Meditation Verse - 1 தெசலோனிக்கேயர் 5: 23 / 1 Thessalonians 5:23

 வேதாகமத் தியானம் - எண்:- 1,454 

'ஆதவன்' 💚ஜனவரி 31, 2025. 💚வெள்ளிக்கிழமை

"சமாதானத்தின் தேவன் தாமே உங்களை முற்றிலும் பரிசுத்தமாக்குவாராக. உங்கள் ஆவி ஆத்துமா சரீரம் முழுவதும், நம்முடைய கர்த்தராகிய இயேசுகிறிஸ்து வரும்போது குற்றமற்றதாயிருக்கும்படி காக்கப்படுவதாக." (1 தெசலோனிக்கேயர் 5: 23)

இன்றைய தியான வசனம், நாம் கிறிஸ்துவின் இரண்டாம் வருகைக்குத் தகுதியுள்ளவர்களாக, கிறிஸ்துவுக்கேற்ற பரிசுத்தமுள்ளவர்களாக  இருக்கவேண்டியது அவசியம் என்றும்  அந்தப்  பரிசுத்தம் நமது ஆவி ஆத்துமா சரிரம் என எல்லா விதத்திலும் இருக்கவேண்டும் என்றும்  கூறுகின்றது. இதனையே பூரணமான பரிசுத்தமாக இயேசு கிறிஸ்து கருதுகின்றார். அப்போஸ்தலரான பவுல் இதனால்தான், "நீங்கள் பரிசுத்தமுள்ளவர்களாக வேண்டுமென்பதே தேவனுடைய சித்தமாயிருக்கிறது." (1 தெசலோனிக்கேயர் 4: 3) என்று கூறுகின்றார்.

ஆனால் மனிதர்களாகிய நாம் பெலவீனமானவர்கள். நம்மால் நமது சுய முயற்சியால் இந்தப் பரிசுத்தத்தை அடைந்திட முடியாது.  அதற்குத் தேவனது வல்லமை நமக்குத் தேவையாக இருக்கின்றது. இதனையே, "சமாதானத்தின் தேவன் தாமே உங்களை முற்றிலும் பரிசுத்தமாக்குவாராக" என்று அவர் கூறுகின்றார். ஆம் அன்பானவர்களே, தேவன் மட்டுமே நம்மைப் பரிசுத்தமாக்க முடியும். காரணம், நமது பலவீனங்கள் அவருக்குத்தான் முற்றிலும் தெரியும். 

மெய்யாகவே நாம் பரிசுத்தராகவேண்டும் எனும் ஆர்வத்துடன் நமது பலவீனங்களை, பாவங்களை  அவரிடம் அறிக்கையிட்டு அவற்றை நாம் ஒத்துக்கொள்ளும்போது அவர் நமக்கு உதவுவார்.  " என் கிருபை உனக்குப்போதும்; பலவீனத்திலே என் பலம் பூரணமாய் விளங்கும்" (2 கொரிந்தியர் 12: 9) என்று அவர் அப்போஸ்தலரான பவுலிடம் கூறவில்லையா?  ஆம் அன்பானவர்களே, தேவனது மேலான கிருபை நம்மில் செயல்படும்போது மட்டும்தான் நாம் உலக அசுத்தங்களுக்கு விலகி  நமது ஆவி ஆத்துமா சரிரம் என எல்லா விதத்திலும் பரிசுத்தமுள்ளவர்களாக விளங்கிட முடியும்.

மேலும், இன்றைய தியான வசனத்தில் முதல் வார்த்தைகளாக "சமாதானத்தின் தேவன்தாமே" என்று வாசிக்கின்றோம். அதாவது, நமது தேவன் சமாதானம் அருளும் தேவன். நமது ஆண்டவராகிய இயேசு கிறிஸ்து சென்ற எல்லா இடங்களிலும் "உங்களுக்குச் சமாதானம் உண்டாகுக" என வாழ்த்தியதை நாம் பார்க்கலாம். தேவனது கிருபை நம் வாழ்வில் செயல்பட வேண்டுமென்றால் மற்றவர்களோடு இப்படிச் சமாதானம் செய்து வாழ்பவர்களாக நாம் இருக்கவேண்டியது அவசியம். 

