🍒Meditation verse - சங்கீதம் 119: 136 / Psalm 119:136

 வேதாகமத் தியானம் - எண்:- 1,565

'ஆதவன்' 💚மே 21, 2025. 💚 புதன்கிழமை

"உம்முடைய வேதத்தை மனுஷர் காத்துநடவாதபடியால், என் கண்களிலிருந்து நீர்த்தாரைகள் ஓடுகிறது." ( சங்கீதம் 119: 136)

தேவனையும் அவரது அன்பையும் நாம் வாழ்வில் அனுபவித்து ருசித்தது மெய்யானால் துன்மார்க்கமாய் நடக்கும் மனிதர்களைப்பார்க்கும்போது மனதில் வேதனை ஏற்படவேண்டும். "ஐயோ, இந்த மனிதன் தேவனைப்பற்றிய அறிவோ கவலையோ இல்லாமல் வாழ்கின்றானே இவன் மரணமடைந்தால் நித்தியத்தில் அனுபவிக்கப்போகும் பாடுகள் எத்தனைக் கொடிதாக இருக்கும்!"  என்று கவலை  நமக்குள் ஏற்படவேண்டும். இதுதான் ஆத்துமபாரம்.

இன்றைய தியான வசனமாகிய சங்கீதத்தை எழுதிய பரிசுத்தவானுக்கு அந்தக் கவலை அதிகமாக ஏற்பட அவர் கண்களிலிருந்து கண்ணீர் தாரை தாரையாக வடிகின்றது என்கின்றார்.  இதுபோலவே, அப்போஸ்தலரான பவுல், "எனக்கு மிகுந்த துக்கமும் இடைவிடாத மனவேதனையும் உண்டாயிருக்கிறது;" ( ரோமர் 9: 1) என்கின்றார்.

இத்தகைய ஆத்துமபாரம் ஊழியர்களுக்குக் கண்டிப்பாக இருக்கவேண்டும். அப்படியானால் மட்டுமே ஊழியர்களால் ஆத்தும ஆதாயம் செய்ய முடியும்.  ஆத்துமபாரமுள்ள ஊழியன் வெறும் உலக ஆசீர்வாதத்தையே போதித்துக்கொண்டிருக்கமாட்டான்.  தன்னிடம் வரும் மனிதர்கள் தங்கள் உலக கவலைகளை மறந்து எப்போதும் மகிழ்ச்சியாக இருக்கவேண்டும் என்பதற்காக "தேவன் கூறினார்" என பொய்யான வாக்குறுதிகளை மக்களுக்குக் கூறிக்கொண்டிருக்கமாட்டான். மாறாக, தன்னிடம் வரும் ஒவ்வொரு விசுவாசியின் ஆத்துமாவும் விலையேறப்பெற்றது என்பதால் அந்த ஆத்துமாக்கள் எப்படியாவது தேவனை அறியவேண்டும் எனும் கரிசனையுள்ளவனாக இருப்பான். அத்தகைய கரிசனையுள்ளவனே கிறிஸ்துவின் மெய்யான ஊழியன்.

இந்த அனுபவத்துடன் இருந்த அப்போஸ்தலரான பவுல் கிறிஸ்துவின் சுவிசேஷத்துக்கு மாறாக நடந்த மக்களைக்குறித்து கண்ணீர்வடிக்கின்றார். அவர் இதனை, "ஏனெனில், அநேகர் வேறுவிதமாய் நடக்கிறார்கள்; அவர்கள் கிறிஸ்துவின் சிலுவைக்குப் பகைஞரென்று உங்களுக்கு அநேகந்தரம் சொன்னேன், இப்பொழுது கண்ணீரோடும் சொல்லுகிறேன்." ( பிலிப்பியர் 3: 18) என்று கூறுகின்றார். 

ஆம் அன்பானவர்களே, நாம் எல்லோரும் அறியத்தக்க பெரிய அளவில்  ஊழியம் செய்யவேண்டுமென்று அவசியமில்லை. சாதாரண விசுவாசியாக இருந்தாலும் நமக்குள் ஆத்துமபாரம் இருக்குமானால் நாம் சந்திக்கும் மனிதர்களுக்கு கிறிஸ்துவின் சுவிசேஷத்தை அறிவித்து அவர்களை மீட்பின் பாதையில் நடத்திடமுடியும். 

அரசியல்வாதிகள், திரைப்பட நடிகர் நடிகைகள் பற்றியும் இவர்களது பெருமை பேச்சுக்களையும் நாம்  செய்தித் தாள்களில் வசிக்கும்போது இவர்களுக்காக ஜெபிக்கலாம். "ஆண்டவரே, இவர்களது மனக்கண்களை திறந்தருளும்" என விண்ணப்பம் செய்யலாம். நாம் இவர்களை நேரில் சந்தித்து சுவிசேஷம் சொல்ல முடியாது. ஆனால் இவர்களுக்காக நாம் மனதுருக்கத்துடன் ஜெபிக்க முடியும். அப்படி நாம் ஜெபிக்கும்போது ஏதாவது முறையில் தேவன் தன்னை இவர்கள் அறியும்படி கிருபை செய்வார். 

நாம் கிறிஸ்துவை அறிந்தது நமக்காக மட்டுமல்ல, நம்மூலம் அவர் அறிவிக்கப்படவேண்டும் என்பதற்காகவே. எனவே நமது அன்றாட ஜெபத்தில் தேவனை அறியாத மனிதர்களுக்காக மனதுருகி கண்ணீரோடு வேண்டுதல் செய்வோம். இன்று பிரபல ஊழியர்கள் தங்களது கூட்டத்துக்கு அதிகமான மக்கள் வருவதால் நாட்டில் எழுப்புதல் ஏற்பட்டுள்ளது என பொய்யான மாயையை உருவாக்கிவருகின்றார்கள். ஆனால் உண்மையில் நாட்டில் எந்த எழுப்புதலும் இன்னும் ஏற்படவில்லை.  உலக ஆசீர்வாதத்துக்காக மட்டுமே கூடி ஜெபித்துவிட்டு எழுப்புதல் ஏற்பட்டுவிட்டது என்று கூறுவது அறிவீனமல்லவா?

தேவனது வேதத்தைக்  காத்துநடக்கும் மனிதர்கள் நாட்டில் பெருகுவதுதான் மெய்யான எழுப்புதல். அந்த எழுப்புதல் நாட்டில் ஏற்பட,  "வேதத்தை மனுஷர் காத்துநடவாதபடியால், என் கண்களிலிருந்து நீர்த்தாரைகள் ஓடுகிறது" என்று இன்றைய தியான வசன ஆசிரியர் கூறுவதுபோல நமது கண்களிலிருந்தும்  நீர்தாரைகள் ஓடவேண்டும்.  அத்தகைய மெய்யான மனபாரத்துடன் மனிதர்கள் மெய்த்தேவனை அறிந்திட அனுதினமும் ஜெபிப்போம். அதுவே மெய்யான எழுப்புதலை நாட்டில் கொண்டுவரும்.

