🦋 Meditation verse - சங்கீதம் 139:3 / Psalms 139:3

 "விதைகளின் உள்ளே" 🌳

📖 வேதாகமத் தியானம் - எண் 1846

🔆 ஆதவன் 26.02.2026 வியாழன்  

"நான் நடந்தாலும் படுத்திருந்தாலும் என்னைச் சூழ்ந்திருக்கிறீர்; என் வழிகளெல்லாம் உமக்குத் தெரியும்." ( சங்கீதம் 139:3)

சர்வதேச விளையாட்டுப் போட்டிகள் நடக்கும்போது விளையாட்டு வீரர்களின் செயல்பாடுகளைக் கவனிக்க சக்திவாய்ந்த கேமராக்களைப் பொருத்தியிருப்பார்கள். குறிப்பாக, கிரிக்கெட் விளையாட்டில் விளையாட்டு வீரர்களின் ஒவ்வொரு அசைவும் கவனிக்கப்படுவதையும் அதன் அடிப்படியில் நடுவர்கள் தீர்ப்புக் சொல்வதையும் நாம் பார்த்திருக்கலாம். 

இதுபோலவே தேவன் நம்மைக் கவனித்துக்கொண்டிருக்கின்றார் என்று நீங்கள் எண்ணிப்பார்த்ததுண்டா?  ஆம் அன்பானவர்களே, நமது ஒவ்வொரு சொல்லும், செயலும், நினைவுகளும் அவருக்கு மறைவானவை அல்ல. "என் நாவில் சொல் பிறவாததற்கு முன்னே, இதோ, கர்த்தாவே, அதையெல்லாம் நீர் அறிந்திருக்கிறீர்." ( சங்கீதம் 139: 4) என்று இன்றைய தியான வசனத்தைத் தொடர்ந்து நாம் வாசிக்கின்றோம். 

இன்று மனிதர்கள் இந்த உணர்வு இல்லாததால் பல்வேறு துன்மார்க்கச் செயல்களில் ஈடுபட்டுக்கொண்டிருக்கிறார்கள். தேவனது நியாயத்தீர்ப்புக்கு முன்னுதாரணமாக இன்று பல்வேறு குற்றங்கள் CCTV கேமராக்களின் பதிவின் அடிப்படையில் கண்டுபிடிக்கப்படுவதும் குற்றவாளிகள் தண்டனை பெறுவதையும் நாம் பார்க்கின்றோம். இதுபோலவே, தேவனது நியாயத்தீர்ப்பு நாளில் நாம் அவருக்குத் தப்பி ஓடிடமுடியாது. "உம்முடைய ஆவிக்கு மறைவாக எங்கே போவேன்? உம்முடைய சமுகத்தைவிட்டு எங்கே ஓடுவேன்?" ( சங்கீதம் 139: 7)

மேலும், இன்று நம்மில் பலரும் மற்றவர்கள் செய்யும் பல்வேறு குற்றங்களைக் குறித்து அறிவதிலும் அவற்றை விமர்சிப்பதிலும் ஆர்வமாக உள்ளோம். ஆனால், பலவேளைகளில் அதே குற்றச்செயல்களை நாமும் செய்கின்றோம். தேவன் இவற்றைக் கண்டும் காணாதவர்போல இருந்து கொண்டிருக்கின்றார். இப்படி நம்மிடம் குறை இருக்குமானால் நாம் முதலில் நம்மைத் திருத்திக்கொள்ளவேண்டியது அவசியம்.    எனவேதான் அப்போஸ்தலரான   பவுல்,  "இப்படிப்பட்டவைகளைச் செய்கிறவர்களைக் குற்றவாளிகளென்று தீர்த்தும், அவைகளையே செய்கிறவனே, நீ தேவனுடைய நியாயத்தீர்ப்புக்குத் தப்பிக்கொள்ளலாமென்று நினைக்கிறாயோ?" ( ரோமர் 2: 3) என்று கேட்கின்றார். 

எனவே அன்பானவர்களே, அச்சத்துடன் தேவனுக்கு ஏற்ற வாழ்க்கை வாழ்வோம். நாம் நடந்தாலும் படுத்திருந்தாலும் அவர் நம்மைச் சூழ்ந்திருக்கிறார். நமது வாழ்க்கையின் வழிகள் எல்லாம் அவருக்கு நன்றாகத் தெரியும். மற்றவர்கள் செய்யும் குற்றத்தை விமர்சிக்குமுன் முதலில் நாம் அவற்றைச் செய்யாமல் இருக்க முயலுவோம். 

