🦋 Meditation verse - ரோமர் 13 : 14 / Romans 13:14

 "ஆதவன்" தியானம் - 1953

ஜூன் 13,  சனி 2026        

"துர் இச்சைகளுக்கு இடமாக உடலைப் பேணாமலிருந்து, கர்த்தராகிய இயேசுகிறிஸ்துவைத் தரித்துக்கொள்ளுங்கள்." ( ரோமர் 13 : 14 )

தரித்துக்கொள்வது என்பது உடுத்திக்கொள்வது என்று பொருள். கிறிஸ்தவர்களாகிய நாம் கர்த்தராகிய இயேசுகிறிஸ்துவை நம்மில் ஆடையாக உடுத்திக்கொள்ளவேண்டியது அவசியம். அப்படி "தரித்துக்கொண்டவர்களானால், நிர்வாணிகளாய்க் காணப்படமாட்டோம்." ( 2 கொரிந்தியர் 5 : 3 ) 

மேற்படி வசனம் கூறும் நிர்வாணம் என்பது உலக மனிதர்கள் கூறும் நிர்வாணமல்ல; மாறாக, தேவனது பார்வையில் நாம் ஆத்துமாவில் காணப்படும் நிர்வாணமாகும். அதாவது நாம் கிறிஸ்துவை நம்மில் தரித்துக்கொள்ளவில்லையானால் அவரது பார்வையில் நிர்வாணிகளாக இருக்கின்றோம் என்று பொருள். அவரை நம்மில் உடுத்திக்கொள்ளும்போது நாம் நிர்வாணிகளாகக்  காணப்படமாட்டோம். இன்றைய தியான வசனம் இதனால்தான், "துர்யிச்சைகளுக்கு இடமாக உடலைப் பேணாமலிருந்து, கர்த்தராகிய இயேசுகிறிஸ்துவைத் தரித்துக்கொள்ளுங்கள்" என்று நமக்கு அறிவுறுத்துகின்றது. 

ஆதாம், ஏவாள் வாழ்க்கையிலிருந்து இதனை நாம் உணர்ந்துகொள்ளலாம். அவர்கள் பாவம் செய்யுமுன் ஆடையின்றி இருந்தபோதும் தங்களது நிர்வாணத்தை உணரவில்லை. "ஆதாமும் அவன் மனைவியுமாகிய இருவரும் நிர்வாணிகளாயிருந்தும், வெட்கப்படாதிருந்தார்கள்." ( ஆதியாகமம் 2 : 25 ) காரணம், அப்போது அவர்கள் தேவ சாயலில் இருந்தனர். ஆனால், பாவம் செய்தபோது அவர்கள் தேவ மகிமையை இழந்துவிட்டனர். அப்போது தாங்கள் நிர்வாணிகளாக இருப்பதை உணர்ந்துகொண்டனர். 

ஏதேன் தோட்டத்தில் தேவன் அவர்களோடு உலாவி, அவர்களோடு பேசிவந்தார். ஆனால் பாவம் செய்தபோது அவர்கள் தங்கள் நிர்வாணத்தை உணர்ந்துகொண்டு வெட்கப்பட்டு,  தேவனுக்குப்  பயந்து ஒளிந்துகொண்டனர். தேவன், "ஆதாம் நீ எங்கே இருக்கிறாய்?" என்று கேட்டபோது "அவன்: நான் தேவரீருடைய சத்தத்தைத் தோட்டத்திலே கேட்டு, நான் நிர்வாணியாயிருப்பதினால் பயந்து, ஒளித்துக்கொண்டேன் என்றான். அப்பொழுது அவர்: நீ நிர்வாணி என்று உனக்கு அறிவித்தவன் யார்? புசிக்கவேண்டாம் என்று நான் உனக்கு விலக்கின விருட்சத்தின் கனியைப் புசித்தாயோ என்றார்." ( ஆதியாகமம் 3 : 10, 11 )

ஆம் அன்பானவர்களே, ஆதாமைப்போல தேவனது கட்டளைகளுக்கு விரோதமாக நாம் நடக்கும்போது நிர்வாணிகளாக இருக்கின்றோம் என்று பொருள். அப்போது நம்மால் தேவனை எளிதில் நெருங்கமுடியாது. எனவேதான் இன்றைய தியான வசனம், துர் இச்சைகளுக்கு இடமாக உடலைப் பேணாமலிருந்து, கர்த்தராகிய இயேசுகிறிஸ்துவைத் தரித்துக்கொள்ளுங்கள் என்று நமக்கு அறிவுறுத்துகின்றது. 