தேவ செய்தி :- சகோ. எம். ஜியோ பிரகாஷ்             

 Scripture Meditation – No: 1,565

AATHAVAN 💚 May 21, 2025 💚 Wednesday

“Rivers of waters run down mine eyes, because they keep not thy law.” (Psalm 119:136, KJV)

If we have truly tasted and experienced the love of God in our lives, we ought to be grieved when we see people walking in wickedness. A burden should rise in our hearts, saying, “Alas! This person lives without any knowledge or concern for God. How terrible will be the torments he will face in eternity if he dies like this!” That sorrow is called burden for souls.

The holy man who wrote today’s meditation verse—the Psalmist—was so overwhelmed by this burden that he said rivers of water ran down from his eyes. Similarly, the Apostle Paul says,

“I have great heaviness and continual sorrow in my heart.” (Romans 9:2, KJV)

Every servant of God must have this burden for souls. Only then can they truly lead others to salvation. A servant with such a burden will not merely preach about worldly blessings. He will not fabricate promises saying, “God said this,” just to keep people happy and free from worldly worries. Instead, he will have compassion, knowing that each soul that comes to him is bought with a price, and he will strive for them to come to the knowledge of God. A person with such compassion is a true servant of Christ.

The Apostle Paul, who lived with this experience, shed tears over those who walked contrary to the gospel of Christ. He writes,

“(For many walk, of whom I have told you often, and now tell you even weeping, that they are the enemies of the cross of Christ:)” (Philippians 3:18, KJV)

Yes, beloved, it is not necessary that we must all be involved in large-scale ministry. Even as an ordinary believer, if we carry a burden for souls, we can lead the people we meet to Christ by sharing the gospel with them.

When we read newspapers filled with the speeches and fame of politicians and film stars, we can pray for them. We can cry out, “Lord, open the eyes of their understanding.” Though we may not have the opportunity to meet them and share the gospel directly, we can still intercede for them with a burdened heart. And when we pray like this, God in His mercy will make Himself known to them in some way.

Our knowing Christ is not just for our own benefit. Through us, He must be made known to others. Therefore, in our daily prayers, let us weep and intercede for those who do not know God. Today, some prominent preachers falsely claim that revival has come to our nation because of the large crowds attending their meetings. But in truth, no genuine revival has yet taken place. Isn't it foolish to claim that revival has come when people are merely gathering to pray for worldly blessings?

The true revival is when the number of people who walk according to God's Word increases in the land. In order for such a revival to happen, just as the Psalmist said in today's verse,

“Rivers of waters run down mine eyes, because they keep not thy law,”

we too must shed tears. Let us earnestly and daily pray with such a genuine burden, that people would come to know the true God. That alone will bring true revival to our nation.

God’s Message – Bro. M. Geo Prakash

🍒Meditation verse - 1 யோவான் 1 : 3 / 1 John 1:3

 வேதாகமத் தியானம் - எண்:- 1,564

'ஆதவன்' 💚மே 20, 2025. 💚 செவ்வாய்க்கிழமை

"நீங்களும் எங்களோடே ஐக்கியமுள்ளவர்களாகும்படி, நாங்கள் கண்டும் கேட்டும் இருக்கிறதை உங்களுக்கும் அறிவிக்கிறோம்; எங்களுடைய ஐக்கியம் பிதாவோடும் அவருடைய குமாரனாகிய இயேசுகிறிஸ்துவோடும் இருக்கிறது." (1 யோவான்  1 : 3)

ஆவிக்குரிய வாழ்வில் ஐக்கியம் (Fellowship) என்பது மிக அவசியம்.  அதாவது ஒரு உறவு. இன்று கிறிஸ்தவர்களில் பலரும் சபை ஆராதனையில் கலந்துகொள்வதும் சபையில் சென்று ஆராதிப்பதும், சக விசுவாசிகளுடன் உறவுடன் வாழ்வதும் மட்டுமே ஐக்கியம் என்று எண்ணிக்கொண்டிருக்கின்றனர். 

ஆனால் இன்றைய தியான வசனத்தில் அப்போஸ்தலரான யோவான் கூறுகின்றார், நாங்கள் பிதாவோடும் அவரது குமாரனாகிய இயேசு கிறிஸ்துவோடும் ஐக்கியம் கொண்டிருக்கின்றோம்.   நீங்களும்  அதுபோல     பிதாவோடும் அவரது குமாரனாகிய இயேசு கிறிஸ்துவோடும் ஐக்கியமுள்ளவர்களாகும்படி, நாங்கள் கண்டும் கேட்டும் இருக்கிறதை உங்களுக்கும் அறிவிக்கிறோம் என்கின்றார். அதாவது சபையில் சக விசுவாசிகளோடு ஐக்கியம் கொள்ளுமுன் முதலில் நாம் தேவனோடு ஐக்கியமுள்ளவர்களாக வாழவேண்டியது அவசியம். 

இரண்டு நாட்களுக்குமுன் ஒரு சிறிய டீ கடையில் டீ பருகிக்கொண்டிருக்கும்போது அங்கு வந்த ஆவிக்குரிய சபைக்குச் செல்லும் சபை வைராக்கியம் கொண்ட ஒரு விசுவாசி, "சபை ஐக்கியம்தான் பிரதர் முக்கியம், நீங்க எந்த சபைக்கு ஆராதனைக்குப் போகிறீர்கள்?" என்று என்னிடம் கேட்டார்.  நான் அவரது கேள்விக்குப் பதில் சொல்லியபின் சிறிதுநேரம் பல காரியங்களைப் பேசிக்கொண்டிருந்தார். அப்போது இன்னொரு சபைக்குச் செல்லும் நபர் ஒருவர் அங்கு வரவே அவரிடம், "பவுல் அப்போஸ்தலர் விக்கிரக ஆராதனைக்காரர்களோடு அமர்ந்து உண்ணவும் கூடாது என்று சொல்லியிருக்கிறார் உங்களுக்குத் தெரியுமா?" என்றார் சிறிது குத்தலாக. 

புதிதாய் வந்த நபருக்குக் கோபம் வந்துவிட்டது. அவர் அந்த ஆவிக்குரிய நபரிடம், "உன் வறட்டு பெந்தேகோஸ்தே போதனையை எத்தனை நாட்களாகச்  சொல்லிக்கொண்டிருப்பாய்? விக்கிரக ஆராதனைக்காரர்களோடு அமர்ந்து உண்ணவும் கூடாது என்று கூறுகின்றாயே, நீ இப்போது நின்று டீ குடிக்கும் கடை யாருடையது என்று தெரியுமா? உனக்கு இந்த டீயைத் தயாரித்து தந்தது யார் என்று தெரியுமா?" என்று பலத்த சத்தமிட்டு கூறவே அந்த பெந்தகொஸ்தே நபர் நில்லாமல் ஓடிவிட்டார்.   ஆம் அது ஒரு இந்து சகோதரருடைய டீ கடை.