அதாவது சமாதானத்தின் தேவனின் கிருபையை பெற்றிட  நாம் சமாதானம் செய்பவர்களாக வாழவேண்டியது அவசியம். சமாதானம் என்பது பரிசுத்தமாகுதலின் முதல்  படி. இதனையே, "யாவரோடும் சமாதானமாயிருக்கவும், பரிசுத்தமுள்ளவர்களாயிருக்கவும் நாடுங்கள்; பரிசுத்தமில்லாமல் ஒருவனும் கர்த்தரைத் தரிசிப்பதில்லையே." ( எபிரெயர் 12: 14) என்று வாசிக்கின்றோம்.

எனவே, சமாதானத்தின் தேவன் நம்மை முற்றிலும் பரிசுத்தமாக்கிட இடம் கொடுப்போம். யாவரோடும் சமாதானமாக இருப்போம், கர்த்தருடைய கிருபையினை வேண்டுவோம். அப்போது, நமது ஆவி ஆத்துமா சரீரம் முழுவதும், நம்முடைய கர்த்தராகிய இயேசுகிறிஸ்து வரும்போது குற்றமற்றதாயிருக்கும்படிக்  காத்துக்கொள்ளப்படும்.  தேவ கிருபை நம் அனைவரோடும்கூட  இருப்பதாக! ஆமென்.

தேவ செய்தி :- சகோ. எம். ஜியோ பிரகாஷ்                                       

Scripture Meditation - No: 1,454

AATHAVAN 💚 January 31, 2025 💚 Friday

"And the very God of peace sanctify you wholly; and I pray God your whole spirit and soul and body be preserved blameless unto the coming of our Lord Jesus Christ." (1 Thessalonians 5:23)

Today's meditation verse emphasizes the necessity of being sanctified completely—spirit, soul, and body—so that we may be worthy of Christ’s second coming. True holiness, as considered by Jesus Christ, is complete sanctification in every aspect of our being. This is why Apostle Paul declares, "For this is the will of God, even your sanctification, that ye should abstain from fornication." (1 Thessalonians 4:3).

However, as human beings, we are weak. We cannot achieve this sanctification by our own efforts. We need the power of God to attain it. This is precisely why Paul states, "And the very God of peace sanctify you wholly." Yes, beloved, only God can sanctify us completely because He alone fully understands our weaknesses.

When we truly desire holiness and confess our weaknesses and sins before Him, He will help us. Did He not tell Apostle Paul, "My grace is sufficient for thee: for my strength is made perfect in weakness." (2 Corinthians 12:9)? Yes, dear ones, only when God’s abundant grace works in us can we separate ourselves from the impurities of the world and be completely sanctified in spirit, soul, and body.

Furthermore, in today's meditation verse, the phrase "the very God of peace" appears first. This signifies that our God is a God who grants peace. We see that wherever our Lord Jesus Christ went, He blessed people, saying, "Peace be unto you." If we desire God’s grace to work in our lives, it is essential for us to live in peace with others.

In other words, to receive the grace of the God of peace, we must be peacemakers. Peace is the first step toward holiness. The Scripture affirms this, saying, "Follow peace with all men, and holiness, without which no man shall see the Lord." (Hebrews 12:14).

Therefore, let us yield ourselves to the God of peace, allowing Him to sanctify us completely. Let us live in peace with everyone and seek the grace of the Lord. Then, our spirit, soul, and body will be preserved blameless unto the coming of our Lord Jesus Christ. May the grace of God be with us all! Amen.

God’s Message: Bro. M. Geo Prakash