காணிக்கை / OFFERING

ஆதவன் 🔥 919🌻 ஆகஸ்ட் 04, 2023 வெள்ளிக்கிழமை

"அவர்களெல்லாரும் தங்கள் பரிபூரணத்திலிருந்தெடுத்து தேவனுக்கென்று காணிக்கை போட்டார்கள்; இவளோ தன் வறுமையிலிருந்து தன் ஜீவனத்துக்கு உண்டாயிருந்ததெல்லாம் போட்டுவிட்டாள்." ( லுூக்கா 21 : 4 )

காணிக்கையளித்தல் குறித்து இயேசு கிறிஸ்து கூறிய இன்றைய சித்தனை நமக்கு ஒரு படிப்பினையாகும். பொதுவாக அனைவருமே அதிக காணிக்கைகளை ஆலயத்துக்கு அளிப்பவர்களை மேலானவர்களாகக் கருதுகின்றனர். ஆலய கட்டுமானங்கள், ஆலய விரிவாக்கம், ஆலயத்துக்கான சிறப்பு ஏற்பாடுகள் செய்ய என காணிக்கைகள் வசூலிக்கும்போது இந்த கீழ் மேல் மனநிலை வெளியரங்கமாகத் தெரியும். 

மேலும் ஆலயங்களில் ஒரே நபர் பத்து லட்சம் அல்லது  ஒருகோடி காணிக்கை அளிக்கும்போது அந்தச் செய்தி பத்திரிகைகளில் சிறப்பாக வெளியிடப்படுகின்றது. ஆம், இதுதான் மனிதர்கள் பார்வை. மனிதர்கள் தங்கள் மனநிலைக்கேற்ப அதிகம் கொடுப்பவர்களை மேலானவர்களாகக் கருதுகின்றனர். 

ஆனால் தேவனது பார்வை வேறு. அவர் மனிதர்களின் உள்ளான மனநிலையினை அறிகின்றவர். இந்த அண்டசராசரங்களையே படைத்த தேவன் அற்ப மனிதர்களது பணத்தால் மயங்குபவரல்ல. காரணம், வெள்ளியும் பொன்னும் அவருடையது. ஆம், "வெள்ளியும் என்னுடையது, பொன்னும் என்னுடையது என்று சேனைகளின் கர்த்தர் சொல்லுகிறார்." ( ஆகாய் 2 : 8 )

கர்த்தராகிய இயேசு கிறிஸ்துவின் பார்வை இதுவாக இருந்ததால் அவர் இரண்டு காசு காணிக்கைச் செலுத்திய ஏழை விதவையின் காணிக்கையினை சிறப்பாகக் கூறுகின்றார். நமது ஆலயங்களில் இதற்கு மாறாகச் சில வேளைகளில் ஆலய வளர்ச்சிக்காக பணம் சேகரிக்கும்போது ஒரு சில ஏழை வீடுகளைத் தவிர்த்துவிடுகின்றனர். காரணம் அங்கு சென்றால் நூறு அல்லது இருநூறு ரூபாய்தான் கிடைக்கும். அது பெரிய ஆலயப்  பணிக்குத் தேவையற்ற  அற்பமான பணம் என எண்ணிக்கொள்கின்றனர். 

நம்மைப் பாதிக்கும்படி கொடுப்பதே அன்புடன் கொடுப்பது. கோடிக்கணக்கான சொத்துசுகங்களை வைத்திருப்பவர் பல ஆயிரங்களைக் காணிக்கையாகக் கொடுப்பதைவிட அடுத்தநாள் செலவுக்கு மட்டுமே இருக்கும் சொற்ப பணத்தில் ஐம்பது ரூபாய் கொடுப்பது மேலானது. 

