🦋 Meditation verse - 2 நாளாகமம் 19 : 7 / 2 Chronicles 19:7

"விதைகளின் உள்ளே" 🌳 

வேதாகமத் தியானம் எண் - 1700                                           ஆதவன் 03.10.2025 வெள்ளி      

"கர்த்தருக்குப் பயப்படுகிற பயம் உங்களிடத்தில் இருக்கக்கடவது, எச்சரிக்கையாயிருந்து காரியத்தை நடத்துங்கள்; உங்கள் தேவனாகிய கர்த்தரிடத்திலே அநியாயமும் முகதாட்சிணியமும் இல்லை, பரிதானமும் அவரிடத்திலே செல்லாது. " ( 2 நாளாகமம் 19 : 7 )

இந்த உலகத்தில் பாவ காரியங்கள் பெருகி வருவதற்கு முக்கியமான காரணம் கர்த்தருக்குப் பயப்படும் பயம் மனிதர்களிடம் இல்லாமல் போனதுதான்.  ஒரு மனிதன் தேவனை வாழ்வில் அறிந்துகொண்டான் என்றால் அவனிடம் கர்த்தருக்குப் பயப்படும் பயம் ஏற்படும். அவன் தீமையையும் பாவ காரியங்களையம் வெறுப்பவனாக இருப்பான். இதனையே வேதம்,  "தீமையை வெறுப்பதே கர்த்தருக்குப் பயப்படும் பயம் " ( நீதிமொழிகள் 8 : 13 ) என்று கூறுகின்றது. 

நாம் பொதுவாக மனிதர்களுக்குப் பயந்து சில காரியங்களை செய்கின்றோம் அல்லது சிலவற்றைச் செய்யாமல் தவிர்க்கின்றோம். இப்படி மனிதர்களுக்குப் பயப்படுவது ஒருவேளை குறுகியகால நன்மைகளை நமக்குத் தரலாம்.  ஆனால் பலவேளைகளில் மனிதர்களுக்குப் பயப்படும் பயம் பல பிரச்னைகளை உருவாக்கும். நாம் கர்த்தரை நம்பிச் செயல்படுவோமானால் அனைத்துக் காரியங்களிலும் நமக்கு வெற்றி உண்டு. ஆம், "மனுஷனுக்குப் பயப்படும் பயம் கண்ணியை வருவிக்கும்; கர்த்தரை நம்புகிறவனோ உயர்ந்த அடைக்கலத்திலே வைக்கப்படுவான்." ( நீதிமொழிகள் 29 : 25 )

நாம் கர்த்தருக்குப் பயப்படும் பயத்துடன் வாழ்வதே அவரை அன்புசெய்வதாகும். இப்படி நாம் அவரை அன்புசெய்து அவருக்குப் பயந்து வாழ்வோமானால் நமது வாழ்வில் பயம் அகன்றுபோகும். "அன்பிலே பயமில்லை; பூரண அன்பு பயத்தைப் புறம்பே தள்ளும்; பயமானது வேதனையுள்ளது, பயப்படுகிறவன் அன்பில் பூரணப்பட்டவன் அல்ல." ( 1 யோவான்  4 : 18 ) என்று இயேசுவின் அன்புச்  சீடனான யோவான் கூறுகின்றார். 

பழைய ஏற்பாட்டுக்காலத்தில் இஸ்ரவேல் மக்கள் முரட்டாட்டமுள்ள இருதயமுள்ளவர்களாக இருந்தனர். அவர்களுக்கு தேவனிடம் அன்பைவிட பயம்தான் அதிகமாக இருந்தது. அதனால் அந்த மக்கள் தன்னைப்பற்றும் பயத்துடன் வாழவேண்டும் என்பதற்காக தேவன் மலைமேல் எழுந்தருளினார்.  இதனை, "மோசே ஜனங்களை நோக்கி; பயப்படாதிருங்கள்; உங்களைச் சோதிப்பதற்காகவும், நீங்கள் பாவஞ்செய்யாதபடிக்குத் தம்மைப் பற்றும் பயம் உங்கள் முகத்திற்கு முன்பாக இருப்பதற்காகவும், தேவன் எழுந்தருளினார் என்றான்." ( யாத்திராகமம் 20 : 20 ) என்று வாசிக்கின்றோம். 

ஆனால் புதிய ஏற்பாட்டுக்கால மக்களாகிய நமக்குத் தேவன் பரிசுத்த ஆவியானவரைத் தந்துள்ளார். அன்பின் ஆவியான அவரே நம்மைத் தேவ பாதையில் நடத்துகின்றார்.   "மேலும் நமக்கு அருளப்பட்ட பரிசுத்த ஆவியினாலே தேவ அன்பு நம்முடைய இருதயங்களில் ஊற்றப்பட்டிருக்கிறபடியால், அந்த நம்பிக்கை நம்மை வெட்கப்படுத்தாது." ( ரோமர் 5 : 5 ) என்று பவுல் அப்போஸ்தலர் கூறுகின்றார். 

