🦋 Meditation verse - எஸ்தர் 10: 3 / Book of Esther 10:3

 "விதைகளின் உள்ளே" 🌳

📖 வேதாகமத் தியானம் - எண் 1838

🔆 ஆதவன் 18.02.2026 புதன்      

"யூதனாகிய மொர்தெகாய் ராஜாவாகிய அகாஸ்வேருவுக்கு இரண்டாவதானவனும், யூதருக்குள் பெரியவனும், தன் திரளான சகோதரருக்குப் பிரியமானவனுமாயிருந்ததும் அன்றி தன் ஜனங்களுடைய நன்மையை நாடி, தன் குலத்தாருக்கெல்லாம் சமாதானமுண்டாகப் பேசுகிறவனுமாயிருந்தான்." ( எஸ்தர் 10: 3)

சில வேளைகளில் நாம் அற்பமாய் எண்ணும் மனிதர்களே நமது வாழ்வில் மிகப்பெரிய நன்மை ஏற்படுவதற்குக் காரணமாக இருப்பார்கள். சிறு வயதில் சிங்கமும் சுண்டெலியும் கதையைப் பலரும் படித்திருப்போம். சுண்டெலி சிங்கத்துக்கு எப்படி உதவிடமுடியும் என்று பலரும் எண்ணலாம். ஆனால்,  சுண்டெலிதானே என்று அற்பமாக எண்ணப்பட்ட அந்த எலிதான் இராஜா போன்ற சிங்கத்துக்கு இக்கட்டான வேளையில் உதவிசெய்து அதன் உயிரைக் காப்பாற்றியதை அந்தக் கதையில் படித்திருப்போம். 

இதுபோலவே, யூதனாகிய மொர்தெகாய் சுண்டெலிபோல அற்பமானவனாகத்தான் இருந்தான். அரண்மனை வாசலில் காவல்காரனாக இருப்பவனை யார்தான் மதிப்பார்கள்?   ஆனால் அற்பமாக எண்ணப்பட்ட மொர்தெகாயினால் யூதர்களுக்கு மிகப்பெரிய இரட்சிப்பு வந்ததை நாம் எஸ்தர் புத்தகத்தில் வாசிக்கின்றோம். 

நமது ஆண்டவராகிய இயேசு கிறிஸ்துவும், "இந்தச் சிறியரில் ஒருவனையும் அற்பமாய் எண்ணாதபடிக்கு எச்சரிக்கையாயிருங்கள்; அவர்களுக்குரிய தேவதூதர்கள் பரலோகத்திலே என் பரமபிதாவின் சமுகத்தை எப்போதும் தரிசிக்கிறார்கள் என்று உங்களுக்குச் சொல்லுகிறேன்." ( மத்தேயு 18: 10) என்று நமக்கு அறிவுறுத்தியுள்ளார். எனவே, நாம் யாரையும் அவர்களது தொழிலைப்பார்த்தோ, அவர்களது வருமானத்தைப் பார்த்தோ, படிப்பைப் பார்த்தோ, ஜாதி, மதத்தைப்பார்த்தோ அற்பமாக எண்ணாமல் இருக்கவேண்டியது அவசியம். 

மேலும், ஒருவேளை நாமும் இன்று மொர்தெகாயைப்போல அற்பனான ஒரு வேலையில் இருக்கலாம்; நமது படிப்பு குறைவாக இருக்கலாம்; மற்றவர்களைவிட குறைவாக சம்பாதிப்பவர்களாக இருக்கலாம்.   நமது வேலையைக் கருத்தில்கொண்டும் நமது படிப்பு, பொருளாதாரக் குறைவு இவைகளைக்கொண்டு  நமது உறவினர்கள் நம்மை அற்பமாக எண்ணியிருக்கலாம். ஆனால், நாம் இருக்கும் வேலையில் உண்மையோடும் உத்தமத்தோடும் இருந்து தேவனுக்கேற்ற வாழ்க்கை வாழ்வோமானால் நிச்சயமாக தேவன் நம்மையும் உயர்த்துவார்.  

வாயில் காவலனாக இருந்த மொர்தெகாய் தேவன் உயர்த்தியபின்னர் எப்படி ஆகிவிட்டான் என்பதனை "மொர்தெகாய் ராஜாவின் அரண்மனையில் பெரியவனாயிருந்தான்; அவனுடைய கீர்த்தி எல்லா நாடுகளிலும் பிரசித்தமாயிற்று; இந்த மொர்தெகாய் என்பவன் மேன்மேலும் பெரியவனானான்." (எஸ்தர் 9: 4) என்று வாசிக்கின்றோம். 

இப்படி தேவனால் உயர்த்தப்பட்ட மொர்தெகாய் தனது சுய உயர்வுக்காக மட்டும் உழைக்கவில்லை. ஒட்டுமொத்த யூதர்களுக்காகவும் உதவி செய்பவனாக இருந்தான். அதனையே இன்றைய தியான வசனத்தில் நாம்,   "யூதனாகிய மொர்தெகாய் ராஜாவாகிய அகாஸ்வேருவுக்கு இரண்டாவதானவனும், யூதருக்குள் பெரியவனும், தன் திரளான சகோதரருக்குப் பிரியமானவனுமாயிருந்ததும் அன்றி தன் ஜனங்களுடைய நன்மையை நாடி, தன் குலத்தாருக்கெல்லாம் சமாதானமுண்டாகப் பேசுகிறவனுமாயிருந்தான்" என்று வாசிக்கின்றோம். 

