Christian Verses for Meditation - Meditation - Psalm 42:11 / சங்கீதம் 42: 11

வேதாகமத் தியானம் - எண்:- 1,405

'ஆதவன்' 💚டிசம்பர் 13, 2024. 💚வெள்ளிக்கிழமை

"என் ஆத்துமாவே, நீ ஏன் கலங்குகிறாய்? ஏன் எனக்குள் தியங்குகிறாய்? தேவனை நோக்கிக் காத்திரு; என் முகத்திற்கு இரட்சிப்பும் என் தேவனுமாயிருக்கிறவரை நான் இன்னும் துதிப்பேன்." ( சங்கீதம் 42: 11)

துன்பங்கள் சோதனைகள் வரும்போது நாமே நமக்கு தைரியமான வார்த்தைகளைக் கூறிக்கொள்ளவேண்டும். நமது ஆத்துமாவுக்கு அது பெலனைத் தருகின்றது. தாவீது ராஜா இந்த அனுபவத்தில் இருந்ததால் பல்வேறு இக்கட்டான வேளைகளில் நம்பிக்கை இழக்காமல் இருந்தார். இப்படித் தனது ஆத்துமாவுக்குத் தானே ஆறுதல் கூறுவதை அவர் சங்கீதமாக எழுதிவைத்தார்.  

ஆம் அன்பானவர்களே, நமது ஆத்துமாவில் சோர்வு ஏற்படும்போது நாமும் தாவீதைப்போல நமக்குள் பேசவேண்டும். என் ஆத்துமாவே, நீ ஏன் கலங்குகிறாய்? ஏன் எனக்குள் தியங்குகிறாய்? தேவனை நோக்கிக் காத்திரு; என் முகத்திற்கு இரட்சிப்பும் என் தேவனுமாயிருக்கிறவரை நான் இன்னும் துதிப்பேன் என்று  கூறப் பழகவேண்டும். ஏனெனில்,  "சோர்ந்துபோகிறவனுக்கு அவர் பெலன் கொடுத்து, சத்துவமில்லாதவனுக்குச் சத்துவத்தைப் பெருகப்பண்ணுகிறார்." ( ஏசாயா 40: 29) என்று வேதம் கூறுகின்றது. 

தாவீது தனது ஆத்துமாவுக்குச் சொல்வதுபோல நமக்கு கலக்கங்கள் ஏற்படும்போது நாம் தேவனை நோக்கி அமர்ந்திருந்து காத்திருக்கவேண்டியது அவசியம். காரணம் அவர்மேல் நாம் கொள்ளும் விசுவாசம் நம்மை வெட்கப்படுத்திடச் செய்யாது. "நீங்களோ பிரியமானவர்களே, உங்கள் மகா பரிசுத்தமான விசுவாசத்தின்மேல் உங்களை உறுதிப்படுத்திக்கொண்டு, பரிசுத்த ஆவிக்குள் ஜெபம்பண்ணி, தேவனுடைய அன்பிலே உங்களைக் காத்துக்கொண்டு, நித்தியஜீவனுக்கேதுவாக நம்முடைய கர்த்தராகிய இயேசுகிறிஸ்துவினுடைய இரக்கத்தைப்பெறக் காத்திருங்கள்." ( யூதா 1: 20, 21) என்று வாசிக்கின்றோம். 

தாவீதின் வாழ்க்கை போராட்டம் நிறைந்த வாழ்க்கையாக இருந்தாலும் அவர் தனது ஆத்துமாவோடு பேசித் தானே தன்னைத் தேவனுக்குள் திடப்படுத்திக்கொண்டார். எனவே மகிழ்ச்சியுடன்  "என் முகத்திற்கு இரட்சிப்பும் என் தேவனுமாயிருக்கிறவரை நான் இன்னும் துதிப்பேன்". என்று கூறுகின்றார்,

இந்த உலகத்தில் நமக்கு பலர் ஆறுதல் சொல்ல இருந்தாலும் அவர்கள் எப்போதும் நம்மோடு இருப்பதில்லை. ஒரு சில மணி நேரங்கள் அல்லது ஒருசில நாட்கள் நம்மோடு இருந்து நமக்கு ஆறுதலான வார்த்தைகளைக் கூறலாம், உதவிகள் செய்யலாம். ஆனால் நமது ஆத்துமாவுக்கு நிரந்தரமாக ஆறுதல் தரக்கூடியவர் தேவன் ஒருவரே. எனவே இத்தகைய துன்பநேரங்களில் நாம் அவரை நோக்கிக் காத்திருந்து துதிக்கவேண்டியது  அவசியம். 

துன்பங்கள் பிரச்சனைகள் கலக்கங்கள் வரும்போது நாமும் நமது ஆத்துமாவுக்குக் கூறுவோம், "என் ஆத்துமாவே, நீ ஏன் கலங்குகிறாய்? ஏன் எனக்குள் தியங்குகிறாய்? தேவனை நோக்கிக் காத்திரு" என்று. அவரே நமக்கு ஆறுதலும் தேறுதலும் தந்து உறுதிப்படுத்துவார். 

தேவ செய்தி :- சகோ. எம். ஜியோ பிரகாஷ்            

Scripture Meditation - No: 1,405    

AATHAVAN Date: December 13, 2024 | Friday

"Why art thou cast down, O my soul? And why art thou disquieted within me? Hope thou in God: for I shall yet praise him, who is the health of my countenance, and my God." (Psalm 42:11, KJV)

When trials and tribulations come, we must speak words of courage to ourselves. These words strengthen our souls. King David, having gone through such experiences, did not lose hope even during critical moments. He wrote this psalm as an encouragement to his own soul.

Yes, dear ones, when we feel weary in our souls, we too must speak to ourselves like David did. Let us learn to say, “Why art thou cast down, O my soul? And why art thou disquieted within me? Hope thou in God: for I shall yet praise him, who is the health of my countenance, and my God.”

The Bible declares, "He giveth power to the faint; and to them that have no might he increaseth strength." (Isaiah 40:29, KJV).

Just as David spoke to his soul, we must also sit before God and wait on Him when faced with turmoil. Our faith in Him will never put us to shame. "But ye, beloved, building up yourselves on your most holy faith, praying in the Holy Ghost, keep yourselves in the love of God, looking for the mercy of our Lord Jesus Christ unto eternal life." (Jude 1:20-21, KJV).

Although David’s life was filled with battles, he fortified himself in God by speaking to his soul. Hence, he declared joyfully, "for I shall yet praise him, who is the health of my countenance, and my God."

In this world, though many may comfort us, they are not always by our side. They may spend a few hours or days offering soothing words or assistance. But the only one who can provide permanent comfort to our soul is God. Therefore, during times of distress, we must look to Him and praise Him.

When troubles, problems, and anxieties arise, let us also speak to our souls: “Why art thou cast down, O my soul? And why art thou disquieted within me? Hope thou in God.” He will comfort, heal, and strengthen us.

Devotional Message by: Brother M. Geo Prakash

Christian Verses for Meditation - James 2:19 / யாக்கோபு 2: 19

வேதாகமத் தியானம் - எண்:- 1,404

'ஆதவன்' 💚டிசம்பர் 12, 2024. 💚வியாழக்கிழமை

"தேவன் ஒருவர் உண்டென்று விசுவாசிக்கிறாய், அப்படிச் செய்கிறது நல்லதுதான்; பிசாசுகளும் விசுவாசித்து, நடுங்குகின்றன." ( யாக்கோபு 2: 19)

நமது ஆண்டவராகிய இயேசு கிறிஸ்துவின்மேல் நாம் விசுவாசம் கொண்டுள்ளோம். அப்படி விசுவாசிப்பதால்தான் நாம் கிறிஸ்தவர்கள் என்று நம்மைக் கூறிக்கொள்கின்றோம்.  ஆனால் இன்றைய தியான வசனத்தில் அப்போஸ்தலராகிய யாக்கோபு அது போதாது என்று கூறுகின்றார். காரணம், பிசாசுகளும் தேவன் ஒருவர் உண்டென்று விசுவாசிக்கின்றன என்கிறார். எனவே,  நமது விசுவாசம் பிசாசுகளின் விசுவாசத்தைவிட மேலானதாக இருக்கவேண்டியது அவசியம் என்கின்றார் அவர். 

