❤️Meditation verse - உபாகமம் 28: 1 / Deuteronomy 28:1

 வேதாகமத் தியானம் - எண்:- 1,492    

'ஆதவன்' 💚மார்ச் 08, 2025. 💚சனிக்கிழமை 

"இன்று நான் உனக்கு விதிக்கிற உன் தேவனாகிய கர்த்தருடைய கட்டளைகளின்படியெல்லாம் செய்ய நீ கவனமாயிருக்கும்படிக்கு, அவர் சத்தத்திற்கு உண்மையாய்ச் செவிகொடுப்பாயானால், உன் தேவனாகிய கர்த்தர் பூமியிலுள்ள சகல ஜாதிகளிலும் உன்னை மேன்மையாக வைப்பார்." ( உபாகமம் 28 : 1 )

வேதாகமத்தில் ஆயிரக்கணக்கான தேவ வாக்குறுதிகள் உள்ளன. ஆனால் நாம் எந்த வாக்குறுதியை எடுத்துக்கொண்டாலும் ஒரு நிபந்தனையுடன்தான் இருக்கும். கிறிஸ்தவர்களில் பலரும்  பொதுவாக இந்த நிபந்தனைகளைக் கவனிப்பதில்லை. மாறாக, "தேவன் இப்படி வாக்களித்துள்ளார், எனவே எனக்கு இந்த வாக்குறுதியின்படிச் செய்து முடிப்பார்" என்று கூறிக்கொள்கின்றனர்.  கிளிப்பிள்ளைகள்போல இந்த வாக்குறுதிகளைச் சொல்லிச் சொல்லி  ஜெபிக்கின்றனர்.  

பல்வேறு விஞ்ஞான விதிகள் எப்படிச் சில நிபந்தனைகளுடன் கூறப்பட்டுள்ளதோ  அப்படியே தேவனும் சில நிபந்தனைகள் வைத்தே வாக்குறுதிகளைக் கொடுத்துள்ளார்.  விஞ்ஞானம் கூறும் நிபந்தனைகளைக் கவனிக்காமல் நாம் செயல்பட்டால் அவை கூறும் விளைவுகளை எப்படி அனுபவிக்கமுடியாதோ அதுபோலவே தேவன் கூறும் நிபந்தனைகளை நாம் கைக்கொள்ளாமல் இருப்போமானால் அந்த வாக்குத்தத்தங்கள் கூறுபவை நமது வாழ்வில் பலிக்காது. 

உதாரணமாக, தண்ணீரின் வேதியியல் சூத்திரம், H2O, ஒவ்வொரு மூலக்கூறிலும் ஒரு ஆக்ஸிஜன் மற்றும் இரண்டு ஹைட்ரஜன் அணுக்கள் இருப்பதை இது  குறிக்கிறது. இரண்டுபங்கு ஹைட்ரஜனும் ஒரு பங்கு ஆக்சிஜனும் இணையும்போது மட்டுமே நாம் தண்ணீரைப் பெறமுடியும்.  

இதுபோலவே, இன்றைய தியான வசனம் கூறப்பட்டுள்ள உபாகமம் 28 ஆம் அதிகாரத்தில் பல ஆசீர்வாதமான வாக்குத்தத்தங்கள் உள்ளன. ஆனால் அந்த வாக்குத்தத்தங்களை நாம் சுதந்தரித்துக்கொள்ள என்ன செய்யவேண்டும் என்பதனையே இன்றைய தியான வசனம் கூறுகின்றது. அதாவது,  "உன் தேவனாகிய கர்த்தருடைய கட்டளைகளின்படியெல்லாம் செய்ய நீ கவனமாயிருக்கும்படிக்கு, அவர் சத்தத்திற்கு உண்மையாய்ச் செவிகொடுப்பாயானால்" என்று கூறப்பட்டுள்ளது. இதுவே அந்த நிபந்தனை. இந்த நிபந்தனையின்படி அவரது கட்டளைகளுக்குச் செவிகொடுத்து அவற்றை வாழ்வில் கடைப்பிடித்தால் இவை நமது வாழ்வில் பலிக்கும் என்று பொருள். 

இந்த உபாகம அதிகாரத்தில் தொடர்ந்து கூறப்பட்டுள்ள ஆசீர்வாதங்கள் 12. ஆனால் இவைகளின்படி நாம் செய்யாவிட்டால் என்ன நடக்கும் என்று கூறப்பட்டுள்ள சாபங்கள் 53. ஆம் அன்பானவர்களே, நாம் வேதாகம வாக்குத்தத்த வசனங்களை வாசிக்கும்போது தனியாக அந்த வசனங்களை மட்டும் வாசிக்காமல் அதன் முன்னும் பின்னும் கூறப்பட்டுள்ள காரியங்களையும் சேர்த்து வாசித்து வசனம் கூறும் உண்மையை உணர்ந்து கொள்ளவேண்டும். 

