🦋 Meditation verse - ஏசாயா 44 : 2 / Isaiah 44:2

 "விதைகளின் உள்ளே" 🌳 

வேதாகமத் தியானம் எண் - 1714                                          ஆதவன் 17.10.2025 வெள்ளி    

"உன்னை உண்டாக்கினவரும், தாயின் கர்ப்பத்தில் உன்னை உருவாக்கினவரும், உனக்குத் துணை செய்கிறவருமாகிய கர்த்தர் சொல்லுகிறதாவது: என் தாசனாகிய யாக்கோபே, நான் தெரிந்துகொண்ட யெஷூரனே, பயப்படாதே." ( ஏசாயா 44 : 2 )

மனிதர்கள் பொதுவாக இன்று பல்வேறுவித பயங்களால் தத்தளித்துக்கொண்டிருக்கின்றனர். சிலர் நன்றாக வாழும்போதும் எதிர்மறையான எண்ணங்களால் பயத்துடன் வாழ்கின்றனர்.  தங்கள் பிள்ளைகளின் எதிர்காலம்குறித்து பயம், அவர்களது படிப்பு, திருமண காரியங்களைக்குறித்து பயம், உலகத்தில் ஏற்படும் பல்வேறு நோய்நொடிகளைக் கண்டு பயம்,  திடீரென ஏற்படும் மரணங்களைக் காணும்போது பயம் ...இப்படி மனிதர்களது பயங்கள் நீண்டுகொண்டே போகின்றன.

எனவேதான் வேதாகமத்தின் பழைய ஏற்பாட்டில்  பல்வேறு இடங்களில் தேவன், "பயப்படாதே" என்று நம்மைத் தைரியப்படுத்துகின்றார். ஆண்டவராகிய இயேசு கிறிஸ்துவும் "பயப்படாதே விசுவாசமுள்ளவனாய் இரு" என்று தன்னிடம் வந்த நோயாளிகளைத் திடப்படுத்தினார். 

உளவியல் பார்வையில் பயத்தின் வகைகள் குறித்து பேசும்போது, அவற்றை பெரும்பாலும் இயற்கையாகப் பிறவியிலேயே உள்ள பயங்கள் மற்றும் அனுபவத்தின் மூலம் கற்றுக்கொள்ளப்படும் பயங்கள் என இருவகைப்படுத்துகின்றார்கள். இயற்கையான (Innate) பயங்கள் என்பவை நாம் பிறந்தபோதே நம்முள் பதியப்பட்டிருக்கும், பரிணாம வளர்ச்சியின் மூலம் நமது மூளையில் ஆழமாக பதிந்திருக்கும் பயங்கள் ஆகும். இதற்கு உயரமான இடங்களிலிருந்து பார்க்கும்போது உண்டாகும் பயம், பெரும் சத்தத்தைக் கேட்கும்போது உண்டாகும் பயம், திடீர் இயக்கங்களின் பயம் போன்றவை எடுத்துக்காட்டாகும். 

அனுபவ பயங்கள் என்பவை நமது  அனுபவம் அல்லது பார்வையின் மூலம் உருவாகும் பயங்களாகும். குழந்தை பருவத்தில் இருளின் பயம் போன்ற எளிய பயங்களிலிருந்து, பெரியவர்களின் பொது மேடையில் பேசும்போது ஏற்படும் பயம் போன்றவைகளை இதற்கு உதாரணம் கூறலாம்.  

ஆனால் எந்தப் பயமாக இருந்தாலும் தேவனால் அவற்றிலிருந்து நம்மை விடுவிக்கமுடியும். நம்மைத் தாயின் வயிற்றில் உருவானதுமுதல் பாதுகாத்து வருபவர் நமது தேவன். எத்தனையோ குழந்தைகள் தாயின் வயிற்றிலேயே இறந்துபோய்விடுகின்றன. சில பிறக்கும்போது இறக்கின்றன. வறுமை காரணமாக ஐந்து வயதாகுமுன் பல குழந்தைகள் இறக்கின்றன. ஆனால் இவை அனைத்திலுமிருந்து நம்மைப் பாதுகாத்து இந்தச் செய்தியை வாசிக்கும் இந்தநாள்வரை நம்மைக் கொண்டுவந்துள்ளார். 

