🦋 Meditation verse - ரோமர் 6 : 7 / Romans 6:7

 "ஆதவன்" தியானம் - 1951

2026 ஜூன் 11,  வியாழன்       

"மரித்தவன் பாவத்துக்கு நீங்கி விடுதலையாக்கப்பட்டிருக்கிறானே." ( ரோமர் 6 : 7 )

உலக மக்கள் நினைப்பதுபோல அல்லாமல், கிறிஸ்தவ வாழ்வில் மரணம், உயிர்ப்பு என்பவை வேறு பொருளைக் கொண்டவை. நாம் எத்தனை ஆண்டுகள் பூமியில் வாழ்ந்தாலும் நமது பாவங்கள் கழுவப்படாமல், பாவத்திலேயே தொடர்ந்து வாழ்வோமென்றால் நாம் மரித்துப்போன ஒரு வாழ்கையினை வாழ்கின்றோம் என்று பொருள். அதுபோல, பாவங்கள் மன்னிக்கப்பட்டு கிறிஸ்துவுக்குள் ஆவிக்குரிய வாழ்வு வாழும்போது நாம் பிழைத்து வாழ்கின்றோம் என்று பொருள். 

இதனையே இன்றைய தியான வசனத்தைத் தொடர்ந்து எழுதும்போது அப்போஸ்தலரான பவுல், "அப்படியே நீங்களும், உங்களைப் பாவத்திற்கு மரித்தவர்களாகவும், நம்முடைய கர்த்தராகிய இயேசுகிறிஸ்துவுக்குள் தேவனுக்கென்று பிழைத்திருக்கிறவர்களாகவும் எண்ணிக்கொள்ளுங்கள்." ( ரோமர் 6 : 11 ) என்று கூறுகின்றார்.

கிறிஸ்துவினால் நமது பாவங்கள் கழுவப்படும்போது நாம் புது மனிதர்களாகின்றோம். பழைய மனிதன் நம்மில் மரித்துப்போகின்றான். இப்படி நாம் பாவத்துக்கு மரித்தவர்கள் ஆகின்றோம். செத்துப்போன ஒரு மனிதனால் எதுவும் செய்ய முடியாததுபோல நாமும் இப்படிக் கிறிஸ்துவுக்குள் மரித்துபோனோமென்றால் பாவம் செய்யமாட்டோம். ஆனால், அப்போது நாம் மரித்துப்போன வாழ்விலிருந்து பிழைத்திருக்கும் வாழ்க்கைக்குள் வருகின்றோம்.

எனவேதான் அப்போஸ்தலரான பவுல், "நீங்கள் உங்கள் அவயவங்களை அநீதியின் ஆயுதங்களாகப் பாவத்திற்கு ஒப்புக்கொடாமல், உங்களை மரித்தோரிலிருந்து பிழைத்திருக்கிறவர்களாக தேவனுக்கு ஒப்புக்கொடுத்து, உங்கள் அவயவங்களை நீதிக்குரிய ஆயுதங்களாக தேவனுக்கு ஒப்புக்கொடுங்கள்." ( ரோமர் 6 : 13 ) என்று நமக்கு அறிவுரை கூறுகின்றார். 

நமது உடலை தேவனுக்கு முழுவதுமாக ஒப்புக்கொடுத்து வாழவேண்டியதே கிறிஸ்தவ வாழ்வாகும். மட்டுமல்ல, அதுவே நாம் செய்யும் புத்தியுள்ள ஆராதனையாகவும் இருக்கும். "அப்படியிருக்க, சகோதரரே, நீங்கள் உங்கள் சரீரங்களைப் பரிசுத்தமும் தேவனுக்குப் பிரியமுமான ஜீவபலியாக ஒப்புக்கொடுக்கவேண்டுமென்று, தேவனுடைய இரக்கங்களை முன்னிட்டு உங்களை வேண்டிக்கொள்ளுகிறேன்; இதுவே நீங்கள் செய்யத்தக்க புத்தியுள்ளஆராதனை" ( ரோமர் 12 : 1 ) என்று வாசிக்கின்றோம். 