ஒருவேளை நம்மை வழிநடத்தியவர்கள் இந்த உண்மையை நமக்கு உணர்த்தாமல் இருந்திருக்கலாம். இதனால் நாம் அந்த வசனம் கூறும் ஆசீர்வாதங்களை சுதந்தரிக்க முடியாதவர்களாக இருந்திருக்கலாம். நமது தவறுகளை நாம் திருத்திக்கொள்ளும்போது தேவன் நம்மை ஆசீர்வதிக்கத் தயாராக இருக்கின்றார். அதனை நாம் வேதாகமத்தில் பின்வருமாறு வாசிக்கின்றோம்:- 

"உன் தேவனாகிய கர்த்தரிடத்துக்கே திரும்பி, இன்று நான் உனக்குக் கற்பிக்கிறபடியெல்லாம், நீயும் உன் பிள்ளைகளும் உங்கள் முழு இருதயத்தோடும் உங்கள் முழு ஆத்துமாவோடும் அவருடைய சத்தத்திற்குச் செவிகொடுத்தால், உன் தேவனாகிய கர்த்தர் உன் சிறையிருப்பைத் திருப்பி, உனக்கு இரங்கி, உன் தேவனாகிய கர்த்தர் உன்னைச் சிதற அடித்த எல்லா ஜனங்களிடத்திலும் இருக்கிற உன்னைத் திரும்பச் சேர்த்துக்கொள்ளுவார்." ( உபாகமம் 30: 2, 3)

எனவே அன்பானவர்களே, வேதாகமத்தில் கூறப்பட்டுள்ள ஆசீர்வாத வாக்குத்தத்தங்களைக் கண்டு அவை எல்லாம் தேவனுடைய வாக்குறுதிகள் எனவே எனது வாழ்வில் அவை எனக்குப் பலிக்கும் என எண்ணிடாமல்,  தேவன் முன்வைத்துள்ள நிபந்தனைகளுக்கு முதலில் செவிகொடுப்போம்; அப்போது  அவை நமது வாழ்வில் பலிக்கும். 

தேவ செய்தி :- சகோ. எம். ஜியோ பிரகாஷ்              

Scripture Meditation - No: 1,492
AATHAVAN💚 March 08, 2025 💚 Saturday

"And it shall come to pass, if thou shalt hearken diligently unto the voice of the Lord thy God, to observe and to do all his commandments which I command thee this day, that the Lord thy God will set thee on high above all nations of the earth." (Deuteronomy 28:1, KJV)

The Bible contains thousands of God's promises. However, every promise comes with a condition. Many Christians often overlook these conditions and instead say, "God has promised this, so He will fulfil it for me." They repeat these promises like parrots and pray accordingly.

Just as scientific laws are based on certain conditions, God has also set conditions for His promises. If we ignore the conditions of science, we cannot experience the results it predicts. Similarly, if we do not adhere to God's conditions, His promises will not bear fruit in our lives.

For example, the chemical formula of water, H2O, indicates that each molecule contains one oxygen atom and two hydrogen atoms. Only when two parts of hydrogen combine with one part of oxygen do we get water.

In the same way, today's meditation verse from Deuteronomy 28 contains many blessed promises. But to inherit these promises, we must fulfil the condition mentioned in the verse: "If thou shalt hearken diligently unto the voice of the Lord thy God, to observe and to do all his commandments." This is the condition. If we listen to His commands and obey them in our lives, these promises will be fulfilled in us.

In this chapter of Deuteronomy, there are 12 blessings listed. However, if we fail to obey, there are 53 curses mentioned. Dear friends, when we read the promises in the Bible, we should not read them in isolation. Instead, we must read the surrounding verses to understand the full context and truth of what is being said.

Perhaps those who guided us did not explain this truth, which is why we may have struggled to inherit the blessings. But when we correct our mistakes, God is ready to bless us. As we read in the Bible:

"And shalt return unto the Lord thy God, and shalt obey his voice according to all that I command thee this day, thou and thy children, with all thine heart, and with all thy soul; that then the Lord thy God will turn thy captivity, and have compassion upon thee, and will return and gather thee from all the nations, whither the Lord thy God hath scattered thee." (Deuteronomy 30:2-3, KJV)

Therefore, dear friends, let us not merely look at the blessings and promises in the Bible and assume they will automatically come true in our lives because they are God's promises. Instead, let us first heed the conditions God has set. Only then will these promises bear fruit in our lives.

God's Message: Bro. M. Geo Prakash