கிறிஸ்துவைத் தரித்துக்கொள்வது என்பது நமது பாவ உடல் ஒழிந்து அவரோடு சிலுவையில் அறையப்படுவதாகும். ஆம், அப்படி நாம் பாவத்துக்கு மரித்துச் சிலுவையில்  அறையப்படும்போது கிறிஸ்துவைத் தரித்துக்கொள்கின்றோம். "நாம் இனிப் பாவத்துக்கு ஊழியஞ்செய்யாதபடிக்கு, பாவசரீரம் ஒழிந்துபோகும்பொருட்டாக, நம்முடைய பழைய மனுஷன் அவரோடேகூடச் சிலுவையில் அறையப்பட்டதென்று அறிந்திருக்கிறோம்." ( ரோமர் 6 : 6 ) இப்படி சிலுவையில் அறைய நம்மை ஒப்புக்கொடுக்கும்போது மட்டுமே துர் இச்சைகளுக்கு இடமாக உடலைப் பேணாமலிருந்து, கர்த்தராகிய இயேசுகிறிஸ்துவைத் தரித்துக்கொள்ள முடியும். அப்படித் தரித்துக்கொள்வோமானால் அவரது பார்வையில் நாம் நிர்வாணிகளாகக் காணப்படமாட்டோம். 

ஆதாமும் ஏவாளும் ஏதேனில் இழந்துபோன தேவ மகிமையினை நாம் கிறிஸ்துவை ஆடையாக உடுத்திக்கொள்வதன்மூலம் பெற்றுக்கொள்ளமுடியும். இதுவே மேலான ஆவிக்குரிய உண்மை; ஆசீர்வாதம். 

✍️ சகோ. எம். ஜியோ பிரகாஷ் 

"AATHAVAN" Meditation – 1953

Saturday, June 13, 2026

"But put on the Lord Jesus Christ, and make no provision for the flesh in regard to its lusts." (Romans 13:14)

To "put on" means to clothe oneself. As Christians, it is essential that we wear the Lord Jesus Christ as our garment. If we are clothed in this way, "inasmuch as we, having put it on, will not be found naked" (2 Corinthians 5:3).

The "nakedness" mentioned in this verse is not the nakedness defined by the world; rather, it is the nakedness of the soul in the eyes of God. This means that if we do not clothe ourselves with Christ, we remain naked in His sight. When we wear Him, our nakedness is covered. This is why today's meditation verse instructs us to make no provision for the flesh and its evil desires, but instead to put on the Lord Jesus Christ.

We can understand this clearly through the lives of Adam and Eve. Before they sinned, they were without clothes yet unaware of any nakedness. "And the man and his wife were both naked and were not ashamed" (Genesis 2:25). The reason was that they were then in the image of God. However, when they sinned, they lost the glory of God and immediately realized their nakedness.

In the Garden of Eden, God used to walk and talk with them. But after sinning, they felt their nakedness, were overcome with shame, and hid from God in fear. When God called out, "Adam, where are you?":

"He said, 'I heard the sound of You in the garden, and I was afraid because I was naked; so, I hid myself.' And He said, 'Who told you that you were naked? Have you eaten from the tree of which I commanded you not to eat?'" (Genesis 3:10-11)

Yes, dear ones, when we act against God’s commands like Adam did, it means we are spiritually naked. In that state, we cannot easily draw near to God.

Putting on Christ means that our body of sin is done away with and crucified with Him. Indeed, when we die to sin and are crucified, we "put on" Christ.

"...knowing this, that our old self was crucified with Him, in order that our body of sin might be done away with, so that we would no longer be slaves to sin." (Romans 6:6)

Only when we surrender ourselves to be crucified in this manner can we stop catering to the lusts of the body and truly put on the Lord Jesus Christ. If we clothe ourselves in Him, we will not be found naked in His sight.

By wearing Christ as our garment, we can regain the Divine Glory that Adam and Eve lost in Eden. This is the ultimate spiritual truth and blessing.

✍️ Bro. M. Geo Prakash