Meditation Verse - 1 யோவான் 2 : 18 / 1 John 2:18

 வேதாகமத் தியானம் - எண்:- 1,455

'ஆதவன்' 💚பிப்ருவரி 01, 2025. 💚சனிக்கிழமை

"பிள்ளைகளே, இது கடைசிக்காலமாயிருக்கிறது; அந்திக்கிறிஸ்து வருகிறானென்று நீங்கள் கேள்விப்பட்டபடி இப்பொழுதும் அநேக அந்திக்கிறிஸ்துகள் இருக்கிறார்கள்; அதனாலே இது கடைசிக்காலமென்று அறிகிறோம்." (1 யோவான்  2 : 18)

நான் சிறுபிள்ளையாக இருந்தபோது ஞாயிறு வேதாகமப்பள்ளியில் அந்திக்கிறித்து குறித்து எனது ஆசிரியைப் பல சம்பவங்களைக் கூறியுள்ளார். அதாவது, "அந்திக்கிறித்து என்பவன் கொடூரமானவனாக இருப்பான். அவன் வரும்போது கிறிஸ்துவை விசுவாசித்து ஏற்றுக்கொண்டவர்களைப் பிடித்து அடித்துத் தன்னை வணங்கும்படிச் சொல்லுவான். அவனை ஏற்றுக்கொண்டு அவனை வணங்காதவர்களை அவன் எண்ணைச்சட்டியில் போட்டு வறுத்தெடுப்பான்.  ஆனால் அவனை வணக்காமல் நாம் கிறிஸ்துவின்மேல் உறுதியான விசுவாசத்துடன் இருப்போமானால் கிறிஸ்து நம்மை விண்ணகத்தில் ஏற்றுக்கொள்வார்"  என்று கூறினார். 

அந்தச் சிறு வயதில் எப்போது அந்திக்கிறிஸ்து வருவானோ என்று பயந்திருக்கிறேன். நம்மைப்பிடித்து அவனை வணங்கச் சொன்னால் நாம் என்னச்செய்வோம்? என எண்ணியிருக்கிறேன். ஆனால் சற்று வளர்ந்தபிற்பாடு இதெல்லாம் கட்டுக்கதை என்று எனது பழைய பயத்தை எண்ணிச் சிரித்திருக்கின்றேன். இதுபோலவே இன்றும் பல கிறிஸ்தவர்கள் அந்திக்கிறிஸ்து குறித்து  பல்வேறு தவறான எண்ணமுடையவர்களாகவே  இருக்கின்றனர். 

ஆனால் இன்றைய தியான வசனம், "இப்பொழுதும் அநேக அந்திக்கிறிஸ்துகள் இருக்கிறார்கள்" என்று கூறுகின்றது. அப்படியானால் அந்த அந்திக்கிறிஸ்துக்கள் யார்? யோவான் அப்போஸ்தலர் கூறுகின்றார், "........பிதாவையும் குமாரனையும் மறுதலிக்கிறவனே அந்திக்கிறிஸ்து." (1 யோவான்  2 : 22) என்று. ஆம் அன்பானவர்களே, இப்படி மறுதலிக்கும் கூட்டம் இப்போதும் கிறிஸ்தவ உலகினில் உண்டு. 

யெகோவா சாட்சிகள் எனும் பிரிவினர் குமாரனாகிய இயேசு கிறிஸ்துவை மெய்யான தேவனாக ஏற்றுக்கொள்வதில்லை. அவர் "யெகோவா தேவனின் முதல் சாட்சி" என்கின்றனர். இன்னும் ஒரு பிரிவினர், "இயேசு கிறிஸ்துதான் எல்லாம்" என்று கூறி பிதாவாகிய தேவனை மறுதலிக்கின்றனர். இயேசு கிறிஸ்து கூறினார், "ஒன்றான மெய்த்தேவனாகிய உம்மையும் நீர் அனுப்பினவராகிய இயேசு கிறிஸ்துவையும் அறிவதே நித்தியஜீவன்." ( யோவான் 17: 3) என்று. அதாவது, நாம் பிதாவாகிய தேவனையும் விசுவாசிக்கவேண்டும் அவர் அனுப்பிய இயேசு கிறிஸ்துவையும் விசுவாசிக்கவேண்டும். இப்படிச் செய்பவர்களுக்கே நித்தியஜீவன் உண்டு. 