பிசாசுகள்  தேவன் ஒருவர் உண்டென்று விசுவாசித்தாலும் அவற்றின் செயல்பாடுகள் அவலட்சணமானவை. இயேசு யூதர்களிடம் பேசும்போது கூறினார், "நீங்கள் உங்கள் பிதாவாகிய பிசாசானவனால் உண்டானவர்கள்; உங்கள் பிதாவினுடைய இச்சைகளின்படி செய்ய மனதாயிருக்கிறீர்கள்; அவன் ஆதிமுதற்கொண்டு மனுஷகொலைபாதகனாயிருக்கிறான்; சத்தியம் அவனிடத்திலில்லாதபடியால் அவன் சத்தியத்திலே நிலைநிற்கவில்லை; அவன் பொய்யனும் பொய்க்குப்பிதாவுமாயிருக்கிறபடியால் அவன் பொய்பேசும்போது தன் சொந்தத்தில் எடுத்துப் பேசுகிறான்." ( யோவான் 8: 44)

அதாவது பிசாசு மனுஷ கொலைபாதகன், பொய்யன் என்று கூறுகின்றார் இயேசு. ஆனால் இந்தப் பிசாசுகள் தேவன் ஒருவர் உண்டு என்பதை விசுவாசிக்கின்றன. இப்படி நாம் இருக்கக்கூடாது, கர்த்தர்மேல் நமக்குள்ள விசுவாசத்தை நாம் நமது செயல்களினால் உறுதிப்படுத்தவேண்டும் என்கின்றார். வெறுமனே நாம் தேவனை விசுவாசத்தால் மட்டும் போதாது நமது செயல்கள் அவரை நாம் விசுவாசிப்பதை உறுதிப்படுத்துபவனவாக இருக்கவேண்டும். பிசாசின் செயல்பாடுகளாக இருக்கக்கூடாது.  எனவே,  "வீணான மனுஷனே, கிரியைகளில்லாத விசுவாசம் செத்ததென்று நீ அறியவேண்டுடாமோ? நம்முடைய பிதாவாகிய ஆபிரகாம் தன் குமாரன் ஈசாக்கைப் பலிபீடத்தின்மேல் செலுத்தினபோது, கிரியைகளினாலே அல்லவோ நீதிமானாக்கப்பட்டான்?" ( யாக்கோபு 2: 20, 21) என்கின்றார். 

அதாவது ஆபிரகாம் தேவனை விசுவாசித்தார்  மட்டுமல்ல, தனது மகன் இறந்தாலும் அவனைத்  தான் விசுவாசிக்கும் தேவன் உயிரோடு எழுப்ப வல்லவர் என்று உறுதியாக நம்பினார்.  "ஈசாக்கினிடத்தில் உன் சந்ததி விளங்கும் என்று அவனோடே சொல்லப்பட்டிருந்ததே; இப்படிப்பட்ட வாகுத்தத்தங்களைப் பெற்றவன், மரித்தோரிலிருந்துமெழுப்ப தேவன் வல்லவராயிருக்கிறாரென்றெண்ணி, தனக்கு ஒரேபேறானவனையே பலியாக ஒப்புக்கொடுத்தான்; மரித்தோரிலிருந்து அவனை பாவனையாகத் திரும்பவும் பெற்றுக்கொண்டான்." ( எபிரெயர் 11 : 18, 19 ) என்று வாசிக்கின்றோம். 

ஆம், "விசுவாசம் அவனுடைய கிரியைகளோடேகூட முயற்சிசெய்து, கிரியைகளினாலே விசுவாசம் பூரணப்பட்டதென்று காண்கிறாயே." ( யாக்கோபு 2: 22) இது நமக்கு உதாரணமாக வேதம் கூறியுள்ள சம்பவம். நாமும் தேவனை விசுவாசிக்கின்றோம் என்று கூறிக்கொண்டால் போதாது, நமது வாழ்வின் இக்கட்டான நிலைகளிலும் நமது உறுதியான செயல்பாடுகளால் நமது விசுவாசத்தை உறுதிப்படுத்தவேண்டும். 

பிரச்சனைகள், துன்பங்கள், வியாதிகள் நம்மைத் தொடரும்போது தேவன்மேல் நாம் கொண்டுள்ள விசுவாசத்தில் உறுதியாக இருப்போம். வெறுமனே தேவனை விசுவாசிக்கிறேன் என்று கூறிக்கொண்டு இருப்பதைவிட அந்த விசுவாசத்தை உறுதிப்படுத்தும் செயல்களை செய்யும்போதுதான்  தேவன்மேல் நாம் கொண்டுள்ள நமது விசுவாசம் பிசாசுகளின் விசுவாசத்தைவிட மேலானதாக இருக்கும். 

தேவ செய்தி :- சகோ. எம். ஜியோ பிரகாஷ்             

Scripture Meditation - No: 1,404

AATHAVAN 💚 December 12, 2024 💚 Thursday

"Thou believest that there is one God; thou doest well: the devils also believe, and tremble." (James 2:19)

We believe in our Lord Jesus Christ, and this belief is what identifies us as Christians. However, in today’s scripture meditation, Apostle James reminds us that mere belief is insufficient. He notes that even the devils believe in God and tremble. Therefore, he urges that our faith must surpass the kind of belief held by devils.

The devils believe in God’s existence, but their actions are inherently wicked. Jesus Himself said to the Jews: "Ye are of your father the devil, and the lusts of your father ye will do. He was a murderer from the beginning, and abode not in the truth, because there is no truth in him. When he speaketh a lie, he speaketh of his own: for he is a liar, and the father of it." (John 8:44)

Jesus describes the devil as a murderer and a liar. Yet, these devils still acknowledge the existence of God. James instructs us not to follow their example; instead, we must affirm our faith through our deeds. It is not enough to merely believe in God; our actions must demonstrate the authenticity of our faith.

James emphasizes: "But wilt thou know, O vain man, that faith without works is dead? Was not Abraham our father justified by works, when he had offered Isaac his son upon the altar?" (James 2:20–21)

Abraham is a prime example of faith combined with works. He not only believed in God but was willing to sacrifice his son Isaac, fully trusting that God had the power to raise him from the dead. As the Scripture says: "Of whom it was said, That in Isaac shall thy seed be called: Accounting that God was able to raise him up, even from the dead; from whence also he received him in a figure." (Hebrews 11:18–19)

James concludes: "Seest thou how faith wrought with his works, and by works was faith made perfect?" (James 2:22)

This example serves as a powerful reminder. Merely professing faith in God is insufficient. We must confirm our faith through steadfast actions, especially in life’s challenging circumstances.

When we face trials, hardships, or illnesses, we should remain unwavering in our faith. It is not enough to simply say, "I believe in God." Instead, we must demonstrate our faith through actions that reflect our trust in Him. Only then will our faith rise above the faith of devils.

