🦋 Meditation verse - எரேமியா 29: 13 / Jeremiah 29:13

 "விதைகளின் உள்ளே" 🌳

📖 வேதாகமத் தியானம் - எண் 1839

🔆 ஆதவன் 19.02.2026 வியாழன்      

"உங்கள் முழு இருதயத்தோடும் என்னைத் தேடினீர்களானால், என்னைத் தேடுகையில் கண்டுபிடிப்பீர்கள்." ( எரேமியா 29: 13)

கடவுள் என ஒருவர் உண்டுமா, இல்லையா எனும் சர்ச்சை உலகம் துவங்கியதுமுதல் இருந்துகொண்டுதான் இருக்கின்றது. பலரும் தாங்கள் கண்ணால் கண்டும், அல்லது உணர்ந்தும் கொண்ட எதனையும் தவிர மற்றவற்றை நம்புவதில்லை. ஆனால், வேதத்தில்  நாம் வாசிக்கின்றோம், "காணப்படாத தேவனின் வல்லமை அவரால் உண்டாக்கப்பட்ட பொருட்களைப் பார்த்தாலே நமக்குப் புரியும். ஆம், "எப்படியென்றால், காணப்படாதவைகளாகிய அவருடைய நித்தியவல்லமை தேவத்துவம் என்பவைகள், உண்டாக்கப்பட்டிருக்கிறவைகளினாலே, உலகமுண்டானது முதற்கொண்டு, தெளிவாய்க்காணப்படும்; ஆதலால் அவர்கள் போக்குச்சொல்ல இடமில்லை." ( ரோமர் 1: 20) என்று. 

இன்று உலகில் பெரும்பாலான மக்கள் கடவுள் நம்பிக்கை உள்ளவர்கள்தான் ஆனால், கடவுள் உண்டு என்று கூறிக்கொள்ளும் பலரும்கூட அவரை உண்மையாக அறிந்தவர்கள் அல்ல. பலரும் தாங்கள் அறியாததையே வணங்கிக் கொண்டிருக்கின்றனர். "நீங்கள் அறியாததைத் தொழுதுகொள்ளுகிறீர்கள்; நாங்கள் அறிந்திருக்கிறதைத் தொழுதுகொள்ளுகிறோம். ( யோவான் 4: 22) என்று இயேசு கிறிஸ்து சமாரிய பெண்ணிடம் கூறவில்லையா?

அதாவது, பலரும் நமக்குமேலான ஒரு சக்தி உள்ளது என்று நம்புகிறார்களேத்தவிர மெய்யான அந்தச் சக்தியை அறிந்து, உணர்ந்து, அன்புகூர்ந்து  வணங்குவதில்லை.

எனவே, இப்படித் தேவனை பலரும் அறியாமலிருக்கக் காரணம் அவர்களுக்கு அவரை அறியவேண்டும் எனும் எண்ணமும் ஆர்வமும் இல்லாமல் இருப்பதுதான் என்பது விளங்கும். ஆலயங்களுக்குச் செல்லும் அனைவரும் தேவனைத் தேடி அங்குச்  செல்வதில்லை; மாறாக, தங்களது உலகத் தேவைகளை எடுத்துக்கூறி ஜெபிக்கச் செல்கின்றனர். எனவே, அவர்களால் தேவனை அறியமுடியவில்லை. "தேவனைத் தேடுகிற உணர்வுள்ளவன் உண்டோ என்று பார்க்க, கர்த்தர் பரலோகத்திலிருந்து மனுபுத்திரரைக் கண்ணோக்கினார்." ( சங்கீதம் 14: 2 & 53:2) என்று வாசிக்கின்றோம்.  இப்படித் தன்னைத் தேடும் உணர்வுள்ளவனுக்குத்தான் தேவன் வெளிப்படுவார். ஆனால் துரதிஷ்டமாக "உணர்வுள்ளவன் இல்லை; தேவனைத் தேடுகிறவன் இல்லை;" ( ரோமர் 3: 11)

கிறிஸ்தவர்கள் மட்டுமல்ல, பொதுவாக உலகினில் கடவுளை வழிபடும் பலரும் இப்படி அவரை அறியவேண்டும் எனும் எண்ணத்தில் வழிபடாமல் அவரிடம் உலகத் தேவைகளுக்காக மட்டும் ஆர்வமுடன் ஜெபிப்பதால் அவரை அறியவில்லை.

அன்பானவர்களே, "முழு இருதயத்தோடும் என்னைத் தேடினீர்களானால், என்னைத் தேடுகையில் கண்டுபிடிப்பீர்கள்" என்று இன்றைய வசனம் கூறுகின்றது. முழு இருதயம் என்பது அவரை மட்டுமே நாடும் இருதயம்; சுத்தமான தேவ அன்புடன் அவரைத் தேடும் இருதயம். உலக ஆசைகளுக்காக அவரைத் தேடாமல் ஒரு தாயைத் தேடும் குழந்தையைப்போல அவரைத் தேடும் இருதயம். இதனையே நமது ஆண்டவராகிய இயேசு கிறிஸ்து, "இருதயத்தில் சுத்தமுள்ளவர்கள் பாக்கியவான்கள்; அவர்கள் தேவனைத் தரிசிப்பார்கள்." ( மத்தேயு 5: 8) என்று கூறினார்.