ஆம் அன்பானவர்களே, பிதாவோடும் அவரது குமாரனாகிய இயேசு கிறிஸ்துவோடும் ஐக்கியமுள்ளவன் சக மனிதர்களோடும் ஐக்கியமாக வாழ்வான். எந்த மனித  ஐக்கியமுமில்லாமல் வாழ்ந்துகொண்டு வறட்டு வேதாந்தம் பேசுவது அறிவீனமல்லவா? இந்த உலகத்தில் நாம் பழகும் அல்லது நமக்கு உதவும் அனைவரும் மெய் தேவனை அறிந்தவர்களாக இல்லாமலிருக்கலாம். ஆனால் அவர்களைப் பகைத்து நாம் தனியாக வாழமுடியாது. ஒவ்வொரு இடத்திலும் நாம் சந்திக்கும் மனிதர்கள் எந்த மதம் ஜாதி என்று பார்த்துக்கொண்டு நாம் வாழமுடியாது.  பிதாவோடும் குமாரனோடும் மெய்யான ஐக்கியமுள்ளவன் இப்படி வேறுபாடு பார்த்துக் கொண்டிருக்கமாட்டான்.  

"ஆனாலும், இவ்வுலகத்திலுள்ள விபசாரக்காரர், பொருளாசைக்காரர், கொள்ளைக்காரர், விக்கிரகாராதனைக்காரர் இவர்களோடு எவ்வளவும் கலந்திருக்கக்கூடாதென்று நான் எழுதவில்லை; அப்படியானால் நீங்கள் உலகத்தைவிட்டு நீங்கிப்போகவேண்டியதாயிருக்குமே." (1 கொரிந்தியர் 5: 10) என்று எழுதுகின்றார் அப்போஸ்தலரான பவுல்.

ஆம், தேவன் மனிதர்களுக்குள் வேற்றுமை பாராட்டுவதில்லை. அவரை வழிபடும் நாமும் வேற்றுமை பாராட்டாமல் அனைவரையும் அன்புசெய்யவே அழைக்கப்பட்டுள்ளோம். "எல்லாருக்கும் ஒரே தேவனும் பிதாவும் உண்டு; அவர் எல்லார்மேலும், எல்லாரோடும், உங்கள் எல்லாருக்குள்ளும் இருக்கிறவர்." ( எபேசியர் 4: 6) ("One God and Father of all, who is above all, and through all, and in you all." (Ephesians 4: 6)

ஆம் அன்பானவர்களே, நமது ஐக்கியம் பிதாவோடும் அவருடைய குமாரனாகிய இயேசுகிறிஸ்துவோடும் இருக்கிறது என்பது உண்மையானால் நாம் மற்றவர்களோடும் ஐக்கியமாக இருப்போம். அந்த ஐக்கியம் இல்லாதவன் பிதாவையும் குமாரனையும் அறியாதவன். 

தேவ செய்தி :- சகோ. எம். ஜியோ பிரகாஷ்                          

Scripture Meditation – No: 1,564

AATHAVAN 💚 May 20, 2025 💚 Tuesday

"That which we have seen and heard declare we unto you, that ye also may have fellowship with us: and truly our fellowship is with the Father, and with his Son Jesus Christ."— 1 John 1:3 (KJV)

Fellowship in the spiritual life is vitally important. It is, in essence, a relationship. Today, many Christians consider fellowship to mean only participating in church worship services, attending church, or maintaining relationships with fellow believers.

However, in today’s meditation verse, the apostle John says, “Truly our fellowship is with the Father, and with his Son Jesus Christ.” He goes on to say, “That ye also may have fellowship with us,” meaning: before we enjoy fellowship with fellow believers in the church, it is essential that we first have fellowship with God.

A couple of days ago, while sipping tea in a small tea shop, a believer with great zeal for his church approached me and asked, “Brother, church fellowship is most important. Which church do you attend for worship?” After I responded to his question, he continued conversing about various topics.

At that moment, another believer who attends a different church arrived. Immediately, the first believer turned to him and said, rather pointedly, “Do you know that the Apostle Paul said we should not eat with idolaters?” (cf. 1 Corinthians 5:11).

This offended the newly arrived person, and he replied sharply, “How long will you keep preaching your dry Pentecostal doctrines? You say we shouldn't eat with idolaters—do you know who owns this tea shop you're standing in? Do you know who prepared and served you this tea?” He raised his voice, and the Pentecostal brother, unable to respond, quietly left the place. Yes, the tea shop was owned by a Hindu brother.

Beloved, a person who truly has fellowship with the Father and with His Son Jesus Christ will live in fellowship with fellow human beings. Isn’t it foolish to preach doctrine without any human fellowship? In this world, not everyone we interact with or who helps us may know the true God. Yet we cannot live isolated from others by enmity. It is impractical to classify people by religion or caste in every situation we face.

He who has genuine fellowship with the Father and the Son will not make such distinctions.

The Apostle Paul wrote: "Yet not altogether with the fornicators of this world, or with the covetous, or extortioners, or with idolaters; for then must ye needs go out of the world." — 1 Corinthians 5:10 (KJV)

Yes, God does not show partiality among people. We, who worship Him, are also called to love everyone without discrimination. "One God and Father of all, who is above all, and through all, and in you all." — Ephesians 4:6 (KJV)

So, beloved, if our fellowship is truly with the Father and with His Son Jesus Christ, then we will be in fellowship with others as well. Whoever lacks that fellowship with others does not truly know the Father or the Son.

Gospel Message by: Bro. M. Geo Prakash           

🍒Meditation verse - 1 கொரிந்தியர் 6: 20 / 1 Corinthians 6:20

 வேதாகமத் தியானம் - எண்:- 1,563

'ஆதவன்' 💚மே 19, 2025. 💚 திங்கள்கிழமை

"கிரயத்துக்குக் கொள்ளப்பட்டீர்களே; ஆகையால் தேவனுக்கு உடையவைகளாகிய உங்கள் சரீரத்தினாலும் உங்கள் ஆவியினாலும் தேவனை மகிமைப்படுத்துங்கள்." (1 கொரிந்தியர் 6: 20)

இன்றைய தியான வசனம் நாம் விலைக்கு வாங்கப்பட்டவர்கள் என்று கூறுகின்றது. ஒருவருக்கு ஒன்றை விலைக்குக் கொடுத்துவிட்டோமானால் அது வாங்கியவருக்கே உரிமையாகிவிடுகின்றது. அதுபோல கர்த்தராகிய இயேசு கிறிஸ்து நம்மைத் தனது விலையேறப்பெற்ற இரத்தத்தால் விலைகொடுத்து வாங்கியுள்ளார். எனவே நாம் தேவனுக்கு உடைமையானவர்கள். "ஆகையால் தேவனுக்கு உடையவைகளாகிய உங்கள் சரீரத்தினாலும் உங்கள் ஆவியினாலும் தேவனை மகிமைப்படுத்துங்கள்" என்று இன்றைய தியான வசனம் கூறுகின்றது. 