ஏனோதானோ என்று வாழ்ந்துவிட்டு நாம் இறுதியில் தேவனுடைய தீர்ப்புக்குத் தப்பிவிடலாம் என்று எண்ணிக்கொள்ளக்கூடாது என்று இன்றைய தியான வசனம் நம்மை எச்சரிக்கின்றது. இதனையே இந்தத்  தியான வசனத்தின் இறுதியில் நாம் வாசிக்கின்றோம், "எச்சரிக்கையாயிருந்து காரியத்தை நடத்துங்கள்; உங்கள் தேவனாகிய கர்த்தரிடத்திலே அநியாயமும் முகதாட்சிணியமும் இல்லை, பரிதானமும் அவரிடத்திலே செல்லாது. "

அதாவது, நாம் கர்த்தருக்குப் பயப்படும் பயத்துடன் எச்சரிக்கையாயிருந்து நமது வாழ்க்கையினை வாழவேண்டும்.  மனிதர்களுக்கு கையூட்டுக் கொடுப்பதுபோல தேவனுக்கு நாம் கையூட்டுக் கொடுத்து நியாயத்தீர்ப்பு நாளில் தப்பிவிட முடியாது. மட்டுமல்ல, அவர் அநியாயத் தீர்ப்புச் செய்வதுமில்லை, முகதாட்சிணியம் பார்ப்பதுமில்லை. 

கர்த்தருக்குப் பயப்படும் பயத்துடன் வாழ்வோம், நமது பிள்ளைகளையும் அதுபோன்ற பயத்துடன் வாழப் பழக்குவோம். அதற்கு முதலாவதாக தேவனையுடைய வார்த்தைகள் நமக்குள் விதைக்கப்படவேண்டியது அவசியம். வேத வசனங்களை அன்றாடம் வாசித்துத் தியானிப்போம். அப்போதுதான்  கர்த்தருக்குப் பயப்படும் பயத்துடன் நாம் வாழமுடியும். 

தேவ செய்தி :- சகோ. எம். ஜியோ பிரகாஷ்   

“Inside the Seeds” 🌳
Scripture Meditation No. 1700
AATHAVAN – Friday, 03.10.2025

“Now then let the dread of the LORD be upon you; be very careful what you do, for the LORD our God will have no part in unrighteousness or partiality, or the taking of a bribe.” (2 Chronicles 19:7)

The primary reason sin is increasing in this world is that people have lost the fear of the Lord. When a person truly comes to know God in his life, he develops the fear of the Lord. Such a person will hate evil and sinful deeds. Scripture says, “The fear of the LORD is to hate evil; Pride, arrogance, the evil way, And the perverted mouth, I hate.” (Proverbs 8:13).

Often, we do certain things or avoid certain actions out of fear of men. This fear of men may at times bring temporary benefits, but in many cases, it creates serious problems. On the other hand, if we act with trust in the Lord, we will find success in all things. “The fear of man brings a snare, but he who trusts in the LORD will be exalted.” (Proverbs 29:25).

To live in the fear of the Lord is to love Him. When we love Him and walk in His fear, all other fears in life will fade away. As the beloved disciple John said: “There is no fear in love; but perfect love casts out fear, because fear involves punishment, and the one who fears is not perfected in love.” (1 John 4:18).

In the Old Testament, the people of Israel were stubborn and hard-hearted. They often had more fear than love toward God. That is why God descended upon the mountain so that they would live in reverent fear of Him. “Moses said to the people, ‘Do not be afraid; for God has come in order to test you, and in order that the fear of Him may remain with you, so that you may not sin.’” (Exodus 20:20).

But in this New Testament age, God has given us the Holy Spirit. The Spirit of Love Himself guides us in the way of God. As Paul the Apostle writes: “And hope does not disappoint, because the love of God has been poured out within our hearts through the Holy Spirit who was given to us.” (Romans 5:5).

Today’s meditation verse reminds us that we must not think we can live carelessly and somehow escape God’s judgment in the end. That is why the Word strongly warns us: “Be very careful what you do, for the LORD our God will have no part in unrighteousness or partiality, or the taking of a bribe.” (2 Chronicles 19:7).

This means we must live cautiously in the fear of the Lord. Just as we bribe men to escape justice, we cannot bribe God on the day of His righteous judgment. He does not render unjust verdicts, nor does He show partiality.

Therefore, let us live in the fear of the Lord and train our children to do the same. For this, it is essential that the Word of God be sown in us first. Let us read and meditate on Scripture daily, for only then will we be able to walk in the true fear of the Lord.

– Bro. M. Geo Prakash