தேவனுடைய வாக்குத்தத்தங்கள் / GOD'S PROMISES

ஆதவன் 🔥 926🌻 ஆகஸ்ட் 11, 2023 வெள்ளிக்கிழமை

"எங்களால் தேவனுக்கு மகிமையுண்டாகும்படி, தேவனுடைய வாக்குத்தத்தங்களெல்லாம் இயேசுகிறிஸ்துவுக்குள் ஆம் என்றும், அவருக்குள் ஆமென் என்றும் இருக்கிறதே." ( 2 கொரிந்தியர் 1 : 20 )

வேதாகமத்தில் சுமார் மூவாயிரத்துக்கும் மேற்பட்ட வாக்குத்தத்தங்கள் உள்ளன. இவை அனைத்துமே தேவன் மனிதர்களுக்கு அளித்தவை. வாக்குமாறா தேவனைப்போல இந்த வசனங்களும் மாறாதவை. ஆனால் நம்மில் பலரும் இந்த தேவ வாக்குத்தத்தங்கள் பலன் தருமா எனும் சந்தேகத்தோடுஇருக்கின்றோம். அல்லது சிலவேளைகளில் நம்மில் தெளிவில்லாததால் இந்த தேவ வார்த்தைகளை மேம்போக்காக நம்பி அவை நம்மில் பலிக்காததால் சோர்ந்துபோய்விடுகின்றோம். 

 தேவனுடைய வாக்குத்தத்தங்களெல்லாம் இயேசுகிறிஸ்துவுக்குள் ஆம் என்று இருக்கின்றது என்று இன்றைய வசனம் கூறுகின்றது. அதாவது அவை பொய் சொல்வதில்லை. பின் ஏன் இவை நமது வாழ்வில் பலிப்பதில்லை?

அன்பானவர்களே, தேவன் மாறாதவர்தான்; ஆனால் நாம்தான் அந்த வாக்குத்தத்தங்களை சுதந்தரிக்கத் தகுதியில்லாதவர்களா பலவேளைகளில் மாறிவிடுகின்றோம். இதற்குக் காரணம் நாம் வேதாகமத்தை  நமக்கு ஏற்றபடி நமக்கேற்ற சிந்தனையில் வாசிப்பதுதான். 

எல்லா தேவ வாக்குறுதிகளுமே ஒரு நிபந்தனையுடன்தான் இருக்கும். வேதாகமத்தை வாசிக்கும்போது அந்த நிபந்தனை வாக்குறுதி வசனத்தின் முன்போ அல்லது பின்னரோ வரும். ஆனால் நாம் அந்த நிபந்தனைகளை மறந்துவிட்டு அல்லது தவிர்த்துவிட்டு  வாக்குறுதிகளை மட்டும்  பற்றிக்கொள்கிறோம். 

உதாரணமாக, "நீ உயிரோடிருக்கும் நாளெல்லாம் ஒருவனும் உனக்கு முன்பாக எதிர்த்து நிற்பதில்லை; நான் மோசேயோடே இருந்ததுபோல, உன்னோடும் இருப்பேன்; நான் உன்னைவிட்டு விலகுவதுமில்லை, உன்னைக் கைவிடுவதுமில்லை." ( யோசுவா 1 : 5 ) எனும் தேவ வாக்குறுதியை நம்மில் பலரும் நமது ஜெபங்களில் மேற்கோள்காட்டி ஜெபிக்கின்றோம். ஆனால் இதற்கு இரண்டு வசனங்களுக்குப்பின் ஒரு நிபந்தனை கூறப்பட்டுள்ளது. 

"என் தாசனாகிய மோசே உனக்குக் கற்பித்த நியாயப்பிரமாணத்தின்படியெல்லாம் செய்யக் கவனமாயிருக்கமாத்திரம் மிகவும் பலங்கொண்டு திடமனதாயிரு; நீ போகும் இடமெல்லாம் புத்திமானாய் நடந்துகொள்ளும்படிக்கு, அதை விட்டு வலது இடதுபுறம் விலகாதிருப்பாயாக." ( யோசுவா 1 : 7 ) அதாவது மோசே உனக்குக் கற்பித்த நியாயப்பிரமாண வார்த்தைகளின்படி நடந்தால் உனக்கு இந்த வாக்குறுதி பலிக்கும் என்கிறார் தேவன். 

