❤️Meditation verse - 2 கொரிந்தியர் 10: 18 / 2 Corinthians 10:18

 வேதாகமத் தியானம் - எண்:- 1,491    

'ஆதவன்' 💚மார்ச் 07, 2025. 💚வெள்ளிக்கிழமை

"தன்னைத்தான் புகழுகிறவன் உத்தமனல்ல, கர்த்தரால் புகழப்படுகிறவனே உத்தமன்." (2 கொரிந்தியர் 10: 18)

தற்புகழ்ச்சியுள்ளவன் உத்தமனாக இருக்கமுடியாது என்பதே இன்றைய தியான வசனம் கூறும் உண்மையாக இருக்கின்றது. அதுபோல, மனிதர்களால் புகழப்படும் எல்லோரும் உத்தமர்களல்ல. காரணம் எல்லா மனிதர்களும் எப்போதும் ஒருவரைப் புகழ்வது கிடையாது. ஒருவரைப் புகழும் மனித வாய்களே அவரைச் சிலகாலம் கடந்தபின்னர்  இழவும் வாய்ப்புண்டு. ஆனால் கர்த்தர் ஒருவரைப் புகழ்ந்தால் புகழ்ந்ததுதான். எனவே,  கர்த்தரால் புகழப்படுகிறவனே உத்தமன் என்று இன்றைய தியான வசனம் கூறுகின்றது. 

இந்த உலகத்தில் மனிதர்களால் புகழப்பட்ட பல தலைவர்கள் அழிந்துபோயினர்; இருந்த இடம்தெரியாமல் போய்விட்டனர். மேலும் அவர்கள் இறந்தபின்னர் அவர்களைப்பற்றிய அவலட்சணமான உண்மைகள் பல வெளியுலகுக்குத் தெரியவந்து இறந்தபின்னரும் அவமானம் அடைகின்றனர். ஆனால் இதற்கு மாறாக, தேவனால் புகழப்பட்ட மனிதர்களோ இன்றும் நமது முன்மாதிரிகளாக நிலைத்து நிற்கின்றனர். தேவனால் மகிமைப்படுத்தப்பட்டுள்ளனர். 

கர்த்தரால் புகழப்பட்ட மனிதர்கள் பலர் வேதாகமத்தில் அடையாளம் காட்டப்பட்டுள்ளனர். மோசேயை, "தேவனுடைய நண்பன்" என்று தேவன் கூறினார்; தாவீதை, "தேவனுடைய இருதயத்துக்கு ஏற்றவர்" என்றார்; நோவா, "உத்தமனும் சன்மார்க்கனும், தேவனுக்குப் பயந்து பொல்லாப்புக்கு விலகுகிறவனும்" எனத் தேவனால்  புகழப்பட்டான்; "பிரியமான புருஷனாகிய தானியேல்" என்று தானியேலை தேவன் அழைத்தார். அன்னை மரியாளை, "கிருபை பெற்றவள்" என்றும் "பெண்களுக்குள்ளே ஆசீர்வதிக்கப்பட்டவள்" என்றும் தேவன் கூறினார். ஆனால் இவர்கள் வாழ்ந்தபோது இந்த உலகத்தில் பலர் இவர்களுக்கு எதிராகவே செயல்பட்டனர். 

தனக்கு ஏற்புடைய வாழ்க்கை வாழும் ஒருவரைத் தேவன் எவ்வளவு அதிகமாய் உயர்த்துகின்றாரோ அதுபோல பெருமைகொண்டவரை அவர் தாழ்த்தவும் செய்கின்றார். தற்புகழ்ச்சி பெருமையின் வெளிப்பாடு. பெருமையுள்ளவர்களுக்குத் தேவன் எப்போதும் எதிராகவே இருக்கின்றார். "அவர் அதிகமான கிருபையை அளிக்கிறாரே. ஆதலால் தேவன் பெருமையுள்ளவர்களுக்கு எதிர்த்து நிற்கிறார், தாழ்மையுள்ளவர்களுக்கோ கிருபை அளிக்கிறாரென்று சொல்லியிருக்கிறது." ( யாக்கோபு 4: 6) 

ஆதியில் தேவனுடைய சந்நிதானத்திலிருந்து சாத்தான் தள்ளப்பட பெருமையே காரணமாக இருந்தது. அழகும் ஒளியும் கொண்ட லூசிபர் எனும் தேவதூதன் பெருமை கொண்டு தன்னைத்  தேவனுக்கு நிகராக உயர்த்தப் பார்த்தான். அதனை அவன் வெளியே சொல்லவில்லை; மாறாக மனதில்தான் எண்ணினான். ஆனால் அந்த எண்ணத்தை அறிந்த தேவன் அவனைப் பிசாசாகப் பாதாளத்தில் தள்ளினார். இதனை நாம் வேதாகமத்தில் பின்வருமாறு வாசிக்கின்றோம்:- 

