🦋 Meditation verse - 1 கொரிந்தியர் 1:22-23 / 1 Corinthians 1:22–23

 "விதைகளின் உள்ளே" 🌳 

வேதாகமத் தியானம் எண் - 1701                                          ஆதவன் 04.10.2025 சனி 

"யூதர்கள் அடையாளத்தைக் கேட்கிறார்கள், கிரேக்கர் ஞானத்தைத் தேடுகிறார்கள்; நாங்களோ சிலுவையில் அறையப்பட்ட கிறிஸ்துவைப் பிரசங்கிக்கிறோம்; அவர் யூதருக்கு இடறலாயும் கிரேக்கருக்குப் பைத்தியமாயும் இருக்கிறார்." (1 கொரிந்தியர் 1:22-23)

நமது ஆண்டவராகிய இயேசு கிறிஸ்துவைக்குறித்து சீடர்கள் மக்களுக்குப் போதித்தபோது  அவர்களுக்கு யூதர்களும் கிரேக்கர்களும் மிகப்பெரிய சவாலாக இருந்தனர்.  ஏனெனில், யூதர்கள் பெரிய அறிவாளிகளாக இருந்தனர். அவர்கள் எதனையும் உடனடியாக ஏற்றுக்கொள்வதில்லை. போதுமான சரியான ஆதாரங்கள் இருந்தால் மட்டுமே ஒரு காரியத்தை யூதர்கள் ஏற்றுக்கொள்வார்கள்.  கிரேக்கர்கள் ஞானம் மிக்கவர்கள். கிரேக்க ஞானிகளது சிந்தனை இன்றும் உலக மக்களால் புகழப்படுகின்றன. 

ஆனால் தேவனை மனித அறிவாலும் மனித ஞானத்தாலும் அறிந்துகொள்ளமுடியாது எனும் சத்தியத்தை அவர்கள் உணர்ந்துகொள்ளவில்லை.. ஒருவன் தன்னைத் தாழ்த்தி தனது பாவங்களை உணர்ந்து மனம்திரும்பினால் மட்டுமே தேவனை வாழ்வில் அறியமுடியும். ஆனால் இதற்கு மாறாக, யூதர்கள் தங்கள் அறிவாலும் கிரேக்கர்கள் தங்களது ஞானத்தாலும் தேவனை அறிய முயன்றனர். எனவேதான், யூதர்கள் அடையாளத்தைக் கேட்கிறார்கள், கிரேக்கர் ஞானத்தைத் தேடுகிறார்கள் ஆனால்  நாங்களோ இவர்களைப்பற்றி கவலைப்படவில்லை; மாறாக, சிலுவையில் அறையப்பட்ட கிறிஸ்துவைப் பிரசங்கிக்கிறோம் என்று கூறுகின்றார் பவுல். 

இயேசு கிறிஸ்துவைப்பற்றிய போதனைகள்  யூதருக்கு இடறலாயும் கிரேக்கருக்குப் பைத்தியமாயும் இருந்தாலும் அந்த "ஞானிகளை வெட்கப்படுத்தும்படி தேவன் உலகத்தில் பைத்தியமானவைகளைத் தெரிந்துகொண்டார்; பலமுள்ளவைகளை வெட்கப்படுத்தும்படி தேவன் உலகத்தில் பலவீனமானவைகளைத் தெரிந்துகொண்டார்." (1 கொரிந்தியர் 1:27) என்கின்றார் அவர். "எப்படியெனில், தேவஞானத்துக்கேற்றபடி உலகமானது சுயஞானத்தினாலே தேவனை அறியாதிருக்கையில், பைத்தியமாகத் தோன்றுகிற பிரசங்கத்தினாலே விசுவாசிக்கிறவர்களை இரட்சிக்க தேவனுக்குப் பிரியமாயிற்று".(1 கொரிந்தியர் 1:27) 

