🦋 Meditation verse - அப். நடபடிகள் 9 : 5 / Acts 9:5

 "விதைகளின் உள்ளே" 🌳 

வேதாகமத் தியானம் எண் - 1727                                          ஆதவன் 30.10.2025 வியாழன்       

"அவன் (சவுல்) :- ஆண்டவரே, நீர் யார், என்றான். அதற்குக் கர்த்தர்: நீ துன்பப்படுத்துகிற இயேசு நானே; முள்ளில் உதைக்கிறது உனக்குக் கடினமாம் என்றார்." ( அப்போஸ்தலருடைய நடபடிகள் 9 : 5 )

இன்றைய தியான வசனம் சவுலுக்கும் ஆண்டவராகிய இயேசு கிறிஸ்துவுக்கும் இடையே நடைபெற்ற உரையாடலின் ஒரு பகுதி. இந்த உரையாடல்மூலம் இயேசு கிறிஸ்துத் தன்னை சவுலுக்கு வெளிப்படுத்தினார். சவுல் பவுலாக மாறுகின்றார். 

இந்த வசனத்தை வாசிக்கும் பலரும் ஆண்டவராகிய இயேசு கிறிஸ்துவின் சுவிசேஷ அறிவிப்புக்கு எதிராகச் செயல்படும் கிறிஸ்தவ எதிரிகள் மட்டும்தான் அவரைத் துன்புறுத்துபவர்கள் என்று எண்ணிக்கொள்கின்றனர். அது உண்மைதான் எனினும் இதனை நாம் சற்று ஆழமாகப் பார்க்கவேண்டியது அவசியம். 

பொதுவாக எல்லோரும் எந்த அறிவுரையையும், வேத வசனங்களையும் மற்றவர்களுக்குச் சொல்லப்பட்டதாகவே  எண்ணிக்கொள்கின்றனர். அன்பானவர்களே, இன்று தங்களைக் கிறிஸ்தவர்கள் என்று கூறிக்கொள்ளும் எல்லோருமே தங்களது வாழ்க்கையினை ஆராய்ந்து பார்க்க இந்த வசனம் உதவுவதாக உள்ளது. தேவனுடைய வார்த்தையானது இருபுறமும் கருக்கான பட்டயம். அது வசனத்தைக் கூறுபவனையும் வெட்டும், எதிரியையும் வெட்டும் என்பதனை நாம் மறந்துவிடக்கூடாது. 

ஆம், "தேவனுடைய வார்த்தையானது ஜீவனும் வல்லமையும் உள்ளதாயும், இருபுறமும் கருக்குள்ள எந்தப் பட்டயத்திலும் கருக்கானதாயும், ஆத்துமாவையும் ஆவியையும், கணுக்களையும் ஊனையும் பிரிக்கத்தக்கதாக உருவக் குத்துகிறதாயும், இருதயத்தின் நினைவுகளையும் யோசனைகளையும் வகையறுக்கிறதாயும் இருக்கிறது." (எபிரெயர் 4:12) என்று வாசிக்கின்றோம். 

அதுபோலவே, "நீ துன்பப்படுத்துகிற இயேசு நானே" எனும் வார்த்தைகள் எதிரிகளை மட்டுமல்ல, கிறிஸ்தவர்களாகிய நம்மை நோக்கியும் வெட்டுவதாக இருக்கின்றது.  இன்று, கிறிஸ்தவர்கள் என்று தங்களைக் கூறிக்கொள்ளும் பல அரசு அதிகாரிகள் ஊழல்வாதிகளாக இல்லையா? ஏமாற்றுக்கார்களாக நிதி மோசடி வழக்குகளில் கைதாகவில்லையா? கிறிஸ்தவ ஊழியர்கள் பலர் கொலை வழக்குகளிலும் பாலியல் வன்கொடுமை செயல்பாடுகளில் ஈடுபட்டுக் கைதுசெய்யப்படவில்லையா?  இவர்களெல்லாம் கிறிஸ்துவுக்கு எதிரானவர்கள் இல்லையா? கிறிஸ்து சவுலிடம் கூறியதுபோல இவர்களும் முள்ளின்மீது உதைக்கிறவர்கள்தானே? 

அன்று சவுல், "சவுலே, சவுலே, நீ என்னை ஏன் துன்பப்படுத்துகிறாய் என்று தன்னுடனே சொல்லுகிற ஒரு சத்தத்தைக் கேட்டான்." ( அப்போஸ்தலருடைய நடபடிகள் 9 : 4 ) இன்றும் அதே இயேசு கிறிஸ்து தனக்கு எதிராகச் செயல்படும் கிறிஸ்தவர்களைப் பார்த்துக் கேட்கின்றார், "நீ என்னை ஏன் துன்பப்படுத்துகிறாய்?" ஆனால் பல கிறிஸ்தவர்களும் செவிடர்களாக, எந்த மனச்சாட்சியுமற்றவர்களாக தொடர்ந்து துன்மார்க்கத்திலேயே வாழ்ந்து கொண்டிருக்கின்றனர். 