Devotional Message: Bro. M. Geo Prakash   

Bible Verses - எரேமியா 33: 3 / Jeremiah 33:3

 வேதாகமத் தியானம் - எண்:- 1,403                                    'ஆதவன்' 💚டிசம்பர் 11, 2024. 💚புதன்கிழமை

"என்னை நோக்கிக் கூப்பிடு, அப்பொழுது நான் உனக்கு உத்தரவு கொடுத்து, நீ அறியாததும் உனக்கு எட்டாததுமான பெரிய காரியங்களை உனக்கு அறிவிப்பேன்." ( எரேமியா 33: 3)

தேவனிடம் உலக ஆசீர்வாதங்களையே எதிர்பார்ப்பவர்களும், உலக ஆசீர்வாதங்களையே நற்செய்தியாகப் போதிப்பவர்களும் இன்றைய தியான வசனத்துக்கு உலக அர்த்தத்தையே கொடுப்பார்கள். அதாவது தேவனை நோக்கிக் கூப்பிடும்போது நமக்குத் தெரியாததும் புரியாததுமான அளவில் நம்மை அவர் உயர்த்தி  ஆசீர்வதிப்பார் என்று கூறுவார்கள். 

ஆனால் உண்மையில் இன்றைய தியான வசனம் ஆவிக்குரிய அர்த்தம் கொண்டது. தேவனிடம் நாம் கேட்கும்போது அவர் மேலான ஆவிக்குரிய அனுபவங்களை நமது வாழ்வில் தந்து நாம்  அறியாததும் நமக்கு எட்டாததுமான பெரிய ஆவிக்குரிய காரியங்களை நமக்கு அறிவிப்பார்.  ஆவிக்குரிய வாழ்க்கை என்பது சிலர் எண்ணுவதுபோல அல்லேலூயா என்று கூறுவதும் ஜெபிப்பதும்  மட்டுமல்ல; மேலான ஆவிக்குரிய அனுபவங்கள் உண்டு. அப்போஸ்தலரான பவுல், பேதுரு, யோவான்  போன்றோர் அனுபவித்ததுபோன்ற உன்னத அனுபவங்களையும், பழைய ஏற்பாட்டில் எலியா, எலிசா போன்றோர் அனுபவித்த அனுபவங்களையும் நாம் அறிவோம். அத்தகைய அனுபவங்களை நாம் அனுபவிக்கும் ஆர்வமுள்ளவர்களாக இருக்கவேண்டும்.   

பத்மு தீவில் இருந்த அப்போஸ்தலரான யோவானுக்குத் தேவன் ஆவியினால் உன்னதமானதும்  நமக்கு எட்டாததுமான காரியங்களை அறிவித்தார். இதனை அவர், "கர்த்தருடைய நாளில் ஆவிக்குள்ளானேன்; அப்பொழுது எனக்குப் பின்னாலே எக்காளசத்தம்போன்ற பெரிதான ஒரு சத்தத்தைக் கேட்டேன்." ( வெளிப்படுத்தின விசேஷம் 1 : 10 ) என்று தொடர்ந்து எழுதுகின்றார். 

அப்போஸ்தலரான பவுலுக்கும்  தேவன் இப்படி நாம் அறியாததும் நமக்கு எட்டாததுமான பெரிய காரியங்களைக்  வெளிப்படுத்திக் கொடுத்தார். அவர் கூறுகின்றார்:- "கிறிஸ்துவுக்குள்ளான ஒரு மனுஷனை அறிவேன்; அவன் பதினாலு வருஷத்திற்கு முன்னே மூன்றாம் வானம்வரைக்கும் எடுக்கப்பட்டான்; அவன் சரீரத்திலிருந்தானோ, சரீரத்திற்குப் புறம்பேயிருந்தானோ, அதை அறியேன்; தேவன் அறிவார். அந்த மனுஷன் பரதீசுக்குள் எடுக்கப்பட்டு, மனுஷர் பேசப்படாததும் வாக்குக்கெட்டாததுமாகிய வார்த்தைகளைக் கேட்டானென்று அறிந்திருக்கிறேன்." (2 கொரிந்தியர் 12: 2, 3)

ஆம் அன்பானவர்களே, பரிசுத்த ஆவியானவர் தரும் அனுபவங்கள் நாம் ஒவ்வொருவரும் பெற்று அனுபவிக்கவேண்டிய ஒன்றாகும். ஆனால் முதலில் நாம் அதற்கான தாகம் உள்ளவர்களாக வாழ வேண்டியது அவசியம்.  "தாகமுள்ளவன்மேல் தண்ணீரையும், வறண்ட நிலத்தின்மேல் ஆறுகளையும் ஊற்றுவேன்; உன் சந்ததியின்மேல் என் ஆவியையும், உன் சந்தானத்தின்மேல் என் ஆசீர்வாதத்தையும் ஊற்றுவேன்." ( ஏசாயா 44 : 3 ) என்கின்றார் கர்த்தர். 

நமது ஆண்டவராகிய இயேசு கிறிஸ்துவும் பரிசுத்த ஆவியை நாம் கேட்டுப் பெறவேண்டும் என்று கூறுகின்றார்.  "பொல்லாதவர்களாகிய நீங்கள் உங்கள் பிள்ளைகளுக்கு நல்ல ஈவுகளைக் கொடுக்க அறிந்திருக்கும்போது, பரமபிதாவானவர் தம்மிடத்தில் வேண்டிக்கொள்ளுகிறவர்களுக்குப் பரிசுத்த ஆவியைக் கொடுப்பது அதிக நிச்சயம் அல்லவா ?" ( லுூக்கா 11 : 13) என்று அவர் கூறுவதை நாம் பார்க்கலாம். "கேளுங்கள் தரப்படும்..." எனும் வசனத்தைத் தொடர்ந்து இயேசு இதனைக் கூறுகின்றார். ஆனால் கிறிஸ்தவர்களில் பலரும் இயேசு கூறிய வார்த்தைகளை கோர்வையாக வாசிக்காமல் வெறும்    உலக ஆசீர்வாதத்தைக் கேட்க இயேசு இதனைக் கூறுவதாக எண்ணிக்கொள்கின்றனர்.    

மேலான பரிசுத்த ஆவியானவரைப் பெற்றுக்கொள்ள அவரை நோக்கிக் கூப்பிடும்போது அவர் நமக்குப் பதில்  கொடுத்து, நாம்  அறியாததும் நமக்கு எட்டாததுமான பெரிய காரியங்களை ஆவியானவர் மூலம் அறிவிப்பார். ஆவியானவரைப் பெற்றுக்கொள்ளும் ஆர்வமுள்ளவர்களாக அதற்காக தேவனிடம் விண்ணப்பம் செய்வோம். 

தேவ செய்தி :- சகோ. எம். ஜியோ பிரகாஷ்     

Scripture Meditation - No. 1,403                                              AATHAVAN💚 December 11, 2024 💚 Wednesday

"Call unto me, and I will answer thee, and shew thee great and mighty things, which thou knowest not." (Jeremiah 33:3, KJV)

Those who seek only worldly blessings from God and those who preach the Gospel focusing solely on earthly benefits might interpret today's verse in a materialistic way. They might suggest that calling upon God will lead to worldly upliftment and blessings beyond imagination.

However, the truth is that today's meditation verse has a spiritual meaning. When we seek God in prayer, He grants us profound spiritual experiences, revealing great and mighty things that we cannot comprehend or achieve on our own. Spiritual life is not merely about saying "Hallelujah" or praying; it involves experiencing deeper, divine encounters.

The apostles like Paul, Peter, and John, and prophets like Elijah and Elisha in the Old Testament, had extraordinary spiritual experiences. We, too, should desire such experiences in our lives.

