❤️Meditation verse - யாக்கோபு 4:1 / James 4:1

 வேதாகமத் தியானம் - எண்:- 1,494    

'ஆதவன்' 💚மார்ச் 10, 2025. 💚திங்கள்கிழமை  

"உங்களுக்குள்ளே யுத்தங்களும் சண்டைகளும் எதனாலே வருகின்றன; உங்கள் அவயவங்களின்  போர்செய்கிற இச்சைகளினாலல்லவா?" (யாக்கோபு 4;1)

இந்த உலகத்தில் மனிதர்களுக்குள் சண்டைகள், குடும்பங்களுக்குள் பிளவுகள், நாடுகளுக்கிடையே போர்கள் இவை ஏற்படக் காரணம்  மனிதர்களின் உடலிலுள்ள போர்ச்செய்கின்ற இச்சைகளினால் என்று இன்றைய தியான வசனம் கூறுகின்றது. அதாவது மனித உடலின் ஒவ்வொரு அவயவமும் இந்த இச்சை எனும் வெறியினால் நிறைந்திருப்பதால்தான் இவை ஏற்படுகின்றன என்று இன்றைய தியான வசனம் கூறுகின்றது. 

ஆம் அன்பானவர்களே, அடுத்தவன் வைத்திருக்கும் சொத்து சுகங்கள் அல்லது பதவிகள் தனக்கும் வேண்டும் எனும் இச்சையானது  தனக்கு அவை கிடைக்கவில்லை எனும்போது பொறாமையாக மாறுகின்றது. இது மனிதர்களுக்குள் சண்டையை, பகையை ஏன் கொலையையே ஏற்படுத்துகின்றது.   

உலகின் முதல் கொலை பொறாமையினால்தான் உண்டானது. காயினும் ஆபேலும் தேவனுக்குப் பலி செலுத்தும்போது தேவன் காயீனின் பலியினை ஏற்றுக்கொள்ளவில்லை. "காயீனையும் அவன் காணிக்கையையும் அவர் அங்கிகரிக்கவில்லை. அப்பொழுது காயீனுக்கு மிகவும் எரிச்சல் உண்டாகி, அவன் முகநாடி வேறுபட்டது." ( ஆதியாகமம் 4: 5) இதுவே அவன் தனது சகோதரனைக் கொலைசெய்யக் காரணமாயிற்று. 

நமது அவயவங்களின் இந்த போர்புரிகின்ற இச்சை மாறும்போது மட்டுமே பரிசுத்தமானவர்களாக வாழமுடியும்; நாம் குடும்பத்திலும் நாட்டிலும் உலகத்திலும் சமாதானத்தைக் காணமுடியும். சமீபத்தில் அமெரிக்க அதிபர் டொனால்டு ட்ரம்ப் உக்ரைன் அதிபர் செலென்ஸ்கி இடையே நடைபெற்ற பேச்சுவார்த்தையினை பலரும் வீடியோ காட்சியாகப் பார்த்திருக்கலாம் அல்லது செய்தியாக வாசித்திருக்கலாம். அமெரிக்க அதிபரின் போர்புரியும்  இச்சையினை இது தெளிவாக நமக்குக் காண்பித்தது. 

நமது உடலை நாம் பரிசுத்தத்துக்கு ஒப்புக் கொடுக்கும்போது மட்டுமே இத்தகைய  எண்ணங்கள் மனிதனிலிருந்து மறையும். இதனாலேயே அப்போஸ்தலரான பவுல், "உங்கள் மாம்ச பலவீனத்தினிமித்தம் மனுஷர் பேசுகிறபிரகாரமாய்ப் பேசுகிறேன். அக்கிரமத்தை நடப்பிக்கும்படி முன்னே நீங்கள் உங்கள் அவயவங்களை அசுத்தத்திற்கும் அக்கிரமத்திற்கும் அடிமைகளாக ஒப்புக்கொடுத்ததுபோல, இப்பொழுது பரிசுத்தமானதை நடப்பிக்கும்படி உங்கள் அவயவங்களை நீதிக்கு அடிமையாக ஒப்புக்கொடுங்கள்" ( ரோமர் 6: 19) என்று கூறுகின்றார். 

