பால் உணவு / MILK FOOD

ஆதவன் 🔥 949🌻 செப்டம்பர் 03, 2023 ஞாயிற்றுக்கிழமை 

 

"காலத்தைப் பார்த்தால், போதகராயிருக்கவேண்டிய உங்களுக்கு தேவனுடைய வாக்கியங்களின் மூல உபதேசங்களை மறுபடியும் உபதேசிக்கவேண்டியதாயிருக்கிறது; நீங்கள் பலமான ஆகாரத்தையல்ல, பாலை உண்ணத்தக்கவர்களானீர்கள்." ( எபிரெயர் 5 : 12 )

உயிருள்ள எந்த உயிரினமும் நாளுக்குநாள் வளர்ச்சியைக் காணும். உயிரில்லாத கல், மண் போன்றவை எத்தனை ஆண்டுகள் ஆனாலும் அப்படியே இருக்கும். எனவே வளர்ச்சி என்பது உயிர்களுக்கு அடையாளம். மேலும் பல உயிரினங்களால் பிறந்தவுடன் வளர்ச்சியடைந்த அதன் இனங்கள் உண்ணும் உணவினை உடனேயே  உண்ண முடியாது. நாம் பிறந்த குழந்தையாக இருந்தபோது நம்மால் பாலைத்தவிர வேறு எதனையும் உண்ண முடியாதவர்களாக இருந்தோம்.  

ஆவிக்குரிய வாழ்க்கையிலும் இதுவே நிலைமை. கிறிஸ்துவுக்குள் வந்தவுடன் நாம் உடனேயே முழு ஆவிக்குரிய மனிதர்களாக மாறிவிடுவதில்லை. பல்வேறு அறிவுரைகள், அனுபவங்கள், வாழ்க்கைப் பாடங்கள் கற்று வளரவளர நாம் ஆவிக்குரிய வாழ்வில் தேறினவர்கள் ஆகின்றோம். நம்மை வழிநடத்தும் போதகர்கள் நமக்கு ஞானப்பாலைக் கொடுக்கின்றார். இதனையே அப்போஸ்தலரான பவுல், "நீங்கள் பெலனில்லாதவர்களானதால், உங்களுக்குப் போஜனங்கொடாமல், பாலைக் குடிக்கக்கொடுத்தேன்; இன்னமும் நீங்கள் மாம்சத்துக்குரியவர்களாயிருக்கிறபடியால், இப்பொழுதும் உங்களுக்குப் பெலனில்லை." ( 1 கொரிந்தியர் 3 : 2 ) என்கின்றார்.

நாம் ஆவிக்குரிய வாழ்வில் இன்னும் குழந்தைகளாகவே இருக்கின்றோம் என்பதனை எப்படிக் கண்டுபிடிப்பது? ஆவிக்குரிய அனுபவங்கள் பல பெற்ற பின்பும் இன்னமும் நம்மில் சாதாரண மனிதர்களைப்போல பொறாமை, வாக்குவாதம், மத சபை பேதங்கள் போன்ற குணங்கள் இருப்பது, இன்னும் ஆவிக்குரிய வாழ்வில் நாம் வளர்ச்சியடையவில்லை என்பதைக் காட்டுகின்றது. இதையே, "பொறாமையும் வாக்குவாதமும் பேதகங்களும் உங்களுக்குள் இருக்கிறபடியால், நீங்கள் மாம்சத்திற்குரியவர்களாயிருந்து மனுஷமார்க்கமாய் நடக்கிறீர்களல்லவா? ஒருவன் நான் பவுலைச் சேர்ந்தவனென்றும், வேறொருவன் நான் அப்பொல்லோவைச் சேர்ந்தவனென்றும் சொல்லுகிறபடியால் நீங்கள் மாம்சத்திற்குரியவர்களல்லவா?" ( 1 கொரிந்தியர் 3 : 3, 4 ) என்கின்றார்.

ஆவிக்குரிய வளர்ச்சி ஒருவரில் இருக்குமானால் இத்தகைய குணங்கள் நம்மைவிட்டு நீங்கியிருக்கும். அன்பானவர்களே, நம்மை நாமே நிதானித்துப் பார்ப்போம். நாம் இன்னமும் பால் உண்ணும் நிலையிலிருக்கின்றோமா அல்லது பலமான உணவினை உண்ணக்கூடிய தகுதி பெற்றுவிட்டோமா ? 

