🦋 Meditation verse - எபிரெயர் 3 : 3 / Hebrews 3:3

 "விதைகளின் உள்ளே" 🌳 

வேதாகமத் தியானம் எண் - 1711                                           ஆதவன் 14.10.2025 செவ்வாய் 

"வீட்டை உண்டுபண்ணினவன் வீட்டைப்பார்க்கிலும் அதிக கனத்திற்குரியவனாயிருக்கிறான்; அதுபோல மோசேயைப்பார்க்கிலும் இவர் அதிக மகிமைக்குப் பாத்திரராயிருக்கிறார்." ( எபிரெயர் 3 : 3 )

நம் ஆண்டவராகிய இயேசு கிறிஸ்து தேவாலயத்தைவிடப் பெரியவர், யோனாவைவிடப் பெரியவர், சாலமோனைவிடப் பெரியவர் என்று கடந்த நாட்களில் தியானித்தோம். இன்றைய தியான வசனம் கூறுகின்றது அவர் மோசேயைவிட அதிக மகிமைக்குரியவர் என்று. 

இஸ்ரவேலரின் சரித்திரத்தில் மோசேக்கு அதிக முக்கியத்துவம் உண்டு. எகிப்தியரின் அடிமைத்தனத்திலிருந்து இஸ்ரவேலரை மீட்டு, அவர்களுக்குத் தேவன் அளித்த வாக்குத்தத்த நாடான கானானுக்கு அவர்களை  வழிநடத்தியவர் மோசே. "இவனே அவர்களை அங்கேயிருந்து அழைத்துக்கொண்டுவந்து, எகிப்து தேசத்திலேயும் சிவந்த சமுத்திரத்திலேயும், நாற்பது வருஷகாலமாய் வனாந்தரத்திலேயும், அற்புதங்களையும் அடையாளங்களையும் செய்தான்." ( அப்போஸ்தலருடைய நடபடிகள் 7 : 36 ) 

இப்படி தேவனுக்கு முற்றிலும் ஏற்புடையவராக வாழ்ந்த மோசே ஒரு சிறிய காரியத்தில் தேவனுக்குக் கீழ்படியாமல்போனதால் அவரால் கானான் நாட்டிற்குள் நுழைய முடியவில்லை. ஆனால் முற்றிலும் தேவனுக்குக் கீழ்படிந்திருந்த இயேசு கிறிஸ்துவோ பரம கானானுக்குள் நுழைந்து நமக்காகப் பிதாவிடம் பரிந்துபேசக்கூடிய நிலையினை அடைந்தார். 

மோசே தேவனுக்கு உண்மையுள்ளவராய் இருந்தார். தேவனை முகமுகமாய்க் காணும் பேறுபெற்றார். ஆனால் அவர் தேவனுக்கு ஊழியக்காரனாகவே இருந்தார். நமது வீடுகளில் வேலைக்கு பணி ஆட்களை அமர்த்தும்போது அவர்களில் சிலர் மிகுந்த உண்மையுள்ளவர்களாகவும் பொறுப்புள்ளவர்களாகவும் இருப்பதுண்டு. அப்படியே மோசே தேவனுக்கு உண்மையுள்ளவராக இருந்தார். "ஏனெனில், எந்த வீடும் ஒருவனால் உண்டாக்கப்படும்; எல்லாவற்றையும் உண்டுபண்ணினவர் தேவன். சொல்லப்படப்போகிற காரியங்களுக்குச் சாட்சியாக, மோசே பணிவிடைக்காரனாய், அவருடைய வீட்டில் எங்கும் உண்மையுள்ளவனாயிருந்தான்." ( எபிரெயர் 3 : 4. 5 ) என்று வாசிக்கின்றோம். 

ஒரு வீட்டில் பணி செய்யும் வேலைக்காரன் எவ்வளவுதான் உண்மையும் நேர்மையுமுள்ளவனாக இருந்தாலும் அவனைவிட  அந்த வீட்டு உரிமையாளரின் மகன் அதிக மதிப்புமிக்கவன். இதுபோல இயேசு கிறிஸ்து தேவனுடைய குமாரன். எனவே அவர் மோசேயைவிட மேலானவர். "கிறிஸ்துவோ அவருடைய வீட்டிற்கு மேற்பட்டவரான குமாரனாக உண்மையுள்ளவராயிருக்கிறார்; நம்பிக்கையினாலே உண்டாகும் தைரியத்தையும் மேன்மைபாராட்டலையும் முடிவுபரியந்தம் உறுதியாய்ப் பற்றிக்கொண்டிருப்போமாகில், நாமே அவருடைய வீடாயிருப்போம்." ( எபிரெயர் 3 : 6 ) அவர் வீட்டிற்கு மேலான குமாரனாக இருந்து நம்மை நடத்துவார். 

