கர்த்தருக்குப் பிரியமானது / WHAT IS PLEASING THE LORD

 ஆதவன்' 📖✝ வேதாகமத் தியானம் - எண்:- 1,087       💚 ஜனவரி 31, 2024 💚 புதன்கிழமை 💚 

"கர்த்தருக்குப் பிரியமானது இன்னதென்று நீங்கள் சோதித்துப்பாருங்கள்." ( எபேசியர் 5 : 10 )

இன்று பெரும்பாலான மக்கள் கர்த்தருக்குப் பிரியமானது என்ன என்று சோதிப்பதைவிடக்  கர்த்தரைச்  சோதித்துப் பார்ப்பவர்களாகவே இருக்கின்றனர். அதாவது அவர்கள் தங்கள் வாழ்க்கை எப்படி இருக்கின்றது என்று எண்ணிப்பார்த்துத் தங்களைத் திருத்துவதைவிட தேவையில்லாத உலகக் காரியங்களை மனதில் எண்ணி அவற்றை கர்த்தர் நிறைவேற்றவேண்டுமென்று விருப்பம்கொண்டு அதற்காகவே ஜெபிக்கின்றனர். 

ஆவிக்குரிய மக்கள் என்று கூறிக்கொண்டாலும் சிலரது ஜெபங்களைப் பார்த்தால்  ஆவிக்குரியவர்கள் என்று நாம் கூறமுடியாது. பெரும்பாலும் உலக காரியங்களுக்கே முன்னுரிமை கொடுத்து ஜெபிக்கின்றனர்.  மட்டுமல்ல சிலர், தங்களுக்குப் பிடிக்காதவர்களைவிட  வாழ்க்கையில் தாங்கள் முன்னேறிவிடவேண்டும் என விரும்பி ஜெபிக்கின்றனர்.  

தங்களுக்குப் பிடித்த எல்லாம் நடக்கவேண்டும், தங்கள் விரும்பும் அரசியல் கட்சியே  ஆட்சியைப் பிடிக்கவேண்டும் என்றுகூட ஜெபிக்கின்றனர். மட்டுமல்ல, "ஆண்டவரே எனக்கு எதிராகச் செயல்படும் எதிர்வீட்டு மனிதன் வாழ்க்கையை நிர்மூலமாக்கும்" என்று சிலர் ஜெபிக்கின்றனர். பல கிறிஸ்தவ ஊழியர்களே, "ஆண்டவரே அந்த சபையைவிட (குறிப்பிட்ட ஊழியர் ஒருவரது சபைப் பெயரைக் கூறி) அதிக ஆத்துமாக்களை எனது சபைக்குக் கொண்டுவரும் என்று ஜெபிக்கின்றனர். 

ஒருமுறை ஒரு பாட்டி என்னிடம் பேசிக்கொண்டிருக்கும்போது, "பிரதர், பக்கத்துவீட்டுக்காரன் சரியில்லை அவனால் ஒரே பிரச்சனை ....எனது ஜெபமே ஆண்டவரே  அவனை  இங்கிருந்து துரத்திவிடும் என்பதுதான்; ஆண்டவர் கேட்கமாட்டேன் என்கிறார்." என்று வேதனைப்பட்டார். அன்பானவர்களே, பகைவர்களை நேசிக்கச் சொல்லிக் கற்பித்த தேவன் இத்தகைய ஜெபத்தை எப்படிக் கேட்பார் என்று இவர்கள் எண்ணுவதில்லை. 

நமது எந்த ஜெபமும் கர்த்தராகிய இயேசு கிறிஸ்து ஜெபித்ததுபோல, "ஆண்டவரே உமது சித்தம் எதுவோ அதுவே நிறைவேறட்டும்" என்று இருக்கவேண்டும். இதுவே வேதம் நமக்குக் கற்பித்துள்ள ஜெபமுறைமை.

இன்று விசுவாசிகள் பலரும் வேதத்துக்கு முரணாக ஜெபிக்க ஒரு காரணம் சில ஊழியர்கள்தான்.  பழைய ஏற்பாட்டு நூல்களிலிருந்து சில வசனங்களை மேற்கோள்காட்டி இப்படி ஜெபித்தால் எதிரியை வெல்லலாம் என்று போதிக்கின்றனர்.  எனவேதான் இன்றைய வசனத்தில் அப்போஸ்தலரான பவுல் கூறுகின்றார், "கர்த்தருக்குப் பிரியமானது இன்னதென்று நீங்கள் சோதித்துப்பாருங்கள்." 

நாம் செய்யும் செயல்கள், நாம் பேசும் பேச்சுக்கள், நமது ஜெபங்கள் இவை மனிதர்களுக்கல்ல, தேவனுக்கு ஏற்புடையனவாக இருக்குமா என்று நாம் சிந்திக்கவேண்டும். 

கிறிஸ்தவர்கள் என்று நம்மை நாம் கூறிக்கொண்டு இத்தகைய மனநிலையில் இருப்போமானால் நாம் இன்னும் கனியற்றவர்களாக இருளிலே இருக்கின்றோம் என்று பொருள். எனவேதான் "கனியற்ற அந்தகாரக்கிரியைகளுக்கு உடன்படாமல், அவைகளைக் கடிந்துகொள்ளுங்கள்." ( எபேசியர் 5 : 11 ) என்கின்றார் அப்போஸ்தலரான பவுல். 

ஆண்டு துவங்கிவிட்டால் பிரபல ஊழியர்கள் நடத்தும் கூட்டங்கள் முதல் சிறு ஊழியர்கள் நடத்தும் கூட்டங்கள் வரை "இந்த ஆண்டு ஆசீர்வாத ஆண்டு" என்றுதான் கூறப்படுகின்றதே தவிர, தேவ ஆசீர்வாதம்பெற  உங்கள் வாழ்க்கையைச் சோதித்துப்பாருங்கள். கனியற்ற செயல்பாடுகளை விட்டுவிடுங்கள் என்று பெரும்பாலும் கூறப்படுவதில்லை.  

இன்றைய தியான வசனம் நம்மைச் சோதனை செய்து பார்க்கச் சொல்கின்றது. பள்ளிகளில் விஞ்ஞான ஆய்வுகூடங்களில் பரிசோதனைகள் செய்வோம். குறிப்பிட்ட முறையில் நாம் ஆய்வைச் செய்தால்தான் எதிர்பார்க்கும் விளைவுகளைப் பெறமுடியும். ஆம் அன்பானவர்களே, வேத வசனங்களின் அடிப்படையில் நமது வாழ்க்கையினை அமைத்துக்கொள்ளும்போதுதான்  தேவன் சரியான விளைவுகளை நமது வாழ்வில் தந்து மகிழப்பண்ணுவார். "கர்த்தருக்குப் பிரியமானது இன்னதென்று நீங்கள் சோதித்துப்பாருங்கள்." 

தேவ செய்தி :- சகோ. எம் . ஜியோ பிரகாஷ்                                              

       WHAT IS PLEASING THE LORD

‘AATHAVAN' 📖✝ BIBLE MEDITATION No:- 1,087                    💚 January 31, 2024 💚 Wednesday 💚

"Proving what is acceptable unto the Lord." (Ephesians 5: 10)

Most people today are testing the Lord rather than testing what pleases the Lord. That is, instead of thinking about how their life is and correcting themselves, they think of worldly things that are unnecessary and wish the Lord to fulfill them and pray for that.