யூதர்களும் கிரேக்கர்களும் அற்பமாக, அறிவில்லாதவர்கள், பைத்தியக்காரர்கள்  என்று  எண்ணிய மக்களைத் தேவன் தனக்காகத் தெரிந்துகொண்டார். அன்று இயேசு கிறிஸ்துவையும் யூதர்கள் இப்படி அற்பமாகவே எண்ணிக்கொண்டனர். அவரைத் தச்சனின் மகன்தானே என்று எண்ணிக்கொண்டனர்; அவரையும் பைத்தியக்காரர் என்றுதான் கூறினர்.  எனவேதான் "அவரைச் சோதிக்கும்படி வானத்திலிருந்து ஒரு அடையாளத்தைக் காட்டவேண்டுமென்று அவரிடத்தில் கேட்டார்கள்."  (லூக்கா 11:16) அதாவது இவர் இறைமகன் என்றால் மற்றவர்களைவிட மேலானவர் என்பதனை ஏதாவது அற்புதத்தை வானத்தில் தெரியும்படிக் காண்பித்துத் தன்னை மெய்ப்பிக்கவேண்டும் என்று  விரும்பினர்.

ஆனால் இயேசு கிறிஸ்து, "இந்தச் சந்ததியார் பொல்லாதவர்களாயிருக்கிறார்கள், அடையாளத்தைத் தேடுகிறார்கள்; ஆனாலும் யோனா தீர்க்கதரிசியின் அடையாளமேயன்றி வேறே அடையாளம் இவர்களுக்குக் கொடுக்கப்படுவதில்லை." (லூக்கா 11: 29) என்றார். அதாவது யோனா மூன்று நாட்கள் மீனின் வயிற்றில் இருந்ததுபோல தானும் இந்தப் பூமியின் வயிற்றினுள் மூன்றுநாட்கள் இருப்பதே தான் இறைமகன் என்பதற்கு அடையாளம் என்று உவமையாகக் கூறினார். 

இன்றும் கிறிஸ்தவத்துக்கு எதிரிகள் வெளியிலல்ல,  கிறிஸ்தவ போர்வைக்குள்ளேயே இருக்கின்றனர். தங்களது தப்பறையான போதனைகளால் மக்களது விசுவாசத்தை இவர்கள் கெடுத்துக்கொண்டிருக்கின்றனர். ஆம், தங்களைக் கிறிஸ்தவர்கள் என்று கூறிக்கொள்ளும் பலர்கூட நாம் பார்த்த யூதர்களைப்போலவும் கிரேக்கர்களைப்போலவும் தான் இருக்கின்றனர். அவர்கள் வேதாகம சத்தியங்களை உறுதியாக நம்புவதில்லை. இவர்கள் தங்களது படிப்பறிவினாலும், உலக ஞானத்தாலும் வேதாகம உண்மைகளை அறிய முயலுகின்றனர்; அதனைத் திரித்துப் பிரசங்கிக்கின்றனர்.  இதன் விளைவே விடுதலை இறையியல் எனும் தப்பறை சிந்தனை. 

இவர்களுக்கு  நாம் சிலுவையில் அறையப்பட்ட கிறிஸ்துவைப் பிரசங்கிப்பது இடறலாயும் பைத்தியமாயும் இருக்கின்றது. இயேசு கிறிஸ்துவைச் சோதிக்கும்படி அவரிடம் அடையாளத்தைக் கேட்டதுபோல நாம் ஆவிக்குரிய செய்திகளைக் கூறும்போது நம்மிடம், "இப்படிப் பேசுகின்றாயே, எழுதுகின்றாயே உன்னால் ஏன் பவுல் அப்போஸ்தலர் செய்ததுபோல அற்புதம் செய்யமுடியவில்லை?" என இடக்கான கேள்வியைக் கேட்கின்றனர்.  