நாம் கிறிஸ்துவால் விலைக்கு வாங்கப்பட்டவர்கள் ஆதலால் அவர் நமக்குள் வந்துவிட்டார். நாம் ஒரு வீட்டை விலைக்கு வாங்கிக் குடியேறுவதுபோல அவர் நமக்குள் குடியேறியுள்ளனர். எனவே, "உங்கள் சரீரமானது நீங்கள் தேவனாலே பெற்றும் உங்களில் தங்கியும் இருக்கிற பரிசுத்த ஆவியினுடைய ஆலயமாயிருக்கிறதென்றும், நீங்கள் உங்களுடையவர்களல்லவென்றும் அறியீர்களா?" (1 கொரிந்தியர் 6: 19) என்கின்றார் அப்போஸ்தலரான பவுல்.

மட்டுமல்ல, நமது உடலின் ஒவ்வொரு உறுப்பும் அவருக்கேச் சொந்தம். எனவே அவற்றை நாம் பரிசுத்தமாக காக்கவேண்டியது அவசியம். "உங்கள் சரீரங்கள் கிறிஸ்துவின் அவயவங்களென்று அறியீர்களா? அப்படியிருக்க, நான் கிறிஸ்துவின் அவயவங்களை வேசியின் அவயவங்களாக்கலாமா? அப்படிச் செய்யலாகாதே." (1 கொரிந்தியர் 6: 15)

ஆம் அன்பானவர்களே, நாம் ஆண்டவராகிய இயேசு கிறிஸ்துவால் விலைக்கு வாங்கப்பட்டவர்கள். ஆகையால் தேவனுக்கு உடையவைகளாகிய நமது உடலைப் பரிசுத்தமாய்ப் பாதுகாப்பதிலும் ஆவியில் அனலுள்ளவர்களாக சிறப்பான நமது ஆவிக்குரிய வாழ்க்கையாலும்  தேவனை மகிமைப்படுத்தவேண்டும் என்று இன்றைய தியான வசனம் கூறுகின்றது. நாம் கிறிஸ்துவுக்குச் சொந்தமாகிவிட்டதால் பாவத்துக்கு அடிமையாகாமலும், மனிதர்களுக்கு அடிமையாகாமலும்  நம்மைக் காத்துக்கொள்வோம். 

நாம் கிறிஸ்துவுக்குச் சொந்தமாகிவிட்டதால் இனி எந்த மனிதருக்கும் நாம் அடிமைகள் ஆகக்கூடாது. இன்று பல கிறிஸ்தவர்கள் திரைப்பட நடிகர்களையும், நடிகைகளையும், பின்னணிப் பாடகர்களையும், நடனக் கலைஞர்களையும், விளையாட்டு வீரர்களையும்  தங்களது முன்னோடிகளாகக்கொண்டு அவர்களுக்குப்பின் அலைகின்றனர். பலர் தங்களுக்கேற்ற அரசியல் தலைவர்களைத் தெரிந்துகொண்டு அவர்களுக்குப்பின் ஓடிக்கொண்டிருக்கின்றனர். மேலும் பரிதபிக்கக்கூடிய நிலையில் ஆவிக்குரிய கிறிஸ்தவர்கள் என்று தங்களைக் கூறிக்கொள்ளும் பலர் பிரபல ஊழியர்களுக்கு அடிமைகளாக இருக்கின்றனர். ஆனால் கர்த்தராகிய இயேசு கிறிஸ்துச் சொல்கின்றார், "நீங்கள் கிரயத்துக்குக் கொள்ளப்பட்டீர்கள்; மனுஷருக்கு அடிமைகளாகாதிருங்கள்." (1 கொரிந்தியர் 7: 23)

ஊழியர்களை மதிப்போம்; அவர்கள் சொல்வதைக் கேட்போம்; அதேநேரம் அவர்களுக்கு அடிமைகள் ஆகாதிருப்போம்.  நம்மைக் கிறிஸ்துவுக்கு முழுவதுமாக ஒப்புக்கொடுத்து வாழ்வோமானால் சத்திய ஆவியாகிய தேற்றரவாளனே நம்மை எந்த போதகரும் ஊழியரும் நடத்துவத்தைக் காட்டிலும் மேலாகச் சிறப்பாக  நடத்துவார். 

ஆம்,  "கிறிஸ்து ஒருவரே உங்களுக்குப் போதகராயிருக்கிறார்" (மத்தேயு 23:8)

கிறிஸ்து ஒருவரே உங்களுக்குக் குருவாயிருக்கிறார். (மத்தேயு 23:10)

கிறிஸ்துவால் விலைக்கு வாங்கப்பட்டவர்கள் நாம்; ஆகையால் தேவனுக்கு உடையவைகளாகிய நமது சரீரத்தினாலும்  ஆவியினாலும் தேவனை மட்டுமே மகிமைப்படுத்தி வாழ்வோம். 

தேவ செய்தி :- சகோ. எம். ஜியோ பிரகாஷ்                                    

Scripture Meditation – No: 1,563
AATHAVAN 💚 May 19, 2025 – Monday

"For ye are bought with a price: therefore glorify God in your body, and in your spirit, which are God's." (1 Corinthians 6:20 – KJV)

Today's meditation verse clearly declares that we are "bought with a price." When someone purchases something by paying a price, it becomes the rightful possession of the buyer. In the same way, our Lord Jesus Christ has purchased us with His own precious blood. Therefore, we now belong to God. Hence, the verse exhorts us: “glorify God in your body, and in your spirit, which are God's.”

Since we have been bought by Christ, He now dwells within us. Just as a person who buys a house moves in and resides there, Christ has taken up residence in us. Therefore, Apostle Paul says:

"What? know ye not that your body is the temple of the Holy Ghost which is in you, which ye have of God, and ye are not your own?" (1 Corinthians 6:19 – KJV)

Not only that, but every part of our body now belongs to Him. Therefore, it is essential that we keep our bodies holy. Paul further reminds us:

"Know ye not that your bodies are the members of Christ? shall I then take the members of Christ, and make them the members of an harlot? God forbid." (1 Corinthians 6:15 – KJV)

Yes, beloved, since we have been bought by our Lord Jesus Christ, we must glorify God through our bodies by preserving them in holiness and glorify Him through our spirits by living a fervent spiritual life. This is the call of today's meditation.

Now that we belong to Christ, let us not become slaves to sin or to men.

Many Christians today follow film actors and actresses, playback singers, dancers, and athletes as their role models. Others chase after political leaders whom they favour. Sadly, even many who call themselves spiritual Christians have become enslaved to popular preachers and ministries. But the Lord Jesus Christ warns:

"Ye are bought with a price; be not ye the servants of men." (1 Corinthians 7:23 – KJV)

Let us respect servants of God and heed their words—but never become slaves to them. When we wholly surrender ourselves to Christ, the Holy Spirit—the Spirit of Truth—will guide us far better than any preacher or servant of God.

