🦋 Meditation verse - ரோமர் 8 : 1 / Romans 8:1

 "விதைகளின் உள்ளே" 🌳 

வேதாகமத் தியானம் எண் - 1717                                          ஆதவன் 20.10.2025 திங்கள்  

     

"ஆனபடியால், கிறிஸ்து இயேசுவுக்குட்பட்டவர்களாயிருந்து, மாம்சத்தின்படி நடவாமல் ஆவியின்படியே நடக்கிறவர்களுக்கு ஆக்கினைத்தீர்ப்பில்லை." ( ரோமர் 8 : 1 )

இந்த உலகமுடிவில் தேவனது நியாயத்தீர்ப்புக்குமுன் நாம் அனைவரும் நிற்கவேண்டியது வரும் என்று வேதம் நம்மை எச்சரிக்கின்றது. நியாயத்தீர்ப்புக்குப்பின் தேவனுக்கு ஏற்புடைய வாழ்க்கை வாழ்ந்தவர்கள் நித்திய ஜீவன் எனும் முடிவில்லா வாழ்வினை அடைவார்கள்; துன்மார்க்கர்கள் நித்திய நரக அக்கினிக்கு இரையாவார்கள்.  இந்த நரக  அக்கினிக்கு இரையாவதே ஆக்கினைத் தீர்ப்பு. மாம்சத்தின்படி நடவாமல் ஆவியின்படியே நடக்கிறவர்களுக்கு இந்த ஆக்கினைத்தீர்ப்பில்லை என்று இன்றைய வசனம் கூறுகின்றது. 

ஏன் ஆக்கினைத் தீர்ப்பு இல்லையென்றால், ஆண்டவராகிய இயேசு கிறிஸ்து நமக்குத் தரும் பரிசுத்த ஆவியானவர் எல்லா சத்திய வழியிலும் நம்மை நடத்துவதால்தான். "சத்திய ஆவியாகிய அவர் வரும்போது, சகல சத்தியத்திற்குள்ளும் உங்களை நடத்துவார்; அவர் தம்முடைய சுயமாய்ப் பேசாமல், தாம் கேள்விப்பட்டவைகள் யாவையுஞ்சொல்லி, வரப்போகிற காரியங்களை உங்களுக்கு அறிவிப்பார்." (யோவான் 16:13) என்றார் இயேசு. சத்திய ஆவியானவர் நமக்குக் காண்பிக்கும் வழியில் நாம் நடக்கும்போது நாம் தேவனுக்கு எதிராகச் செயல்படுவதற்கு வாய்ப்பே இல்லை. எனவே, நமக்கு ஆக்கினைத்தீர்ப்பில்லை. 

மேலும் ஆண்டவராகிய இயேசு கிறிஸ்துக் கூறினார், "நான் உங்களுக்கு உண்மையைச் சொல்லுகிறேன்; நான் போகிறது உங்களுக்குப் பிரயோஜனமாயிருக்கும்; நான் போகாதிருந்தால், தேற்றரவாளன் உங்களிடத்தில் வரார்; நான் போவேனேயாகில் அவரை உங்களிடத்திற்கு அனுப்புவேன்.. அவர் வந்து, பாவத்தைக்குறித்தும், நீதியைக்குறித்தும், நியாயத்தீர்ப்பைக் குறித்தும், உலகத்தைக் கண்டித்து உணர்த்துவார்". (யோவான் 16:7,8) இப்படிப்   பாவத்தைக்குறித்தும், நீதியைக்குறித்தும், அவர் நம்மைக் கண்டித்து உணர்த்துவதால் நாம் பாவம் செய்ய மாட்டோம். எனவே, நமக்கு ஆக்கினைத்தீர்ப்பில்லை. 

இன்றைய தியான வசனம், தெளிவாகக் கூறுகின்றது, " கிறிஸ்து இயேசுவுக்கு உட்பட்டவர்களாயிருந்து, மாம்சத்தின்படி நடவாமல்" என்று. அதாவது நாம் நமது உடலின் இச்சைகளின்படி நடவாமல்  கிறிஸ்து இயேசுவுக்கு உட்பட்டவர்களாக வாழவேண்டியது அவசியம். இந்த உலகினில் தங்களைக் கிறிஸ்தவர்கள் என்று கூறிக்கொள்ளும் பலரும் பொதுவாகத்  தங்களுக்கு கிறிஸ்துவும் வேண்டும் உலக இச்சைகளும் வேண்டும் என்று விரும்புகின்றார்கள். எனவே,  அவர்கள் தங்களது மனம்போல வாழ்கின்றனர்; கிறிஸ்துவை பெயரளவில் ஆராதிக்கின்றனர். 