சிலருக்கு ஆலயத்துக்கும் தர்ம காரியங்களுக்கும்  அதிக காணிக்கை கொடுக்க மனதில் ஆர்வமிருக்கும் ஆனால் கொடுப்பதற்குப் பணமிருக்காது. இத்தகைய நிலையில் அந்த மனிதன் தான் கொடுக்க விரும்பியதைக் கொடுக்க இயலாவிட்டாலும் தேவனது பார்வையில் அது கொடுக்கப்பட்டகாகவே அவரால் அங்கீகரிக்கப்படும். இதனையே அப்போஸ்தலரான பவுல்,  "ஒருவனுக்கு மனவிருப்பமிருந்தால், அவனுக்கு இல்லாததின்படியல்ல, அவனுக்கு உள்ளதின்படியே அங்கிகரிக்கப்படும்." ( 2 கொரிந்தியர் 8 : 12 ) என்கின்றார். 

அன்பானவர்களே, மன உற்சாகத்துடன் கர்த்தருக்குக் கொடுப்போம். தேவன் காணிக்கைகளையோ தசமபாகக் காணிக்கையையோ  கண்டிப்பாக நம்மிடம் கேட்டு கொடுக்காவிட்டால் சபிப்பவரல்ல; அப்படிக் கொடுத்தவுடன் அவர்களை ஆசீர்வதிப்பவருமல்ல. இருதய சுத்தத்தோடு, விருப்பத்தோடு, நம்மைப் பாதிக்குமளவுக்கு, எந்த எதிர்பார்ப்பும் இல்லாமல் அந்த ஏழை விதவைக் கொடுத்ததைப்போல காணிக்கை அளிப்போம். ஆம், அந்த விதவை ஆசீர்வாதத்தை எதிர்பார்த்துக் காணிக்கைக்  கொடுக்கவுமில்லை; அப்படிக் கொடுத்ததால் அவள் ஆசீர்வதிக்கப்பட்டாள் என்று கூறப்படவுமில்லை.  

ஆவிக்குரிய சபைகள் என்று கூறப்படும் சபைகள் போதிக்கும் தவறான போதனைகளுக்கு விலகி நம்மைக் காத்துக்கொள்வோம்.

தேவ செய்தி:- ✍️ சகோ. எம். ஜியோ பிரகாஷ் 

                       OFFERING

AATHAVAN 🔥 919🌻 August 04, 2023 Friday

"For all these have of their abundance cast in unto the offerings of God: but she of her penury hath cast in all the living that she had." ( Luke 21 : 4 )

Today's verses of Jesus Christ about giving offerings are a lesson for us. Generally, everyone considers those who give more offerings to the temple to be superior. This bottom-up mindset of people is visible when collecting donations for church constructions, expansion, and making special arrangements for the church.

And when a single person donates ten lakhs or one crore in temples, the news is well published by the press. Yes, this is what humans see. Humans tend to regard those who give more as superior.

But God's view is different. He knows the inner mind of people. God who created these universes is not mesmerized by the money of petty people. Because silver and gold belong to him. Yes, "The silver is mine, and the gold is mine, saith the LORD of hosts." (Haggai 2 : 8 )

Because this was the vision of Lord Jesus Christ, he best describes the offering of the poor widow who paid two pennies. On the contrary, in our temples, sometimes when collecting money for the development of the church, a few poor houses are left out. Because if you go there, you will get one hundred or two hundred rupees. They consider it as a trivial amount of money unnecessary for the great church work.

Giving with love is giving to affect oneself. A person who gives fifty rupees out of the meagre amount that he had for the next day's expenses is superior to God than a man giving thousands or lakhs as donations to church.

Some people have a desire to give more to the church and charitable causes but do not have money to give. In such a case, even if the man is unable to give what he wants to give, it will be recognized as given in the eyes of God. This is what the apostle Paul said, "For if there be first a willing mind, it is accepted according to that a man hath, and not according to that he hath not." ( 2 Corinthians 8 : 12 )

Beloved, let us give to the Lord with enthusiasm. God is not compelling us to give offerings or tithes; He will not bless them for giving like that. Let us give with purity of heart, willingly, to the extent that it affects us, without any expectation, as the poor widow gave. Yes, the widow paid the offering without hoping for a blessing; It is not mentioned she is blessed for such giving.

Let us keep ourselves away from false teachings taught by so-called spiritual churches.

God’s Message:- ✍️ Bro. M. Geo Prakash