இதற்கு மாறாக, "........பிதாவையும் குமாரனையும் மறுதலிக்கிறவனே அந்திக்கிறிஸ்து." என்கிறது தேவனுடைய வார்த்தைகள்.  அந்திக்கிறிஸ்து நம்மை உடலளவில் கொடுமைப்படுத்தமாட்டான், மாறாக, நம்மை விசுவாசத்தைவிட்டு விலகச் செய்வான். அத்தகைய அநேக அந்திக்கிறிஸ்துகள் இப்போதும் இருக்கிறார்கள்; அதனாலே இது கடைசிக்காலமென்று அறிகிறோம் என்று இன்றைய வசனம் எடுத்துக்கூறுகின்றது. 

ஆம் அன்பானவர்களே, எனவே நாம் வஞ்சிக்கப்படாமல் இருக்கவேண்டுமானால் வேதாகமத்தை நன்கு அறிந்து உணர்ந்தவர்களாக இருக்கவேண்டியது அவசியம். குறிப்பாக யோவான் 17 ஆம் அதிகாரம் பிதா குமாரன் இடையேயுள்ள உறவைத் தெளிவாக நமக்கு எடுத்துக்கூறுகின்றது. அந்திகிறித்தவ போதனைகளால் நமது உள்ளம் ஏமாற்றப்படாமல் காத்துக்கொள்வோம். 

உலகத்தின் தோற்றத்துக்குமுன்னே கிறிஸ்து பிதாவோடு இருக்கிறார். அந்தப் பிதாவே அவரை உலகிற்கு அனுப்பினார். இப்படி விசுவாசிப்போமானால் கிறிஸ்துவின் மகிமையை நாம் காண்போம். "பிதாவே, உலகத்தோற்றத்துக்கு முன் நீர் என்னில் அன்பாயிருந்தபடியினால், நீர் எனக்குத் தந்த என்னுடைய மகிமையை நீர் எனக்குத் தந்தவர்கள் காணும்படியாக, நான் எங்கே இருக்கிறேனோ அங்கே அவர்களும் என்னுடனேகூட இருக்கவிரும்புகிறேன்." ( யோவான் 17: 24) என்று இயேசு கிறிஸ்து பிதாவிடம்  ஜெபிக்கவில்லையா?

இதுவே சத்தியம் இதனை ஏற்றுக்கொள்ளாதவர்களே அந்திக்கிறிஸ்துக்கள் 

தேவ செய்தி :- சகோ. எம். ஜியோ பிரகாஷ்       

Scripture Meditation - No. 1,455

AATHAVAN 💚 February 01, 2025. 💚 Saturday

"Little children, it is the last time: and as ye have heard that antichrist shall come, even now are there many antichrists; whereby we know that it is the last time." (1 John 2:18 KJV)  

When I was a child, in Sunday school, my teacher told me many stories about the Antichrist. She said, "The Antichrist will be a cruel person. When he comes, he will capture those who believe in Christ and force them to worship him. Those who refuse will be fried in oil. But if we remain steadfast in our faith in Christ and refuse to worship the Antichrist, Christ will take us to heaven."

As a child, I was terrified of the Antichrist. I wondered what I would do if he came and forced me to worship him. But as I grew older, I realized these were just stories and laughed at my old fears. Even today, many Christians have misconceptions about the Antichrist.

However, today's verse says, "even now are there many antichrists." So, who are these antichrists? The Apostle John says, "he is antichrist, that denieth the Father and the Son." (1 John 2:22 KJV) Yes, dear ones, there are such people in the Christian world today.

Some groups, like the Jehovah's Witnesses, do not accept Jesus Christ as the true God. They call him "Jehovah's first creation." Others say, "Jesus Christ is everything," and deny God the Father. Jesus Christ said, "And this is life eternal, that they might know thee the only true God, and Jesus Christ, whom thou hast sent." (John 17:3 KJV) That is, we must believe in God the Father and in Jesus Christ, whom He sent. Only those who do this have eternal life.  

In contrast, the Word of God says, "he is antichrist, that denieth the Father and the Son." The Antichrist will not physically harm us, but he will try to turn us away from our faith. There are many such antichrists today, and this is how we know that it is the last time, as today's verse says.

Yes, dear ones, if we want to avoid being deceived, we must know and understand the Bible well. In particular, John chapter 17 clearly explains the relationship between the Father and the Son. Let us protect our hearts from being deceived by antichrist teachings.

Christ existed with the Father before the creation of the world. The Father sent Him into the world. If we believe this, we will see the glory of Christ. "Father, I will that they also, whom thou hast given me, be with me where I am; that they may behold my glory, which thou hast given me: for thou lovedst me before the foundation of the world." (John 17:24 KJV) Did not Jesus Christ pray this to the Father?  

This is the truth, and those who do not accept it are the antichrists.

God’s Message: Bro. M. Geo Prakash