களை விலக்கச் சொல்லும் காரணம், புளிப்பு மாவு போன்ற அவர்கள் நம்மோடு இருப்பார்களானால் நம்மையும் அவர்களைப்போல பாவத்தினால் புளிக்க வைத்துவிடுவார்கள். "ஆகையால், நீங்கள் புளிப்பில்லாதவர்களாயிருக்கிறபடியே, புதிதாய்ப் பிசைந்தமாவாயிருக்கும்படிக்கு, பழைய புளித்தமாவைப் புறம்பே கழித்துப்போடுங்கள்." ( 1 கொரிந்தியர் 5 : 7 )
பவுல் அடிகள் கூறும் கருத்துக்களை நாம் கடைபிடித்தால், துன்மார்க்கருக்கு சுவிசேஷம் அறிவித்து அவர்களை சபையில் சேர்க்க முடியும்; அத்துடன் அழுக்காகிப்போன நமது சபையையும் சுத்தமாக்க முடியும்.
✍️ சகோ. எம். ஜியோ பிரகாஷ்
"AATHAVAN"
Meditation – 1949
Tuesday, June 09, 2026
"I did not at all mean
with the immoral people of this world, or with the covetous and swindlers, or
with idolaters, for then you would have to go out of the world." — 1
Corinthians 5:10
This world is completely
filled with people who are immoral, covetous, swindlers, and idolaters. Those
who live with a genuine spiritual experience are few. If we consider everyone
else as sinners and ostracize them, we cannot survive in this world; for then,
we would have to withdraw from the world entirely. If we isolate ourselves like
that, we can neither live in this world nor share the Gospel with anyone.
Therefore, do not ostracize them.
The Apostle Paul rebuked the
Corinthian church because a man engaged in the sin of immorality was a member
there. After addressing several matters regarding him, Paul continues writing
and gives us the verse for today's meditation.
Jesus Christ spent most of
His time with sinners and tax collectors.
"When the scribes of
the Pharisees saw that He was eating with the sinners and tax collectors, they
said to His disciples, 'Why is He eating and drinking with tax collectors and
sinners?'" — Mark 2:16 (also Matthew 9:11, Luke 5:30)
Jesus Christ declared, "It
is not those who are healthy who need a physician, but those who are
sick."
In other words, the point
Apostle Paul wants to convey is that we must live in this world alongside those
who do not agree with our views and those who live sinful lives. If we shut
them out, we cannot exist in this world.
However, Apostle Paul goes
on to write:
"But actually, I wrote
to you not to associate with any so-called brother if he is an immoral person,
or covetous, or an idolater, or a reviler, or a drunkard, or a swindler—not
even to eat with such a one." — 1 Corinthians 5:11
Beloved, Apostle Paul
emphasizes two distinct principles here:
- The world is filled with those who are
immoral, covetous, swindlers, and idolaters. Do not reject or isolate
them. The reason is that, perhaps through us, they may come to know Christ
and receive salvation.
- If someone who claims, "I am saved,
I have received redemption," and is a part of our church, yet
continues to practice immorality, covetousness, theft, or idolatry—we must
not associate with him; we must not even eat with him. In short, if a spiritual
person who claims to know Christ commits such sins, we must completely
separate ourselves from him.
The reason Apostle Paul
instructs us to remove them is that if they remain with us, they will act like
leaven and corrupt us with sin, just as leaven sours the dough.
"Clean out the old
leaven so that you may be a new lump, just as you are in fact unleavened."
— 1 Corinthians 5:7
If we follow the principles
laid down by Apostle Paul, we will be able to preach the Gospel to the wicked
and bring them into the church; at the same time, we will be able to cleanse
and purify our church from defilement.
✍️ Bro. M. Geo Prakash
No comments:
Post a Comment