இன்று இதனை வாசிக்கும் அன்புச் சகோதரனே, சகோதரியே, உங்களது ஜெப முறையினை மாற்றுங்கள். உலக ஆசை இச்சைகளை நிறைவேற்ற ஜெபிக்காமல் தேவனையே வாழ்வில் அடைந்திட ஜெபிக்கப் பழகுங்கள். நமக்குப் பல்வேறு உலகத் தேவைகள் உண்டு என்பது நம்மை உண்டாக்கிய தேவனுக்குத் தெரியும். எனவே, "முதலாவது தேவனுடைய ராஜ்யத்தையும் அவருடைய நீதியையும் தேடுங்கள், அப்பொழுது இவைகளெல்லாம் உங்களுக்குக்கூடக் கொடுக்கப்படும்". ( மத்தேயு 6: 33) எனும் வசனத்தை நம்பி ஏற்றுக்கொண்டு அவரிடம் விசுவாசம் கொள்ளுங்கள்.

இப்படி நாம் அவரைத் தேடும்போது, "என் பிள்ளை என்னைத் தேடுகின்றான் / தேடுகின்றாள்" என்று அவர் மகிழ்ச்சியடைவார். உங்களது பாவங்களை அவர் மன்னித்து ஏற்றுக்கொள்வதால் உங்களது வாழ்க்கை, ஆவிக்குரிய அனுபவங்கள் இவை மாற்றமடையும். அவர் கிருபையுடன் உங்களுக்குத் தன்னை வெளிப்படுத்துவார். அப்போது நாம் வெறும் வழிபாட்டுக் கிறிஸ்தவர்களாக இல்லாமல் தேவனை அறிந்த ஆவிக்குரிய மக்களாக மாறுவோம்.

"கர்த்தர் இஸ்ரவேல் வம்சத்தாருக்குச் சொல்லுகிறது என்னவென்றால்: என்னைத் தேடுங்கள், அப்பொழுது பிழைப்பீர்கள்." ( ஆமோஸ் 5: 4)

தேவ செய்தி :- சகோ. எம். ஜியோ பிரகாஷ்                                    

“Within the Seeds” 🌳

📖 Scripture Meditation – No. 1839

🔆 AATHAVAN - Thursday, 19.02.2026

“You will seek Me and find Me when you search for Me with all your heart.” — Jeremiah 29:13

The debate about whether God truly exists has continued since the beginning of the world. Many people believe only what they can see with their eyes or physically experience. However, we read in the Bible that the power of the unseen God can be understood through the things He has created.

“For since the creation of the world His invisible attributes, that is, His eternal power and divine nature, have been clearly perceived, being understood by what has been made, so that they are without excuse.” — Romans 1:20

Today, most people in the world claim to believe in God. Yet, even among those who say that God exists, many do not truly know Him. Many worship what they do not truly understand. Did not Jesus Christ say to the Samaritan woman:

“You worship what you do not know; we worship what we know, for salvation is from the Jews.” — John 4:22

In other words, many believe that there is a higher power above us, but they neither truly know that power nor experience Him, love Him, and worship Him in truth.

The reason many remain unaware of God is that they lack the desire and eagerness to truly know Him. Not everyone who goes to a temple or church goes seeking God Himself. Instead, many go only to present their worldly needs in prayer. Therefore, they fail to know Him.

We read:

“The Lord has looked down from heaven upon the sons of mankind, to see if there are any who understand, who seek after God.” — Psalm 14:2; 53:2

God reveals Himself only to the one who sincerely seeks Him. But sadly,

“There is no one who understands, there is no one who seeks for God.” — Romans 3:11

Not only among Christians, but generally among people of the world who worship God, many pray only with enthusiasm for their earthly needs, without the intention of truly knowing Him. Thus, they do not come to know Him.

Beloved brothers and sisters, today’s verse declares:

“You will seek Me and find Me when you search for Me with all your heart.”

A whole heart means a heart that seeks Him alone — a heart that seeks Him with pure love for God. It is a heart that does not seek Him merely for worldly desires, but like a child searching for its mother. Concerning such a heart, our Lord Jesus Christ said:

“Blessed are the pure in heart, for they will see God.” — Matthew 5:8

Dear brother and sister reading this today, change your pattern of prayer. Do not pray merely to fulfil worldly desires, but learn to pray to gain God Himself in your life. The God who created us already knows that we have many earthly needs. Therefore, believe and accept His promise:

“But seek first His kingdom and His righteousness, and all these things will be provided to you.” — Matthew 6:33

When we seek Him in this manner, He rejoices, saying, “My child is seeking Me.” He forgives our sins and accepts us, transforming our lives and our spiritual experiences. In His grace, He reveals Himself to us. Then we will no longer be merely ritual Christians, but spiritual people who truly know God.

For thus says the Lord to the house of Israel, "Seek Me that you may live". (Amos 5:4)

Divine Message: Bro. M. Geo Prakash