❤️Meditation verse - மாற்கு 10: 27 / Mark 10:27

 வேதாகமத் தியானம் - எண்:- 1,496    

'ஆதவன்' 💚மார்ச் 12, 2025. 💚புதன்கிழமை 

 

"இயேசு அவர்களைப் பார்த்து: மனுஷரால் இது கூடாததுதான், தேவனால் இது கூடாததல்ல; தேவனாலே எல்லாம் கூடும் என்றார்." ( மாற்கு 10: 27)

நாம் தேவனை சர்வ வல்லவர் என்றுகூறுகின்றோம். இதன் பொருள், அவருக்கு எந்தச் செயலையும் செய்யும் வல்லமை உண்டு என்று பொருள். ஒன்றுமில்லாமையிலிருந்து இந்த அண்டசராசரங்களை உருவாக்கியவர் அவர். இல்லாதவைகளை இருக்கின்றவையாக மாற்றுகின்றவர் அவர். 

இன்றைய தியான வசனம் கூறப்பட்டப் பின்னணியைப் பார்ப்போமானால், பொருளாசை கொண்டவர்கள் தேவனுடைய ராஜ்யத்தில் பிரவேசிப்பது  மிகவும் கடினமான காரியம் என்று இயேசு கூறினார். இதனையே அவர், "ஐசுவரியவான் தேவனுடைய ராஜ்யத்தில் பிரவேசிப்பதைப்பார்க்கிலும், ஒட்டகமானது ஊசியின் காதிலே நுழைவது எளிதாயிருக்கும் என்றார்." ( மாற்கு 10: 25) இதனைக்கேட்ட சீடர்களும் யூதர்களும் அப்படியானால் யார்தான் அதில் பிரவேசிக்கமுடியும் என்று ஆச்சரியப்பட்டார்கள். அவர்களைப் பார்த்துத்தான் இயேசு இன்றைய தியான வசனத்தைக் கூறினார். 

ஆம் அன்பானவர்களே, மனிதர்களால் கூடாதவை தேவனால் கூடும்.  பணம் படைத்தவர்கள் பரலோக ராஜ்யத்தில் பிரவேசிக்க முடியாது என்று இயேசு கூறவில்லை. மாறாக, மற்றவர்களைவிட அவர்கள் அதில் பிரவேசிக்க அதிக முயற்சியெடுக்கவேண்டும் என்றுதான் கூறுகின்றார். காரணம், ஒருவரிடம் அதிகமான பணம் சேரும்போது கூடவே அதிகமான கெட்டப்  பழக்கவழக்கங்களும் சேர்ந்துகொள்ளும். மட்டுமல்ல, அவர் பெருமைகொண்டு தனது சுய பலத்தை நம்பி வாழ்வார்; மற்றவர்களை அற்பமாக எண்ணி நடத்துவார்.  இத்தகைய குணங்களை அவைகளை விட்டு விலக்குவது அவர்களால் பெரும்பாலும் முடிவதில்லை. 

ஆனால், அத்தகையவர்களும் தேவனுடைய ஆவியானவருக்குத் தங்களை ஒப்புக்கொடுத்து வாழும்போது தேவன் அவர்களுக்குத் தங்கள் வழிகளைவிட்டு தேவ வழியில் நடக்க உதவிடுவார். வேதாகமத்தில் கூறப்பட்டுள்ள பல தேவ மனிதர்கள் செல்வந்தர்களாக இருந்தவர்கள்தான். ஆபிரகாம், யாக்கோபு போன்றதனி மனிதர்களும்,  ஆட்சி அதிகாரம் பெற்றிருந்த  தாவீது ராஜா, எசேக்கியா ராஜா போன்றவர்களும் இதற்கு உதாரணம்.  ஆம், இவர்களெல்லாம் "மனுஷரால் இது கூடாததுதான், தேவனால் இது கூடாததல்ல; தேவனாலே எல்லாம் கூடும்" எனும் வசனத்தின்படி தேவனுடைய ராஜ்யத்தை உரிமையாக்கிக்கொண்டவர்கள். 