அன்பானவர்களே, நாம் கிறிஸ்துவை வெறுமனே ஆராதிக்கும் ஆராதனைக் கிறிஸ்தவர்களாக வாழ்வதற்கு அழைக்கப்படவில்லை. மாறாக, புத்தியுள்ள ஆராதனை செய்து, கிறிஸ்து நமக்குள் வந்து வசிக்கும் ஆவிக்குரிய மக்களாக வாழ்வதற்கு அழைக்கப்பட்டுள்ளோம். அப்படிக் கிறிஸ்து நமக்குள் வரும்போது மட்டுமே நமது உடல் பாவத்துக்கு மரித்ததாகவும் நமது ஆவி ஜீவனுள்ளதாகவும் இருக்கும். ஆம், "மேலும் கிறிஸ்து உங்களிலிருந்தால் சரீரமானது பாவத்தினிமித்தம் மரித்ததாயும், ஆவியானது நீதியினிமித்தம் ஜீவனுள்ளதாயும் இருக்கும்." ( ரோமர் 8 : 10 )

மரித்துப்போன வாழ்வு வாழ்கின்ற மக்களாக இல்லாமல் கிறிஸ்துவின் ஆவியைக்கொண்ட உயிருள்ள கிறிஸ்தவர்களாக வாழ நம்மை அவருக்கு ஒப்புக்கொடுப்போம். அப்போது மட்டுமே நாம் சாட்சியுள்ள கிறிஸ்தவ வாழ்வு வாழமுடியும். இதனையே, "மரித்தவன் பாவத்துக்கு நீங்கி விடுதலையாக்கப்பட்டிருக்கிறானே" என்று இன்றைய தியான வசனம் மூலம் நமக்கு அறிவுறுத்துகின்றார் அப்போஸ்தலரான பவுல். ஆம், கிறிஸ்துவுக்குள் மரித்து பாவத்துக்கு நீங்கலாவோம்.  

✍️ சகோ. எம். ஜியோ பிரகாஷ் 

"AATHAVAN" Meditation - 1951

Thursday, June 11, 2026

"For he who has died is freed from sin." — Romans 6:7

Unlike the way the people of the world think, death and resurrection hold a completely different meaning in the Christian life. No matter how many years we live on this earth, if our sins are not washed away and we continue to live in sin, it means we are living a life that is dead. Conversely, when our sins are forgiven and we live a spiritual life in Christ, it means we are truly alive.

This is exactly why, continuing from today's meditation verse, the Apostle Paul writes:

"Even so consider yourselves to be dead to sin, but alive to God in Christ Jesus." — Romans 6:11

When our sins are washed away by Christ, we become new creations. The old self dies within us. In this way, we become dead to sin. Just as a dead person cannot do anything, if we likewise die in Christ, we will not commit sin. It is at this moment that we transition from a dead life into a life that is truly alive.

Therefore, the Apostle Paul exhorts us:

"...and do not go on presenting the members of your body to sin as instruments of unrighteousness; but present yourselves to God as those alive from the dead, and your members as instruments of righteousness to God." — Romans 6:13

The Christian life is about fully surrendering our bodies to God. Not only that, but it is also our spiritual service of worship. As we read:

"Therefore, I urge you, brethren, by the mercies of God, to present your bodies a living and holy sacrifice, acceptable to God, which is your spiritual service of worship." — Romans 12:1

Dearly beloved, we are not called to live merely as "worshiping Christians" who just attend service. Instead, we are called to offer spiritual worship and live as spiritual people in whom Christ dwells. Only when Christ comes into us will our body be dead to sin and our spirit be alive. Yes:

"If Christ is in you, though the body is dead because of sin, yet the spirit is alive because of righteousness." — Romans 8:10

Let us surrender ourselves to Him, not as people living a dead life, but as living Christians who possess the Spirit of Christ. Only then can we live a Christian life that bears true witness. This is exactly what the Apostle Paul instructs us through today's meditation verse: "For he who has died is freed from sin." Yes, let us die in Christ and be set free from sin.

✍️ Bro. M. Geo Prakash