எங்களுக்கு ஒரு ராஜா வேண்டும் / WE WANT A KING

ஆதவன் 🔥 933🌻 ஆகஸ்ட் 18, 2023 வெள்ளிக்கிழமை

"எங்கள் தேவனாகிய கர்த்தாவே, உம்மையல்லாமல் வேறே ஆண்டவன்மார் எங்களை ஆண்டார்கள்; இனி உம்மை மாத்திரம் சார்ந்து உம்முடைய நாமத்தைப் பிரஸ்தாபப்படுத்துவோம்." ( ஏசாயா 26 : 13 )

இந்த உலகத்தில் நம்மைப் பல உலக செல்வங்கள் ஆளுமைசெய்கின்றன. பணம், புகழ், அதிகாரம், இவைபோன்றவை நமது மனதை ஆட்சிசெய்கின்றன. இவைகளே நம்மை ஆளும் ஆண்டவன்மார்கள்.  எவையெல்லாம் நம்மை அடிமைப்படுத்தியுள்ளனவோ அவையெல்லாமே நமது ஆண்டவன்மார்கள்தான். இவைகளது அதிகாரத்துக்கு நாம் உட்பட்டவர்களாக இருப்போமானால் நம்மை தேவன் முழுமையாக ஆட்சி செய்ய முடியாது. அதாவது நாம் நம்மைக்குறித்த தேவனது திட்டத்துக்கு உட்படமுடியாது. 

தேவன் தனது மக்கள் தனது அதிகாரத்துக்கு மட்டுமே கீழ்ப்படித்தவர்களாக வாழவேண்டுமென்று விரும்புகின்றார். எனவே அவரே இஸ்ரவேல் மக்களை ஆண்டு வழிநடத்தினார். ஆனால் இஸ்ரவேல் மக்கள் தங்களைச் சுற்றியுள்ள மக்களை ஆளும் அரசர்களைப்போல தங்களுக்கும் ஒரு ராஜா இருக்கவேண்டுமென்று விரும்பினர். அவர்கள் தீர்க்கதரிசியாகிய சாமுவேலிடம் சென்று நாங்களும் மற்ற மக்களைப்போலவே இருப்போம்; எங்களை ஆட்சி செய்ய எங்களுக்கு ஒரு ராஜாவை ஏற்படுத்தித்தாரும் என்று கேட்டார்கள். ( 1 சாமுவேல் 8 : 5)

இஸ்ரவேல் மக்களது இந்தக் கோரிக்கை சாமுவேலுக்குத் தகாத ஒரு செயலாகத் தெரிந்தது. எனவே அவர் தேவனிடம் இதுகுறித்த வேதனையோடு விண்ணப்பம் செய்தார். "அப்பொழுது கர்த்தர் சாமுவேலை நோக்கி: ஜனங்கள் உன்னிடத்தில் சொல்வதெல்லாவற்றிலும் அவர்கள் சொல்லைக் கேள்; அவர்கள் உன்னைத் தள்ளவில்லை, நான் அவர்களை ஆளாதபடிக்கு, என்னைத்தான் தள்ளினார்கள்." ( 1 சாமுவேல் 8 : 7 ) என்றார். ஆம்,கர்த்தர் நம்மை ஆளுவதை விட்டுவிட்டு  மற்ற மக்கள் வாழ்வதுபோல நாம் வாழ்வதை தேவன் விரும்புவதில்லை. எனவேதான்  "நான் அவர்களை ஆளாதபடிக்கு, என்னைத்தான் தள்ளினார்கள்." என்று சாமுவேலுக்கு தேவன் பதிலளித்தார். 

அன்பானவர்களே, நமது தேவனே "நித்தியானந்தமுள்ள ஏகசக்கராதிபதியும், ராஜாதி ராஜாவும், கர்த்தாதி கர்த்தாவும்..." ( 1 தீமோத்தேயு 6 : 15 ) எனவே நாம் அவரைத் தவிர இந்த உலகச் செல்வங்களோ, அதிகாரங்களோ, புகழோ நமது இருதயத்தை ஆட்சி செய்யாதபடி பார்த்துக்கொள்ளவேண்டியது அவசியமாயிருக்கிறது. 