Even though claim to be spiritual people, if we look at the prayers of some people, we cannot say that they are spiritual. Mostly they give priority to worldly affairs and pray. Not only that, some people wish and pray that they will advance in life ahead of those they do not like.

They even pray that whatever they like should happen and that the political party of their choice should come to power. Not only that, but some pray, "Lord, destroy the life of the adversary who works against me." Even many Christian pastors pray, "Lord  bring more souls to my church than that church (saying the name of a particular minister's church)."

Once a grandmother was talking to me and said, "Brother, my neighbour is not well with me. He is very problematic.  My prayer is that the Lord should drive him out of here. the Lord is not answering my prayer”. Beloved, they do not consider how God, who taught us to love our enemies, would hear such a prayer.

Any of our prayers should be as the Lord Jesus Christ prayed, "Lord, let your will be done." This is the way the scriptures teach us to pray.

One of the reasons many believers today pray un-scripturally is because of some ministers. Quoting some verses from the Old Testament, they teach that if you pray like this, you can defeat the enemies. That is why in today's verse, the apostle Paul says, "Test yourselves to see what pleases the Lord."

We should think whether the actions we do, the words we speak, and our prayers are acceptable to God and not to humans. 

If we call ourselves Christians and remain in such a state of mind, it means that we are still barren and in darkness. That is why "And have no fellowship with the unfruitful works of darkness, but rather reprove them." (Ephesians 5: 11) says the apostle, Paul.

As the year begins, from celebrity pastors to small street preachers say, "this year is a blessed year" and check your life for God's blessings. They do not say to give up unfruitful activities.

Today's meditation verse asks us to test ourselves. When we do experiments in science labs in schools, only if we do the research in a specific way can we get the expected results. Yes, dear ones, only when we structure our life based on the scriptures, God will give us the right results and make us happy. Let us "Proving what is acceptable unto the Lord."

God’s  Message :- Bro. M. Geo Prakash

இதுவும் ஆவிக்குரிய அனுபவமே / IT IS ALSO A SPIRITUAL EXPERIENCE

 'ஆதவன்' 📖✝ வேதாகமத் தியானம் - எண்:- 1,086     💚 ஜனவரி 30, 2024 💚 செவ்வாய்க்கிழமை  💚 

"இதோ, நான் முன்னாகப்போனாலும் அவர் இல்லை; பின்னாகப்போனாலும் அவரைக் காணேன். இடதுபுறத்தில் அவர் கிரியை செய்தும் அவரைக் காணேன்; வலது புறத்திலும் நான் அவரைக் காணாதபடிக்கு ஒளித்திருக்கிறார்." ( யோபு 23 : 8, 9 )

ஆவிக்குரிய வாழ்வில் இன்று நாம் சிலவேளைகளில் அனுபவிக்கும் அனுபவத்தைப் பக்தனாகிய யோபுவும் அனுபவித்துள்ளார். சில வேளைகளில் நாம் தேவனுக்கு நெருக்கமாக இருப்பதுபோன்ற அனுபவங்களுடன் வாழ்ந்து கொண்டிருக்கும்போது திடீரென தேவனற்ற வெறுமையான ஒரு நிலைமை நமக்கு ஏற்படலாம். துன்பங்களும் நேரிட்டு நாம் ஆவிக்குரிய வாழ்வில் சாதாரண உலக மனிதர்களைவிட ஒன்றுமில்லாதவர்கள்போல ஆகிவிடுகின்றோம். இது ஆவிக்குரிய வாழ்வில் தேவன் நம்மை நடத்தும் ஒரு விதமாகும்.

சென்ற நூற்றாண்டில் வாழ்ந்தப் பரிசுத்தவானாகிய சாது சுந்தர்சிங் அவர்களும் இந்த அனுபவத்தை அடைந்துள்ளார். அவர் தேவனிடம் இதுபற்றி கேட்கின்றார், "ஆண்டவரே, நான் பாவம் செய்யாமல் இருந்தாலும் சில வேளைகளில் திடீரென்று நீர் என்னைவிட்டு அகன்றதுபோல உணர்கின்றேன். என்  மகிழ்ச்சி எல்லாம் அற்றுப்போய் சாதாரண மனிதர்களைவிடக் கீழானவன்போல  ஆகிவிடுகின்றேனே இது ஏன்?"

அவருக்கு தேவன் பதில் கூறினார், "மகனே, நீ எப்போதுமே மேலான ஆவிக்குரிய அனுபவங்களோடு இருந்தால் நீ அறியாமலேயே உன்னுள் பெருமை வந்துவிடும். மட்டுமல்ல நீ உன்னை மற்றவர்களைவிட மேலானவனாகக் கருதி வாழ்வாய். என்னாலேயல்லாமல் நீ இல்லை; உன் ஆவிக்குரிய வாழ்வும் இல்லை. இதனை உனக்கு உணர்த்தவும் ஆவிக்குரிய வாழ்வில் பெருமைகொண்டு நீ விழுந்துபோகாமல் இருக்கவுமே இப்படி நான் உன்னைக் கைவிட்டுவிடுவதுபோல இருக்கின்றேன். ஆனால் நான் உன்னைக் கைவிடவில்லை; ஒரு தாய் நடக்கப் பழகும் தனது குழந்தை நடப்பதைப் பார்த்துக்கொண்டிருப்பது போல உன்னைப் பார்த்துக் கொண்டுதான் இருக்கின்றேன்.  உன்னால் முடியாது எனும் நிலை வரும்போது நான் உன்னைத் தூக்கி விட்டுவிடுவேன்" 

யோபுவும் இந்த அனுபவத்தை அனுபவித்ததால்தான் "நான் முன்னாகப்போனாலும் அவர் இல்லை; பின்னாகப்போனாலும் அவரைக் காணேன். இடதுபுறத்தில் அவர் கிரியை செய்தும் அவரைக் காணேன்; வலது புறத்திலும் நான் அவரைக் காணாதபடிக்கு ஒளித்திருக்கிறார்." என்று கூறுகின்றார். 

ஆனால் அதற்காக தேவனைவிட்டும் அவரது கட்டளைகளைவிட்டும் நான் பின்வாங்கவில்லை என்கின்றார் யோபு. "அவர் உதடுகளின் கற்பனைகளை விட்டு நான் பின்வாங்குவதில்லை; அவருடைய வாயின் வார்த்தைகளை எனக்கு வேண்டிய ஆகாரத்தைப் பார்க்கிலும் அதிகமாய்க் காத்துக்கொண்டேன்." ( யோபு 23 : 12 )

அன்பானவர்களே, நீங்களும் உங்கள்  ஆவிக்குரிய வாழ்வில் இப்படித் தேவனால்  கைவிடப்பட்டதுபோன்ற நிலைமையை அனுபவித்திருக்கலாம். அதற்காக மனம் தளரவேண்டாம்.  தேவனுக்கு எதிராக முறுமுறுக்கவேண்டாம், அவரது கட்டளைகளைக் கைவிடவேண்டாம். தேவன் உங்களது நிலைமையைத் தூரத்திலிருந்து கவனித்துக் கொண்டிருக்கின்றார். ஏற்றவேளையில் உதவிக்கரம் நீட்டுவார். ஆம், அவர் உங்கள் ஆவிக்குரிய வாழ்வையும் விசுவாசத்தையும் புடமிட்டுக்கொண்டிருக்கின்றார். 

