Meditation Verse - யாத்திராகமம் 33: 15 / Exodus 33:15

 வேதாகமத் தியானம் - எண்:- 1,445

'ஆதவன்' 💚ஜனவரி 22, 2025. 💚புதன்கிழமை

"உம்முடைய சமுகம் என்னோடேகூடச் செல்லாமற்போனால், எங்களை இவ்விடத்திலிருந்து கொண்டுபோகாதிரும்." ( யாத்திராகமம் 33: 15) 

இஸ்ரவேல் மக்கள் கானானை நோக்கிச் சென்ற பயணம் கண்ணைக்கட்டிக் காட்டில் விட்டதுபோன்ற நிலையிலேயே இருந்தது. அன்றாட அடிப்படைத் தேவைகளை சந்திப்பதும், எதிரி ராஜாக்களால் வரவிருந்த பிரச்சனைகளும், போர்களும்  எதிர்பார்க்க முடியாதவையாக இருந்தன.  இஸ்ரவேல் மக்களோ போர் பயிற்சி பெற்றவர்களல்ல. எதிரிகளை மேற்கொள்ள வேண்டுமானால் போரிட ஆயத்தமாய் இருக்கவேண்டியது அவசியம். ஆனால் தேவன் மோசேக்கு  தைரியம் கொடுத்தார்.   "என் சமுகம் உனக்கு முன்பாகச் செல்லும், நான் உனக்கு இளைப்பாறுதல் தருவேன் என்றார்." ( யாத்திராகமம் 33: 14)

இப்படியொரு சூழ்நிலையில் மக்களை வழிநடத்திய மோசேயிடம், தேவன், "என் சமுகம் உனக்கு முன்பாகச் செல்லும்" என்று தைரியம் கூறியதற்கு மறுமொழியாக மோசே, "உம்முடைய சமுகம் என்னோடேகூடச் செல்லாமற்போனால், எங்களை இவ்விடத்திலிருந்து கொண்டுபோகாதிரும்." என்று கூறுகின்றார். 

"தேவனே நீர் என்னோடு இருப்பேன் என்று கூறுவதை நான் ஏற்றுக்கொள்கின்றேன், ஆனால் அப்படி நீர் என்னோடு இருந்தால் மட்டுமே இங்கிருந்து எங்களைக்  கொண்டு செல்லவேண்டும், அப்படி இல்லையானால் இங்கிருந்து கொண்டுசெல்லவேண்டாம்" என்கின்றார் மோசே. அதாவது தேவனது வார்த்தைகளை உறுதிப்படுத்துமாறு  இங்கு மோசே வேண்டுகின்றார்.  

இப்படி மோசேயும் தேவனும் பேசிக்கொள்வது இரு நண்பர்கள் பேசுவதுபோல இருப்பதை நாம் பார்க்கின்றோம். இதனால்தான் இன்றைய தியான வசனத்தின்முன்பு 11 ஆம் வசனத்தில் நாம் வாசிக்கின்றோம்,  "ஒருவன் தன் சிநேகிதனோடே பேசுவதுபோல, கர்த்தர் மோசேயோடே முகமுகமாய்ப் பேசினார்; " ( யாத்திராகமம் 33: 11) என்று. 

ஆம் அன்பானவர்களே, மோசேயைப்போல நாமும் ஒரு நண்பனிடம் பேசுவதுபோல நமது ஜெபங்களில் தேவனை நோக்கி பேசி ஜெபிப்பதையே தேவன் விரும்புகின்றார்.  நமது அன்றாட வாழ்வில் தேவனது உடனிருப்பு நமக்கு மிகவும் தேவையான ஒன்றாக இருக்கின்றது. நமக்கு வாழ்வில் எதிர்காலத்தில் நடக்கப்போவது தெரியாது. பிரச்சனைகள், துன்பங்கள், சோகங்கள் நமது வாழ்வில் தொடரலாம். ஆனால் தேவனது கரம் நம்மோடு இருக்குமானால் நாம் பயப்படாமல் அவற்றை மேற்கொள்ள முடியும். அவரது உடனிருப்பு மட்டுமே நமக்கு ஆறுதலும் தேறுதலும் அளிக்க முடியும். 