தேவன் நம்மை அடிமைகளாக அல்ல; உரிமைக் குடிமக்களாக வாழ அழைக்கிறார். அவர் இருப்பதுபோல நாமும் இருக்கவேண்டும் என விரும்புகின்றார். இந்த உலகக் கவர்ச்சிகள் நம்மை ஆளவிடாமல் கர்த்தர் மட்டுமே நம்மை ஆளும்படி நம்மை அவருக்கு ஒப்படைக்கும்போது நம்மை அவரைப்போல உயர்த்துவார். ஆம், "நான் ஜெயங்கொண்டு என் பிதாவினுடைய சிங்காசனத்திலே அவரோடேகூட உட்கார்ந்ததுபோல, ஜெயங்கொள்ளுகிறவனெவனோ அவனும் என்னுடைய சிங்காசனத்தில் என்னோடேகூட உட்காரும்படிக்கு அருள்செய்வேன்." ( வெளிப்படுத்தின விசேஷம் 3 : 21 ) என்கிறார் பரிசுத்தரான கர்த்தர்.

அன்பானவர்களே, இதுவரை கர்த்தரையல்லாமல் வேறே உலக  ஆண்டவன்மார் நம்மை ஆட்சி செய்யும்படி ஒருவேளை நாம் அனுமதித்திருக்கலாம். ஆனால் இன்னும் நாம் அப்படி இருத்தல் கூடாது. இனி அவரை மட்டுமே சார்ந்து அவருடைய பெயரைப் மட்டுமே பிரசித்தப்படுத்துவோம். 

தேவ செய்தி:- ✍️ சகோ. எம். ஜியோ பிரகாஷ்    

                                      WE WANT A KING

AATHAVAN 🔥 933🌻 Friday, August 18, 2023

"O LORD our God, other lords beside thee have had dominion over us: but by thee only will we make mention of thy name." (Isaiah 26: 13)

Many worldly riches dominate us in this world. Money, fame, power, etc. rule our mind. These are the lords who rule us. All that enslaves us are our masters. If we are subject to their authority, God cannot fully rule us. That means we cannot fit into God's plan for us.

God wants His people to live in obedience only to His authority. So, he himself led the people of Israel. But the people of Israel wanted to have a king for themselves like the kings who ruled the people around them. They went to the prophet Samuel and said, we will be like other people; make us a king to rule over us. (1 Samuel 8:5)

This request of the people of Israel seemed an inappropriate act to Samuel. So, he made an anguished request to God for this. "And the LORD said unto Samuel, hearken unto the voice of the people in all that they say unto thee: for they have not rejected thee, but they have rejected me, that I should not reign over them." (1 Samuel 8: 7 ) Yes, God doesn't want us to let go of the Lord and live like other people. That is why He says, “they have rejected me, that I should not reign over them."

Beloved, our God is "the blessed and only Potentate, the King of kings, and Lord of lords;" (1 Timothy 6: 15) Therefore, it is necessary that we do not let the riches, powers, and fame of this world rule our hearts apart from Him.

God does not make us slaves; He invites us to live as citizens of rights. He wants us to be as He is. When we surrender ourselves to be ruled only by the Lord and not let the temptations of this world rule us, He will raise us up like Him. Yes, "To him that overcometh will I grant to sit with me in my throne, even as I also overcame, and am set down with my Father in his throne." (Revelation 3: 21) says the Holy Lord.

Beloved, until now perhaps we have allowed worldly lords other than God to rule over us. But still, we should not be like that. Henceforth we shall depend on Him alone and glorify His name alone.

God’s Message:- ✍️ Bro. M. Geo Prakash