For instance, while on the island of Patmos, the Apostle John was shown great and mighty revelations through the Spirit. He wrote: "I was in the Spirit on the Lord’s Day, and heard behind me a great voice, as of a trumpet."
(Revelation 1:10, KJV)

Similarly, the Apostle Paul was also granted revelations of extraordinary, indescribable things by God. He shared his experience, saying: "I knew a man in Christ above fourteen years ago, (whether in the body, I cannot tell; or whether out of the body, I cannot tell: God knoweth;) such an one caught up to the third heaven. And I knew such a man, (whether in the body, or out of the body, I cannot tell: God knoweth;) how that he was caught up into paradise, and heard unspeakable words, which it is not lawful for a man to utter." (2 Corinthians 12:2-4, KJV)

Yes, beloved, the experiences granted by the Holy Spirit are something we must long for and receive. However, we must first live with a deep thirst for them. As the Lord says: "For I will pour water upon him that is thirsty, and floods upon the dry ground: I will pour my spirit upon thy seed, and my blessing upon thine offspring."
(Isaiah 44:3, KJV)

Our Lord Jesus Christ also taught us to ask for the Holy Spirit. He said: "If ye then, being evil, know how to give good gifts unto your children: how much more shall your heavenly Father give the Holy Spirit to them that ask him?"
(Luke 11:13, KJV)

Following the promise, "Ask, and it shall be given you," Jesus emphasized the importance of seeking the Holy Spirit. Unfortunately, many Christians interpret this solely as a call to ask for worldly blessings.

When we call upon God with a desire to receive the Holy Spirit, He will answer us, revealing great and mighty spiritual things that we cannot comprehend on our own. Let us cultivate a thirst for the Holy Spirit and earnestly seek Him in prayer.

Devotional Message: Bro. M. Geo Prakash                                                               

Bible Verses - மத்தேயு 4: 9 / Matthew 4:9

 வேதாகமத் தியானம் - எண்:- 1,402                           'ஆதவன்' டிசம்பர் 10, 2024. 💚செவ்வாய்க்கிழமை

"நீர் சாஷ்டாங்கமாய் விழுந்து, என்னைப் பணிந்துகொண்டால், இவைகளையெல்லாம் உமக்குத் தருவேன் என்று சொன்னான்" ( மத்தேயு 4: 9)

இந்த உலகம் தேவனால் படைக்கப்பட்டது என்றாலும் அது அலகை அல்லது சாத்தானின் கைவசமும் அதன் அதிகாரத்தின்கீழும் உள்ளது. வேதாகமத்தில் சாத்தானுக்கு  "பொல்லாங்கன்" (மத்தேயு 13:19, எபேசியர் 6:16 மற்றும் 1 யோவான் 5:18, 1 யோவான் 5:19) என்றும் "உலகத்தின் அதிபதி" என்றும் (யோவான் 12:31, யோவான் 14:30, யோவான் 16:11 மற்றும் ) பெயர்கள்  குறிப்பிடப்பட்டுள்ளது. 

உலகம் சாத்தானின் கையில் இருப்பதை, "நாம் தேவனால் உண்டாயிருக்கிறோமென்றும், உலகமுழுவதும் பொல்லாங்கனுக்குள் கிடக்கிறதென்றும் அறிந்திருக்கிறோம்." (1 யோவான்  5 : 19) என்றும் கூறப்பட்டுள்ளது. உலகம் அவனது கையில் இருப்பதால் அவன் இயேசு கிறிஸ்துவிடம் வந்து, "நீர் சாஷ்டாங்கமாய் விழுந்து, என்னைப் பணிந்துகொண்டால், இவைகளையெல்லாம் உமக்குத் தருவேன் என்று சொன்னான்"

சாத்தான் இயேசு கிறிஸ்துவிடம் நேரடியாகக் கூறிய வார்த்தைகளை இன்றும் அவன் விசுவாசிகள் ஒவ்வொருவரிடமும் பலவழிகளில் கூறிக்கொண்டிருக்கின்றான்.   உனக்குப் பதவி வேண்டுமா? அரசியல் செல்வாக்கு வேண்டுமா?, அதிக அளவு பணமும் சொத்து சுகங்களும் வேண்டுமா? என்னைப் பணிந்துகொள் என்கின்றான்.  சாத்தானைப் பணிந்துகொள்வது என்பது சாத்தான் விரும்பும் தவறான வழிகளில் இவைகளை அடைய முயல்வதைக் குறிக்கின்றது. விசுவாசிகள் என்று கூறிக்கொள்ளும் பலரும் சாத்தானின் தந்திரத்துக்குப் பலியாகிக்கொண்டிருக்கின்றனர். 

பலரும் கிறிஸ்தவ ஆலய ஆராதனைகளில் பங்கெடுக்கின்றனர், ஜெபக் கூட்டங்களில் பங்கெடுத்து ஆலயங்களுக்கு அதிக பொருளுதவிகள் செய்கின்றனர். ஆனால் உலக வாழ்க்கையிலோ சாத்தானுக்கு ஊழியம் செய்துகொண்டிருக்கின்றனர். இப்படிக்  குறுக்கு வழிகளில் அதிகம் சம்பாதித்துவிட்டு "கர்த்தர் என்னை ஆசீர்வதித்துள்ளார்" என்கின்றனர். 

அன்பானவர்களே, கிறிஸ்து காட்டிய வழிகளைவிட்டு நாம் பணத்துக்காகவும், பதவிக்காகவும்,  புகழுக்காகவும், சொத்துசுகங்கள் சேர்ப்பதற்காகவும் தவறான காரியங்களில் ஈடுபடும்போது நாம் சாத்தானை வழிபடுகின்றவர்கள் ஆகின்றோம். இப்படிச் சாத்தானை வழிபடும்போது "என்னைப் பணிந்துகொண்டால், இவைகளையெல்லாம் உமக்குத் தருவேன்" என்று அவன் இயேசு கிறிஸ்துவிடம் கூறியதுபோல அவனை வழிபடும் அனைவருக்கும் கொடுக்கின்றான். 

குறுக்கு வழி, தவறான வழி என்று தெரியும்போது யார் நம்மைத் தூண்டினாலும் நாமும் இயேசு கிறிஸ்து கூறியதுபோல, "அப்பாலே போ சாத்தானே; உன் தேவனாகிய கர்த்தரைப் பணிந்துகொண்டு, அவர் ஒருவருக்கே ஆராதனை செய்வாயாக என்று எழுதியிருக்கிறதே." ( மத்தேயு 4: 10) என்று கூறிக்கொண்டு விலகிவிடுவோமானால் தேவன் நம்மை வேறு விதங்களில் ஆசீர்வதிப்பார். "கர்த்தரின் ஆசீர்வாதமே ஐசுவரியத்தைத் தரும்; அதனோடே அவர் வேதனையைக் கூட்டார்." ( நீதிமொழிகள் 10 : 22 )

வேதனை இல்லாத ஆசீர்வாதம் பெற்று அனுபவிக்க கர்த்தரை மட்டுமே ஆராதிப்பவர்களாக வாழ்வோம். 

தேவ செய்தி :- சகோ. எம். ஜியோ பிரகாஷ்                      

Scripture Meditation - No: 1,402                                                                              AATHAVAN💚 December 10, 2024 💚 Tuesday

"All these things will I give thee, if thou wilt fall down and worship me." (Matthew 4:9)

Even though this world was created by God, it is currently under the sway of Satan, who is referred to in the Bible as "the wicked one" (Matthew 13:19; Ephesians 6:16; 1 John 5:18–19) and "the prince of this world" (John 12:31; John 14:30; John 16:11).

The world being under Satan's influence is further highlighted in the verse: "And we know that we are of God, and the whole world lieth in wickedness." (1 John 5:19)

Since the world is in his grasp, Satan approached Jesus Christ and said: "All these things will I give thee, if thou wilt fall down and worship me."

