🦋 Meditation verse - மத்தேயு 12 : 6 / Matthew 12:6

 "விதைகளின் உள்ளே" 🌳 

வேதாகமத் தியானம் எண் - 1708                                           ஆதவன் 11.10.2025 சனி   

"தேவாலயத்திலும் பெரியவர் இங்கே இருக்கிறார் என்று உங்களுக்குச் சொல்லுகிறேன்." ( மத்தேயு 12 : 6 )

ஆண்டவராகிய இயேசு கிறிஸ்து தனது தெய்வீகத்தை யூத மக்களுக்கு இந்த வசனத்தின்மூலம் விளக்குகின்றார். ஆனால்,  யூதர்கள் அதனை  முழுமையாகப் புரிந்துகொள்ளவில்லை. யூதர்களுக்கு எருசலேம் ஆலயம் சிறப்புமிக்கது. அவர்கள் அந்த ஆலயத்தின் பிரமாண்டத்தைப் பார்த்து வியந்தனர்.  அந்த ஆலயத்துக்குச் செல்வதை மிகவும் விரும்பினர். இயேசு கிறிஸ்துவும் ஆலயத்துக்குச் சென்றார். ஆனால் அவர் அங்கு சென்ற நோக்கம் வேறு,  மனிதர்கள் இன்று ஆலயங்களுக்குச் செல்லும் நோக்கம் வேறு. இங்கு இயேசு கிறிஸ்துத் தன்னை தேவாலயத்திலும் பெரியவர் என்று கூறுகின்றார். 

இன்றும் பல கிறிஸ்தவர்கள் குறிப்பிட்டச் சில  ஆலயங்களில் மட்டும் ஏதோ வல்லமை இருப்பதாக எண்ணிக்கொண்டு பல்வேறு ஆலயங்களைத்தேடி ஓடுகின்றனர். ஆனால் ஆலயத்தைவிடப் பெரியவரான இயேசு கிறிஸ்துவைப் பற்றிக்கொள்ளும் மனநிலையினை  விட்டுவிடுகின்றனர். அவரை நாம் தேடி ஓடவேண்டிய அவசியமில்லை, அவர் இங்கே, நமது அருகாமையில்தான் இருக்கின்றார். அவரை நாம் கண்டுகொள்வோமானால் அவர் நம்முள்ளே வந்து தங்கிட ஆர்வமுள்ளவராக இருக்கின்றார். அப்போது நாமே அவரது ஆலயமாகிவிடுவோம். எனவேதான், "தேவனுடைய ஆலயம் பரிசுத்தமாயிருக்கிறது; நீங்களே அந்த ஆலயம்." ( 1 கொரிந்தியர் 3 : 17 ) என்கின்றார் பவுல் அப்போஸ்தலர். 

"ஆகிலும் உன்னதமானவர் கைகளினால் செய்யப்பட்ட ஆலயங்களில் வாசமாயிரார். வானம் எனக்குச் சிங்காசனமும் பூமி எனக்குப் பாதபடியுமாயிருக்கிறது; எனக்காக நீங்கள் எப்படிப்பட்ட வீட்டைக் கட்டுவீர்கள்; நான் தங்கியிருக்கத்தக்க ஸ்தலம் எது;" ( அப்போஸ்தலருடைய நடபடிகள் 7 : 48-49 ) ஆம், மனிதர்களாகிய நமது இதயம்தான் தேவனது ஆலயம். அவர் அதனுள் வந்து தங்கிடவே விரும்புகின்றார்.

நாம் தேவாலயங்களை நம்புகின்றோமா அல்லது தேவாலயத்தைவிடப் பெரியவரை நம்புகின்றோமா என்று நம்மை நாமே நிதானித்துப் பார்ப்போம். கிறிஸ்து நமக்குள் இருப்பது ஒரு இரகசியம் என்கிறார் அப்போஸ்தலரான பவுல். கிறிஸ்துவுக்கேற்ற வாழ்க்கை வாழும்போது மட்டுமே இந்த இரகசியம் நமக்குப் புரியும். "புறஜாதிகளுக்குள்ளே விளங்கிய இந்த இரகசியத்திலுள்ள மகிமையின் ஐசுவரியம் இன்னதென்று, தேவன் தம்முடைய பரிசுத்தவான்களுக்குத் தெரியப்படுத்தச் சித்தமானார்; கிறிஸ்துவானவர் மகிமையின் நம்பிக்கையாக உங்களுக்குள் இருப்பதே அந்த இரகசியம்." ( கொலோசெயர் 1 : 27 ) இப்படி நமக்குள்ளே அவரைக் கண்டுகொள்வோமானால் வெளியிலே தேடி அலையமாட்டோம். 