தேவ சமுகம் நம்முன் செல்லவில்லையானால் நமக்கு எத்தனை பெரிய திறமைகளும் செல்வங்களும்  இருந்தாலும் நாம் முழுமையான வெற்றியைப் பெற முடியாது. எனவே, ஒவ்வொரு நாளும் நாமும் தேவனது உடனிருப்பை உறுதிசெய்யவேண்டியது அவசியம். 

"தேவனே, இந்த நாளில் எனது வாழ்வில் நடக்கவேண்டிய பாதையில் என்னை நடத்தியருளும். இந்த நாளில் என்ன நடக்கபோகின்றது, என்னென்ன பிரச்சனைகள் வரப்போகின்றன என்று எனக்குத் தெரியவில்லை அப்பா. உமது பிரசன்னம் மாட்டும் என்னோடு இருந்தால் போதும். அப்போது நான் எனது இந்த நாளை தைரியமாகத் தொடருவேன். "என் சமுகம் உனக்கு முன்பாகச் செல்லும்" என்று மோசேயிடம் கூறினீரே என்னோடும் எனது குடும்பத்தோடும் உமது பிரசன்னம் இருந்து எங்களை வழிநடத்தட்டும்" என்று ஜெபிப்போம்.   

மெய்யான உணர்வுடன் நாம் ஜெபிக்கும்போது தேவனது உடனிருப்பு நமக்கு நிட்சயம் கிடைக்கும். தேவன் மனிதரிடையே வேற்றுமை  பாராட்டுபவரல்ல; எனவே, தேவன் மோசேக்குக்  கூறிய வார்த்தைகள் நம் ஒவ்வொருவருக்கும் சொந்தமானவை. தேவசமுகத்தை நாடும் ஒவ்வொருவரோடும் தேவன் இருப்பாராக; தேவ ஆசீர்வாதம் நம் அனைவரோடும்கூட இருப்பதாக. 

 தேவ செய்தி :- சகோ. எம். ஜியோ பிரகாஷ்                                                  

Scripture Meditation - No: 1,445
AATHAVAN💚 January 22, 2025. 💚 Wednesday

"If thy presence go not with me, carry us not up hence." (Exodus 33:15)

The Israelites' journey towards Canaan was like being blindfolded in the wilderness. They faced challenges in meeting daily necessities, unforeseen conflicts, and wars with enemy kings. The Israelites were not trained warriors; confronting enemies required preparation for battle. However, God encouraged Moses by saying, "My presence shall go with thee, and I will give thee rest." (Exodus 33:14)

In such uncertain circumstances, Moses responded to God’s assurance of His presence by saying, "If thy presence go not with me, carry us not up hence." Moses essentially conveyed, "Lord, I accept Your promise to be with us, but only if You are with us should we proceed from here; otherwise, let us remain here." He sought confirmation of God's promise.

The conversation between Moses and God is like a dialogue between two friends. This is reflected in Exodus 33:11, which states, "And the LORD spake unto Moses face to face, as a man speaketh unto his friend."

Dearly beloved, like Moses, God desires us to converse with Him in prayer as we would with a close friend. His presence is essential in our daily lives. We do not know what the future holds—problems, sorrows, and challenges may lie ahead. Yet, with God's hand upon us, we can face them fearlessly. His presence alone provides comfort and strength.

Even with great talents and wealth, we cannot achieve complete success if God's presence does not go before us. Thus, we must affirm His presence daily.

Let us pray: "Lord, guide me along the path You have ordained for me today. I do not know what challenges or difficulties may arise. But, Father, Your presence alone is sufficient for me. With You by my side, I can face this day with courage. Just as You assured Moses, 'My presence shall go with thee,' may Your presence remain with me and my family. Lead us, O Lord."

When we pray with genuine faith, we can be assured of God's abiding presence. God is no respecter of persons; the promise He gave Moses belongs to each of us. May those who seek God's presence experience His guidance, and may His blessings remain upon us all.

God's Message: Bro. M. Geo Prakash