அன்பானவர்களே, நாம் இப்படியில்லாமல் நம்மை ஆவியின்படி நடக்க ஒப்புக்கொடுக்கவேண்டும். ஆவியானவரின் சத்தத்தைக் கேட்கும் அனுபவம் நமக்கு வேண்டும். இன்று பலரும் வேத வசனங்களை கேட்கின்றனர். ஒரே வசனத்தைத் தாங்கள்  பிறந்ததுமுதல் கேட்டுக்கொண்டிருக்கின்றனர்; அதன் உள்ளார்ந்த பொருளைப் புரிந்துகொள்ளவில்லை; எனவே, அதனைத்  தங்களது வாழ்க்கை அனுபவமாக்குவதில்லை. 

ஆவியானவர் எச்சரிக்கையுடன் கூறுகின்றார், இன்று இந்த வேத வசனத்தைக் கேட்கும்போது, "இது என்ன எனக்குத் தெரிந்த வசனம்தானே ? இவன் என்னப் புதிதாகச் சொல்லிவிடப்போகிறான்?"  என்று எண்ணினீர்களென்றால் இந்த வசனம்  உங்களில் செயல்புரிய நீங்களே தடையாக இருக்கின்றீர்களென்று பொருள். "ஆண்டவரே, ஆவியால் வழிநடத்தப்படும் இந்த மேலான அனுபவத்தை எனக்குத் தாரும்" என்று ஜெபிப்பீர்களென்றால் தேவன் நிச்சயமாக இந்த அனுபவத்தால் உங்களை நிரப்புவார். ஆம், "கேட்கிற எவனும் பெற்றுக்கொள்கிறான்."

தேவ செய்தி :- சகோ. எம். ஜியோ பிரகாஷ்     

“Inside the Seeds” 🌳

Scripture Meditation No. 1717
AATHAVAN – Monday, 20 October 2025

“Therefore, there is now no condemnation for those who are in Christ Jesus, for the law of the Spirit of life in Christ Jesus has set you free from the law of sin and of death.” — Romans 8:1 (NASB)

The Bible warns us that one day we will all stand before God’s righteous judgment at the end of the world. After this judgment, those who have lived in a manner pleasing to God will receive eternal life — life without end. But the wicked will face eternal punishment in the fiery hell. This fiery punishment is what the Scripture calls condemnation.

Today’s verse declares that there is no condemnation for those who walk according to the Spirit and not according to the flesh.

Why is there no condemnation for them? Because the Lord Jesus Christ has given us the Holy Spirit, who leads us in all truth. Jesus said,

“But when He, the Spirit of truth, comes, He will guide you into all the truth; for He will not speak on His own initiative, but whatever He hears, He will speak; and He will disclose to you what is to come.” — John 16:13 (NASB)

When we walk in the path shown by the Spirit of Truth, we do not act against God. Therefore, we are not under condemnation.

Jesus also said, “But I tell you the truth, it is to your advantage that I go away; for if I do not go away, the Helper will not come to you; but if I go, I will send Him to you. And He, when He comes, will convict the world concerning sin and righteousness and judgment.” — John 16:7–8 (NASB)

Because the Holy Spirit convicts us of sin and righteousness, we are led to turn away from sin. Hence, there is no condemnation for us.

Today’s key verse clearly says, “Those who are in Christ Jesus, who do not walk according to the flesh.” This means that we must not live according to the desires of the body but live as those who belong to Christ Jesus.

Sadly, many who call themselves Christians today desire both Christ and the pleasures of the world. They live as they please, worshiping Christ only in name.

Dear beloved, let us not be like them. We must yield ourselves to walk according to the Spirit. We must experience the voice of the Holy Spirit speaking to us. Many people hear Bible verses repeatedly — perhaps the same verses they’ve known since childhood — but they have not understood their deeper meaning; therefore, the Word has not become a personal experience in their lives.

The Holy Spirit gently warns us: if, while hearing today’s verse, you think, “I already know this verse. What new thing can he say?” — then you are the very reason this Word cannot work in you. Instead, pray: “Lord, grant me the higher experience of being led by Your Spirit.” Surely, God will fill you with that divine experience.

Yes, “For everyone who asks, receives.”

Message by: Bro. M. Geo Prakash