வல்லமைமிக்கக் கரங்கள் / MIGHTY HANDS

ஆதவன் 🔥 927🌻 ஆகஸ்ட் 12, 2023 சனிக்கிழமை

"உன் தேவனாயிருக்கிற கர்த்தராகிய நான் உன் வலதுகையைப் பிடித்து: பயப்படாதே, நான் உனக்குத் துணைநிற்கிறேன் என்று சொல்லுகிறேன்." ( ஏசாயா 41 : 13 )

பல்வேறு இக்கட்டுகள் துன்பங்கள் நம்மை வாட்டும்போது நமக்கு ஆறுதல் தரும் தேவ வார்த்தைகள் வேதத்தில் பலவுண்டு. இந்த வார்த்தைகள் ஒரு தகப்பனும் தாயும் குழந்தைகளுக்கு ஆறுதலும் தேறுதலும் தருவதுபோல் நமக்கு மன அமைதியைத் தருகின்றன.  இன்றைய தியானத்துக்குரிய வசனம் அத்தகையதே. 

சிறு குழந்தைகளை அழைத்துச் செல்லும்போது தாயோ தகப்பனோ அவற்றின் கைகளைப்பிடித்துக் கூட்டிச் செல்வார்கள். அந்தக் குழந்தைகளுக்கு அது மிகப்பெரிய பாதுகாப்பு உணர்வினைத் தரும். அன்பானவர்களே, பிரச்சனைகள், பாடுகள், துன்பங்களைக்கண்டு அஞ்சவேண்டாம். "நான் உன் வலதுகையைப் பிடித்து: பயப்படாதே, நான் உனக்குத் துணைநிற்கிறேன்" என்கிறார் கர்த்தராகிய இயேசு கிறிஸ்து. 

கர்த்தராகிய இயேசு கிறிஸ்துச் செய்த அற்புத அதிசயங்களை எண்ணிப்பாருங்கள். அந்த வல்லமைமிக்க கைகள் வெறுமையான தண்ணீரை சுவையான திராட்சை ரசமாக மாற்றிய கைகள். குருடர், செவிடர்கள், முடவர்களை   சுகமாக்கிய கைகள், பிசாசுகளைத் துரத்திய அதிகாரமிக்கக் கைகள். மரித்தவர்களை உயிருடன் எழுப்பியகைகள், ஐந்து அப்பங்களால் ஐயாயிரம் மக்களுக்கு பசியாற்றியகைகள். துன்பத்தால் சோர்ந்துபோன மக்களை அரவணைத்த அன்புக்கைகள். அந்தக் கைகளால் நமது வலது கையைப் பிடித்து அவர் நம்மை நடத்துவேன் என்கின்றார்.  

"யாக்கோபு என்னும் பூச்சியே, இஸ்ரவேலின் சிறுகூட்டமே, பயப்படாதே; நான் உனக்குத் துணைநிற்கிறேன் என்று கர்த்தரும் இஸ்ரவேலின் பரிசுத்தருமாகிய உன் மீட்பர் உரைக்கிறார்." ( ஏசாயா 41 : 14 ) ஆம், தேவனின் பார்வையில் நாமெல்லோரும் அற்பமான பூச்சி போன்றவர்கள். மக்கள் மத்தியில் நாம் ஒரு சிறு கூட்டமே. இந்திய மக்கள்தொகையில் நாம் வெறும் 2% தான். நம்மைப்பார்த்துத் தேவன் இந்த வசனங்களால் ஆறுதல் தருகின்றார்.

அற்பமான நமது கைகளைப் பிடித்து நடத்துவது மட்டுமல்ல, அப்படி அவர் நடத்தும்போது நாம் வலுவுள்ளவர்களாகின்றோம். அவர் வெறுமனே நமது கைகளைப் பிடித்துக்கொண்டிருக்கவில்லை. மாறாக, "இதோ, போரடிக்கிறதற்கு நான் உன்னைப் புதிதும் கூர்மையுமான பற்களுள்ள இயந்தரமாக்குகிறேன்; நீ மலைகளை மிதித்து நொறுக்கி, குன்றுகளைப் பதருக்கு ஒப்பாக்கிவிடுவாய்." ( ஏசாயா 41 : 15 ) என்கின்றார் பரிசுத்தரான கர்த்தர். எனவே நம்மை எவரும் எதிர்த்து நிற்க முடியாது.