இதற்குக் காரணம் தேவனது சுத்தக்  கிருபையே. எனவேதான் இன்றைய வசனம் கூறுகின்றது, "தாயின் கர்ப்பத்தில் உன்னை உருவாக்கினவரும், உனக்குத் துணை செய்கிறவருமாகிய கர்த்தர் சொல்லுகிறதாவது: என் தாசனாகிய யாக்கோபே, நான் தெரிந்துகொண்ட யெஷூரனே, பயப்படாதே" என்று. ஆம், இம்மட்டும் கைவிட தேவன் இனியும் கைவிடமாட்டார். 

அப்போஸ்தலரான யோவான் கூறுகின்றார், "அன்பிலே பயமில்லை; பூரண அன்பு பயத்தைப் புறம்பே தள்ளும்; பயமானது வேதனையுள்ளது, பயப்படுகிறவன் அன்பில் பூரணப்பட்டவன் அல்ல." ( 1 யோவான்  4 : 18 ) என்று. அதாவது நாம் தேவன்மேல் பூரண அன்பு கொண்டு வாழ்வோமானால் பயம் நம்மைவிட்டு அகன்றுவிடும். காரணம், அகிலத்தையே படைத்த தேவன் நம்மோடு இருக்கின்றார் எனும் தைரியம். ஆம் அன்பானவர்களே, என்ன நடந்தாலும் பயப்படாமல் வாழ்வை எதிர்கொள்வோம். தேவனது கிருபையின் கரங்கள் நம்மோடு இருக்கின்றன என விசுவாசிப்போம்.

"மலைகள் விலகினாலும், பர்வதங்கள் நிலைபெயர்ந்தாலும், என் கிருபை உன்னைவிட்டு விலகாமலும், என் சமாதானத்தின் உடன்படிக்கை நிலைபெயராமலும் இருக்கும் என்று, உன்மேல் மனதுருகுகிற கர்த்தர் சொல்லுகிறார்." ( ஏசாயா 54 : 10 ) எனவே, பயப்படாமல் தைரியமாக வாழ்வைத் தொடருவோம்.

தேவ செய்தி :- சகோ. எம். ஜியோ பிரகாஷ்                                                 

“Inside the Seeds” 🌳

Scripture Meditation No. 1714
AATHAVAN – Friday, 17 October 2025

“This is what the Lord says, He who made you and formed you from the womb, who will help you: ‘Do not fear, My servant Jacob; and you Jeshurun whom I have chosen.’” — Isaiah 44:2 (NASB)

Today, many people are struggling under various kinds of fear. Even those who seem to live comfortably often carry hidden anxieties. Some fear for their children’s future—their studies, their marriages, or their stability in life. Others are afraid of diseases spreading across the world, or of sudden deaths they see around them. Human fears seem endless.

That is why, throughout the Old Testament, God repeatedly strengthens His people with the words, “Do not fear.” The Lord Jesus Christ, too, comforted those who came to Him for healing, saying, “Do not be afraid; only believe.”

From a psychological perspective, fear can generally be categorized into innate fears and learned fears.

Innate fears are those we are born with—deeply wired into our brains through evolution and human survival. Examples include fear of heights, fear of loud noises, or fear of sudden movements.

Learned fears, on the other hand, develop through experience or observation. These range from a child’s fear of the dark to an adult’s fear of speaking in public.

Yet, whatever the type of fear, God alone can deliver us from it. From the moment we were formed in our mother’s womb, God has been our protector. Many children die in the womb, some at birth, and many others before they even reach five years of age due to poverty or disease. But God has graciously preserved us until this very day—to read and reflect on this message.

It is purely by His grace that we are alive today. That is why the Scripture reminds us again: “He who made you, who formed you from the womb, and who helps you says: ‘Do not fear, My servant Jacob, and you Jeshurun whom I have chosen.’” — Isaiah 44:2 (NASB)

Yes, the God who has never abandoned us thus far will not forsake us in the future either.

The Apostle John declares: “There is no fear in love; but perfect love drives out fear, because fear involves punishment, and the one who fears is not perfected in love.”
— 1 John 4:18 (NASB)

This means that when we live in perfect love toward God, fear loses its hold on us—because we are confident that the Creator of the universe is with us. Beloved, let us therefore face life without fear, trusting that the gracious hands of God are always upon us.

“For the mountains may be removed and the hills may shake, But My favor will not be removed from you, Nor will My covenant of peace be shaken,” Says the Lord who has compassion on you. — Isaiah 54:10 (NASB) Therefore, let us continue our lives fearlessly and courageously.

Message by: Bro. M. Geo Prakash