The same words Satan directly spoke to Jesus, he still whispers today in various ways to believers: "Do you want power? Political influence? Great wealth and material comforts? Worship me." Worshiping Satan means seeking these things through unrighteous ways that align with his desires. Sadly, many who claim to be believers fall prey to Satan's deception.

Many participate in church services, prayer meetings, and generously support church activities, yet in their worldly lives, they serve Satan. Some amass wealth through dishonest means and claim, "The Lord has blessed me."

Beloved, when we stray from the path shown by Christ and engage in sinful acts for the sake of money, power, fame, or material possessions, we are essentially worshiping Satan. Just as Satan promised Jesus, "All these things will I give thee," he offers similar rewards to those who worship him.

However, when we recognize a path as crooked or sinful, let us respond as Jesus did: "Get thee hence, Satan: for it is written, Thou shalt worship the Lord thy God, and him only shalt thou serve." (Matthew 4:10)

By rejecting Satan’s temptations, God will bless us in ways far beyond what we could achieve through unrighteous means. As the Bible reminds us: "The blessing of the LORD, it maketh rich, and he addeth no sorrow with it." (Proverbs 10:22)

Let us live as people who worship God alone, so that we may receive and enjoy His blessings without sorrow.

Devotional Message by: Bro. M. Geo Prakash

Bible Verses - எபேசியர் 4: 30 / Ephesians 4:30

 வேதாகமத் தியானம் - எண்:- 1,401

'ஆதவன்' 💚டிசம்பர் 09, 2024. 💚திங்கள்கிழமை

"அன்றியும், நீங்கள் மீட்கப்படும் நாளுக்கென்று முத்திரையாகப் பெற்ற தேவனுடைய பரிசுத்த ஆவியைத் துக்கப்படுத்தாதிருங்கள்." ( எபேசியர் 4: 30)

நாம் பாவத்திலிருந்து கிறிஸ்து இயேசுவின் இரத்தத்தால் கழுவி மீட்கப்படும்போது பரிசுத்த ஆவியானவர் நமக்குள் வருகின்றார். நாம் தேவனுக்குச் சொந்தமான மக்கள் எனும் முத்திரை நமக்குக் கிடைக்கின்றது. இந்த அனுபவத்தில் நாம் நாளும் வளரவேண்டியது அவசியம். ஆனால் இந்த ஆவியானவரின் முத்திரை நமது முதல் அடையாளம் மட்டுமே. ஆவிக்குரிய மேலான அபிஷேகமும் வரங்களும் உண்டு. அவைகளைப் பெறுவதில் நாம் ஆர்வமுள்ளவர்களாக இருக்கவேண்டியது அவசியம். 

இன்றைய தியான வசனம், இப்படி நாம் முத்திரையாகப் பெற்ற தேவனுடைய பரிசுத்த ஆவியானவரைத் துக்கப்படுத்தக்கூடாது என்று நமக்குக் கூறுகின்றது. மீட்பு அனுபவம் பெற்றபின்னரும் பழைய பாவத்தில் தொடர்ந்து வாழ்வது, தேவ ஐக்கியமில்லாமல் தான்தோன்றித்தனமாகச் செயல்படுவது, வாழ்க்கையில் சாட்சியற்று, நம்மால் தேவனது பெயர் அவதூறு அடையும்படியான செயல்களைச்  செய்வது போன்ற செயல்கள் பரிசுத்த ஆவியானவரைத் துக்கப்படுத்தும் செயல்பாடுகளே. 

மேலும், நாம் ஆவிக்குரிய வாழ்வில் நடக்கும்போது ஆவியானவர் நமக்குப்  பல வழிநடத்துதல்களைத் தருவார். உதாரணமாக, எதனைச் செய்யவேண்டும், ஒரு இடத்துக்குப் போகலாமா கூடாதா, ஒரு பொருளை வாங்கவேண்டுமா வேண்டாமா  போன்று நமக்குக் கூறுவார். இந்த வழி நடத்துதல் கனவுகள்மூலமோ, தரிசனங்கள் மூலமோ, வேதாகமத்தை வாசிக்கும்போதோ அல்லது மற்றவர்களது வாய்மொழியாகவோ இருக்கும். ஆனால் இது தேவனது வழிநடத்துதல்தான் என்று நமக்கு இருதயத்தில்  உணர்த்தப்படும். அப்போது நாம் அவற்றுக்குக் கீழ்படியாவிட்டால் ஆவியானவர் துக்கமடைவார். இப்படித் தொடர்ந்து அவரது குரலைப் புறக்கணிக்கும்போது இந்த அனுபவத்தை நாம் இழந்துவிடுவோம்.

ஆவியானவரைத் துக்கப்படுத்தும்படியான வாழ்க்கை வாழும்போது நாம் அவரை மறைமுகமாகத் தூஷிக்கின்றோம் என்று பொருள். இன்று ஆவிக்குரிய சபைகளில் மக்களுக்கிடையில் சில  காரியங்களில் கருத்து முரண்பாடுகள் ஏற்படும்போது மற்றவர்களை நோக்கி, "அவரிடம் இருப்பது பரிசுத்த ஆவியானவரல்ல; அசுத்தஆவி என்று சிலர் கூறுவதைப்  பலவேளைகளில் கேட்கமுடியும்.  

நமக்கு எதுவும் உணர்த்தப்படாத நிலையில் மற்றவர்களை நாம் இப்படிக் குறைகூறுவதும் ஆவியானவரைத் துக்கப்படுத்தும் செயல்தான். எனவே நாம் மீட்கப்பட்ட  நாளுக்கென்று முத்திரையாகப் பெற்ற தேவனுடைய பரிசுத்த ஆவியை நமது வாழ்வாலும் வார்த்தைகளாலும் துக்கப்படுத்தாதிருப்போம்.  "ஆதலால், நான் உங்களுக்குச் சொல்லுகிறேன்: எந்தப் பாவமும் எந்தத் தூஷணமும் மனுஷருக்கு மன்னிக்கப்படும்; ஆவியானவருக்கு விரோதமான தூஷணமோ மனுஷருக்கு மன்னிக்கப்படுவதில்லை." ( மத்தேயு 12: 31) என்கிறார் கர்த்தராகிய இயேசு கிறிஸ்து. 

தேவ செய்தி :- சகோ. எம். ஜியோ பிரகாஷ்         

Scripture Meditation – No. 1,401                                                                                  AATHAVAN – December 09, 2024, Monday

"And grieve not the holy Spirit of God, whereby ye are sealed unto the day of redemption." (Ephesians 4:30, KJV)

When we are redeemed from sin through the blood of Jesus Christ, the Holy Spirit comes to dwell within us. This marks us as God’s own people, signified by His seal. It is essential that we grow daily in this experience. However, this seal of the Holy Spirit is merely the beginning of our journey. There are greater spiritual anointings and gifts that we are called to seek and receive eagerly.

Today’s meditation reminds us not to grieve the Holy Spirit, who has been given to us as a seal for the day of redemption. Even after being redeemed, living in sin, acting without unity or humility, failing to bear witness in our lives, or bringing dishonour to God’s name through our actions can grieve the Holy Spirit.

As we walk in the Spirit, He will guide us in various aspects of our lives—whether it is about what we should do, where we should go, or even the decisions we make, such as purchasing something. This guidance might come through dreams, visions, scripture reading, or the counsel of others. However, it will always be confirmed in our hearts as God’s direction. When we fail to obey His voice, the Holy Spirit is grieved. Persistently ignoring His guidance can lead to losing the experience of His presence and direction in our lives.

Living in a manner that grieves the Holy Spirit is akin to rejecting or even blaspheming Him. Today, in some spiritual gatherings, differences of opinion arise, and it is common to hear people accuse others, saying, "What they have is not the Holy Spirit, but an unclean spirit."