ஒருமுறை தேவனது இந்தக் கண்காணிப்பைக் குறித்து நான் குடிகார நண்பர் ஒருவரிடம் கூறியபோது அவர் கிண்டலாக என்னிடம், "என்ன, சின்ன பிள்ளைபோல அறிவில்லாமல் பேசுகிறாய்? கடவுளுக்கு உன்னை கவனிப்பதுதான் வேலையா? அவருக்கு வேறு வேலை இல்லையென்று நினைக்கிறாயா? " என்றார்.  

அன்பானவர்களே, தேவனுக்கு நாம் ஒவ்வொருவரும் முக்கியம். எனவேதான் நம்மை அவர் கண்காணித்துச் சிலவேளைகளில் எச்சரிக்கவும் செய்கின்றார். ஆனால் நாமோ பலவேளைகளில் உணர்வற்றவர்களாக இருக்கின்றோம். நாம் அவருக்கேற்ற பரிசுத்தராக மாறவேண்டுமென்று அவர் விரும்புகின்றார். நான் பரிசுத்தர்; எனக்கேற்ற பரிசுத்தராய் இருங்கள் என்கிறார் அவர் (லேவியராகமம் 11:44)

. நமது பரிசுத்தத்திற்காக வேதத்தின் ஆரம்பம் முதல்  பல்வேறு கற்பனைகளையும், பரிசுத்தவான்களது சாட்சிகளையும் அவர் கொடுத்துள்ளார். இவைகளை அற்பமாக எண்ணுவோமானால் நாம் பரிதபிக்கக்கூடியவர்களாக இருப்போம். எனவேதான் எச்சரிக்கையாக அவர் கூறுகின்றார்:- 

"அநியாயஞ்செய்கிறவன் இன்னும் அநியாயஞ்செய்யட்டும்; அசுத்தமாயிருக்கிறவன் இன்னும் அசுத்தமாயிருக்கட்டும்; நீதியுள்ளவன் இன்னும் நீதிசெய்யட்டும்; பரிசுத்தமுள்ளவன் இன்னும் பரிசுத்தமாகட்டும். இதோ, சீக்கிரமாய் வருகிறேன்; அவனவனுடைய கிரியைகளின்படி அவனவனுக்கு நான் அளிக்கும் பலன் என்னோடேகூட வருகிறது." ( வெளிப்படுத்தின விசேஷம் 22: 11, 12)

தேவ செய்தி :- சகோ. எம். ஜியோ பிரகாஷ்       

“Within the Seeds” 🌳

📖 Scripture Meditation – No. 1846
🔆 AATHAVAN - Thursday, 26.02.2026

“You scrutinize my path and my lying down, And are acquainted with all my ways.” — Psalms 139:3

During international sports competitions, powerful cameras are installed to closely monitor the actions of the players. Especially in cricket, every movement of the players is carefully observed, and based on that evidence, the umpires make their decisions.

Likewise, have you ever thought that God is watching us? Yes, dear ones, none of our words, actions, or thoughts are hidden from Him. We continue reading in today’s passage:

“Even before there is a word on my tongue, Behold, O Lord, You know it all.” — Psalms 139:4

Today, because many people lack this awareness, they engage in various sinful acts. As a foretaste of divine judgment, we see how crimes are uncovered through CCTV recordings and how criminals receive punishment based on the evidence.

In the same way, on the Day of God’s judgment, we cannot escape from Him.

“Where can I go from Your Spirit? Or where can I flee from Your presence?” — Psalms 139:7

Moreover, many of us are interested in knowing and criticizing the wrongdoings of others. Yet, often we commit the same sins ourselves. God, in His patience, seems to overlook them for a time. If there is fault in us, we must first correct ourselves.

That is why the Apostle Paul asks:

“But do you suppose this, O man, when you pass judgment on those who practice such things and do the same yourself, that you will escape the judgment of God?” — Romans 2:3

Therefore, dear ones, let us live in reverent fear in a manner pleasing to God. Whether we walk or lie down, He surrounds us. All the ways of our life are fully known to Him. Before criticizing the sins of others, let us first strive not to commit them ourselves.

Once, when I told a friend who was addicted to drinking about God’s watchful eye, he mockingly said, “Why do you speak like a child without understanding? Is it God’s job to watch you? Do you think He has nothing else to do?”

Dear friends, each one of us is important to God. That is why He watches over us and at times warns us. Yet many times, we remain insensitive. He desires that we become holy, acceptable to Him. For He says:

“You shall be holy, for I am holy.” — Leviticus 11:44

From the beginning of Scripture, God has given commandments and the testimonies of saints for our sanctification. If we treat these lightly, we will be pitiful indeed. Therefore, He gives this solemn warning:

“Let the one who does wrong, still do wrong; and the one who is filthy, still be filthy; and let the one who is righteous, still practice righteousness; and the one who is holy, still keep himself holy. Behold, I am coming quickly, and My reward is with Me, to render to every man according to what he has done.” — Revelation 22:11–12

God’s Message: Bro. M. Geo Prakash