ஆவியினால் நடத்தப்படுதல் / BEING LED BY THE SPIRIT

ஆதவன் 🔥 934🌻 ஆகஸ்ட் 19, 2023 சனிக்கிழமை

"இப்படியிருக்க, பாவத்தை அறிகிற அறிவு நியாயப்பிரமாணத்தினால் வருகிறபடியால், எந்த மனுஷனும் நியாயப்பிரமாணத்தின் கிரியைகளினாலே தேவனுக்கு முன்பாக நீதிமானாக்கப்படுவதில்லை." ( ரோமர் 3 : 20 )

பழைய ஏற்பாட்டுக் காலத்தில் தேவன் மோசே வழியாக பல கட்டளைகளைக் கொடுத்திருந்தார். அந்தக் கட்டளைகள் மனிதர்களின் நல்வாழ்வுக்காகவும் தேவனுக்குன் நிற்கத்தக்கத் தகுதியுள்ளவர்களாக அவர்களை மாற்றிடவும் கொடுக்கப்பட்டவை. இந்தக் கட்டளைகள் அனைத்தும் பொதுவாக, "செய்யாதிருப்பாயாக", "செய்யாதே",    "நினைப்பாயாக" என அறிவுரை கூறுவனவாக இருக்கும். அதாவது இந்தச் செயல்கள் பாவம்; எனவே நீ இப்படிச் செய்யாதிருப்பாயாக என்று  இவை கூறுகின்றன. எனவே இந்தச் சட்டங்கள் மூலம் நாம் எவை எவை பாவம் என்று அறிந்துகொள்கின்றோம். 

இன்றைய தியானத்துக்குரிய வசனம் பொது மொழிபெயர்ப்பில் அழகாக பின்வருமாறு கூறுகின்றது:- "ஏனெனில் திருச்சட்டம் சார்ந்த செயல்களால் எவரும் கடவுள் முன்னிலையில் ஏற்புடையவர் ஆவதில்லை. மனிதர்கள் பாவிகள் என்பதையே சட்டம் அவர்களுக்கு உணர்த்துகின்றது." எனவே, "நியாயப்பிரமாணத்தைக் கேட்கிறவர்கள் தேவனுக்கு முன்பாக நீதிமான்களல்ல, நியாயப்பிரமாணத்தின்படி செய்கிறவர்களே நீதிமான்களாக்கப்படுவார்கள்." ( ரோமர் 2 : 13 ) என்கின்றார் அப்போஸ்தலரான பவுல்.

ஆனால் பொதுவாக இன்று கிறிஸ்தவர்கள் இந்தச் சட்டங்களையும் கற்பனைகளையும் தெரிந்து வைத்துள்ளார்களேத் தவிர இவற்றின்படி செயல்படுகின்றார்களா என்பது கேள்விக்குறியே. காரணம்,  மனிதனது சுய பலவீனம். நாம் பலவீனர்களாக இருப்பதால் பல்வேறு கட்டளைகளை மீறிவிடுகின்றோம். இதனை நிவர்த்திசெய்து நமக்கு உதவிடவே கிறித்து இயேசு உலகினில் வந்து பாடுகள் பட்டார்  என நாம் வாசிக்கின்றோம். 

இதனையே, "அதெப்படியெனில், மாம்சத்தினாலே பலவீனமாயிருந்த நியாயப்பிரமாணம் செய்யக்கூடாததை தேவனே செய்யும்படிக்கு, தம்முடைய குமாரனைப் பாவமாம்சத்தின் சாயலாகவும், பாவத்தைப் போக்கும் பலியாகவும் அனுப்பி, மாம்சத்திலே பாவத்தை ஆக்கினைக்குள்ளாகத் தீர்த்தார்." ( ரோமர் 8 : 3 ) எனக் கூறப்பட்டுள்ளது.