ஆனால் நாம் கவனிக்கவேண்டியது ஒன்று உண்டு. திருவிழாக்களுக்கோ கண்காட்சிகளுக்கோ குழந்தைகளை கைகளை பிடித்து அழைத்துச்செல்லும்போது சிலவேளைகளில் அங்கு இருக்கும் விளையாட்டுப் பொருட்களைப்பார்த்து அவை வேண்டுமென்று குழந்தைகள் அடம்பிடித்து அழும். வாங்கிக்கொடுக்காவிட்டால் என்ன சொன்னாலும் கேட்காது. சிலவேளைகளில் நமது கைகளை உதறிவிட்டு தரையில் உட்கார்ந்து அந்தப் பொருளை வாங்கித் தராவிட்டால்  வரமாட்டேன் என்று அடம்பிடிக்கும். நாமும் இதுபோலவே சிலவேளைகளில் உலக இச்சைகளுக்காக தேவ கரத்தை உதறிவிடுகின்றோம்.

தேவனது கரம்பிடித்து நடக்கும்போது நம்மை அவருக்கு ஒப்புக்கொடுத்து அவரது காலம் வரும்வரைக் காத்திருக்கவேண்டியதும் அவசியம். எனவேதான் அப்போஸ்தலரான பேதுரு, "ஆகையால், ஏற்றகாலத்திலே தேவன் உங்களை உயர்த்தும்படிக்கு, அவருடைய பலத்த கைக்குள் அடங்கியிருங்கள்." ( 1 பேதுரு 5 : 6 ) எனக் கூறுகின்றார்.

அன்பானவர்களே, குடும்பத்திலோ, ஊரிலோ, நமது சமூகத்திலோ ஒருவேளை நாம் புறக்கணிக்கப்பட்டவர்களாக, மதிப்பில்லாதவர்களாக  இருக்கலாம். அல்லது உலகத் துன்பங்கள், நோய்கள் நம்மை நெருக்கிச் சோர்வடையச் செய்திருக்கலாம், ஆனால் நாம் அஞ்சிடவேண்டாம். அண்டசராசரங்களையே படைத்து  ஆளும் வல்லமைமிக்க தேவ கரம் நம்மைப் பிடித்துள்ளது எனும் விசுவாசத்தோடு நமது வாழ்வைத் தொடருவோம்.  

"பயப்படாதே, நான் உனக்குத் துணைநிற்கிறேன் என்று சொல்லுகிறேன்." என்கிறார் உன்னதமான தேவன். 

தேவ செய்தி:- ✍️ சகோ. எம். ஜியோ பிரகாஷ்                            

                                      MIGHTY HANDS 

AATHAVAN 🔥 927🌻 Saturday, August 12, 2023

"For I the LORD thy God will hold thy right hand, saying unto thee, Fear not; I will help thee." 

There are many words of God in the scriptures that comfort us when we are afflicted by various difficulties. These words give us peace of mind as a father and mother comfort children. Such is the verse for today's meditation.

When picking up small children, the mother or father would hold their hands and lead them along. It gives the children a great sense of security. Beloved, don't be afraid of troubles, sorrows, sufferings. "I the LORD thy God will hold thy right hand, saying unto thee, Fear not; I will help thee " says the Lord Jesus Christ.

Consider the miracles performed by the Lord Jesus Christ. Those mighty hands were the hands that turned the ordinary water into delicious wine. The hands that healed the blind, the deaf, the lame, the powerful hands that cast out devils. Those hands raised the dead and fed five thousand people with five loaves. Embraced people exhausted by suffering. Yes, that mighty hands will hold our right hand and lead us.

"Fear not, thou worm Jacob, and ye men of Israel; I will help thee, saith the LORD, and thy redeemer, the Holy One of Israel." (Isaiah 41: 14 ) Yes, in the eyes of God we are all like a small insects. We are a small group among the nation. We are just 2% of India's population. God comforts us with these verses.

Not only does He hold our small hands and lead us, we become strong when He does so. He is not simply holding our hands. Rather, "Behold, I will make thee a new sharp threshing instrument having teeth: thou shalt thresh the mountains, and beat them small, and shalt make the hills as chaff." (Isaiah 41: 15 ) says the Holy Lord. So, no one can stand against us.

But there is one thing we need to notice. When child is taken by us to festivals or fairs, sometimes the child wants to have certain toys and cry. If you do not give it, they will not listen to anything. Sometimes the child sat on the floor wringing our hands and refuse to come with us if we do not buy the item. Like this, we also sometimes leave God's hand for worldly desires.

When walking with God's hand, it is necessary to surrender ourselves to Him and wait for His time to come. That is why the apostle Peter said, "Humble yourselves therefore under the mighty hand of God, that he may exalt you in due time" ( 1 Peter 5 : 6 ).

Beloved, perhaps in our family, in our town, in our community, we are neglected and unappreciated. Or worldly sufferings and diseases may have overwhelmed us and made us tired, but we should not be afraid. Let us continue our life with the faith that the mighty hand of God who created and rules the universe is holding us.

"Fear not; I will help thee." Says the Almighty God.

God’s Message:- ✍️ Bro. M. Geo Prakash