Yes, "For one is your Master, even Christ." (Matthew 23:8 – KJV)

We have been bought with a price by Christ. Therefore, let us glorify God alone through our bodies and our spirits, which are His.

Gospel Message by: Bro. M. Geo Prakash

🍒Meditation verse - ஏசாயா 30: 2 / Isaiah 30:1–2

 வேதாகமத் தியானம் - எண்:- 1,562

'ஆதவன்' 💚மே 18, 2025. 💚 ஞாயிற்றுக்கிழமை

"என் வாக்கைக் கேளாமல் பார்வோனின் பெலத்தினாலே பெலக்கவும், எகிப்தின் நிழலிலே ஒதுங்கவும் வேண்டும் என்று எகிப்துக்குப் போகிறவர்களுமாகிய முரட்டாட்டமுள்ள புத்திரருக்கு ஐயோ! என்று கர்த்தர் சொல்லுகிறார்." ( ஏசாயா 30: 2)

பழைய ஏற்பாடு புதிய ஏற்பாட்டின் நிழலாட்டமாய்  இருக்கின்றது. இஸ்ரவேல் மக்கள் எகிப்தில் பார்வோனுக்கு அடிமைப்பட்டு இருந்தது, இன்று ஆவிக்குரிய வாழ்வில் நாம் பாவத்துக்கு அடிமைப்பட்டு இருப்பதற்கு ஒப்பானது. எகிப்தின் அடிமைத்தனத்திலிருந்து இஸ்ரவேலரை மோசே மீட்டதைப்போல கர்த்தராகிய இயேசு கிறிஸ்து நம்மை பாவத்தின் பிடியிலிருந்து மீட்டுள்ளார்.  

எகிப்துக்குத் திரும்பவேண்டாம் என்று தேவன் இஸ்ரவேலரை பலமுறை எச்சரிப்பதை நாம் வேதாகமத்தில் வாசிக்கின்றோம்.  ஆனாலும் தேவனது வாக்கினை மீறி இஸ்ரவேலரில் பலர்  எகிப்துக்குத் திரும்புவதில் ஆர்வமுள்ளவர்களாக இருந்தனர். காரணம், கானானுக்குச் செல்லும் வழி பாலைவனப் பாதை.  இஸ்ரவேலர் கானானுக்குச் செல்லும் கடின பாதையைவிட  எகிப்தின் செழிப்பில் தங்களைப் பலப்படுத்திக்கொள்ளவும்  எகிப்தின் நிழலிலே ஒதுங்கவும் வேண்டும்  எனும் எண்ணமுள்ளவர்களாக முரட்டாட்டமுள்ளவர்களாக இருந்தனர். 

எனவே, "நாங்கள் பட்டயத்தால் மடியும்படிக்கும், எங்கள் பெண்ஜாதிகளும் பிள்ளைகளும் கொள்ளையாகும்படிக்கும், கர்த்தர் எங்களை இந்த தேசத்துக்குக் கொண்டு வந்தது என்ன? எகிப்துக்குத் திரும்பிப் போகிறதே எங்களுக்கு உத்தமம் அல்லவோ என்றார்கள்." ( எண்ணாகமம் 14: 3) என்று அவர்கள் கூறுகின்றனர். 

மட்டுமல்ல, "பின்பு அவர்கள்: நாம் ஒரு தலைவனை ஏற்படுத்திக்கொண்டு எகிப்துக்குத் திருப்பிப்போவோம் வாருங்கள் என்று ஒருவரோடொருவர் சொல்லிக்கொண்டார்கள்." ( எண்ணாகமம் 14: 4) என்று வாசிக்கின்றோம்.

ஆம் அன்பானவர்களே, இன்றும் முரட்டாட்டமுள்ள இஸ்ரவேல் மக்களைப்போலவே ஆவிக்குரிய வாழ்வில் பலர் செயல்படுகின்றனர்.  ஆவிக்குரிய கிறிஸ்துவின் பாதை கடினமானது. பாடுகளைச்  சகித்துத்தான் நாம் அதில் பயணிக்கவேண்டும். ஆனால் அதனைச் சகித்து வாழ மனமில்லாமல் பாவமன்னிப்பு அனுபவத்தைப் பெற்றும், நமது ஆண்டவராகிய இயேசு கிறிஸ்துவின் அன்பை ருசித்தபின்னரும் பலர் அன்று இஸ்ரவேலர் எகிப்துக்குச் செல்ல ஆர்வமுள்ளவர்களாக இருந்ததுபோல தங்களது பழைய எகிப்து வாழ்க்கைக்குத் திரும்பிச் செல்ல விரும்புகின்றனர்.  காரணம் துன்மார்க்க வாழ்வு அற்பமான செழிப்பைத் தருவதுதான்.

அப்படிக் கிறிஸ்துவை அறிந்த பின்பு ஆவிக்குரிய வாழ்வைவிட்டு வழிவிலகும் மக்களைப்பார்த்து அப்போஸ்தலரான பேதுரு, "கர்த்தரும் இரட்சகருமாயிருக்கிற இயேசுகிறிஸ்துவை அறிகிற அறிவினாலே உலகத்தின் அசுத்தங்களுக்குத் தப்பினவர்கள் மறுபடியும் அவைகளில் சிக்கிக்கொண்டு ஜெயிக்கப்பட்டால், அவர்களுடைய பின்னிலைமை முன்னிலைமையிலும் கேடுள்ளதாயிருக்கும்." (2 பேதுரு 2: 20) என்று எச்சரிக்கின்றார். மட்டுமல்ல, "அவர்கள் நீதியின் மார்க்கத்தை அறிந்தபின்பு தங்களுக்கு ஒப்புவிக்கப்பட்ட பரிசுத்த கற்பனையை விட்டு விலகுவதைப்பார்க்கிலும் அதை அறியாதிருந்தார்களானால் அவர்களுக்கு நலமாயிருக்கும்." (2 பேதுரு 2: 21) என்கின்றார். 