"அதிகாலையின் மகனாகிய விடிவெள்ளியே, நீ வானத்திலிருந்து விழுந்தாயே! ஜாதிகளை ஈனப்படுத்தினவனே, நீ தரையிலே விழ வெட்டப்பட்டாயே! நான் வானத்துக்கு ஏறுவேன், தேவனுடைய நட்சத்திரங்களுக்கு மேலாக என் சிங்காசனத்தை உயர்த்துவேன்; வடபுறங்களிலுள்ள ஆராதனைக் கூட்டத்தின் பர்வதத்திலே வீற்றிருப்பேன் என்றும், நான் மேகங்களுக்கு மேலாக உன்னதங்களில் ஏறுவேன்; உன்னதமானவருக்கு ஒப்பாவேன் என்றும் நீ உன் இருதயத்தில் சொன்னாயே. ஆனாலும் நீ அகாதமான பாதாளத்திலே தள்ளுண்டுபோனாய்." ( ஏசாயா 14: 12 - 15)

ஆம் அன்பானவர்களே, தற்பெருமை எனும் குணம் நமக்கு இருக்குமானால் இதுவே நமது முடிவாகவும் இருக்கும். எனவேதான் இவை  பதிவுசெய்யப்பட்டு நமது நன்மைக்காக வேதாகமத்தில் பொறிக்கப்பட்டுள்ளன. எனவே நமது செயல்களையும் நமது வாழ்க்கையையும் பிறர் புகழவேண்டும் எனும் எதிர்பார்ப்போடு நாம் வாழாமல் தேவனது கண்களுக்குமுன் புகழ்ச்சி பெறும் வகையில் வாழ அழைக்கப்பட்டுள்ளோம்.  எப்போதும் தேவனையே நமது கண்முன்கொண்டு செயல்படுவோம். 

"தன்னைத்தான் புகழுகிறவன் உத்தமனல்ல, கர்த்தரால் புகழப்படுகிறவனே உத்தமன்." எனும் மெய்யான தேவ வார்த்தைகளை எச்சரிக்கையாக மனதினில் கொண்டு தாழ்மையான வாழ்க்கைவாழ நம்மை ஒப்புக்கொடுப்போம். 

தேவ செய்தி :- சகோ. எம். ஜியோ பிரகாஷ்                

Scripture Meditation - No. 1,491
AATHAVAN 💚 March 07, 2025 💚 Friday

"For not he that commendeth himself is approved, but whom the Lord commendeth." (2 Corinthians 10:18, KJV)

Today’s meditation verse reminds us that a person who praises himself cannot be considered upright. Similarly, not all who are praised by men are truly upright. The reason is that not all people will always praise someone. The same mouths that praise a person today may later speak ill of them. However, if the Lord praises someone, it is genuine and lasting. Therefore, today’s meditation verse declares that the one whom the Lord commends is truly upright.

In this world, many leaders who were praised by men have perished and vanished without a trace. Moreover, after their death, shameful truths about them often come to light, bringing them disgrace even in their absence. On the contrary, those whom God has praised remain as our role models to this day. They are glorified by God.

The Bible identifies many individuals whom the Lord commended. God called Moses "His friend"; He described David as "a man after His own heart"; Noah was praised as "a just man and perfect in his generations, and one who walked with God"; Daniel was referred to as "a man greatly beloved"; and the Virgin Mary was called "highly favoured" and "blessed among women." Yet, during their lifetimes, many in this world opposed them.

The more God exalts a person who lives a life pleasing to Him, the more He humbles the proud. Self-praise is a manifestation of pride, and God always opposes the proud. "But He giveth more grace. Wherefore He saith, God resisteth the proud, but giveth grace unto the humble." (James 4:6, KJV)

In the beginning, pride was the reason Satan was cast out of God’s presence. Lucifer, the angel of light and beauty, became proud and sought to exalt himself to be like God. He did not voice this outwardly but harboured it in his heart. Yet, God, who knows the thoughts of the heart, cast him down to hell as a devil. We read this in the Bible as follows:

"How art thou fallen from heaven, O Lucifer, son of the morning! How art thou cut down to the ground, which didst weaken the nations! For thou hast said in thine heart, I will ascend into heaven, I will exalt my throne above the stars of God: I will sit also upon the mount of the congregation, in the sides of the north: I will ascend above the heights of the clouds; I will be like the most High. Yet thou shalt be brought down to hell, to the sides of the pit." (Isaiah 14:12-15, KJV)

Yes, dear ones, if we possess the trait of self-exaltation, it will lead to our downfall. This is why these truths are recorded in the Bible for our benefit. Therefore, let us not live with the expectation of receiving praise from others but strive to live in a way that earns commendation from God. Let us always keep God before our eyes and act accordingly.

Let us take to heart the true words of God: "For not he that commendeth himself is approved, but whom the Lord commendeth," and commit ourselves to live a life of humility.

Gospel Message: Bro. M. Geo Prakash