அன்பானவர்களே, அன்று அப்போஸ்தலராகிய பவுல் கிறிஸ்து தன்னிடம் இப்படிக் கேட்டபோது உடனேயே தன்னை அவருடைய சித்தத்துக்குக் கையளித்தார்.  "அவன் நடுங்கித் திகைத்து: ஆண்டவரே, நான் என்ன செய்யச் சித்தமாயிருக்கிறீர் என்றான்."  ( அப்போஸ்தலருடைய நடபடிகள் 9 : 6 ) அதுபோல தேவ சித்தத்துக்கு நம்மைக் கையளிக்கவேண்டியது அவசியமாய் இருக்கின்றது. 

இதனை வாசிக்கும் யாராக இருந்தாலும் (என்னையும் சேர்த்து)  நம்மையே நிதானித்துப் பார்ப்போம். நமது  வாழ்வில் சவுலைப்போல முள்ளில் உதைத்துக்கொண்டிருக்கின்றோமா? அப்படி முள்ளில் உதைத்துக் கொண்டிருந்தால் எவ்வளவு ஜெபித்தாலும் நமது வேதனைகள் தீராது; பிரச்சனைகள் மாறாது. சவுலைப்போல, "நான் என்ன செய்யச் சித்தமாயிருக்கிறீர்" என்று அவரது சித்தத்துக்குப் பணிந்து நடப்பதாக வாக்களிக்கும்போது மட்டுமே ஆசீர்வாதத்தினைக் காணமுடியும்; பவுலாக மாற முடியும்.   நாமும் கிறிஸ்துவிடம் கேட்போம், "ஆண்டவரே, நான் என்ன செய்யச் சித்தமாயிருக்கிறீர்?."

தேவ செய்தி :- சகோ. எம். ஜியோ பிரகாஷ்                  

“Inside the Seeds” 🌳

Scripture Meditation No. 1727
AATHAVAN – Thursday, 30 October 2025

“And he (Saul) said, ‘Who are You, Lord?’ And He said, ‘I am Jesus whom you are persecuting; it is hard for you to kick against the goads.’ (Acts 9:5 NASB)

Today’s meditation verse records part of the conversation between Saul and the Lord Jesus Christ. Through this divine encounter, Jesus revealed Himself to Saul—who was soon transformed into Paul.

Many readers of this verse tend to think that the ones persecuting Jesus are only the enemies of the Gospel who openly oppose Christ and His followers. That is true, but we must look deeper.

Usually, people assume that every word of instruction or admonition in Scripture is meant for someone else. Beloved, this verse is for all who call themselves Christians today—it urges us to examine our own lives. The Word of God is like a double-edged sword; it pierces both the one who speaks it and the one who resists it. We must never forget that.

“For the word of God is living and active, and sharper than any two-edged sword, even penetrating as far as the division of soul and spirit, of both joints and marrow, and able to judge the thoughts and intentions of the heart.” (Hebrews 4:12 NASB)

Likewise, the words, “I am Jesus whom you are persecuting,” are not only for the enemies of Christ—they also confront us who bear His name.

Today, are not many who call themselves Christians—government officials, leaders, or believers—found guilty of corruption and deceit? Are not some arrested for fraud, violence, or even immoral acts? Are not many so-called Christian workers involved in criminal and abusive behaviour? Are they not, like Saul once was, persecuting Christ Himself? Truly, they are “kicking against the goads.”

As it is written, “And falling to the ground, he heard a voice saying to him, ‘Saul, Saul, why are you persecuting Me?’” (Acts 9:4 NASB)

Even today, the same Lord Jesus looks upon those who act against His will and asks, “Why are you persecuting Me?” Yet, many Christians live as though deaf to His voice, hardened in heart, continuing in wickedness without conscience or repentance.

Beloved, when the Lord asked this question, Saul trembled and immediately surrendered himself to God’s will:

“And he said, ‘Lord, what do You want me to do?’” (Acts 9:6 NASB)

Likewise, it is essential for us to yield our lives fully to the will of God.

Let each of us—myself included—pause and examine our hearts. Are we, in any way, like Saul, “kicking against the goads”? If so, no matter how much we pray, our pain will not cease, and our problems will not change. Only when we, like Saul, humbly say, “Lord, what do You want me to do?” and choose to walk in obedience, will we experience true blessing and transformation. That is when we, too, can become like Paul.

So let us sincerely ask today: “Lord, what do You want me to do?”

📖 Devotional Message by: Bro. M. Geo Prakash