இதனையே யோபு, "ஆனாலும் நான் போகும் வழியை அவர் அறிவார்; அவர் என்னைச் சோதித்தபின் நான் பொன்னாக விளங்குவேன்." ( யோபு 23 : 10 ) என்று உறுதியாக நம்பிக்கையுடன் கூறுகின்றார். நாமும் அவரைப்போலக்  கூறி கர்த்தர்மேல் விசுவாசமாக இருப்போம். கர்த்தர்தாமே நம்மை ஆசீர்வதிப்பாராக. 

தேவ செய்தி :- சகோ. எம் . ஜியோ பிரகாஷ்           

    IT IS ALSO A SPIRITUAL EXPERIENCE 

'AATHAVAN' 📖✝ BIBLE MEDITATION No:- 1,086 💚 January 30, 2024 💚 Tuesday 💚

"Behold, I go forward, but he is not there; and backward, but I cannot perceive him: On the left hand, where he doth work, but I cannot behold him: he hideth himself on the right hand, that I cannot see him:" (Job 23: 8, 9)

The pious Job also experienced what we sometimes experience today in the spiritual life. Sometimes when we are living with the experiences of being close to God, we can suddenly experience a state of emptiness without God. Sufferings also occur and we become nothing more than ordinary worldly people in spiritual life. This is one way God treat us in the spiritual life.

Sadhu Sundersingh, a saint who lived in the last century, also had this experience. He asks God about this, "Lord, even though I have not sinned, sometimes I feel as if you are suddenly far away from me. Why is it that all my joy has disappeared and I have become inferior to ordinary people?"

God answered him, "Son, if you always have higher spiritual experiences, pride will come into you without realizing it. Not only that, you will live as if you are superior to others. Apart from me, you do not exist, and you do not have spiritual life. To make you realize this, I am leaving you like this so that you do not fall into pride in spiritual life. I am there. But I am not abandoning you; I am watching you like a mother watching her toddler walk. When you can't, I will lift you up and leave you."

It is because Job experienced this experience he says I go forward, but he is not there; and backward, but I cannot perceive him: On the left hand, where he doth work, but I cannot behold him: he hideth himself on the right hand, that I cannot see him.

But for that I did not turn back from God and His commandments, says Job. "Neither have I gone back from the commandment of his lips; I have esteemed the words of his mouth more than my necessary food." (Job 23: 12)

Beloved, you too may have experienced such abandonment by God in your spiritual life. Don't be discouraged by that. Do not grumble against God, do not forsake His commandments. God is watching over your situation from a distance. He lends a helping hand in times of need. Yes, He is testing your spiritual life and faith.

This is what Job said with confidence, "But he knoweth the way that I take: when he hath tried me, I shall come forth as gold." (Job 23: 10) Let us say like him and be faithful to the Lord. May the Lord himself bless us.

God’s Message :- Bro. M. Geo Prakash                              

தன்னைத்தான் சோதித்தறிந்து.. / EXAMINE HIMSELF

 'ஆதவன்' 📖✝ வேதாகமத் தியானம் - எண்:- 1,085    💚 ஜனவரி 29, 2024 💚 திங்கள்கிழமை  💚 

"எந்த மனுஷனும் தன்னைத்தானே சோதித்தறிந்து, இந்த அப்பத்தில் புசித்து, இந்தப் பாத்திரத்தில் பானம்பண்ணக்கடவன்".    ( 1 கொரிந்தியர் 11 : 28 )

இயேசு கிறிஸ்து தனது உடலையும் இரத்தத்தையும் நமது மீட்புக்காகச் சிந்தினார். அதனால்தான் நாம் இன்றும் பாவங்கள் நீங்கி இரட்சிப்பு அனுபவத்தைப் பெறுகின்றோம். இதனையே, "என் மாம்சம் மெய்யான போஜனமாயிருக்கிறது, என் இரத்தம் மெய்யான பானமாயிருக்கிறது." ( யோவான் 6 : 55 ) என்றார் இயேசு கிறிஸ்து. 

இந்த ஆவிக்குரிய சத்தியம் பெரியது. இயேசு கூறிய வார்த்தைகளுக்கு உலக அர்த்தம்கொள்வோமானால் அவரைவிட்டுப் பின்வாங்கிய பலச்  சீடர்களைப்போல பின்மாறியவர்களாகவே இருப்போம். அன்று இயேசு கூறியதன் ஆவிக்குரிய பொருள் புரியாததால் "அவருடைய சீஷரில் அநேகர் அவருடனேகூட நடவாமல் பின்வாங்கிப்போனார்கள்." ( யோவான் 6 : 66 ) 

இந்த உலகத்து  உணவுகளை உண்பது நமது உடல் வளர்ச்சிக்கு உதவுகின்றது. இயேசுதரும் இந்த கிறிஸ்துவின் உடலை உண்பதே மெய்யான உணவு.  அது நமது ஆத்துமாவுக்கு ஏற்ற உணவாக இருக்கின்றது. ஆனால் இதனைப் புரிந்து கொள்ளாததால்தான்   பலச்  சீடர்கள் அவரைவிட்டுப் பின்வாங்கிப்போனார்கள். 

கர்த்தராகிய இயேசு கிறிஸ்து நமக்காகத் தனது உடலையும் இரத்தத்தையும் பலியாக்கினர் எனும் சத்தியத்தை நாம் நற்கருணை உட்கொள்ளும்போது ஏற்றுக்கொண்டு அறிக்கையிடுகின்றோம். ஆனால் இது வெறும் வெளி அடையாளமாக  இது இருந்தால் அர்த்தமற்றது. மட்டுமல்ல, அப்படி உட்கொள்வது நமக்குச் சாபமாகவும் மாறிவிடுகின்றது என்று வேதாகமம் நம்மை எச்சரிக்கின்றது.

"ஏனெனில், அபாத்திரமாய்ப் போஜனபானம்பண்ணுகிறவன், கர்த்தருடைய சரீரம் இன்னதென்று நிதானித்து அறியாததினால், தனக்கு ஆக்கினைத்தீர்ப்பு வரும்படி போஜனபானம் பண்ணுகிறான்." ( 1 கொரிந்தியர் 11 : 29 ) என்று கூறப்பட்டுள்ளது. மட்டுமல்ல, "இதினிமித்தம், உங்களில் அநேகர் பலவீனரும் வியாதியுள்ளவர்களுமாயிருக்கிறார்கள்; அநேகர் நித்திரையும் அடைந்திருக்கிறார்கள்.' ( 1 கொரிந்தியர் 11 : 30 ) என்கின்றார் பவுல் அப்போஸ்தலர். 

ஆராதனைகளில் கலந்துகொள்ளும்போதெல்லாம் நற்கருணை உட்கொள்ளவேண்டுமென எண்ணாமல் நாம் அதற்கேற்ற தகுதியுள்ளவர்களாக இருக்கின்றோமா என நம்மை நிதானித்து அறிந்து உட்கொள்வதே தேவன் விரும்புவது. இதனையே இன்றைய தியான வசனத்தில் அப்போஸ்தலரான பவுல், "எந்த மனுஷனும் தன்னைத்தானே சோதித்தறிந்து, இந்த அப்பத்தில் புசித்து, இந்தப் பாத்திரத்தில் பானம்பண்ணக்கடவன்" என்று கூறுகின்றார். 

