பிரியமான ஆராதனை / PLEASING WORSHIP

ஆதவன் 🔥 931🌻 ஆகஸ்ட் 16, 2023 புதன்கிழமை

"ஆதலால், அசைவில்லாத ராஜ்யத்தைப் பெறுகிறவர்களாகிய நாம் பயத்தோடும் பக்தியோடும் தேவனுக்குப் பிரியமாய் ஆராதனை செய்யும்படி கிருபையைப் பற்றிக்கொள்ளக்கடவோம்." ( எபிரெயர் 12 : 28 )

இந்த உலகத்து அரசாங்கங்கள் அழிந்துபோகக்கூடியன. எத்தனையோ மகா பேரரசுகள் சரித்திரத்தில் இடம்பெற்றுள்ளன. ஆனால் அவை எதுவுமே இன்றுவரை நிலைநிற்கவில்லை. ஆம், உலக ராஜ்ஜியங்கள் அழிந்துபோகக்கூடியன. அனால் கர்த்தராகிய இயேசு கிறிஸ்து நமக்கு வாக்களித்ததோ அழிவில்லாத நித்திய ராஜ்ஜியம். 

கண்களால் நாம் காணக்கூடாத நித்திய ராஜ்யத்தின் ராஜாவாக கிறிஸ்து இருக்கின்றார். "நித்தியமும் அழிவில்லாமையும் அதரிசனமுமுள்ள ராஜனுமாய், தாம் ஒருவரே ஞானமுள்ள தேவனுமாயிருக்கிறவருக்கு, கனமும் மகிமையும் சதாகாலங்களிலும் உண்டாயிருப்பதாக. " ( 1 தீமோத்தேயு 1 : 17 ) என எழுதுகின்றார் அப்போஸ்தலரான பவுல். 

இந்த அழிவில்லாத ராஜ்யத்தை சுதந்தரிக்கவேண்டுமானால் நாம் பரிசுத்த வாழ்வு வாழவேண்டியது அவசியம். ஏனெனில் அசுத்தமும் தீட்டும் உள்ளவைகள் அந்த நித்திய ராஜ்யத்தினுள் நுழைய முடியாது. "தீட்டுள்ளதும் அருவருப்பையும் பொய்யையும் நடப்பிக்கிறதுமாகிய ஒன்றும் அதில் பிரவேசிப்பதில்லை; ஆட்டுக்குட்டியானவரின் ஜீவபுஸ்தகத்தில் எழுதப்பட்டவர்கள் மாத்திரம் அதில் பிரவேசிப்பார்கள்." ( வெளிப்படுத்தின விசேஷம் 21 : 27 )

இத்தகைய பரிசுத்தவான்களுக்கான அசைவில்லாத ராஜ்யத்தைப் பெறுகிறவர்களாகிய நாம் பயத்தோடும் பக்தியோடும் தேவனுக்குப் பிரியமாய் ஆராதனை செய்யும்படி கிருபையைப் பற்றிக்கொள்ளக்கடவோம் என்று இன்றைய வசனம் கூறுகின்றது. நாம் எல்லோருமே பொதுவாக தேவனுக்கு  ஆராதனை செய்கின்றோம்.  ஆனால் அது தேவனுக்குப் பிரியமான ஆராதனையா என்று  நாம் எண்ணிப்பார்ப்பதில்லை. எனவே நாம் தேவனுக்குப் பிரியமான ஆராதனை செய்து இந்த உலகத்தில் வாழவேண்டியது அவசியமாயிருக்கிறது. எது தேவனுக்குப் பிரியமான ஆராதனை என்பதனை அப்போஸ்தலரான பவுல் அடிகள் பின்வருமாறு கூறுகின்றார்;- 

"அப்படியிருக்க, சகோதரரே, நீங்கள் உங்கள் சரீரங்களைப் பரிசுத்தமும் தேவனுக்குப் பிரியமுமான ஜீவபலியாக ஒப்புக்கொடுக்கவேண்டுமென்று, தேவனுடைய இரக்கங்களை முன்னிட்டு உங்களை வேண்டிக்கொள்ளுகிறேன்; இதுவே நீங்கள் செய்யத்தக்க புத்தியுள்ளஆராதனை." ( ரோமர் 12 : 1 )

நமது உடல் பரிசுத்த ஆவியின் ஆலயமாயிருக்கிறது (1 கொரிந்தியர் 6:19) எனவே நமது உடலை அப்போஸ்தலரான பவுல் கூறுவதுபோல பரிசுத்தமும் தேவனுக்குப் பிரியமுமான ஜீவபலியாக ஒப்புக்கொடுக்க வேண்டும். அப்படி நாம் உடலை பரிசுத்தமாகக் காத்துக்கொள்வது தேவனுக்கேற்ற ஆராதனையாயிருக்கிறது. அப்படி நாம் நமது உடலைப்  பரிசுத்தமாக காத்துக்கொள்ளும்போது அசைவற்றதும் நிலையானதுமான நித்திய ஜீவனுக்குத் தகுதியுள்ளவர்களாகின்றோம்.  அதற்கேற்ற கிருபையை அவர் நமக்குத் தந்து வழிநடத்திட வேண்டுவோம். கர்த்தர்தாமே நம்மை ஆசீர்வதிப்பாராக.

தேவ செய்தி:- ✍️ சகோ. எம். ஜியோ பிரகாஷ்  

                PLEASING WORSHIP

AATHAVAN 🔥 931🌻 Wednesday, August 16, 2023

"Wherefore we receiving a kingdom which cannot be moved, let us have grace, whereby we may serve God acceptably with reverence and godly fear" (Hebrews 12: 28)

The governments of this world will perish. There have been many great empires in history. But none of them have survived till date. Yes, the kingdoms of the world are perishable. But what the Lord Jesus Christ has promised us is the eternal kingdom that will not perish.

Christ is the King of the eternal kingdom that we cannot see with our eyes. Apostle Paul writes, "Now unto the King eternal, immortal, invisible, the only wise God, be honour and glory for ever and ever. Amen." ( 1 Timothy 1 : 17 )

If we want to inherit this indestructible kingdom, we must live a holy life. Because that which is impure and defiled cannot enter that eternal kingdom. "And there shall in no wise enter into it anything that defileth, neither whatsoever worketh abomination, or maketh a lie: but they which are written in the Lamb's book of life." (Revelation 21: 27)

Today's verse says that we, who receive the immovable kingdom for such saints, must hold on to the grace to worship God with fear and devotion. We all worship God in general. But we do not consider whether it is a worship pleasing to God. So, it is necessary for us to worship God in pleasing manner and live in this world. The apostle Paul says the following about what worship is pleasing to God; -

"I beseech you therefore, brethren, by the mercies of God, that ye present your bodies a living sacrifice, holy, acceptable unto God, which is your reasonable service." (Romans 12: 1)

Our body is the temple of the Holy Spirit (1 Corinthians 6:19).  So, we should present our body as a living sacrifice, holy and pleasing to God, as the Apostle Paul says. Keeping the body holy is true worship to God. Thus, when we keep our bodies holy, we qualify for eternal life, immovable and stable. May Jesus give us the grace to guide us accordingly. May the Lord himself bless us.

God’s Message:- ✍️ Bro. M. Geo Prakash