இன்றைய தியான வசனத்தில், "எகிப்தின் நிழலிலே ஒதுங்க வேண்டும் என்று எகிப்துக்குப் போகிறவர்களுமாகிய முரட்டாட்டமுள்ள புத்திரருக்கு ஐயோ! என்று கர்த்தர் சொல்லுகிறார்." என்று கூறப்பட்டுள்ளது. ஆம் அன்பானவர்களே, பழைய எகிப்து வாழ்க்கை நமக்கு வேண்டாம். அது சாபத்தின் வாழ்க்கை. "யூதாவில் மீந்திருக்கிறவர்களே, அதைக்குறித்து உண்டான கர்த்தருடைய வார்த்தையைக் கேளுங்கள்: நீங்கள் எகிப்துக்குப் போக உங்கள் முகங்களைத் திருப்பி, அங்கே தங்கப்போவீர்களானால், நீங்கள் பயப்படுகிற பட்டயம் எகிப்து தேசத்திலே உங்களைப் பிடிக்கும்; நீங்கள் ஐயப்படுகிற பஞ்சம் எகிப்திலே உங்களைத் தொடர்ந்துவரும், அங்கே சாவீர்கள்." ( எரேமியா 42: 15, 16)

"நானே வழி" என்று கிறிஸ்து கூறவில்லையா? பாலைவன வாழ்க்கைப் பாதையாக இருந்தாலும் கிறிஸ்து காட்டும் பாதை நமக்குப் போதும். காரணம், அதில் நித்திய மகிழ்ச்சி உண்டு.  "யூதாவில் மீதியானவர்களே, எகிப்துக்குப் போகாதிருங்கள் என்று கர்த்தர் உங்களைக்குறித்துச் சொன்னாரென்பதை இந்நாளில் உங்களுக்குச் சாட்சியாக அறிவித்தேன் என்று அறியுங்கள்." ( எரேமியா 42: 19)

தேவ செய்தி :- சகோ. எம். ஜியோ பிரகாஷ்                  

Scripture Meditation – No: 1,562

AATHAVAN💚 May 18, 2025. 💚 Sunday

"Woe to the rebellious children, saith the Lord, that take counsel, but not of me; and that cover with a covering, but not of my spirit, that they may add sin to sin: That walk to go down into Egypt, and have not asked at my mouth; to strengthen themselves in the strength of Pharaoh, and to trust in the shadow of Egypt!" (Isaiah 30:1–2, KJV)

The Old Testament is a shadow of the New Testament. Just as the people of Israel were enslaved under Pharaoh in Egypt, today, in our spiritual lives, we are often enslaved by sin. Just as Moses delivered the Israelites from the bondage of Egypt, the Lord Jesus Christ has redeemed us from the bondage of sin.

We repeatedly read in the Scriptures that God warned Israel not to return to Egypt. Yet, many of them, disobeying God’s word, longed to go back. The reason? The journey to Canaan was through the harsh desert. Rather than enduring the tough path to Canaan, the rebellious children of Israel preferred to find strength in Egypt’s abundance and take refuge in its shadow.

“And wherefore hath the Lord brought us unto this land, to fall by the sword, that our wives and our children should be a prey? were it not better for us to return into Egypt?” (Numbers 14:3) Not only that,

“And they said one to another, Let us make a captain, and let us return into Egypt.” (Numbers 14:4)

Yes, dearly beloved, even today many live like the rebellious Israelites. The spiritual path of Christ is not easy—it requires us to endure afflictions. But many, even after experiencing the joy of forgiveness and tasting the love of our Lord Jesus Christ, are unwilling to endure hardships. Like the Israelites who desired to return to Egypt, they desire to return to their former sinful lives. Why? Because the way of unrighteousness offers fleeting, superficial prosperity.

About such people, Apostle Peter warns:

“For if after they have escaped the pollutions of the world through the knowledge of the Lord and Saviour Jesus Christ, they are again entangled therein, and overcome, the latter end is worse with them than the beginning.” (2 Peter 2:20)

And again, “For it had been better for them not to have known the way of righteousness, than, after they have known it, to turn from the holy commandment delivered unto them.” (2 Peter 2:21)

In today’s meditation verse, the Lord declares:

"Woe to the rebellious children... that walk to go down into Egypt... to trust in the shadow of Egypt!" (Isaiah 30:1–2)

Yes, beloved, we must reject our old ‘Egypt’—our past life of sin. That life is one of curse. The Lord warns:

“And now therefore hear the word of the Lord, ye remnant of Judah; Thus saith the Lord of hosts, the God of Israel; If ye wholly set your faces to enter into Egypt, and go to sojourn there; Then it shall come to pass, that the sword, which ye feared, shall overtake you there in the land of Egypt, and the famine, whereof ye were afraid, shall follow close after you there in Egypt; and there ye shall die.” (Jeremiah 42:15–16)

Did not Christ say, “I am the way”? (John 14:6) Even if the path is like a desert wilderness, the way shown by Christ is sufficient for us—for in it is eternal joy.

“The Lord hath said concerning you, O ye remnant of Judah; Go ye not into Egypt: know certainly that I have admonished you this day.” (Jeremiah 42:19)

Divine Message by: Bro. M. Geo Prakash

Meditation verse -வெளி 3:21 / Revelation 3:21

 வேதாகமத் தியானம் - எண்:- 1,561

'ஆதவன்' 💚மே 17, 2025. 💚 சனிக்கிழமை

"நான் ஜெயங்கொண்டு என் பிதாவினுடைய சிங்காசனத்திலே அவரோடேகூட உட்கார்ந்ததுபோல, ஜெயங்கொள்ளுகிறவனெவனோ அவனும் என்னுடைய சிங்காசனத்தில் என்னோடேகூட உட்காரும்படிக்கு அருள்செய்வேன்." (வெளி 3:21)

இந்த உலகத்தில் அதிகார நாற்காலியைக் கைப்பற்றிட நடக்கும் அரசியல் போட்டிகள் பற்றி நமக்கு நன்குத்  தெரியும். எப்படியாவது அடுத்தவனைக் கெடுத்தாவது  பதவியில் அமர்ந்திடவேண்டுமென்று பலரும் விரும்புகின்றனர். துன்மார்க்க அரசியல்வாதிகள் தங்களுக்குள் நடத்தும் போட்டியில் அப்பாவி மக்கள் பலிகடா ஆக்கப்படுகின்றனர்.  

ஆனால் நமது ஆண்டவராகிய இயேசு கிறிஸ்து தான் மட்டும் பிதாவின் ராஜ்யத்துக்குரிய பதவியை அனுபவிக்கவேண்டுமென்று எண்ணவில்லை. ஆவிக்குரிய வாழ்வில் வெற்றிபெறும் அனைவரும் அவரோடுகூட சிம்மாசனத்தில் அமர்ந்திடவேண்டுமென்று விரும்புகின்றார். இதனையே, "ஜெயங்கொள்ளுகிறவனெவனோ அவனும் என்னுடைய சிங்காசனத்தில் என்னோடேகூட உட்காரும்படிக்கு அருள்செய்வேன்." என்கின்றார். 

அவரை விசுவாசிக்கும் அனைவரும் அவரோடுகூட இருக்கவேண்டுமென்று இயேசு கிறிஸ்து விரும்பினார். எனவே அவர்  உலகத்தில் இருந்த நாட்களில் எதிர்காலத்தில் அவரை விசுவாசிக்கப்போகும் நமக்காகவும் வேண்டுதல் செய்தார். அதாவது எல்லோரும் அவரோடுகூட பிதாவின் ராஜ்யத்தின்  ஆட்சியில் பங்கேற்கவேண்டுமென்று அவர் விரும்பினார். "நான் இவர்களுக்காக வேண்டிக்கொள்ளுகிறதுமல்லாமல், இவர்களுடைய வார்த்தையினால் என்னை விசுவாசிக்கிறவர்களுக்காகவும், வேண்டிக்கொள்ளுகிறேன்." ( யோவான் 17: 20) என்று  ஜெபித்தார். அதாவது அவரது சீடர்களும் அந்தச் சீடர்கள் கூறுவதை ஏற்றுக்கொண்டு அவரை விசுவாசிக்கப்போகும் எதிர்கால விசுவாசிகளான நமக்காகவும் அவர் ஜெபித்தார். 