இப்படி நம்மை நாம் நிதானித்து அறிந்து அவரது மாம்சத்தைப் புசித்து, இரத்தத்தைப் பானம்பண்ணுகிறவர்களாக இருந்தால் மட்டுமே நமக்கு நித்தியஜீவன் உண்டு; அவர் நம்மைக் கடைசிநாளில் எழுப்புவார். பிறர் நம்மைப்பற்றி என்ன எண்ணுவார்கள் என்று நிதானிப்பதைவிட நமது தகுதியை நாம் நிதானித்து அறியவேண்டும்.  நமது தகுதியை உணர்ந்து கிறிஸ்துவின் உடலை உட்கொள்ளும்போது அவருக்கு ஏற்புடையவர்கள் ஆகின்றோம். அப்போதுதான்  இயேசு கிறிஸ்து கூறியபடி அவரது மாம்சம் மெய்யான போஜனமாகவும் அவரது  இரத்தம் மெய்யான பானமுமாக நமக்கு மாறும்.

தேவ செய்தி :- சகோ. எம் . ஜியோ பிரகாஷ்                    

                 EXAMINE HIMSELF

'AATHAVAN' 📖✝ BIBLE MEDITATION No:- 1,085 💚 January 29, 2024 💚 Monday💚

"Let every man examine himself, and eat of this bread, and drink of this cup." (1 Corinthians 11:28)

Jesus Christ shed His body and blood for our redemption. That is why even today we experience salvation by getting rid of our sins. This is what Jesus Christ said, "My flesh is true food, and my blood is true drink." (John 6:55)

This spiritual truth is great. If we take the worldly meaning of the words of Jesus, we will be backsliders like many disciples who turned away from him. Because they did not understand the spiritual meaning of what Jesus said that day, "many of his disciples went back and did not walk even with him." (John 6:66)

Eating the foods of this world helps our body to grow. Eating the body of Jesus Christ which is true food and it is food for our soul. But not understanding this caused many disciples to withdraw from him.

When we partake of the Eucharist, we confess and accept the truth that the Lord Jesus Christ sacrificed His body and blood for us. But it is meaningless if it is merely an external sign. Not only that, but the Bible warns us that such consumption becomes a curse for us.

“But let a man examine himself, and so let him eat of that bread, and drink of that cup. For he that eateth and drinketh unworthily, eateth and drinketh damnation to himself, not discerning the Lord's body. For this cause many are weak and sickly among you, and many sleep. (1 Corinthians 11: 28 - 30) Paul the apostle said.

Whenever we participate in the services, God wants us to take a moment to analyse whether we are worthy of partake of the Eucharist. This is what the apostle Paul says in today's meditation verse, "Let every man examine himself, eat of this bread, and drink of this cup."

Thus we shall have eternal life if we know ourselves and eat his flesh and drink his blood; He will raise us up on the last day. Rather than judging what others will think of us, we should judge and know our worth. When we realize our worth and partake of Christ's body, we become acceptable to Him. Only then will His flesh become our true food and His blood our true drink as Jesus Christ said.

God’s Message :- Bro. M. Geo Prakash                            

விசுவாசமூலமாய் உண்டாயிருக்கிற நீதி / RIGHTEOUSNESS BY FAITH

 'ஆதவன்' 📖✝ வேதாகமத் தியானம் - எண்:- 1,084      💚 ஜனவரி 28, 2024 💚 ஞாயிற்றுக்கிழமை  💚 

"........நியாயப்பிரமாணத்தினால் வருகிற சுயநீதியை உடையவனாயிராமல், கிறிஸ்துவைப்பற்றும் விசுவாசத்தினால் வருகிறதும் விசுவாசமூலமாய் தேவனால் உண்டாயிருக்கிறதுமான நீதியை உடையவனாயிருந்து, கிறிஸ்துவுக்குள் இருக்கிறவனென்று காணப்படும்படிக்கு" ( பிலிப்பியர் 3 : 9 )

இன்றைய தியானத்தில் அப்போஸ்தலரான பவுல் இரண்டுவித நீதிகளைக் குறித்துக் கூறுகின்றார். ஒன்று, நியாயப்பிரமாணத்தினால் வருகின்ற நீதி. அதாவது சுய நீதி என்று கூறுகின்றார். மற்றொன்று, கிறிஸ்து இயேசுவைப்  பற்றும் விசுவாசத்தினால் வருகின்ற தேவனால் உண்டாயிருக்கின்ற நீதி. 

நியாயப் பிரமாணத்தினால் நீதிமானாக விரும்புபவர்கள் பொதுவாக வெளிப்பார்வைக்கு நல்ல செயல்கள் செய்வதுபோலத் தெரிந்தாலும் அவர்கள் உண்மையில் நீதிமான்களல்ல. இந்த உலகத்தில் நாம் பார்க்கும் பல கிறிஸ்தவர்களும் மேலோட்டமாகப் பார்த்தால் தேவ கட்டளைகளை நிறைவேற்றும் நீதிமான்கள்போலத் தெரியும். ஆனால் எல்லோரும் தேவனின் முன்னால் நீதிமான்களல்ல. காரணம்,  தேவன் வெறுமனே கட்டளைகளுக்குக் கீழ்படிவதைவிட உள்ளான மனதில் ஏற்படும் மாற்றத்தை விரும்புகின்றார். 

உள்ளான மாற்றம் நாம் கட்டளைகளுக்குக் கீழ்படிவதால் வராது. மாறாக, கிறிஸ்து இயேசுவின்மேல் விசுவாசம்கொள்ளும்போது மட்டுமே ஏற்படும். கட்டளைகள் கூறுவதால் நாம் தவறாமல் ஆலயங்களுக்குச் செல்லலாம், காணிக்கைகள் கொடுக்கலாம், தர்மம் செய்யலாம். ஆனால் இப்படிக் கட்டளைகளை நிறைவேற்றுவதால் நாம் தேவனுக்குமுன் நீதிமானாக முடியாது.  எனவேதான் அப்போஸ்தலராகிய பவுல், "வேதவாக்கியம் என்ன சொல்லுகிறது? ஆபிரகாம் தேவனை விசுவாசித்தான், அது அவனுக்கு நீதியாக எண்ணப்பட்டது என்று சொல்லுகிறது." ( ரோமர் 4 : 3 ) என்று கூறுகின்றார். 

ஆபிரகாம் காலத்தில் கட்டளைகள் கிடையாது. ஆனால் அவர் தேவன்மேல் கொண்ட விசுவாசத்தால் நீதியுள்ள வாழ்க்கை வாழ்ந்தார். 

வெளிபார்வைக்கான மனிதன் வேறு; உள்ளான மனிதன் வேறு. நாம் வெளி மனிதனாக நல்லது செய்யலாம். ஆனால் நமது உள்மனிதனைத் தேவன் அறிவார். கிறிஸ்து நமது உள்ளத்தில் வராமல் நாம் உள்ளன மாற்றம் அடைய  முடியாது. நியாயப்பிரமாணத்தினால்  உள்ளான மனிதனில் மாற்றம் கொண்டு வர முடியாது. அப்படி முடியாததால்தான் கிறிஸ்து உலகினில் வந்து பாடுபடவேண்டியதாயிற்று. 