அதாவது இன்றைய வசனம் நமக்குக் கூறுவது, கட்டளைகள் என்பவை வெறுமனே எவை எவை பாவம் என்பதை மட்டும் நமக்கு உணர்ந்துகின்றது. உதாரணமாக நாம் சாலையில் செல்லும்போது சிக்னல் பகுதிகளில் சிகப்பு, பச்சை, ஆரஞ்சு விளக்குகள் எரிந்து நம்மை எச்சரிக்கும். அவைகளைக் கவனித்து நாம் செல்லவேண்டும். இல்லையானால் விபத்துதான் ஏற்படும். கர்த்தராகிய இயேசு கிறிஸ்து ஒரு சிறந்த ஓட்டுநராக இருந்து வாழ்க்கைச் சாலையில்  பாதுகாப்பாக நாம் பயணிக்க உதவிடுவார். 

அதனையே வேதாகமம் ஆவியினால் நடத்தப்படுதல் என்று கூறுகின்றது. "ஆவியினால் நடத்தப்படுவீர்களானால், நீங்கள் நியாயப்பிரமாணத்திற்குக் கீழ்ப்பட்டவர்களல்ல." ( கலாத்தியர் 5 : 18 ) ஆம் , பரிசுத்த ஆவியானவர் நம்மை நடத்திடும்போது நாம் கட்டளைகளுக்குக் கீழ்பட்டவர்களல்ல; மாறாக அவருக்கு ஆட்பட்டவர்கள். 

ஆம் அன்பானவர்களே, பாவத்தை அறிகிற அறிவு மட்டுமே நியாயப்பிரமாணத்தினால் வருகிறது. எனவே, திருச்சட்டம் சார்ந்த செயல்களால் நாம் கடவுள் முன்னிலையில் ஏற்புடையவர் ஆவதில்லை. மனிதர்கள் பாவிகள் என்பதையே சட்டம் அவர்களுக்கு உணர்த்துகின்றது. எனவே நம்மை நாம் பரிசுத்த ஆவியானவரின் நடத்துதலுக்கு ஒப்புவிக்கவேண்டும். அப்படி  ஆவியினால் நடத்தப்படுவோமானால் நாம் திருச்சட்டத்துக்குக்  (நியாயப்பிரமாணத்திற்குக்)  கீழ்ப்பட்டவர்களல்ல.

தேவ செய்தி:- ✍️ சகோ. எம். ஜியோ பிரகாஷ்      

         BEING LED BY THE SPIRIT 

AATHAVAN 🔥 934🌻 Saturday, August 19, 2023

"Therefore, by the deeds of the law there shall no flesh be justified in his sight: for by the law is the knowledge of sin." ( Romans 3 : 20 )

During the Old Testament days, God gave many commandments through Moses. The commandments were given for the welfare of men and to make them worthy to stand before God. All of these commands are generally admonitions such as "don't", "don't", "remember". That is, these actions are sinful; So, they say you should not do this. So, through these laws we only know what is sin and what acts are sin.

The verse for today's meditation is beautifully stated in the common Tamil translation: - "For those who come under the deeds of the law are not acceptable in the sight of God. The law only shows them what are sins. Therefore, " not the hearers of the law are just before God, but the doers of the law shall be justified." (Romans 2: 13)

But it is questionable whether Christians in general today know these laws and precepts and act according to them. The reason is human weakness. Because we are weak, we break various commandments. We read that Jesus Christ came into the world to help us solve this problem.

"For what the law could not do, in that it was weak through the flesh, God sending his own Son in the likeness of sinful flesh, and for sin, condemned sin in the flesh:" (Romans 8: 3)

That is, what today's verse tells us, the commandments are simply for us to realize what is sin. For example, when we go on a ride though the road, red, green, and orange lights flash in the signal areas to warn us. We should take care of them. Otherwise, there will be an accident. Lord Jesus Christ will be a good driver and help us to travel safely.

That is what the Bible calls, being led by the Spirit. "But if ye be led of the Spirit, ye are not under the law." (Galatians 5: 18) Yes, when the Holy Spirit leads us, we do not obey orders; Rather, those who are subject to him.

Yes, beloved, only the knowledge of sin comes from the law. Therefore, we do not become acceptable before God by works of the law. The law tells only what are sins. So, we must surrender ourselves to the guidance of the Holy Spirit. If we are so led by the Spirit, we are not under the law.

God’s Message:- ✍️ Bro. M. Geo Prakash