எனவே அன்பானவர்களே, மோசே மட்டுமல்ல, எந்த பரிசுத்தவானாக இருந்தாலும் அவர்கள் தேவனது பணியாளர்களே. நாம் பணியாளர்களையல்ல, வீட்டுக்கு உரிமையுள்ளவரையே பற்றிக்கொள்ளவேண்டும். அப்போதுமட்டுமே நாம் நித்தியஜீவனை அடைந்திட முடியும். "என் பிதாவின் வீட்டில் அநேக வாசஸ்தலங்கள் உண்டு; அப்படியில்லாதிருந்தால், நான் உங்களுக்குச் சொல்லியிருப்பேன்; ஒரு ஸ்தலத்தை உங்களுக்காக ஆயத்தம்பண்ணப்போகிறேன். நான் போய் உங்களுக்காக ஸ்தலத்தை ஆயத்தம்பண்ணினபின்பு, நான் இருக்கிற இடத்திலே நீங்களும் இருக்கும்படி, நான் மறுபடியும் வந்து உங்களை என்னிடத்தில் சேர்த்துக்கொள்ளுவேன்." ( யோவான் 14 : 2,3 ) என்று அவர் நமக்கு வாக்களித்துள்ளாரே!

வீட்டை உண்டுபண்ணினவன் வீட்டைப்பார்க்கிலும் அதிக கனத்திற்குரியவனாயிருக்கிறான்; வீட்டை உண்டுபண்ணினவரையே நோக்கிப்பார்ப்போம். 

தேவ செய்தி :- சகோ. எம். ஜியோ பிரகாஷ்                             

“Inside the Seeds” 🌳

Scripture Meditation No. 1711
AATHAVAN — Tuesday, 14 October 2025

“For He has been counted worthy of more glory than Moses, by just so much as the builder of the house has more honour than the house.” — Hebrews 3:3 (NASB)

In past few days, we have meditated on the truth that our Lord Jesus Christ is greater than the temple, greater than Jonah, and greater than Solomon. Today’s meditation reminds us that He is also greater than Moses.

Moses holds a highly significant place in the history of Israel. He delivered the Israelites from Egyptian slavery and led them toward the Promised Land of Canaan, which God had given to them.

“This man led them out, performing wonders and signs in the land of Egypt and in the Red Sea and in the wilderness for forty years.” — Acts 7:36 (NASB)

Although Moses lived a life that was well-pleasing to God, a single act of disobedience kept him from entering the land of Canaan. But Jesus Christ, who was perfectly obedient to the Father, entered the heavenly Canaan and now intercedes for us at the right hand of God.

Moses was faithful to God and enjoyed the unique privilege of speaking with Him face to face. Yet, Moses served as a servant in God’s house. In our homes, we may have employees or servants who are honest and trustworthy — yet, no matter how faithful they are, they can never have the same honour as the son of the house. Likewise, Moses was faithful as a servant, but Christ is the Son.

“For every house is built by someone, but the builder of all things is God.
Now Moses was faithful in all God’s house as a servant, for a testimony of those things which were to be spoken later.” — Hebrews 3:4–5 (NASB)

“But Christ was faithful as a Son over His house—whose house we are, if we hold firmly to our confidence and the boast of our hope.” — Hebrews 3:6 (NASB)

Christ, the Son, rules over His house and leads us as members of it. Therefore, beloved, let us remember: no matter how holy or revered a saint may be, they remain servants of God. We are not to cling to the servants, but to the Master and Owner of the house — Christ Himself. Only then can we receive eternal life.

“In My Father’s house are many dwelling places; if it were not so, I would have told you; for I go to prepare a place for you. If I go and prepare a place for you, I am coming again and will take you to Myself, so that where I am, there you also will be.” — John 14:2–3 (NASB)

The builder of the house is worthy of more honour than the house itself. Let us therefore fix our eyes on the Builder.

Message by: Bro. M. Geo Prakash