"அதெப்படியெனில், மாம்சத்தினாலே பலவீனமாயிருந்த நியாயப்பிரமாணம் செய்யக்கூடாததை தேவனே செய்யும்படிக்கு, தம்முடைய குமாரனைப் பாவமாம்சத்தின் சாயலாகவும், பாவத்தைப் போக்கும் பலியாகவும் அனுப்பி, மாம்சத்திலே பாவத்தை ஆக்கினைக்குள்ளாகத் தீர்த்தார்." ( ரோமர் 8 : 3 ) என்று வாசிக்கின்றோம். 

ஆம் அன்பானவர்களே, தேவ நீதியானது நியாயப்பிரமாணத்தால் வருவதல்ல. மாறாக தேவன் அருளும் கிருபையிலான மீட்பு அனுபவத்தால் ஏற்படுகின்றது. நியாயப்பிரமாணமே போதுமென்றால் கிறிஸ்து மரித்திருக்கவேண்டிய  அவசியமில்லை. "நீதியானது நியாயப்பிரமாணத்தினாலே வருமானால் கிறிஸ்து மரித்தது வீணாயிருக்குமே." ( கலாத்தியர் 2 : 21 )

கிறிஸ்துவின் சிலுவை மரணத்தால் உண்டான தேவ கிருபையை வீணாக்காமல் அதனைச் சார்ந்துகொள்வோம். கிறிஸ்து நம்மில் வந்து செயல்புரிந்து கிறிஸ்துவைப்பற்றும் விசுவாசத்தினால் வருகிறதும் விசுவாசமூலமாய் தேவனால் உண்டாயிருக்கிறதுமான நீதியை உடையவர்களாய் காணப்படும்படிக்கு நம்மை அவருக்கு ஒப்புக்கொடுப்போம். 

தேவ செய்தி :- சகோ. எம் . ஜியோ பிரகாஷ்                         

                RIGHTEOUSNESS BY FAITH

'AATHAVAN' 📖✝ BIBLE MEDITATION No:- 1,084 💚 January 28, 2024 💚 Sunday💚

"…… not having mine own righteousness, which is of the law, but that which is through the faith of Christ, the righteousness which is of God by faith:" (Philippians 3: 9)

In today's meditation, the apostle Paul talks about two types of righteousness. One is the righteousness that comes from the law. It means self-righteousness. The other is the righteousness of God that comes through faith in Christ Jesus.

Those who want to be righteous by the law of righteousness are generally not righteous in reality, even though they appear to be doing good in this world. Many of the Christians we see in this world seem like righteous people who follow God's commandments. But not everyone is righteous before God. The reason is that God desires a change of heart rather than mere obedience to commandments.

Inner change does not come because we obey commands. Rather, it only happens when we believe in Christ Jesus. We can regularly go to temples, give offerings and do charity because of the commandments. But by fulfilling these commandments we cannot become righteous before God. That is why the apostle Paul said, "For what saith the scripture? Abraham believed God, and it was counted unto him for righteousness." (Romans 4: 3)

There were no commandments in Abraham's time. But he lived a righteous life because of his faith in God.

Man of appearance is different; The inner man is different. We can do good as outsiders. But God knows our inner man. Without Christ coming into our hearts, we cannot be changed. The law cannot bring about change in the inner man. That is why Christ came into the world and had to suffer to make was not possible in to possible.

"For what the law could not do, in that it was weak through the flesh, God sending his own Son in the likeness of sinful flesh, and for sin, condemned sin in the flesh:" (Romans 8: 3) we read.

Yes beloved, the righteousness of God does not come by the law. Rather, it is through the experience of God's gracious redemption. Christ need not have died if the law was sufficient. "I do not frustrate the grace of God: for if righteousness come by the law, then Christ is dead in vain." (Galatians 2: 21)

Let's not waste God's grace created by him through Christ's death on the cross and depend on it. Let us commit ourselves to Christ so that he may come and work in us and be seen as having the righteousness of God which comes through faith in Christ.

God’s Message :- Bro. M. Geo Prakash                       

என்னை முத்தமிடுவாராக / LET HIM KISS ME

 'ஆதவன்' 📖✝ வேதாகமத் தியானம் - எண்:- 1,083    💚 ஜனவரி 27, 2024 💚 சனிக்கிழமை  💚 

"அவர் தமது வாயின் முத்தங்களால் என்னை முத்தமிடுவாராக: உமது நேசம் திராட்சரசத்தைப்பார்க்கிலும் இன்பமானது." ( உன்னதப்பாட்டு 1 : 2 )

நாம் ஏற்கெனவே பல தியானங்களில் பார்த்துள்ளபடி தேவனுக்கும் நமக்குமுள்ள உறவு மெய்யான காதல் உணர்வு போன்றதாக இருக்கவேண்டும். அந்த அன்புறவுக்குமுன் வேறு எதுவும் - எந்த உலக ஆசை எண்ணங்களும் - குறுக்கே நிற்க முடியாது. அப்படி இருக்குமானால் நாம் தேவனை மனதார நேசிக்கவில்லை என்று பொருள். உன்னதப்பாட்டு இந்த அனுபவத்தோடு எழுதப்பட்டதுதான்.

அவர் தமது வாயின் முத்தங்களால் என்னை முத்தமிடுவாராக: உமது நேசம் திராட்சரசத்தைப்பார்க்கிலும் இன்பமானது என்பது தேவ அன்பை ருசித்த மனிதன் அந்த ஆர்வத்தில் கூறும் வார்த்தைகள்தான்.   உன்னதப்பாட்டு ஆசிரியரின் அனுபவத்தை தாவீது ராஜாவும் அறிந்திருந்தார். எனவே, இப்படி தேவ அன்பை ருசித்து அனுபவித்த தாவீது நம்மையும் இந்த அனுபவத்தை ருசிக்க கூறுகின்றார். "கர்த்தர் நல்லவர் என்பதை ருசித்துப்பாருங்கள்; அவர்மேல் நம்பிக்கையாயிருக்கிற மனுஷன் பாக்கியவான்." ( சங்கீதம் 34 : 8 ) ஆம், அவரை ருசித்துப் பார்ப்போமானால் அவர்மேல் விசுவாசமுள்ளவர்களாக இருப்போம். 

மட்டுமல்ல, கர்த்தரை உண்மையாய் அறிந்து ருசித்து அவருக்கேற்ப வாழும்போது நம்மில் கனியுள்ள வாழ்க்கை ஏற்படும். ஆவியின் கனிகள் நம்மில் செயல்பட நாம் கர்த்தர்மேல் மெய் அன்புள்ளவர்களாக இருக்கவேண்டியது அவசியம். இப்படி தேவ அன்பை ருசித்து கனியுள்ள வாழ்க்கை வாழ்ந்த உன்னதப்பாடலாசிரியர் கர்த்தரை தன்னிடம் வந்து தன்னிடமுள்ள கனிகளை உண்ணுமாறு பின்வருமாறு அழைக்கின்றார்;-

"வாடையே! எழும்பு; தென்றலே! வா; கந்தப்பிசின்கள் வடிய என் தோட்டத்தில் வீசு; என் நேசர் தம்முடைய தோட்டத்துக்கு வந்து, தமது அருமையான கனிகளைப் புசிப்பாராக." ( உன்னதப்பாட்டு 4 : 16 )