எனவே, இன்றைய தியான வசனம் நமக்கு இரண்டு பாடங்களை உணர்த்துவதாக உள்ளது. முதலாவது, நம்மைவிட பதவியிலும், பொருளாதாரத்திலும், படிப்பிலும்,  வேறு எந்த விதத்திலும் குறைவாக இருப்பவர்களை நாம் அற்பமாக எண்ணக்கூடாது. ஏனெனில், தேவன் யாரையும் எந்தவேளையிலும் உயர்த்துவதற்கு வல்லவராக இருக்கின்றார். 

இரண்டாவதாக, தேவன் நம்மை நமது தாழ்நிலையிலிருந்து உயர்த்தும்போது அதனைப் பெருமையாக எண்ணி மற்றவர்களை நாம் அற்பமாக எண்ணாமல்  அவர்களுக்கு உதவுபவர்களாக வாழவேண்டும். 

ஆம் அன்பானவர்களே,  யூதர்களில் அற்பமானவனாக, வாயில் காவலனாக இருந்த மொர்தெகாய் யூதருக்குள் பெரியவனாக தேவனால் உயர்த்தப்பட்டான். அப்படி உயர்த்தப்பட்டபின்னர், அவன் தன் திரளான சகோதரருக்குப் பிரியமானவனுமாயிருந்தது தன் ஜனங்களுடைய நன்மையை நாடி, தன் குலத்தாருக்கெல்லாம் சமாதானமுண்டாகப் பேசுகிறவனுமாயிருந்தான். ஆம், தேவன் நம்மைத் தாழ்விலிருந்து மேலே உயர்த்த இதுதான் ஒரு காரணம். தேவன் நமக்குத் தரும் உயர்வு நமக்காக மட்டுமல்ல, நமது மூலம் மற்றவர்களும் ஆசீர்வாதம் பெறவேண்டும் என்பதற்காகவே. 

யூதனாகிய மொர்தெகாய் ஆவிக்குரிய யூதர்களாகிய நமக்கு ஒரு படிப்பினையாக உள்ளான். 

தேவ செய்தி :- சகோ. எம். ஜியோ பிரகாஷ்                   

“Within the Seeds” 🌳

📖 Bible Meditation – No. 1838
🔆 AATHAVAN – 18.02.2026, Wednesday

“For Mordecai the Jew was second only to King Ahasuerus, and great among the Jews and in Favor with his many kinsmen, one who sought the good of his people and one who spoke for the welfare of his whole nation.” — Book of Esther 10:3

Sometimes, the very people we consider insignificant become the reason for great blessings in our lives. Many of us have read in childhood the story of the lion and the mouse. Some may wonder how a tiny mouse could ever help a mighty lion. Yet, in that story, the mouse—considered small and insignificant—rescued the kingly lion in a moment of crisis and saved its life.

In a similar way, Mordecai the Jew seemed insignificant, like that little mouse. Who would value a man sitting at the king’s gate? Yet, through this very Mordecai, whom many might have overlooked, great deliverance came to the Jews, as we read in the Book of Esther.

Our Lord Jesus Christ also warned us:

“See that you do not look down on one of these little ones; for I say to you that their angels in heaven continually see the face of My Father who is in heaven.” — Gospel of Matthew 18:10

Therefore, we must never despise anyone based on their occupation, income, education, caste, or religion.

Perhaps today, like Mordecai, we may be in a lowly position. Our education may be limited. We may earn less than others. Even our relatives may look down on us because of our job, financial condition, or academic background. But if we remain faithful and upright in whatever work we do and live a life pleasing to God, surely God will exalt us.

We read about Mordecai’s elevation:

“Indeed, Mordecai was great in the king’s house, and his fame spread throughout all the provinces; for the man Mordecai became greater and greater.” — Book of Esther 9:4

After God exalted him, Mordecai did not labour for his own promotion alone. He became a helper and blessing to all the Jews. As today’s meditation verse says, he sought the good of his people and spoke for the welfare of his whole nation.

Thus, today’s meditation teaches us two important lessons:

First, we must never despise those who are below us in position, wealth, education, or in any other way. God is able to exalt anyone at any time.

Second, when God lifts us up from our lowly state, we must not become proud or look down on others. Instead, we must live as those who help and uplift others.

Yes, beloved, Mordecai, who once sat as a gatekeeper and seemed insignificant among the Jews, was exalted by God to become great among them. And after being exalted, he became beloved by his brethren, seeking their good and speaking peace to his whole nation.

This is one reason God raises us from lowliness to greatness—not merely for our own benefit, but so that through us, others may also be blessed.

Mordecai the Jew stands as a lesson to us, the spiritual Jews.

Divine Message: Bro. M. Geo Prakash