நாம் பொருளாசை எனும் இச்சையில் விழுந்து கிடப்போமானால் நம்மால் மேலான ஆவிக்குரிய ஆசீர்வாதங்களை உரிமையாக்கமுடியாது. மட்டுமல்ல, தேவனுடைய ராஜ்யத்துக்கும் நாம் அந்நியராகிவிடுவோம். இன்றைய தியான வசனம் கூறுவதுபோல பொருளாசைக்கு நாம் விலகி வாழ்வது மனித முயற்சியால் கூடாதது. ஆனால் தேவனைச் சார்ந்து இருப்போமானால் இது கூடும். 

"என் கிருபை உனக்குப்போதும்; பலவீனத்திலே என் பலம் பூரணமாய் விளங்கும்". (2 கொரிந்தியர் 12:9) என்று அப்போஸ்தலரான பவுலுக்குத் தேவன் கூறவில்லையா? இந்த வசனத்தின்படி, பொருளாசை எனும் பலவீனம் நமக்கு இருக்குமானால் அதனை தேவனிடம் அறிக்கையிடுவோம். நமது பலவீனத்திலே தேவனது பலம் பூரணமாய் விளங்கும். அப்போது மனுஷரால் கூடாதது தேவனால்  கூடும் எனும் வசனத்துக்கேற்ப நமது பொருள் சார்ந்த பலவீனம் நம்மைவிட்டு அகலும். ஆம், தேவனது வல்லமையால் ஒட்டகமும் ஊசியின் காதினுள் நுழையும். 

தேவ செய்தி :- சகோ. எம். ஜியோ பிரகாஷ்                    

Scripture Meditation - No. 1,496

AATHAVAN 💚 March 12, 2025 💚 Wednesday

"And Jesus looking upon them saith, With men it is impossible, but not with God: for with God all things are possible." (Mark 10:27, KJV)

We often refer to God as the Almighty. This means He has the power to accomplish anything. He created the universe out of nothing. He calls into existence things that do not exist.

When we look at the context of today’s meditation verse, Jesus was speaking about how difficult it is for those who are wealthy to enter the kingdom of God. He said, "It is easier for a camel to go through the eye of a needle, than for a rich man to enter into the kingdom of God." (Mark 10:25, KJV). Hearing this, the disciples and the Jews were astonished and asked, “Who then can be saved?” It was to them that Jesus spoke today’s meditation verse.

Yes, dear friends, what is impossible for man is possible with God. Jesus did not say that the wealthy cannot enter the kingdom of heaven. Rather, He emphasized that they must strive harder than others to enter it. The reason is that when one accumulates great wealth, it often brings along harmful habits and attitudes. Moreover, such individuals may become prideful, relying on their own strength and looking down on others. These traits are often difficult to overcome.

However, when such individuals surrender themselves to the Holy Spirit and live in obedience to God, He will help them turn away from their ways and walk in His path. The Bible records many godly individuals who were wealthy. Examples include Abraham, Jacob, and kings like David and Hezekiah. Yes, these individuals laid hold of God’s kingdom by the truth of the verse: "With men it is impossible, but not with God: for with God all things are possible."

If we fall into the trap of greed, we will not be able to claim the higher spiritual blessings. Worse still, we may become strangers to God’s kingdom. As today’s meditation verse reminds us, it is impossible by human effort to overcome greed. But if we depend on God, it becomes possible.

Did not God say to the Apostle Paul, "My grace is sufficient for thee: for my strength is made perfect in weakness." (2 Corinthians 12:9, KJV)? According to this verse, if we struggle with the weakness of greed, let us bring it before God. In our weakness, God’s strength will be made perfect. Then, as the verse says, what is impossible for man will become possible with God. Our weakness related to material desires will leave us. Yes, by God’s power, even a camel can pass through the eye of a needle.

Gospel Message: Bro. M. Geo Prakash