Such accusations, especially when we lack discernment, also grieve the Holy Spirit. Therefore, let us be mindful not to grieve the Holy Spirit through our actions or words. As Jesus Christ Himself warns, "Wherefore I say unto you, All manner of sin and blasphemy shall be forgiven unto men: but the blasphemy against the Holy Ghost shall not be forgiven unto men." (Matthew 12:31, KJV)

God’s Message: Bro. M. Geo Prakash

Bible Verses - ஏசாயா 64: 6 / Isaiah 64:6

 வேதாகமத் தியானம் - எண்:- 1,400

'ஆதவன்' டிசம்பர் 08, 2024. 💚ஞாயிற்றுக்கிழமை

"நாங்கள் அனைவரும் தீட்டானவர்கள்போல இருக்கிறோம்; எங்களுடைய நீதிகளெல்லாம் அழுக்கான கந்தைபோல இருக்கிறது, நாங்கள் அனைவரும் இலைகளைப்போல் உதிருகிறோம்; எங்கள் அக்கிரமங்கள் காற்றைப்போல் எங்களை அடித்துக்கொண்டுபோகிறது." ( ஏசாயா 64: 6)

எல்லா மதங்களும் நீதியுள்ள வாழ்க்கையைத்தான் போதிக்கின்றன. அதுபோல பல்வேறு அறிஞர்கள் நீதிகளை போதித்துள்ளார். தமிழில் மற்ற மொழிகளைவிட நீதிநூல்கள் அதிகம் உள்ளன. ஆனால் இவையெல்லாம் மனித நீதிகள் அல்லது மனிதர்கள் போதித்த நீதிகள். இவை சிறப்பானவைகளாக இருந்தாலும் தேவனது பார்வையில் இவை அழுக்கான கந்தையைப்போல இருக்கின்றது என்று இன்றைய தியான வசனம் கூறுகின்றது. 

மேலும், இந்த மனித நீதிகளைப் பின்பற்றி வாழ்வதால் நாங்கள் அனைவரும் இலைகளைப்போல் உதிருகிறோம்; எங்கள் அக்கிரமங்கள் காற்றைப்போல் எங்களை அடித்துக்கொண்டுபோகிறது என்று இன்றைய தியான வசனம் கூறுகின்றது. அதாவது இந்த மனித நீதிகளால்  நம்மை அக்கிரமங்களுக்கு முற்றிலும் நீங்கலாக்க முடியவில்லை. இவை நியாயப்பிரமாண கட்டளைகளைப்போல இருக்கின்றன. 

ஆனால் வேதாகமம் நமக்கு கிறிஸ்து இயேசுவின்மேல் கொள்ளும் விசுவாசத்தையே மேலானதாகக் கூறுகின்றது. அப்படி அவர்மேல்கொள்ளும் விசுவாசம் அவரை விசுவாசிப்பவர்கள் அனைவர்மேலும் பலிக்கும். "அது இயேசுகிறிஸ்துவைப்பற்றும் விசுவாசத்தினாலே பலிக்கும் தேவநீதியே; விசுவாசிக்கிற எவர்களுக்குள்ளும் எவர்கள்மேலும் அது பலிக்கும், வித்தியாசமே இல்லை." ( ரோமர் 3: 22)

மனிதர்கள் தங்கள் மனதும் அறிஞர்களும் கூறியுள்ள நீதிகளை பற்றிக்கொண்டு தேவ நீதியை புறம்பே தள்ளிவிடுகின்றனர். எனவே அவர்கள் தேவ நீதிக்குக் கீழ்படியாமலிருக்கிறார்கள். "எப்படியென்றால், அவர்கள் தேவநீதியை அறியாமல், தங்கள் சுயநீதியை நிலைநிறுத்தத் தேடுகிறபடியால் தேவநீதிக்குக் கீழ்ப்படியாதிருக்கிறார்கள்." ( ரோமர் 10: 3) 

இன்று பெரும்பாலான நீதிமன்றங்கள் இத்தகைய சுய நீதியின் அடிப்படையிலேயே மக்களுக்குத் தீர்ப்பளிக்கின்றன. எனவேதான் ஒரு நீதிபதி கொடுக்கும் தண்டனையை மேல் நீதிமன்றத்தில் முறையிடும்போது அடுத்த நீதிபதி மாற்றி தீர்ப்பு எழுதுகின்றார்.  ஆம், மனித நீதி மனிதன், மற்றும் குற்றம் சாட்டப்பட்ட மனிதர்களது முகத்தையும் பணத்தையும் பார்த்து மாறுபடுகின்றது.  

இப்படி இருப்பதால், "நாங்கள் அனைவரும் தீட்டானவர்கள்போல இருக்கிறோம்; எங்களுடைய நீதிகளெல்லாம் அழுக்கான கந்தைபோல இருக்கிறது, நாங்கள் அனைவரும் இலைகளைப்போல் உதிருகிறோம்; எங்கள் அக்கிரமங்கள் காற்றைப்போல் எங்களை அடித்துக்கொண்டுபோகிறது." ஆனால் தேவனது நீதி எதார்த்தமானது அவர் கண் கண்டபடியும் காது கேட்டபடியும் தீர்ப்பிடமாட்டார். 

".................அவர் தமது கண் கண்டபடி நியாயந்தீர்க்காமலும், தமது காது கேட்டபடி தீர்ப்புச்செய்யாமலும், நீதியின்படி ஏழைகளை நியாயம்விசாரித்து, யதார்த்தத்தின்படி பூமியிலுள்ள சிறுமையானவர்களுக்குத் தீர்ப்புச்செய்து, பூமியைத் தமது வாக்கின் கோலால் அடித்து, தமது வாயின் சுவாசத்தால் துன்மார்க்கரைச் சங்கரிப்பார்." ( ஏசாயா 11: 3, 4)

கந்தையான மனித நீதிகளைவிட்டு கிறிஸ்துவின் மேல் கொள்ளும் விசுவாசத்துடன் ஏற்படும் தேவ நீதிக்கு நேராக நாம் திரும்பவேண்டியது அவசியம். தேவ நீதி எதார்த்தமானது. தேவ நீதிக்கு நம்மை ஒப்புக்கொடுக்கும்போது நமது அக்கிரமங்கள் நம்மைக்  காற்றைப்போல் அடித்துக்கொண்டு போகாது.  

தேவ செய்தி :- சகோ. எம். ஜியோ பிரகாஷ்                

Scripture Meditation No. 1,400

AATHAVAN - December 8, 2024 (Sunday)

"But we are all as an unclean thing, and all our righteousnesses  are as filthy rags; and we all do fade as a leaf, and our iniquities, like the wind, have taken us away." (Isaiah 64:6, KJV)

All religions advocate for a righteous life, and many philosophers have taught principles of righteousness. Tamil literature, in particular, boasts an abundance of ethical writings compared to other languages. However, these are human righteousnesses - man-made principles. As valuable as they might seem, today's scripture reminds us that in God's sight, these are like filthy rags.

Furthermore, by following these human principles, "we all do fade as a leaf, and our iniquities, like the wind, have taken us away," as the verse declares. In other words, these human codes cannot fully free us from sin and iniquity. They are like the Law, which cannot lead to salvation.

The Bible, however, proclaims that faith in Christ Jesus is superior. Faith in Him applies to all who believe: "Even the righteousness of God which is by faith of Jesus Christ unto all and upon all them that believe: for there is no difference." (Romans 3:22, KJV)

Unfortunately, many reject God's righteousness, clinging instead to human teachings and philosophies. As the Bible says: "For they being ignorant of God's righteousness, and going about to establish their own righteousness, have not submitted themselves unto the righteousness of God." (Romans 10:3, KJV)

Today, even our judicial systems are often rooted in human righteousness. A judge's verdict can be overruled by another in a higher court, revealing the fallibility of human justice. It changes based on appearances, biases, or wealth.

