🦋 Meditation verse - சங்கீதம் 34 : 18 / Psalm 34:18

 "விதைகளின் உள்ளே" 🌳 

வேதாகமத் தியானம் எண் - 1707                                          ஆதவன் 10.10.2025 வெள்ளி  

"நொறுங்குண்ட இருதயமுள்ளவர்களுக்குக் கர்த்தர் சமீபமாயிருந்து, நருங்குண்ட ஆவியுள்ளவர்களை இரட்சிக்கிறார்." ( சங்கீதம் 34 : 18 )

நொறுங்குண்ட இருதயம் என்பது வாழ்க்கையில் எந்த நம்பிக்கையுமற்ற நிலையிலிருக்கும் மக்களது இருதயம். ஏதாவது காரணத்தால் இந்த இருதய நொறுக்குதல் ஒருவருக்கு ஏற்பட்டிருக்கலாம். நல்ல ஒரு படிப்புப் பின்னணி இருந்தும் படிப்புக்கேற்ற வேலையில்லாத நிலையாக இருக்கலாம், மருத்துவர்களால் கைவிடப்பட்ட கொடிய நோயாக இருக்கலாம், அனைத்துச் செல்வங்களையும் சொத்துக்களையும் இழக்கக்கூடிய மிகப்பெரிய கடன் பிரச்சனையாக இருக்கலாம், குடும்பத்தினரால் வெறுத்து ஒதுக்கப்பட்ட நிலையாக இருக்கலாம்  அல்லது திருமணமாகி பல ஆண்டுகள் கடந்தபின்னரும் ஒரு குழந்தைபாக்கியம் இல்லாத நிலையாக இருக்கலாம். இத்தகைய நிலைமைகள் மனிதர்களது இருதயத்தை நொறுங்கச் செய்துவிடும். 

ஆனால் பலரும் இத்தகையச் சூழ்நிலை ஏற்படும்போது விசுவாசத்தில் தளர்ச்சியடைந்து பல்வேறு மாற்று தெய்வ வழிபாடுகளையோ, ஜோசியம் பார்த்தல் அல்லது ஜாதகம் கணித்தல் போன்ற வழிகளையோ நாடுகின்றனர். தற்காலிக மன அமைதிக்காக போதைப்பொருட்களை நாடுகின்றனர்.  மேலும் சிலர் தற்கொலை எனும் விபரீத முடிவினை எடுக்கின்றனர்.  ஆனால் இத்தகைய சூழ்நிலைகளில் தேவனை நோக்கித் திரும்புபவர்கள் வெகுசிலர்தான்.  அன்பானவர்களே, "தேவனுக்கேற்கும் பலிகள்   நொறுங்குண்ட  ஆவிதான்; தேவனே, நொறுங்குண்டதும் நருங்குண்டதுமான இருதயத்தை நீர் புறக்கணியீர்".  (சங்கீதம் 51:17) என்று நாம் வேதத்தில் வாசிக்கின்றோம். 

இந்த அண்டசராசரங்களையும் உருவாக்கியவர் அவர். உடைந்த உள்ளதோடு அந்தத் தேவனை நாம் நோக்கிப்பார்க்கும்போது அவரும் நம்மை நோக்கிப் பார்க்கின்றார்; நமக்கு ஆறுதலும் விடுதலையும் தருகின்றார். ஆம், "என்னுடைய கரம் இவைகளையெல்லாம் சிருஷ்டித்ததினால் இவைகளெல்லாம் உண்டாயின என்று கர்த்தர் சொல்லுகிறார்; ஆனாலும் சிறுமைப்பட்டு, ஆவியில் நொறுங்குண்டு, என் வசனத்துக்கு நடுங்குகிறவனையே நோக்கிப்பார்ப்பேன்." ( ஏசாயா 66 : 2 ) என்கிறார் தேவனாகிய கர்த்தர். அதாவது எல்லாவற்றையும், எல்லோரையும் நான்தான் உருவாக்கினேன் என்றாலும் ஆவியில் நொறுங்குண்டு, என் வசனத்துக்கு நடுங்குகிறவனையே நோக்கிப்பார்ப்பேன் என்கின்றார்.

நோயுற்ற ஒருவன் தனது நோய்  தீரவேண்டுமானால் மருத்துவரிடம் வரவேண்டியது அவசியம். மருத்துவரிடம் வந்து அவர் தரும் மருத்துவ சிகிர்சைகளுக்கு உடன்பட்டு, அவரது ஆலோசனைகளுக்குத் தன்னைக்  கையளிக்கும்போதுதான்  அவன் நோயிலிருந்து விடுதலை பெறமுடியும். எனவேதான் பரம வைத்தியரான இயேசு இருகரம் நீட்டி அனைவரையும் அழைக்கின்றார், "வருத்தப்பட்டுப் பாரஞ்சுமக்கிறவர்களே! நீங்கள் எல்லாரும் என்னிடத்தில் வாருங்கள்; நான் உங்களுக்கு இளைப்பாறுதல் தருவேன்." ( மத்தேயு 11 : 28 ) என்று. 