"என் நேசர் தம்முடைய தோட்டத்துக்கு வந்து, தமது அருமையான கனிகளைப் புசிப்பாராக" என்று மேற்படி வசனம் கூறுகின்றது. வேதாகம அடிப்படையில், ஆவிக்குரிய மக்களாகிய நாம்தான் இஸ்ரவேலர்; நாம்தான் அவரது திராட்சைத் தோட்டம். இதனை நாம் ஏசாயா நூலில் வாசிக்கலாம்.   "சேனைகளின் கர்த்தருடைய திராட்சைத்தோட்டம் இஸ்ரவேலின் வம்சமே; அவருடைய மனமகிழ்ச்சியின் நாற்று யூதாவின் மனுஷரே" ( ஏசாயா 5 : 7 )

நாம் வெறும் வழிபாட்டுக் கிறிஸ்தவர்களாக இருப்போமானால் அவரது அன்பையோ அவரது உறவையே நாம் வாழ்வில் உணரமுடியாது. அவரை வாழ்வில் அனுபவிக்கும்போது தாவீது கூறுவதுபோல நமது வாழ்வில் அவரை ருசிக்கமுடியும். அந்த அனுபவம்தான் கிறிஸ்துவை மட்டுமே நாம் நேசிக்கத் தூண்டும். அப்போதுதான் நாம் கனியுள்ள வாழ்க்கை வாழ முடியும். மனத் தைரியத்தோடு "என் நேசர் தம்முடைய தோட்டத்துக்கு வந்து, தமது அருமையான கனிகளைப் புசிப்பாராக" என்று அவரை அழைக்க முடியும். 

அன்பானவர்களே, அவரது வாயின் முத்தங்களே நம்மை மேலான ஆவிக்குரிய வாழ்க்கை வாழ உதவுவதுடன் நாம் கனியுள்ள வாழ்க்கை வாழவும் உதவும் என்பது  தெளிவாகின்றது. கர்த்தரை உண்மையான அன்புடன் பற்றிக்கொள்வோம்; அவருக்கேற்ப வாழ நம்மை ஒப்புக்கொடுப்போம். அப்போது உன்னதப்பாடல் ஆசிரியரின் அனுபவம் நமக்கும் கிடைக்கும். "உமது நேசம் திராட்சரசத்தைப்பார்க்கிலும் இன்பமானது." என்று நாமும் வாழ்க்கையில் அனுபவித்துக் கூற முடியும்.

தேவ செய்தி :- சகோ. எம் . ஜியோ பிரகாஷ்                           

                     LET HIM KISS ME 

'AATHAVAN' 📖✝ BIBLE MEDITATION No:- 1,083   💚 January 27, 2024 💚 Saturday💚

"Let him kiss me with the kisses of his mouth: for thy love is better than wine." (Song of Songs 1: 2)

As we have already seen in many meditations, our relationship with God should be like a true love feeling. Nothing else – no worldly desire thoughts – can stand in the way of that love. If that is not the case, it means that we are not loving God wholeheartedly. Song of Songs was written with this experience.

Let him kiss me with the kisses of his mouth: Thy love is sweeter than wine are the words of the man who has tasted the love of God in that passion. King David also knew the experience of the author of Song of Songs. Therefore, David, who tasted God's love like this, tells us to taste this experience too. "O taste and see that the LORD is good: blessed is the man that trusteth in him." (Psalms 34: 8) Yes, if we taste Him, we will be faithful to Him.

Not only that, when we truly know the Lord and live according to Him, we will have a fruitful life. For the fruits of the Spirit to work in us, we need to be true lovers of the Lord. Thus, the author of Song of songs, who lived a fruitful life tasting God's love, invites the Lord to come to him and eat the fruits he has as follows; -

"Awake, O north wind; and come, thou south; blow upon my garden, that the spices thereof may flow out. Let my beloved come into his garden, and eat his pleasant fruits." (Song of Songs 4: 16)

The above verse says, "Let my beloved come into his garden and eat his good fruits." Biblically, we, a spiritual people, are Israelites; We are his vineyard. We can read this in Isaiah. "For the vineyard of the LORD of hosts is the house of Israel, and the men of Judah his pleasant plant:" (Isaiah 5: 7)

If we are just worshiping Christians, we will never feel His love or His relationship in our lives. When we experience Him in life, we can taste Him in our lives as David says. It is that experience that makes us love Christ alone. Only then can we live a fruitful life. With courage we can call upon him, "Let my beloved come into his garden, and eat of his good fruit."

Beloved, the kisses of His mouth help us live a higher spiritual life and help us live a fruitful life. Let us cling to the Lord with true love; Let us commit ourselves to live according to Him. Then we will also get the experience of the author of Song of Songs, "Your love is sweeter than wine." We can also experience that in life.

God’s Message :- Bro. M. Geo Prakash                     

மகிமையை அடையும்பொருட்டாக / OBTAINING THE GLORY

 'ஆதவன்' 📖✝ வேதாகமத் தியானம் - எண்:- 1,083       💚 ஜனவரி 26, 2024 💚 வெள்ளிக்கிழமை  💚 

"நீங்கள் நம்முடைய கர்த்தராகிய இயேசுகிறிஸ்துவின் மகிமையை அடையும்பொருட்டாக எங்கள் சுவிசேஷத்தினாலே அந்த இரட்சிப்புக்கு அவர் உங்களை அழைத்தார்." ( 2 தெசலோனிக்கேயர் 2 : 14 )

இந்த உலகத்தில் நாம் வாழ்ந்தாலும் இது நமது இறுதி இலக்கல்ல; மாறாக,  நாம் கிறிஸ்துவின் சுவிசேஷத்துக்குச் செவிகொடுத்து அதன்படி வாழ்ந்து நம்முடைய இரட்சகராகிய இயேசு கிறிஸ்துவைப்போல மகிமைக்குள் பிரவேசிக்கவேண்டும். அவரது மகிமையை நாம் பெறவேண்டும். அதற்கேற்றாற்போல இந்த உலகத்தில் வாழவேண்டும்.

சொத்து, புகழ், இந்த உலகத்து மகிமை இவைகளுக்காக நாம் உழைத்துக்கொண்டிருந்தால் அல்லது இவைகளையே நமது அன்றாட ஜெபங்களில் நாம் தேவனிடம் கேட்டுக்கொண்டிருந்தால்  ஒருவேளை அவைகளைப் பெற்றுக்கொண்டாலும் நமது மறுவுலக வாழ்வு அழிவுக்குரியதாகவே இருக்கும்.  சுவிசேஷம் எழுதப்பட்டதன் நோக்கமே நாம் இரட்சிப்பு அனுபவம் பெற்று மகிமை வாழ்வை அடையவேண்டும் என்பதே. "அந்த இரட்சிப்புக்கு அவர் உங்களை அழைத்தார்." என்கின்றார் பவுல் அப்போஸ்தலர். 

அதற்கு நாம் என்ன செய்யவேண்டும்? "ஆகையால், சகோதரரே, நீங்கள் நிலைகொண்டு, வார்த்தையினாலாவது நிருபத்தினாலாவது நாங்கள் உங்களுக்கு உபதேசித்த முறைமைகளைக் கைக்கொள்ளுங்கள்." ( 2 தெசலோனிக்கேயர் 2 : 15 ) என்கின்றார் பவுல். 