ஆம் அன்பானவர்களே, கிறிஸ்து யூதருக்கும் கிரேக்கருக்கும் மட்டுமல்ல, இன்று இவர்களுக்கும் பைத்தியமாய் இருக்கிறார். இந்த அறிவால் இவர்கள் அப்பாவி மக்களை நரகத்துக்கு நேராக நடத்துகின்றார்கள். ஆனால், பவல் அப்போஸ்தலர் கூறியதுபோல ஒன்று மட்டும் உண்மையாக இருக்கின்றது:-   "சிலுவையைப் பற்றிய உபதேசம் கெட்டுப்போகிறவர்களுக்குப் பைத்தியமாயிருக்கிறது, இரட்சிக்கப்படுகிற நமக்கோ அது தேவபெலனாயிருக்கிறது". (I கொரிந்தியர்1:18) இரட்சிக்கப்படுகின்ற நாம் தேவ பெலத்தோடே சிலுவையின் உபதேசத்தை உறுதியாகப் பற்றிக்கொள்வோம். 

தேவ செய்தி :- சகோ. எம். ஜியோ பிரகாஷ்                    

“Inside the Seeds” 🌳

Scripture Meditation No. 1701
Aathavan – Saturday, 04.10.2025

“For indeed Jews ask for signs and Greeks search for wisdom; but we preach Christ crucified, to Jews a stumbling block, and to Gentiles foolishness.” (1 Corinthians 1:22–23)

When the disciples taught the people about our Lord Jesus Christ, they faced strong challenges from both the Jews and the Greeks. The Jews were known as great thinkers. They would not accept anything quickly. Only if there was sufficient and convincing evidence would they acknowledge it. The Greeks, on the other hand, were famous for their wisdom, and the thoughts of Greek philosophers are still admired by people across the world today.

Yet, they failed to realize the truth that God cannot be known through human reasoning or human wisdom. Only when a person humbles himself, recognizes his sins, and repents, can he truly know God in his life. But instead, the Jews tried to know God through their reasoning, and the Greeks through their wisdom. That is why Paul says, “For indeed Jews ask for signs and Greeks search for wisdom, but we preach Christ crucified”—we do not concern ourselves with their demands, but proclaim Christ who was crucified.

Though the preaching of Jesus Christ was a stumbling block to the Jews and foolishness to the Greeks, Paul further declares, “God has chosen the foolish things of the world to shame the wise, and God has chosen the weak things of the world to shame the things which are strong.” (1 Corinthians 1:27). And again, “For since in the wisdom of God the world through its wisdom did not come to know God, God was pleased through the foolishness of the message preached to save those who believe.” (1 Corinthians 1:21).

The Jews and Greeks considered the humble, the unlearned, and those whom they mocked as “fools” to be of no value—yet it was precisely these whom God chose for Himself. In those days, the Jews also despised Jesus Christ. They thought, “Is He not the carpenter’s son?” and even called Him mad. Thus, “Others, to test Him, were demanding of Him a sign from heaven.” (Luke 11:16). In other words, they wanted Him to prove Himself as the Son of God by showing a miracle in the heavens greater than what others could do.

But Jesus replied, “This generation is a wicked generation; it demands a sign, and yet no sign will be given to it except the sign of Jonah.” (Luke 11:29). He was referring to His death and resurrection, just as Jonah was in the belly of the fish for three days—so too, the Son of Man would be in the heart of the earth for three days. That would be the true sign of His divinity.

Even today, the greatest opposition to Christianity does not come from outside, but from within. Many, under the cloak of Christianity, corrupt the faith of people with their false teachings. Yes, many who call themselves Christians are just like the Jews and Greeks we saw earlier. They do not firmly believe the truths of Scripture. Instead, they twist the Word of God, trying to understand it through their own learning and worldly wisdom. From this distortion arose misleading teachings such as so-called “liberation theology.”

For such people, our preaching of Christ crucified continues to be a stumbling block and foolishness. Just as the Jews demanded a sign from Jesus to test Him, they challenge us when we share spiritual truths, asking: “If you speak and write like this, why can’t you perform miracles like the Apostle Paul did?”

Beloved, Christ is still foolishness not only to Jews and Greeks but also to such people today. With their intellect, they lead innocent souls straight to hell. But as the Apostle Paul said, there is one truth that stands firm: “For the word of the cross is foolishness to those who are perishing, but to us who are being saved it is the power of God.” (1 Corinthians 1:18). Therefore, we who are being saved must firmly hold on to the message of the cross as the power of God.

God’s Message – Bro. M. Geo Prakash