அவரிடம் வருவது மட்டுமல்ல, அவரது கட்டளைகளாகிய நுகத்தை நாம் ஏற்றுக்கொண்டு அவருக்குக் கீழ்படியவேண்டியது அவசியம். அவரது கட்டளைகள் நமது பிரச்சனைகளைவிட பாரமானவைகள் அல்ல. எனவேதான் இயேசு கூறினார், "நான் சாந்தமும் மனத்தாழ்மையுமாய் இருக்கிறேன்; என் நுகத்தை உங்கள்மேல் ஏற்றுக்கொண்டு, என்னிடத்தில் கற்றுக்கொள்ளுங்கள்; அப்பொழுது உங்கள் ஆத்துமாக்களுக்கு இளைப்பாறுதல் கிடைக்கும். என் நுகம் மெதுவாயும், என் சுமை இலகுவாயும் இருக்கிறது." ( மத்தேயு 11 : 29- 30 )

எசேக்கியா ராஜா நோயிலிருந்து சுகம்பெற இருதயம் நொறுங்கி கண்ணீரோடு ஜெபித்தார்.   "உன் விண்ணப்பத்தைக் கேட்டேன், உன் கண்ணீரைக் கண்டேன்" (2 இராஜாக்கள் 20:5) என்றுகூறி தேவன் அவரைக் குணமாக்கினார்.  இதுபோலவே,  பரிசேயன் மற்றும் ஆயக்காரன் இருவரும் தேவனிடம் ஜெபித்தார்கள். இருதயம் நொறுங்கி ஜெபித்த  "ஆயக்காரன் தூரத்திலே நின்று, தன் கண்களையும் வானத்துக்கு ஏறெடுக்கத் துணியாமல், தன் மார்பிலே அடித்துக்கொண்டு: தேவனே! பாவியாகிய என்மேல் கிருபையாயிரும் என்றான்." ( லுூக்கா 18 : 13 ) இவனே நீதிமானாக்கப்பட்டான் என்கிறார் இயேசு.

நமது எந்தப் பிரச்சனையாக இருந்தாலும் நாம் தேவனிடம் வரும்போது மேம்போக்காக ஜெபிக்காமல் நமது ஜெபத்தை அவர் கேட்கின்றார், நிச்சயமாக எனது ஜெபத்துக்குப் பதில் தருவார் எனும் எண்ணத்தோடு இருதயத்தின் ஆழத்திலிருந்து ஊக்கமாக ஜெபிப்போம்; குழந்தையில்லாமல் தவித்த அன்னாள் ஜெபித்ததைப்போல நமது  இருதயத்தை தேவ சமூகத்தில் ஊற்றிவிடுவோம். (1 சாமுவேல் 1;15) நிச்சயமாக நமது ஜெபத்துக்கு அவர் பதிலளிப்பார். ஆம், நமது தேவன்,  "இருதயம் நொறுங்குண்டவர்களைக் குணமாக்குகிறார், அவர்களுடைய காயங்களைக் கட்டுகிறார்." ( சங்கீதம் 147 : 3 )  

தேவ செய்தி :- சகோ. எம். ஜியோ பிரகாஷ்              

“Inside the Seeds” 🌳

Scripture Meditation No. 1707

AATHAVAN – Friday, 10 October 2025

“The Lord is near to the broken-hearted and saves those who are crushed in spirit.” (Psalm 34:18)

A broken heart belongs to those who have lost all hope in life. For some, this brokenness may arise from a specific situation — perhaps being well-educated but unable to find suitable employment, being afflicted with an incurable disease that even doctors have given up on, being trapped in overwhelming debt that has cost one’s wealth and property, being rejected and abandoned by family members, or being childless after many years of marriage. Such situations crush a person’s heart deeply.

Many, when facing such circumstances, lose faith and turn to other gods, fortune-telling, or astrology. Some resort to drugs or alcohol seeking temporary peace of mind, while others tragically choose suicide. Yet, only a few turn toward God in such moments. Dear beloved, the Scripture says,

“The sacrifices of God are a broken spirit; A broken and a contrite heart, God, You will not despise.” (Psalm 51:17 NASB)

He is the Creator of the universe and everything in it. When we look to Him with a broken heart, He looks back at us with compassion, bringing comfort and deliverance. Truly, the Lord declares: “For My hand made all these things, So all these things came into being,” declares the Lord. “But I will look to this one, At one who is humble and contrite in spirit, And who trembles at My word.” (Isaiah 66:2 NASB)

Even though God created everything and everyone, He says He will look with favour only upon those who are humble, contrite in spirit, and who tremble at His Word.

When a sick person desires healing, it is essential that he goes to a doctor. Only when he submits himself to the doctor’s care and follows the prescribed treatment can he recover. In the same way, our Great Physician — Jesus Christ — stretches out His hands and calls to all: “Come to Me, all who are weary and burdened, and I will give you rest.” (Matthew 11:28 NASB)

It is not enough to merely come to Him; we must also accept His yoke and obey His commands. His yoke is not heavier than our problems. That’s why Jesus said: “Take My yoke upon you and learn from Me, for I am gentle and humble in heart, and you will find rest for your souls. For My yoke is comfortable, and My burden is light.” (Matthew 11:29–30 NASB)

King Hezekiah prayed to God with tears when he was sick, and God said, “I have heard your prayer, I have seen your tears; behold, I am going to heal you.”

(2 Kings 20:5 NASB) Similarly, Jesus told the story of the Pharisee and the tax collector who both prayed. The tax collector stood far off, and, “was even unwilling to raise his eyes toward heaven, but was beating his chest, saying, ‘God, be merciful to me, the sinner!’” (Luke 18:13 NASB) It was this man, Jesus said, who went home justified before God.

Whatever our problem may be, when we come to God, let us not pray casually. Let us pray earnestly from the depths of our hearts, believing that He hears and will surely answer. Like Hannah, who poured out her soul before the Lord in her anguish (1 Samuel 1:15), let us pour out our hearts in God’s presence. Surely, He will respond.

Yes, our God — “He heals the broken-hearted and binds up their wounds.” (Psalm 147:3 NASB)

📖 Message by: Bro. M. Geo Prakash