இன்றைய வசனம் கூறுவது, நாம் நமது அழைப்பின் நோக்கத்தைப் புரிந்துகொள்ளவேண்டும் என்பதே. பிற மதங்களுக்கும் கிறிஸ்தவ மார்க்கத்துக்குமுள்ள வேறுபாடு இதுதான். பிற மதங்கள், வழிபாடுகள், சம்பிரதாயங்கள் அனைத்தும் இந்த உலக ஆசீர்வாதத்துக்கான வழியைக் காட்டுகின்றன.  ஆனால் கிறிஸ்தவ மார்க்கம் (மதமல்ல) நித்திய ஜீவனுக்கான வழியினைக் காட்டுகின்றது. 

தேவனது வார்த்தைக்கு நாம் கொடுக்கும் முக்கியத்துவம்தான் மேலானதே தவிர  உலக ஆசீர்வாதங்களுக்கான வேண்டுதல்களல்ல. அன்று ஏதேனில்  ஆதாம் செய்த தவறையே இன்றுவரை மக்கள் செய்துகொண்டிருக்கின்றனர். தேவனது வார்த்தைகளைப்  புறக்கணித்த ஆதாமும் ஏவாளும் கண்களின் இச்சையில் விழுந்து  உலகப் பொருளுக்காக ஆர்வம்கொண்டனர்.  இன்றும் அதுபோலவே தேவனது வார்த்தைகள் புறக்கணிக்கப்படுகின்றன. 

தேவனது வார்த்தைகள் ஆவியாகவும் ஜீவனாகவும் இருக்கின்றன. எனவே அவையே உயிரளிப்பவை. "ஆவியே உயிர்ப்பிக்கிறது, மாம்சமானது ஒன்றுக்கும் உதவாது; நான் உங்களுக்குச் சொல்லுகிற வசனங்கள் ஆவியாயும் ஜீவனாயும் இருக்கிறது." ( யோவான் 6 : 63 ) என்றார் இயேசு கிறிஸ்து. அந்த ஜீஎவனுள்ள வார்த்தைகளே சுவிசேஷ வார்த்தைகள். இந்த வார்த்தைகள் மூலம் நம்முடைய கர்த்தராகிய இயேசுகிறிஸ்துவின் மகிமையை அடையும்பொருட்டாக சுவிசேஷத்தினாலே அந்த இரட்சிப்புக்கு அவர் நம்மை அழைத்துள்ளார். 

எனவே கிறிஸ்துவின் மகிமையினை நாம் அடையவேண்டுமானால் அவரது வார்த்தைகள் நம்மில் செயல்புரிய அனுமதிக்கவேண்டும். அந்த சுவிசேஷ வார்த்தைகளுக்குச் செவிகொடுக்கவேண்டும். "சகோதரரே, நீங்கள் நிலைகொண்டு, வார்த்தையினாலாவது நிருபத்தினாலாவது நாங்கள் உங்களுக்கு உபதேசித்த முறைமைகளைக் கைக்கொள்ளுங்கள்." என்கின்றார் பவுல். 

தேவ வார்த்தைகளை உறுதியாக நம்புவோம், ஏற்றுக்கொள்வோம். அவற்றை வாழ்வாக்குவோம். அப்போதுதான்  நாம் அவரது மகிமையில் பங்குபெறுபவர்களாக மாறமுடியும்.  

தேவ செய்தி :- சகோ. எம் . ஜியோ பிரகாஷ்               

               OBTAINING THE GLORY 

'AATHAVAN'📖✝ BIBLE MEDITATION No:- 1,083 💚 January 26, 2024 💚 Friday 💚

"Whereunto he called you by our gospel, to the obtaining of the glory of our Lord Jesus Christ." ( 2 Thessalonians‍ 2 : 14 )

Although we live in this world this is not our ultimate goal; Instead, we should listen to the gospel of Christ and live according to it and enter into glory like our Savior Jesus Christ. We must receive His glory. We should live in this world accordingly.

If we are working for wealth, fame and glory of this world or if we are asking God for these things in our daily prayers, even if we get them, our life in the hereafter will be disastrous. The purpose of the writing of the gospel is so that we may experience salvation and attain a life of glory. "He has called you to that salvation." Paul the apostle said.

What should we do about it? "Therefore, brethren, stand fast, and hold the traditions which ye have been taught, whether by word, or our epistle." (2 Thessalonians‍ 2: 15) says Paul.

Today's verse tells us that we must understand the purpose of our calling. This is the difference between Christianity and other religions. All other religions, cults and rituals point the way to this worldly blessing. But Christianity (not religion) shows the way to eternal life.

Our emphasis is on God's Word and not on prayers for worldly blessings. People are still doing the same mistake that Adam did in Eden. Ignoring the words of God, Adam and Eve fell into the lust of the eyes and were interested in worldly things. Even today God's words are ignored.

God's words are spirit and life. So, they are life-giving. "It is the spirit that quickeneth; the flesh profiteth nothing: the words that I speak unto you, they are spirit, and they are life.' (John 6: 63) said Jesus Christ. Those words are the living gospel words. Through these words he has called us to that salvation through the gospel to attain the glory of our Lord Jesus Christ.

Therefore, if we want to attain the glory of Christ, we must allow His words to work in us. Heed those gospel words. "Stand ye, brethren, and observe the manners which we have preached unto you, whether by word or epistle." Paul said.

Let's firmly believe and accept God's words. Let's make them alive. Only then can we become partakers of His glory.

God’s  Message :- Bro. M. Geo Prakash          

உள்ளான மனுஷனில் / IN THE INNER MAN

 'ஆதவன்' 📖✝ வேதாகமத் தியானம் - எண்:- 1,081       💚 ஜனவரி 25, 2024 💚 வியாழக்கிழமை  💚 

"நீங்கள் அவருடைய ஆவியினாலே உள்ளான மனுஷனில்             வல்லமையாய்ப் பலப்படவும்," (  எபேசியர் 3 : 16 )

மனிதர்கள் அனைவரும் இரண்டு விதமாக இருக்கின்றோம். வெளி மனிதன் என்பது வெளிப்பார்வைக்கு இந்த உலகத்துக்கு நாம் எப்படித் தெரிகின்றோம் என்பதைக் குறிக்கின்றது. உள்ளான மனிதன்  என்பது நாம் மட்டுமே அறிந்த அல்லது, நாமும் தேவனும் மட்டுமே அறிந்த நமது ஆவிக்குரிய குணங்களைக் குறிக்கின்றது.  

வெளி மனிதனை நடிப்பு மூலம் நாம் பிறருக்கு அறிவித்துக்கொள்ள முடியும். அதாவது நமது உண்மை மனநிலையை மறைத்து நல்லவர்கள்போல பிறருக்கு நம்மைக் காட்டிக்கொள்ள முடியும். ஆம், இதுவே மாய்மால வாழ்க்கை. மனிதர்கள் பெரும்பாலும் இப்படி மாய்மாலம் செய்பவர்களாகவே பலவேளைகளில் இருக்கின்றனர். இப்படி நடிப்பதால் நல்லவன் என உலகத்துக்கு நம்மைக் காட்டிக்கொள்ளலாம். ஆனால் தேவனை நாம் ஏமாற்றமுடியாது.

