🦋 Meditation verse - யாக்கோபு 1 : 14 - 15 / James 1:14–15

 "விதைகளின் உள்ளே" 🌳 

வேதாகமத் தியானம் எண் - 1705                                          ஆதவன் 08.10.2025 புதன்   

"அவனவன் தன்தன் சுய இச்சையினாலே இழுக்கப்பட்டு, சிக்குண்டு, சோதிக்கப்படுகிறான். பின்பு இச்சையானது கர்ப்பந்தரித்து, பாவத்தைப் பிறப்பிக்கும், பாவம் பூரணமாகும்போது, மரணத்தைப் பிறப்பிக்கும்." ( யாக்கோபு 1 : 14 - 15 )

இச்சை என்பது நமக்குச் சொந்தமில்லாத  ஒரு பொருள்மீதோ ஒரு நபர்மீதோ நாம் அளவுக்கதிக ஆசைகொண்டு அலைவதைக் குறிக்கின்றது.   உலகினில் இன்று நடைபெறும் குற்றச் செயல்பாடுகளில் 90% க்கும் மேலானவை இச்சை எனும் தவறான ஆசை காரணமாகவே நடைபெறுகின்றன. கொலைகள், கொள்ளைகள், கற்பழிப்புகள் தவிர இன்று நடைபெறக்கூடிய digital குற்றச் செயல்பாடுகளுக்கும் இச்சையே அடிப்படைக் காரணமாக இருக்கின்றது.  

பத்துக் கட்டளைகளின் இறுதிக் கட்டளையாக தேவன் இதனைக் கொடுத்துள்ளார். "பிறனுடைய வீட்டை இச்சியாதிருப்பாயாக; பிறனுடைய மனைவியையும், அவனுடைய வேலைக்காரனையும், அவனுடைய வேலைக்காரியையும், அவனுடைய எருதையும், அவனுடைய கழுதையையும், பின்னும் பிறனுக்குள்ள யாதொன்றையும் இச்சியாதிருப்பாயாக." ( யாத்திராகமம் 20 : 17 ) என்று வாசிக்கின்றோம்.

நாம் தவறாக ஆசைப்படும் காரியத்தை அடைகின்றோமா இல்லையா என்பது முக்கியமல்ல, மாறாக அப்படி ஆசைப்படுவதே பாவம் என்று கூறப்பட்டுள்ளது. எனவேதான் அப்போஸ்தலரான பவுல், "இச்சியாதிருப்பாயாக என்று நியாயப்பிரமாணம் சொல்லாதிருந்தால், இச்சை பாவம் என்று நான் அறியாமலிருப்பேனே." (ரோமர் 7:7) என்று கூறுகின்றார். "ஏனெனில், மாம்சத்தின் இச்சையும, கண்களின் இச்சையும், ஜீவனத்தின் பெருமையுமாகிய உலகத்திலுள்ளவைகளெல்லாம் பிதாவினால் உண்டானவையல்ல, அவைகள் உலகத்தினால் உண்டானவைகள்." ( 1 யோவான்  2 : 16 )

இச்சை ஏன் அல்லது எப்படிப் பாவமாக மாறுகின்றது என்பதனையே இன்றைய தியான வசனத்தில் நாம் வாசிக்கின்றோம். அதாவது, இச்சை நம்மைச் சோதனையில் சிக்கவைக்கின்றது. பின்பு அது கர்ப்பந்தரித்து வளர்ந்து  பாவத்தைப் பிறப்பிக்கும், பாவம் பூரணமாகும்போது, மரணத்தைப் பிறப்பிக்கும். ஆதியில் ஏதேனில் ஏவாள் இப்படித்தான் இச்சையில் சிக்கினாள். இதனை நாம், "அப்பொழுது ஸ்திரீயானவள், அந்த விருட்சம் புசிப்புக்கு நல்லதும், பார்வைக்கு இன்பமும், புத்தியைத் தெளிவிக்கிறதற்கு இச்சிக்கப்படத்தக்க விருட்சமுமாய் இருக்கிறது என்று கண்டு, அதின் கனியைப் பறித்து, புசித்து, தன் புருஷனுக்கும் கொடுத்தாள்; அவனும் புசித்தான்." ( ஆதியாகமம் 3 : 6 ) என்று வாசிக்கின்றோம். 