புதிய ஏற்பாட்டிலும் விசுவாசம் எனும் நிபந்தனை பல வாக்குறுதிகளுக்கு கொடுக்கப்பட்டுள்ளது.  "கர்த்தராகிய இயேசுவை நீ உன் வாயினாலே அறிக்கையிட்டு, தேவன் அவரை மரித்தோரிலிருந்து எழுப்பினாரென்று உன் இருதயத்திலே விசுவாசித்தால் இரட்சிக்கப்படுவாய்.நீதியுண்டாக இருதயத்திலே விசுவாசிக்கப்படும், இரட்சிப்புண்டாக வாயினாலே அறிக்கைபண்ணப்படும்." ( ரோமர் 10 : 9, 10 ) 

ஆனால் இந்த வசனத்தின்படி "கிறிஸ்துவை விசுவாசிக்கிறேன்' என்று கூறும் அனைவரும் இரட்சிப்பு அனுபவத்தைப் பெறுவதில்லை. காரணம், அவர்கள் முழு மனதுடன் அறிக்கையிடாமல் வெறுமனே இயேசுவை விசுவாசிக்கிறேன் என்று கூறிவிட்டு இதர மனிதர்கள், புனிதர்கள், சூழ்நிலைகளின்மேல் நம்பிக்கைவைக்கின்றனர். 

அன்பானவர்களே, நாம் தேவ வார்த்தைகளுக்கும் அவைகூறும் நிபந்தனைகளுக்கும்  முற்றிலும் உட்படும்போது மட்டுமே தேவனுடைய வாக்குத்தத்தங்களெல்லாம் இயேசுகிறிஸ்துவுக்குள் ஆம் என்றும், அவருக்குள் ஆமென் என்றும் இருந்து நமக்குப் பலிக்கும். 

தேவ செய்தி:- ✍️ சகோ. எம். ஜியோ பிரகாஷ்              

                                GOD'S PROMISES 

AATHAVAN 🔥 926🌻 Friday, August 11, 2023

"For all the promises of God in him are yea, and in him Amen, unto the glory of God by us."  (2 Corinthians 1: 20)

There are over three thousand promises in the Bible. All these are given by God to humans. These verses are immutable like God. But many of us are in doubt whether these God's promises will bear fruit. Or sometimes, because we are not clear, we superficially believe in these God's words and get tired because they do not work in us.

Today's verse says that all the promises of God are yes in Jesus Christ. That means they do not lie. Then why these do not work in our life?

Beloved, God is unchanging; But we often turn out to be the ones who are not worthy to inherit those promises. This is because we read the scriptures in our own way of thinking.

All God's promises are conditional. When reading the scriptures that condition comes before or after the promise verse. But we forget or ignore those conditions and cling only to promises.

For example, "There shall not any man be able to stand before thee all the days of thy life: as I was with Moses, so I will be with thee: I will not fail thee, nor forsake thee." (Joshua 1: 5). Many of us quote this God's promise in our prayers. But a condition is given after two verses.

"Only be thou strong and very courageous, that thou mayest observe to do according to all the law, which Moses my servant commanded thee: turn not from it to the right hand or to the left, that thou mayest prosper withersoever thou goest." (Joshua 1: 7) That is, God says that if you follow the words of the law that Moses taught you, this promise will work for you.

Faith is also a condition of many promises in the New Testament. "That if thou shalt confess with thy mouth the Lord Jesus, and shalt believe in thine heart that God hath raised him from the dead, thou shalt be saved. For with the heart man believeth unto righteousness; and with the mouth confession is made unto salvation." (Romans 10: 9, 10)

But according to this verse, not everyone who says "I believe in Christ" experiences salvation, because they simply say they believe in Jesus instead of confessing wholeheartedly and trusting in other men, saints, and circumstances.

Beloved, only when we fully submit to God's words and their conditions will all God's promises will be our yes in Jesus Christ and Amen in him.

God’s Message: - ✍️ Bro. M. Geo Prakash