பொதுவாக அனைத்து மனிதர்களுக்கும் இந்த இரட்டை வாழ்க்கை இருந்தாலும், கிறிஸ்தவர்களாகிய நமக்கு உள்ளான மனிதன் என்பது கிறிஸ்து நமக்குள் உருவாகும்போது மெருகேறத் துவங்குகின்றது. நாம் கிறிஸ்துவின் இரத்தத்தால் நமது பாவங்கள் கழுவப்படும்போது உள்ளான மனித வாழ்வைக் கிறிஸ்துவுக்குள் வாழத் துவங்குகின்றோம். வேதாகமமும் நமது உள்ளான மனித வளர்ச்சிக்காகவே எழுதப்பட்டுள்ளது. நமது உள்ளான ஆவிக்குரிய நிலையைப் பொறுத்தே நாம் தேவனுக்குமுன் எடைபோடப்படுகின்றோம்.  இதனையே ஆவிக்குரிய வாழ்வு என்கின்றோம்.  

இந்தநமது ஆவிக்குரிய  வாழ்வில் நாம் பலப்படவேண்டியது மிகவும் அவசியம். நாம் தேவனை அறியும் ஆரம்ப நாட்களில் ஆரம்பப் பள்ளியில் படிப்பதுபோன்ற ஒரு அனுபவத்தினுள் வாழ்கின்றோம். அங்கு அப்போதுதான் எழுத்துச் சொல்லித் தருவார்கள்.  ஆனால் நாம் அப்படியே இருப்பதில்லை. படிப்பில் ஒவ்வொரு  வகுப்பாக படித்து எம்.எ., எம்.பி .பி .எஸ் ., பொறியியல் படிப்பு என ஒரு மேலான படிப்பு நிலைக்கு வருகின்றோம்.  

அதுபோலவே ஆவிக்குரிய வாழ்வும். நாம் கிறிஸ்துவை அறிந்த ஆரம்ப நிலையிலேயே இருந்துவிடக் கூடாது. கிறிஸ்து  இயேசுவில்  நாம் பலப்படவேண்டும் . பவுல் அடிகள் கூறுகிறார்,  "கடைசியாக, என் சகோதரரே, கர்த்தரிலும் அவருடைய  சத்துவத்தின் வல்லமையிலும் பலப்படுங்கள்." (  எபேசியர் 6 : 10 )

வல்லமை என்றதும் கிறிஸ்தவர்கள் பலரும் அதிசயங்கள்  அற்புதங்கள் செய்வதும், நோய்களைக் குணமாக்கும்   வரம்  கிடைப்பதும்தான் என்று எண்ணிகொண்டிருக்கிறார்கள். ஆனால்உண்மையான வல்லமை என்பது பாவத்திலிருந்தும் பாவ  பழக்கங்களிலிருந்தும்  முற்றிலும் நாம் விடுதலை பெறுவதுதான். எனவேதான் பவுல் அடிகள் "அவருடைய ஆவியினாலே உள்ளான மனுஷனில் வல்லமையாய்ப் பலப்படவும்" என்று கூறுகிறார்.   பாவத்தை மேற்கொள்ளும்போது நாம் உள்ளான மனிதனில் வல்லமையாய்ப் பலப்படுகின்றோம். 

நாம் இன்னும் நமது மாம்ச எண்ணங்களிலேயே இருந்தால் நாம்  பலம் அடையவில்லை என்று பொருள். பவுல் அடிகள் கூறுகிறார், "நீங்கள் பெலனில்லாதவர்களானதால், உங்களுக்குப் போஜனங்கொடாமல், பாலைக் குடிக்கக்கொடுத்தேன்; இன்னமும் நீங்கள் மாம்சத்துக்குரியவர்களாயிருக்கிறபடியால், இப்பொழுதும்  உங்களுக்குப் பெலனில்லை." (  1 கொரிந்தியர் 3 : 2 )

"பொறாமையும் வாக்குவாதமும் பேதகங்களும் உங்களுக்குள்  இருக்கிறபடியால், நீங்கள் மாம்சத்திற்குரியவர்களாயிருந்து  மனுஷமார்க்கமாய் நடக்கிறீர்களல்லவா? (  1 கொரிந்தியர் 3 : 3 )

மாம்ச எண்ணங்களான இச்சை, பொறாமை, காய்மகாரம், அவதூறு,பெருமை போன்றவை அழிந்து நாம் கிறிஸ்துவின்  வல்லமையினால் பலப்படவேண்டும். ஆம் அன்பானவர்களே, மெய்யான வல்லமை தேவனுடைய ஆவியின் பலத்தினால்  உண்டாயிருக்கிறது. தேவனுடைய ஆவியின் பலம் நம்மைத்  தாங்கி வழிநடத்த வேண்டுவோம். அப்போதுதான் நாம் உள்ளான மனிதனில் வல்லமை பெற்று  கிறிஸ்துவை  உலகுக்கு அறிவிக்கிறவர்களாக  மாற  முடியும்.   

தேவ செய்தி :- சகோ. எம் . ஜியோ பிரகாஷ்                                               

           IN THE INNER MAN

'AATHAVAN'📖✝ BIBLE MEDITATION No:- 1,081    💚 January 25, 2024 💚 Thursday 💚

“….. to be strengthened with might by his Spirit in the inner man;” (Ephesians 3: 16)

All humans are of two natures – the outer man and the inner man.  The outer man refers to how we appear to the outside world. The inner man refers to our spiritual qualities that only we know, or that only we and God know.

We can express ourselves to others by pretending to be good. That means we can hide our true state of mind and present ourselves to others as good people. Yes, this is hypocrisy. Humans are often hypocritical like this. By acting like this, we can show ourselves to the world as a good person. But we cannot deceive God.

Although all men in general have this dual life, the inner man of us as Christians begins to mature as Christ forms within us. When we have our sins washed away by the blood of Christ, we begin to live the inner human life in Christ. The Bible is also written for our inner human development. We are weighed before God according to our inner spiritual condition. This is what we call spiritual life.

It is very necessary for us to be strengthened in this spiritual life of ours. In the early days of our knowledge of God, we live in an experience like that of elementary school. Only then will they teach you how to write. But we are not in that state always. We study in each class and reach a higher level of study such as MA, MPBS, Engineering studies etc.

So is the spiritual life. We must not stop at the initial stage of knowing Christ. We must be strong in Christ Jesus. Paul goes on to say, “Finally, my brethren, be strong in the Lord, and in the power of his might.” (Ephesians 6: 10)

Many Christians think that power means performing miracles and receiving the gift of healing. But real power is our complete freedom from sin and sinful habits. That is why Paul says “to be strengthened with might by his Spirit in the inner man;” If we  still commits sin, it means we are not strengthened in our inner man.

If we are still in our fleshly thoughts, it means that we are not strong. Paul says, " I have fed you with milk, and not with meat: for hitherto ye were not able to bear it, neither yet now are ye able.” (1 Corinthians 3: 2)

“For ye are yet carnal: for whereas there is among you envying, and strife, and divisions, are ye not carnal, and walk as men?” (1 Corinthians 3: 3)

Carnal thoughts such as lust, envy, slander, pride etc. should be destroyed and we should be strengthened by the power of Christ. Yes, beloved, true power comes from the power of God's Spirit. May the power of God's Spirit sustain us and guide us. Only then can we gain power in our inner man and become proclaimers of Christ to the world.

God’s Message :- Bro. M. Geo Prakash