இப்படி மனிதர்கள் மற்றவர்களிடம் இருக்கும் பொருட்கள்மீது இச்சைகொண்டு அலைவதற்குக் காரணம் அடிப்படை அன்பு இல்லாததுதான். இயேசு கிறிஸ்து மொத்தப் பத்துக் கட்டளைகளையும் இரண்டு கட்டளைகளுக்குள் அடக்கிவிட்டார்.  அதில் இரண்டாம் கட்டளையாக, "உன்னிடத்தில் நீ அன்புகூருவதுபோலப் பிறனிடத்திலும் அன்புகூருவாயாக." ( மத்தேயு 22 : 39 ) என்றார். தன்னைத்தான் நேசிப்பதுபோல மற்றவர்களையும் நேசிக்கும்போதுதான் இச்சை நம்மைவிட்டு அகலும். 

தேவன் மிகவும் அருவருக்கும் பாவங்களான விபச்சாரம், பண ஆசையான விக்கிரக ஆராதனை இவைகளுக்கு அடிப்படை இச்சையே.  எனவே, இன்றைய தியான வசனம் எச்சரிப்பதை கருத்தில் கொள்வோம். இச்சை எனும் பாவத்தில் விழுந்து பின்பு அதனைக் கர்ப்பந்தரித்து, அது பூரணமாகி  மரணத்தை நமக்கு ஏற்படுத்துமுன் எச்சரிக்கையுடனிருந்து நம்மைக் காத்துக்கொள்வோம். 

தேவ செய்தி :- சகோ. எம். ஜியோ பிரகாஷ்               

“Inside the Seeds” 🌳

Scripture Meditation No. 1705
AATHAVAN – Wednesday, 08.10.2025

“Each one is tempted when he is carried away and enticed by his own lust. Then when lust has conceived, it gives birth to sin; and when sin is accomplished, it brings forth death.” — James 1:14–15 (NASB)

Lust refers to the excessive craving we have for something or someone that does not belong to us. Over 90% of the crimes happening in the world today arise from such wrongful desires. Murders, robberies, rapes, and even the digital crimes of our modern age are rooted in this same corrupt longing.

That is why God placed this warning as the last of the Ten Commandments:

“You shall not covet your neighbour’s house; you shall not covet your neighbour’s wife or his male servant or his female servant or his ox or his donkey or anything that belongs to your neighbour.” — Exodus 20:17 (NASB)

It is not the attainment of the forbidden thing that makes us guilty, but the very act of desiring it. Hence, the Apostle Paul said,

“I would not have known about coveting if the Law had not said, ‘You shall not covet.’” — Romans 7:7 (NASB)

“For all that is in the world — the lust of the flesh and the lust of the eyes and the boastful pride of life — is not from the Father, but is from the world.” (1 John 2:16)

Today’s verse shows how desire turns into sin. It draws us into temptation; then it conceives and gives birth to sin; and when sin is fully grown, it brings forth death. This was exactly what happened in Eden.

“When the woman saw that the tree was good for food, and that it was a delight to the eyes, and that the tree was desirable to make one wise, she took from its fruit and ate; and she gave also to her husband with her, and he ate.” — Genesis 3:6 (NASB)

The root cause of coveting what others have is a lack of genuine love. Jesus summarized all ten commandments into two, and the second one says,

“You shall love your neighbor as yourself.” — Matthew 22:39 (NASB)

Only when we love others as we love ourselves can lust and covetousness leave us. Covetousness is the root of the sins God most abhors—such as immorality, greed, and idolatry. Therefore, let us take heed to today’s Scripture. Before desire conceives and gives birth to sin, and before sin matures to bring death, let us stay alert and guard our hearts.

Message by: Bro. M. Geo Prakash