Because of this, Isaiah's declaration rings true: "But we are all as an unclean thing, and all our righteousnesses are as filthy rags; and we all do fade as a leaf, and our iniquities, like the wind, have taken us away."

Unlike human righteousness, God's righteousness is impartial and perfect. God does not judge by appearances or hearsay: "And shall make him of quick understanding in the fear of the LORD: and he shall not judge after the sight of his eyes, neither reprove after the hearing of his ears: But with righteousness shall he judge the poor, and reprove with equity for the meek of the earth: and he shall smite the earth with the rod of his mouth, and with the breath of his lips shall he slay the wicked." (Isaiah 11:3-4, KJV)

We must turn away from the flawed and inconsistent righteousness of humans and embrace the righteousness of God through faith in Christ. Only then can we stand firm, unshaken by the winds of iniquity.

Gospel Message by - Brother M. Geo Prakash

அப். நடபடிகள் 3: 6 / Acts 3:6

 வேதாகமத் தியானம் - எண்:- 1,399

'ஆதவன்' 💚டிசம்பர் 07, 2024. 💚சனிக்கிழமை    

"வெள்ளியும் பொன்னும் என்னிடத்திலில்லை; என்னிடத்திலுள்ளதை உனக்குத் தருகிறேன்." ( அப்போஸ்தலருடைய நடபடிகள் 3: 6)

இந்த உலகத்தில் பலர் ஏழைகளுக்கு அதிகம் பொருளுதவி செய்கின்றனர். ஆனால்  பலருக்கு அப்படி உதவிசெய்யவேண்டுமென்று ஆசை இருந்தாலும் உதவி செய்ய அவர்களது பொருளாதாரம் இடம்தருவதில்லை. அத்தகைய மக்களில் சிலர்  தாங்கள் மற்றவர்களைப்போல் அதிகம் கொடுக்காததால் தேவ ஆசீர்வாதத்தை இழந்து விடுவோம் என்று பயப்படுகின்றனர். ஆனால் தேவன் இப்படிக் கொடுப்பதைமட்டும் கணக்கில் கொள்வதில்லை. கொடுப்பவர்களது மனநிலைமையையும் அவர் பார்க்கின்றார். 

தேவன் இந்த உலகத்தில் ஒவ்வொருவருக்கும் தனிப்பட்ட ஏதாவது ஒரு திறமையையோ மற்றவர்களுக்கு இல்லாத தனித்துவதையோ கொடுத்திருப்பார்.  பணத்தை மட்டுமல்ல, நமக்கு இருக்கும் தனித்த திறமைகளை நாம் தேவனுக்கு ஏற்புடைய விதத்தில் பயன்படுத்துவதை தேவன் விரும்புகின்றார். அப்போஸ்தலரான பேதுருவும் யோவானும் ஆலயத்துக்குச் செல்லும்போது அந்த முடவன் அவர்களிடம் பிச்சைகேட்டான். ஆனால் பேதுருவிடம் பணம் இல்லை. ஆனால் கர்த்தராகிய இயேசு கிறிஸ்து அவருக்குள் இருந்தார். எனவே அவர், "வெள்ளியும் பொன்னும் என்னிடத்திலில்லை; என்னிடத்திலுள்ளதை உனக்குத் தருகிறேன்." என்று கூறி தன்னிடமிருந்த இயேசு கிறிஸ்துவின்மூலம் அந்த முடவனைக் குணமாக்கினார். 

"ஒருவனுக்கு மனவிருப்பமிருந்தால், அவனுக்கு இல்லாததின்படியல்ல, அவனுக்கு உள்ளதின்படியே அங்கிகரிக்கப்படும்." (2 கொரிந்தியர் 8: 12) என அப்போஸ்தலரான பவுல் எழுதுகின்றார். ஆம் அன்பானவர்களே, மற்றவர்களுக்கு உதவி செய்திட நம்மிடம் பணமில்லாமல் இருந்தாலும் நம்மிடம் இருப்பதை பேதுரு கொடுத்ததுபோல நாம் கொடுக்கலாம். உதாரணமாக,  நம்மிடம் கணிதத்  திறமையோ ஆங்கிலப் புலமையோ இருக்குமானால் நாம் அதனை அருகிலிருக்கும் ஏழை மாணவர்களுக்குச் சொல்லிக்கொடுத்து உதவலாம்.  இதுபோன்ற செயல்களும் தேவனுக்கு ஏற்புடையவையே. 

இப்படிப்பட்ட நன்மைகள் செய்யவும் நமக்கு இருக்கும் அளவுக்குத்தக்கதாக தான தர்மம் செய்வதும் தேவனுக்கு ஏற்ற பலிகளாக இருக்கின்றன. "அன்றியும் நன்மைசெய்யவும், தானதர்மம் பண்ணவும் மறவாதிருங்கள்; இப்படிப்பட்ட பலிகளின்மேல் தேவன் பிரியமாயிருக்கிறார்." ( எபிரெயர் 13: 16)

வெள்ளியும் பொன்னும் என்னிடத்திலில்லை; என்னிடத்திலுள்ளதை உனக்குத் தருகிறேன் என்று பேதுரு கொடுத்ததுபோல நாமும் நம்மிடமுள்ளதை கொடுக்கப் பழகுவோம் "கொடுங்கள், அப்பொழுது உங்களுக்கும் கொடுக்கப்படும்; அமுக்கிக் குலுக்கிச் சரிந்து விழும்படி நன்றாய் அளந்து, உங்கள் மடியிலே போடுவார்கள்; நீங்கள் எந்த அளவினால் அளக்கிறீர்களோ அந்த அளவினால் உங்களுக்கும் அளக்கப்படும்." ( லுூக்கா 6: 38) என்றார் இயேசு கிறிஸ்து.  

தேவ செய்தி :- சகோ. எம். ஜியோ பிரகாஷ்                 

Scripture Meditation - No: 1,399

AATHAVAN💚December 07, 2024. 💚Saturday

"Silver and gold have I none; but such as I have give I thee." (Acts 3:6, KJV)

In this world, many people provide significant material support to the poor. However, there are those who, though eager to help, find themselves limited by their financial circumstances. Some of these individuals fear that, by not giving as much as others, they might miss out on God's blessings. But God doesn’t measure giving by quantity alone; He also values the giver’s heart and intentions.

God has blessed each individual with unique talents or qualities that set them apart. It’s not just money that God desires us to offer—He also wants us to use the talents and resources He has given us in ways that please Him.

When the apostles Peter and John were heading to the temple, a lame man asked them for alms. Peter didn’t have money, but he had the power of Jesus Christ within him. So, he said, "Silver and gold have I none; but such as I have give I thee." Through the name of Jesus Christ, Peter healed the lame man.

The Apostle Paul echoes this principle when he writes:
"For if there be first a willing mind, it is accepted according to that a man hath, and not according to that he hath not." (2 Corinthians 8:12, KJV)

Beloved, even if we lack money to help others, we can still share what we have, just as Peter did. For instance, if you have mathematical skills or fluency in English, you can teach these to underprivileged students nearby. Acts of kindness like these are equally pleasing to God.

Such deeds and offerings, when done according to our capacity, are considered as sacrifices acceptable to God. As the Bible says: "But to do good and to communicate forget not: for with such sacrifices God is well pleased."
(Hebrews 13:16, KJV)

Let us learn to share what we have, just as Peter gave what he had. Jesus Christ reminds us: "Give, and it shall be given unto you; good measure, pressed down, and shaken together, and running over, shall men give into your bosom. For with the same measure that ye mete withal it shall be measured to you again."
(Luke 6:38, KJV)

May we be inspired to give generously from what God has entrusted to us, reflecting His love in our actions.