"பிதாவே, உலகத்தோற்றத்துக்கு முன் நீர் என்னில் அன்பாயிருந்தபடியினால், நீர் எனக்குத் தந்த என்னுடைய மகிமையை நீர் எனக்குத் தந்தவர்கள் காணும்படியாக, நான் எங்கே இருக்கிறேனோ அங்கே அவர்களும் என்னுடனேகூட இருக்கவிரும்புகிறேன்." ( யோவான் 17: 24) என்று விருப்பமுடன் பிதாவிடம் வேண்டுதல் செய்தார். ஆம் அன்பானவர்களே, இதுதான் இயேசு கிறிஸ்துவின் மேலான அன்பின் ஆசை.

இத்தகைய அன்பான ஆண்டவரின் ஆவலை நாம் பூர்த்திச் செய்யவேண்டாமா? எனவே அதற்கேற்ற பரிசுத்த வாழ்க்கை வாழ நம்மை ஒப்புக்கொடுப்போம். நாம் எத்தனை பாவிகளாக இருந்தாலும் தேவன் தனது குமாரனுடைய இரத்தத்தால் அதனைக் கழுவி நம்மைச் சுத்திகரிப்பார். கிறிஸ்துவின் உபதேசம் ஒப்புரவின் உபதேசம்தான்.  "அதென்னவெனில், தேவன் உலகத்தாருடைய பாவங்களை எண்ணாமல்,  கிறிஸ்துவுக்குள் அவர்களைத் தமக்கு ஒப்புரவாக்கி, ஒப்புரவாக்குதலின் உபதேசத்தை எங்களிடத்தில் ஒப்புவித்தார்." (2 கொரிந்தியர் 5:19) என்று வாசிக்கின்றோம். 

ஆம் அன்பானவர்களே, நமது பாவங்களை கிறிஸ்துவிடம் அறிக்கையிட்டு அவரோடு ஒப்புரவாவோம். தேவனுடைய ஆவியானவர் நம்மை நீதியின் பாதையில் நடத்திட நம்மை அவருக்கு ஒப்புக்கொடும்போம். அப்போதுதான் நாம் பாவங்கள்,  பாடுகள், துன்பங்கள் இவற்றை மேற்கொண்டு ஒரு வெற்றியுள்ள ஆவிக்குரிய வாழ்க்கை வாழ முடியும்.  இப்படி நாம் ஜெயம்கொள்ள வேண்டுமென்பதே கிறிஸ்துவின் விருப்பம். 

இப்படி "ஜெயங்கொள்ளுகிறவனெவனோ அவனும் என்னுடைய சிங்காசனத்தில் என்னோடேகூட உட்காரும்படிக்கு அருள்செய்வேன்." என்கிறார் ஆண்டவராகிய இயேசு கிறிஸ்து. பாவங்களையும் பாடுகளையும் சகித்து ஆவியானவரின் பலத்தால் ஜெயம்கொள்வோம்.  

தேவ செய்தி :- சகோ. எம். ஜியோ பிரகாஷ்                                     

Scripture Meditation – No: 1,561
AATHAVAN 💚 May 17, 2025 💚 Saturday

“To him that overcometh will I grant to sit with me in my throne, even as I also overcame, and am set down with my Father in his throne.” — Revelation 3:21 (KJV)

We are well aware of the political competitions that take place in this world to seize positions of power. Many are eager to ascend to authority—even at the cost of destroying others. In these power struggles among corrupt politicians, innocent people often become victims.

But our Lord Jesus Christ did not seek to enjoy the throne of His Father by Himself alone. He desires that all who overcome in their spiritual life should sit with Him on His throne. He clearly says, “To him that overcometh will I grant to sit with me in my throne…”

Jesus Christ earnestly desires that all who believe in Him should be with Him. Therefore, even during His days on earth, He prayed not only for His disciples but also for us who would come to believe in Him in the future. He prayed:

“Neither pray I for these alone, but for them also which shall believe on me through their word.” — John 17:20 (KJV)

This means He prayed not only for His disciples, but also for us—those future believers who would accept the word preached by the disciples.

In the same heartfelt spirit, Jesus prayed to the Father, “Father, I will that they also, whom thou hast given me, be with me where I am; that they may behold my glory, which thou hast given me: for thou lovedst me before the foundation of the world.” — John 17:24 (KJV)

Yes, beloved, this is the deep longing of the Lord Jesus Christ—a desire born from His great love.

Should we not fulfil such a loving desire of our Lord? Therefore, let us surrender ourselves to live a holy life that is worthy of this calling. No matter how sinful we have been, God will cleanse and purify us through the blood of His Son. The message of Christ is the ministry of reconciliation:

“To wit, that God was in Christ, reconciling the world unto himself, not imputing their trespasses unto them; and hath committed unto us the word of reconciliation.” — 2 Corinthians 5:19 (KJV)

Yes, beloved, let us confess our sins to Christ and be reconciled with Him. Let us yield ourselves to the Holy Spirit so that He may lead us in the path of righteousness. Only then can we live a victorious spiritual life, bearing sins, sufferings, and trials with strength. This is the very desire of Christ—for us to overcome.

And so, our Lord Jesus Christ promises:

“To him that overcometh will I grant to sit with me in my throne…” — Revelation 3:21 (KJV)

Let us bear sins and sufferings, and by the power of the Holy Spirit, overcome them all.

Gospel Message: Bro. M. Geo Prakash

🍒Meditation verse - லுூக்கா 11: 34 / Luke 11:34

 வேதாகமத் தியானம் - எண்:- 1,560

'ஆதவன்' 💚மே 16, 2025. 💚 வெள்ளிக்கிழமை

"கண்ணானது சரீரத்தின் விளக்காயிருக்கிறது; உன் கண் தெளிவாயிருந்தால், உன் சரீரமுழுவதும் வெளிச்சமாயிருக்கும்; உன் கண் கெட்டதாயிருந்தால் உன் சரீரம் முழுவதும் இருளாயிருக்கும்." ( லுூக்கா 11: 34)

இன்றைய தியான வசனத்தில் கூறப்பட்டுள்ள "கண்" என்பது நமது உடலிலுள்ள வெளியரங்கமான சரீர கண்ணைப்பற்றியல்ல, மாறாக ஆவிக்குரிய கண்களைப் பற்றி இயேசு கிறிஸ்து கூறியது. 