தனி மனித வாழ்விலும் நம்மோடு போர்ச்செய்கின்ற இச்சை குணங்கள் நம்மை பாவத்துக்கு நேராக இழுத்துச் செல்கின்றன. "ஆகையால், விபசாரம், அசுத்தம், மோகம், துர்யிச்சை, விக்கிரகாராதனையான பொருளாசை ஆகிய இவைகளைப் பூமியில் உண்டுபண்ணுகிற உங்கள் அவயவங்களை அழித்துப்போடுங்கள்." ( கொலோசெயர் 3: 5) என்று வேதம் நமக்கு அறிவுறுத்துகின்றது. 

"உன் வலதுகண் உனக்கு இடறலுண்டாக்கினால், அதைப் பிடுங்கி எறிந்துபோடு; உன் சரீரம் முழுவதும் நரகத்தில் தள்ளப்படுவதைப்பார்க்கிலும், உன் அவயவங்களில் ஒன்று கெட்டுப்போவது உனக்கு நலமாயிருக்கும்." ( மத்தேயு 5: 29) என்று இயேசு கிறிஸ்து கூறவில்லையா? 

எனவே  குடும்பத்தில் சமாதானமும் நமக்குள்ளே யுத்தங்களும் சண்டைகளும் வராமலும் இருக்கவேண்டுமானால் நமது  அவயவங்களில் போர்செய்கிற இச்சைகள் ஒழிக்கப்படவேண்டியது அவசியம். பரிசுத்த ஆவியானவருக்கு நம்மை ஒப்புக்கொடுத்து வாழும்போது மட்டுமே அது சாத்தியமாகும். எனவே ஆவியானவரின் வழிநடத்துதலுக்கு நம்மை ஒப்புக்கொடுத்து ஜெபிப்போம். பூரண சமாதானம் நம்மிலும், குடும்பத்திலும், நாட்டிலும் உலகத்திலும் அப்போது மட்டுமே சாத்தியமாகும். 

தேவ செய்தி :- சகோ. எம். ஜியோ பிரகாஷ்                                                     

Scripture Meditation - No. 1,494
AATHAVAN 💚 March 10, 2025 💚 Monday

"From whence come wars and fightings among you? come they not hence, even of your lusts that war in your members?" (James 4:1, KJV)

Today’s meditation verse tells us that the conflicts among people, divisions in families, and wars between nations arise because of the lusts that wage war within the human body. In other words, every part of the human body is filled with this raging desire, which is the root cause of such strife.

Yes, dear friends, the desire for another’s possessions, comforts, or positions turns into envy when one fails to attain them. This envy leads to quarrels, hatred, and even murder among people.

The first murder in the world was caused by envy. When Cain and Abel offered sacrifices to God, God did not accept Cain’s offering. "But unto Cain and to his offering he had not respect. And Cain was very wroth, and his countenance fell." (Genesis 4:5, KJV). This became the reason for Cain to kill his brother Abel.

Only when the lusts that wage war within our members are transformed can we live as holy people and experience peace in our families, nations, and the world. Recently, many may have watched or read about the conversation between U.S. President Donald Trump and Ukrainian President Zelensky. This clearly revealed the warring desires within the U.S. President.

Only when we surrender our bodies to holiness can such thoughts disappear from us. This is why the Apostle Paul says, "I speak after the manner of men because of the infirmity of your flesh: for as ye have yielded your members servants to uncleanness and to iniquity unto iniquity; even so now yield your members servants to righteousness unto holiness." (Romans 6:19, KJV).

In our personal lives, the warring desires within us draw us into sin. The Scripture admonishes us, "Mortify therefore your members which are upon the earth; fornication, uncleanness, inordinate affection, evil concupiscence, and covetousness, which is idolatry." (Colossians 3:5, KJV).

Did not Jesus Christ say, "And if thy right eye offend thee, pluck it out, and cast it from thee: for it is profitable for thee that one of thy members should perish, and not that thy whole body should be cast into hell." (Matthew 5:29, KJV)?

Therefore, to have peace in our families and to avoid conflicts and quarrels within us, it is essential to eliminate the warring desires within our members. This is only possible when we surrender ourselves to the Holy Spirit. Let us surrender ourselves to the guidance of the Holy Spirit and pray. Only then can complete peace be possible within us, in our families, in our nation, and in the world.

Gospel Message: Bro. M. Geo Prakash