சவலைக் குழந்தைகள் எனும் குழந்தைகள் எந்த உணவினைக் கொடுத்தாலும் உடல் தேறுவதில்லை. அதுபோலவே ஆவிக்குரிய வாழ்வில் சிலர் எத்தனை ஆண்டுகள் ஆனாலும் வளர்ச்சியைக் காண்பதில்லை. அதனையே இன்றைய வசனத்தில் எபிரெய நிருப ஆசிரியர் கூறுகின்றார். அதாவது, நீங்கள் கிறிஸ்துவுக்குள் வந்த காலத்தைக் கணக்கிட்டால் நீங்கள் இதற்க்குள் தேறிய போதகர்கள் ஆகியிருக்க வேண்டும். ஆனால் இன்னமும்  "போதகராயிருக்கவேண்டிய உங்களுக்கு தேவனுடைய வாக்கியங்களின் மூல உபதேசங்களை மறுபடியும் உபதேசிக்கவேண்டியதாயிருக்கிறது."

மேலும், இன்றைய வசனத்தின் அடுத்த வசனம் கூறுகின்றது, "பாலுண்கிறவன் குழந்தையாயிருக்கிற படியினாலே நீதியின் வசனத்தில் பழக்கமில்லாதவனாயிருக்கிறான்." ( எபிரெயர் 5 : 13 ) ஆம், நீதியின் வசனத்தின் பாதை ஆவிக்குரிய குழந்தைகளாக இருந்தால் நமக்குத் தெரியாது. எனவே,  நாம் ஆவிக்குரிய வாழ்வில் வளர்ச்சியடைந்து பலமான உணவை உண்ணத்தக்கவர்களாக மாறவேண்டியது அவசியம். அப்போதுதான் நாம் ஆவிக்குரிய வாழ்வில் தேறினவர்களாக முடியும். 

தேவ செய்தி:- ✍️ சகோ. எம். ஜியோ பிரகாஷ்    

                                            MILK FOOD 

AATHAVAN 🔥 949🌻 Sunday, September 03, 2023

"For when for the time ye ought to be teachers, ye have need that one teach you again which be the first principles of the oracles of God; and are become such as have need of milk, and not of strong meat." (Hebrews 5: 12)

Any living thing develops day by day. Lifeless stone, soil, etc. will remain the same for ever. So, growth is a sign of life. And many species cannot immediately eat the food that their species eat when they are born. When we were born, we were unable to eat anything but milk.

The same is the case in the spiritual life. We do not immediately become fully spiritual people upon attaining salvation. We become experts in spiritual life by learning and growing through various teachings, experiences, and life lessons. The teachers who lead us give us wisdom. This is what the apostle Paul said, "I have fed you with milk, and not with meat: for hitherto ye were not able to bear it, neither yet now are ye able." (1 Corinthians 3: 2) says.

How do we discover that we are still children in the spiritual life? Even after having many spiritual experiences, we still have the qualities of jealousy, arguments, religious congregations like ordinary people, which shows that we have not yet developed in our spiritual life. The same apostle Paul says, "For ye are yet carnal: for whereas there is among you envying, and strife, and divisions, are ye not carnal, and walk as men? For while one saith, I am of Paul; and another, I am of Apollos; are ye not carnal?" (1 Corinthians 3: 3, 4)

If one is spiritually developed, such qualities will be removed from us. Beloved, let us examine ourselves. Are we still in the milk-eating state or have we qualified to eat solid food?

Some children do not have any development even fed with nutritious food. Similarly, some people do not see growth in spiritual life no matter how many years. That is what the author of Hebrews says in today's verse. That is, if you count the time when you came into Christ, you should have become qualified pastors by now. But still "you have to be preached again the original doctrines of the words of God."

Also, the next verse of today's verse says, "For every one that useth milk is unskilful in the word of righteousness: for he is a babe." (Hebrews 5: 13) Yes, we do not know the path of the word of righteousness if we are spiritual babe. Therefore, it is necessary that we grow in spiritual life and become able to eat strong food. Only then can we become adapted in the spiritual life.

God’s Message:- ✍️ Bro. M. Geo Prakash