Message by : Bro. M. Geo Prakash

Bible Verse - யோவான் 3: 27 / John 3:27

 வேதாகமத் தியானம் - எண்:- 1,398

'ஆதவன்' 💚டிசம்பர் 06, 2024. 💚வெள்ளிக்கிழமை   

"பரலோகத்திலிருந்து ஒருவனுக்குக் கொடுக்கப்பட்டாலொழிய, அவன் ஒன்றையும் பெற்றுக்கொள்ளமாட்டான்." ( யோவான் 3: 27)

இந்த உலக அரசாங்கங்கள் தங்களது நாட்டின் குடிமக்கள் குடியுரிமை, அரசாங்க உதவிகள், சலுகைகள், வேலைவாய்ப்புக்கள் இவைகளைப்பெற பல்வேறு நிபந்தனைகளை வைத்துள்ளன. மேலும் குறிப்பிட்ட நபர் தங்கள் நாட்டின் குடிமகன் / குடிமகள் தான் என்பதனை உறுதிப்படுத்தும் ஆவணங்களை  ஏற்பாடு செய்துள்ளன. நமது நாட்டில் முக்கியமாக ஆதார் அடையாள அட்டை இத்தகையதே. மேலும் சில அரசாங்க உதவிகளுக்கு வாக்காளர் அடையாள அட்டை, குடும்ப அட்டைகள் மேலும் பாஸ்போர்ட் இவை தேவையாக இருக்கின்றன. 

இதுபோலவே தேவனும் தனது பிள்ளைகளாக நம்மைக் கருதிடச் சில அடையாளங்களை எதிர்பார்க்கின்றார். அந்தத் தகுதி இருக்குமானால் நாம் அவரிடம் சிறப்பு கவனிப்பைப் பெறுவோம். உலக அரசாங்க அடையாள அட்டைகளைப்போல இந்த அடையாளங்கள் வெளியரங்கமாகத் தெரியாவிட்டாலும் குறிப்பிட்ட நபர்களுக்கும் தேவனுக்கும் அது தெரியும்.

ஆனால் தேவன் இந்த உலகத்திலுள்ள அனைத்து ஜாதி மத, இன மக்களையும் தனது  பிள்ளைகளாக நேசிக்கின்றார். எல்லோருக்கும் அவர் உதவுகின்றார். அவர் பேதுருவிடம் இதனை வெளிப்படுத்தினார் "எந்த மனுஷனையும் தீட்டுள்ளவனென்றும் அசுத்தனென்றும் நான் சொல்லாதபடிக்கு தேவன் எனக்குக் காண்பித்திருக்கிறார்." ( அப்போஸ்தலருடைய நடபடிகள் 10 : 28 ) என்று கூறுகின்றார் பேதுரு. 

மேலும், "தேவன் பட்சபாதமுள்ளவரல்ல என்றும், எந்த ஜனத்திலாயினும் அவருக்குப் பயந்திருந்து நீதியைச் செய்கிறவன் எவனோ அவனே அவருக்கு உகந்தவன் என்றும் நிச்சயமாய் அறிந்திருக்கிறேன்." ( அப்போஸ்தலருடைய நடபடிகள் 10: 34, 35) என்கின்றார் பேதுரு. அதாவது நீதியுள்ள வாழ்க்கை வாழ்வதை தேவன் மனிதர்களிடம் எதிர்பார்க்கின்றார். இப்படித் தேவன் பட்சபாதகம் இல்லாதவராக இருந்தாலும் சிலருக்குச் சில ஆசீர்வாதங்களை அவர் கிருபையாய் அளிக்கின்றார். 

நாம் நமது சுய முயற்சியால் பல காரியங்களை செய்யலாம். ஆனால் அவை வெற்றிகரமாக முடியவேண்டுமானால் தேவனது கிருபை தேவையாக இருக்கின்றது. எதுவும் பரலோகத்திலிருந்து நமக்குக் கொடுக்கப்படவேண்டியுள்ளது. ஆனால் மனிதர்கள் பெரும்பாலும் தங்களது சுய முயற்சிதான் தங்களது வெற்றிக்குக்  காரணம் என்று எண்ணிக்கொள்கின்றனர். அன்பானவர்களே, முயற்சி செயலாகவேண்டுமானால் நமக்கு நல்ல உடல் நலமும் மனநலமும் இருக்கவேண்டும். அதனைத் தருபவர் தேவனே. 

எனவே நாம் பரலோக தேவனுக்கு அஞ்சி அவரது கிருபையை இறைஞ்சி வாழவேண்டியது அவசியமாய் இருக்கின்றது. உலகினில் நமக்கு நல்லத் திறமை,  வேலை, பதவி உயர்வு, உடல்நலம், உறைவிடம், ஆடைகள், உணவு போன்ற எல்லாமே பரலோகத்திலிருந்து கிடைக்கும் உத்தரவுப்படியே நமக்குக் கிடைக்கின்றது. ஆம் பரலோகத்திலிருந்து ஒருவனுக்குக் கொடுக்கப்பட்டாலொழிய, ஒருவனும் ஒன்றையும் பெற்றுக்கொள்ளமாட்டான். எனவே அவருக்கு பயந்து, அவர் கிருபையினைச் சார்ந்து அவருக்கு நன்றி செலுத்தி வாழ்வோம். 

"நன்மையான எந்த ஈவும் பூரணமான எந்த வரமும் பரத்திலிருந்துண்டாகி, சோதிகளின் பிதாவினிடத்திலிருந்து இறங்கிவருகிறது; அவரிடத்தில் யாதொரு மாறுதலும் யாதொரு வேற்றுமையின் நிழலுமில்லை." ( யாக்கோபு 1: 17)

தேவ செய்தி :- சகோ. எம். ஜியோ பிரகாஷ்                      

Scripture Meditation - Number: 1,398

AATHAVAN💚 December 6, 2024 💚 Friday

"A man can receive nothing, except it be given him from heaven." (John 3:27)

Governments around the world impose conditions for granting citizenship, government aid, benefits, and employment. They require documents like Aadhar cards, voter IDs, family cards, and passports to confirm an individual's identity as a citizen.

Similarly, God expects certain "marks" from us to be regarded as His children. While these spiritual identifiers may not be outwardly visible like worldly IDs, they are known to God and the individual.

However, God loves all people regardless of race, religion, or nationality. He provides for everyone. Peter said, "God hath shewed me that I should not call any man common or unclean." (Acts 10:28)

Peter further declared, "Of a truth I perceive that God is no respecter of persons: But in every nation he that feareth him, and worketh righteousness, is accepted with him." (Acts 10:34-35)

This means God expects a life of righteousness from humanity. Even though He is impartial, He graciously bestows certain blessings on some.

We can achieve many things through personal effort, but true success requires God’s grace. Everything must be given from heaven. Yet, people often believe their efforts alone lead to success. Dear ones, for our efforts to be fruitful, we need health and a sound mind, both of which come from God.

Therefore, it is essential to live in reverence to the Heavenly Father, seeking His grace. Everything we possess—skills, jobs, promotions, health, shelter, clothes, and food—comes as decreed from heaven. Truly, "A man can receive nothing, except it be given him from heaven."

Let us live in fear of Him, rely on His grace, and continually give thanks to Him.

"Every good gift and every perfect gift is from above, and cometh down from the Father of lights, with whom is no variableness, neither shadow of turning." (James 1:17)

Devotional Message: Bro. M. Geo Prakash