நமது ஆவிக்குரிய கண்கள் தெளிவாக இருக்குமானால் நமது உடல் முழுவதும் பாவமில்லாமல் வெளிச்சத்தின் பிள்ளைகளுக்குரிய குணங்களுடன் இருக்கும். இதற்கு மாறாக நமது கண்கள் ஆவிக்குரிய தெளிவற்று இருக்குமானால் நாம் இருளின் பிடியில் சிக்கியவர்களாக இருப்போம் என்கின்றார் இயேசு கிறிஸ்து. 

இதனால்தான் சங்கீத ஆசிரியர் "உமது வேதத்திலுள்ள அதிசயங்களை நான் பார்க்கும்படிக்கு, என் கண்களைத் திறந்தருளும்." ( சங்கீதம் 119: 18) என்று ஜெபிக்கின்றார். ஆம் அன்பானவர்களே, நாம் வேதாகமத்தை வாசிக்கும்போது கண்கள் திறக்கப்பட்டவர்களாக அதனை வாசிக்கவேண்டும். வெறும் செய்தித்தாளை வாசிப்பதுபோலவோ, பாடப்புத்தகத்தை வாசிப்பதுபோலவோ வாசித்தோமானால் நமது கண்கள் இன்னும் திறக்கப்படவில்லை என்று பொருள். 

கண்களினால் நாம் செய்யும் பாவங்கள் அதிகம். அதிலும் இன்றைய நவீன யுகத்தில் அலைபேசி மூலம் பலரும் பல்வேறு பாவ காரியங்களுக்கு அடிமைப்பட்டுக் கிடக்கின்றனர். பரிசுத்தவான்கள் கண்களினால் பாவம் செய்துவிடக்கூடாது என்று ஜெபித்தார்கள். பக்தனான யோபு பாவம் செய்துவிடக்கூடாது என்று தனது கண்களோடு உடன்படிக்கைச் செய்துகொள்வதை நாம் வேதத்தில்,  "என் கண்களோடே உடன்படிக்கைபண்ணின நான் ஒரு கன்னிகையின்மேல் நினைப்பாயிருப்பதெப்படி?" ( யோபு 31: 1) என்று வாசிக்கின்றோம்.

அப்போஸ்தலரான யோவான், "ஏனெனில், மாம்சத்தின் இச்சையும, கண்களின் இச்சையும், ஜீவனத்தின் பெருமையுமாகிய உலகத்திலுள்ளவைகளெல்லாம் பிதாவினாலுண்டானவைகளல்ல, அவைகள் உலகத்தினாலுண்டானவைகள்." (1 யோவான்  2 : 16) என்று கூறுகின்றார். எனவே நாம் ஆவிக்குரியவர்கள் என்று நம்மைக் கூறிக்கொள்ளவேண்டுமானால் நாம் கண்களின் இச்சையையும் அதன் தொடர்ச்சியான மாம்சத்தின் இச்சையையும் அழித்தவர்களாக வாழவேண்டியது அவசியம். 

ஆம் அன்பானவர்களே, நமது ஆவிக்குரிய கண்கள் தெளிவாக இருக்கவேண்டியது அவசியம். அப்படி நமது ஆவிக்குரிய கண்கள் தெளிவடையும்போது நாம் உடலின் இச்சைகளை மேற்கொள்வோம். அப்போது இன்றைய தியான வசனம் கூறுவதுபோல நமது  சரீரமுழுவதும் வெளிச்சமாயிருக்கும். 

வேதாகமத்தை ஜெபத்துடன் வாசிக்கப் பழகுவோம். "ஆண்டவரே, நான் வாசிக்கப்போகின்ற வேதாகாமப் பகுதியை எனக்குத் தெளிவுபடுத்தித் தாரும்" என்று வேண்டுதல் செய்து வேதாகமத்தை வாசிப்போம். "உமது வேதத்திலுள்ள அதிசயங்களை நான் பார்க்கும்படிக்கு, என் கண்களைத் திறந்தருளும்." என்று வேண்டுதல் செய்வோம். அப்போது வேத வசனங்கள் நம்மை தேவ பாதையில் வழிநடத்தும். இன்றைய தியான வசனம் கூறுவதன்படி நமது சரீரம் முழுவதும் வெளிச்சமாயிருக்கும். அப்போது, "நீங்கள் உலகத்துக்கு வெளிச்சமாயிருக்கிறீர்கள்; மலையின்மேல் இருக்கிற பட்டணம் மறைந்திருக்கமாட்டாது." ( மத்தேயு 5: 14) என்ற இயேசு கிறிஸ்துவின் வார்த்தைகள் நமது வாழ்வில் பலிக்கும்.

தேவ செய்தி :- சகோ. எம். ஜியோ பிரகாஷ்           

Scripture Meditation – No. 1,560
AATHAVAN 💚 May 16, 2025 💚 Friday

"The light of the body is the eye: therefore when thine eye is single, thy whole body also is full of light; but when thine eye is evil, thy body also is full of darkness." — Luke 11:34 (KJV)

In today’s meditation verse, the term "eye" does not refer to our physical, outward eye, but rather to the spiritual eyes that Jesus Christ speaks about.

When our spiritual eyes are clear, our whole body will be full of light, reflecting the character of the children of light, free from sin. Conversely, if our eyes lack spiritual clarity, we will be trapped in the grip of darkness — as Jesus warns.

That is why the Psalmist prays, "Open thou mine eyes, that I may behold wondrous things out of thy law." — Psalm 119:18 (KJV)

Yes, beloved, when we read the Bible, we must do so with eyes that are spiritually opened. If we read it like a newspaper or a textbook, it indicates our eyes are not yet opened.

Many sins are committed through the eyes. Especially in today’s digital age, many have become enslaved to sinful activities through mobile phones. Saints of God prayed that they would not sin through their eyes. The devout Job made a covenant with his eyes to guard himself from sin:

"I made a covenant with mine eyes; why then should I think upon a maid?" — Job 31:1 (KJV)

Apostle John writes:

"For all that is in the world, the lust of the flesh, and the lust of the eyes, and the pride of life, is not of the Father, but is of the world." — 1 John 2:16 (KJV)

Therefore, if we claim to be spiritual, we must overcome the lust of the eyes and the lust of the flesh that follows it.

Yes, beloved, it is essential that our spiritual eyes remain clear. When they are clear, we will naturally resist the lusts of the flesh. Then, just as today’s meditation verse says, our whole body will be full of light.

Let us make it a habit to read the Bible prayerfully. Before reading, let us pray, "Lord, make this portion of Scripture clear to me."

and "Open thou mine eyes, that I may behold wondrous things out of thy law." — Psalm 119:18 (KJV)

When we do so, the Word will guide us in the divine path. As today’s verse says, our whole body will be full of light. Then, the words of Jesus Christ will be fulfilled in our lives:

"Ye are the light of the world. A city that is set on an hill cannot be hid." — Matthew 5:14 (KJV)

God’s Message by: Bro. M. Geo Prakash