மட்டுமல்ல, இன்று இதனைப் புரிந்துகொள்ளாததால் கிறிஸ்தவர்கள் பல ஆயிரம் லட்சம் என பணத்தை கோவில்களை மின்விளக்குகளாலும் தோரணங்களாலும் அலங்கரிக்கின்றனர். தங்களையோ பரிசுத்தமாய் அலங்கரிக்க மறந்துவிடுகின்றனர். "அழியாத அலங்கரிப்பாயிருக்கிற சாந்தமும் அமைதலுமுள்ள ஆவியாகிய இருதயத்தில் மறைந்திருக்கிற குணமே உங்களுக்கு அலங்காரமாயிருக்கக்கடவது; அதுவே தேவனுடைய பார்வையில் விலையேறப்பெற்றது." ( 1 பேதுரு 3 : 4 ) என்று அப்போஸ்தலரான பேதுரு நம்மை அறிவுறுத்தவில்லையா? தேவாலயத்தைவிடப் பெரியவரை நாம் நமக்குள் கண்டுகொள்வோமானால் வெளி அலங்கரிப்புகளுக்கல்ல, மாறாக அகஅலங்கரிப்புக்கே முக்கியத்துவம் கொடுக்கின்றவர்களாக இருப்போம்.

இறுதியாக, அப்போஸ்தலரான யோவானுக்குத் தேவன் வெளிப்படுத்தியதை நாம் பின்வருமாறு வாசிக்கின்றோம்:- "பன்னிரண்டு வாசல்களும் பன்னிரண்டு முத்துக்களாயிருந்தன; ஒவ்வொரு வாசலும் ஒவ்வொரு முத்தாயிருந்தது. நகரத்தின் வீதி தெளிவுள்ள பளிங்குபோலச் சுத்தப்பொன்னாயிருந்தது. அதிலே தேவாலயத்தை நான் காணவில்லை; சர்வவல்லமையுள்ள தேவனாகிய கர்த்தரும் ஆட்டுக்குட்டியானவருமே அதற்கு ஆலயம்." ( வெளிப்படுத்தின விசேஷம் 21 : 21-22 )

ஆம், தேவாலயத்தை அழகுபடுத்துவதைவிட  தேவாலயத்தைவிடப் பெரியவரான சர்வவல்லமையுள்ள தேவனாகிய கர்த்தரும் ஆட்டுக்குட்டியானவருக்குப் பிரியமாக நம்மை அழகுபடுத்துவோம்.  காரணம், அவர்  தேவாலயத்திலும் பெரியவர். 

தேவ செய்தி :- சகோ. எம். ஜியோ பிரகாஷ்                                               

“Inside the Seeds” 🌳

Scripture Meditation No. 1708

AATHAVAN – Saturday, 11 October 2025

“But I say to you that something greater than the temple is here.” (Matthew 12:6, NASB)

The Lord Jesus Christ, through this verse, reveals His divine nature to the Jewish people. However, they could not fully understand it. To the Jews, the temple in Jerusalem was of utmost importance. They admired its grandeur and longed to visit it often. Jesus too went to the temple, but His purpose in going there was entirely different from that of most people today.

Here, Jesus declares that He is greater than the temple.

Even today, many Christians believe that certain church buildings possess some special power, and they travel from place to place seeking such churches. But they miss the true essence — the One who is greater than the temple, Jesus Christ Himself.

We need not run in search of Him, for He is near us. If we will only recognize Him, He desires to dwell within us. When that happens, we ourselves become His temple. That is why the Apostle Paul says,

“The temple of God is holy, and that is what you are.” (1 Corinthians 3:17, NASB)

Furthermore, Stephen declares: “However, the Most High does not dwell in houses made by human hands; as the prophet says: ‘Heaven is My throne, And the earth is the footstool of My feet; What kind of house will you build for Me?’ says the Lord, ‘Or what place is there for My rest?’” (Acts 7:48–49, NASB) Yes, the human heart is the true temple of God, and He longs to dwell within it.

Let us, therefore, examine ourselves: Do we place our trust in church buildings, or in the One who is greater than the temple?

The Apostle Paul calls this a mystery — that Christ is within us. Only when we live a life worthy of Him can we understand this mystery.

“God willed to make known what the wealth of the glory of this mystery among the Gentiles is, the mystery that is Christ in you, the hope of glory.” (Colossians 1:27, NASB) When we truly discover Him within us, we will no longer wander about searching for Him outside.

Sadly, because many fail to understand this truth, Christians today spend vast sums decorating church buildings with lights and ornaments, yet neglect to adorn their hearts with holiness. The Apostle Peter gently reminds us: “But let it be the hidden person of the heart, with the imperishable quality of a gentle and quiet spirit, which is precious in the sight of God.” (1 Peter 3:4, NASB)

When we recognize the One who is greater than the temple within us, our focus will shift from outward decoration to inner adornment — from beautifying buildings to beautifying our hearts for His dwelling.

Finally, let us look at what God revealed to the Apostle John: “And the twelve gates were twelve pearls; each one of the gates was a single pearl. And the street of the city was pure gold, like transparent glass. I saw no temple in it, for the Lord God the Almighty and the Lamb are its temple.” (Revelation 21:21–22, NASB)

Yes, rather than adorning temples made by hands, let us adorn ourselves — for the Almighty Lord God and the Lamb, who is greater than the temple, dwell within us.

📖 Message by: Bro. M. Geo Prakash