பிசாசுகளின் விசுவாசம் / FAITH OF DEVILS

ஆதவன் 🔥 929🌻 ஆகஸ்ட் 14, 2023 திங்கள்கிழமை

 

"தேவன் ஒருவர் உண்டென்று விசுவாசிக்கிறாய், அப்படிச் செய்கிறது நல்லதுதான்; பிசாசுகளும் விசுவாசித்து, நடுங்குகின்றன. வீணான மனுஷனே, கிரியைகளில்லாத விசுவாசம் செத்ததென்று நீ அறியவேண்டாமோ? ( யாக்கோபு 2 : 19, 20 )

நாம் அனைவருமே பொதுவாக தேவனை விசுவாசிக்கின்றோம். அப்படி விசுவாசிப்பதால்தான் ஆலயங்களுக்கு வருகின்றோம், தேவனுக்கு அஞ்சி சில காரியங்களைச் செய்யாமல் தவிர்க்கின்றோம், வேதாகமத்தை வாசிக்கின்றோம், அவரிடம் ஜெபிக்கின்றோம். இத்தகைய விசுவாசம் நல்லதுதான். ஆனால் இந்த விசுவாசம் மேலான விசுவாசமல்ல என்கின்றார் அப்போஸ்தலரான யாக்கோபு. 

காரணம், பிசாசுகளாலும் ஆலயங்களுக்கு வரமுடியும். தேவ சந்நிதியில் பிசாசுகளும் வந்து நின்றதை நாம் யோபு புத்தகத்தில் வாசிக்கின்றோம் (யோபு 1:6, மற்றும் யோபு 2:1).  இயேசு கிறிஸ்துவையே சோதித்தது சாத்தான். மேலும் நமக்குத் தெரிவதைவிட வேத வசனங்கள் பிசாசுகளுக்கு அதிகம் தெரியும். இயேசு கிறிஸ்துவை சாத்தான் சோதித்தபோது வேத வசனங்களையே பயன்படுத்தினான் (மத்தேயு 4:1-11) ஆனால், பிசாசுகள் இயேசுவைக் கண்டு நடுநடுங்கின. காரணம் பிசாசுகளுக்கு தேவனைப்பற்றியும் அவரது பரிசுத்தத்தைப் பற்றியும்  வல்லமை பற்றி அதிகம் தெரியும். காரணம் ஆதியில் அவரோடு இருந்து பின்னர் பாதாளத்தில் தள்ளப்பட்டவைகள்தான் பிசாசுகள் (எசேக்கியேல் 28).

எனவே, நாமும் வெறுமனே தேவனை நம்புகிறேன் என்று கூறிக்கொண்டு சில பக்தி முயற்சிகளை மட்டும் செய்துகொண்டிருந்தால் போதாது. கிறிஸ்துவின்மேலுள்ள நமது விசுவாசத்தைச் செயலில் காண்பிக்கவேண்டியது அவசியம். இல்லையானால் கிறிஸ்துவை அறியாத மக்கள் பிற தெய்வங்களை வழிபடுவதுபோல நாமும் கிறிஸ்துவை வழிபடுபவர்களாகவே இருப்போம். 

கிறிஸ்துமேலுள்ள நமது விசுவாசம் செயலாக வெளிப்படும்போது நாமும் கிறிஸ்துவைப்போல மாறுகின்றோம்.   அதாவது கிறிஸ்துவின்மேல் உண்மையான விசுவாசம் வைக்கும்போது நாம் நீதிசெயல்கள் செய்யாமல் அவர்மேல்வைக்கும் நமது விசுவாசத்தினால் பாவத்திலிருந்து விடுலை பெறுகின்றோம்; நீதிமானாக்கப் படுகின்றோம்.   பாவத்துக்கு விலகிடும் நாம் ஆவியின் பிரமாணத்துக்குள் வந்துவிடுகின்றோம்.  

இதனையே, "கிறிஸ்து இயேசுவினாலே ஜீவனுடைய ஆவியின் பிரமாணம் என்னைப் பாவம் மரணம் என்பவைகளின் பிரமாணத்தினின்று விடுதலையாக்கிற்றே." ( ரோமர் 8 : 2 ) என்கின்றார் பவுல் அப்போஸ்தலர்.  அன்பானவர்களே, இத்தகைய அனுபவத்தைப் பெற்று கிறிஸ்துவுக்களுள் வாழ்வதுதான் விசுவாச வாழ்க்கை. வெறுமனே கிறிஸ்துவை விசுவாசிக்கிறேன் என்று கூறிக்கொண்டு ஆலயங்களுக்குச் செல்வதல்ல; அவர் பாவத்திலிருந்து நம்மை விடுவிக்கிறார் எனும் விசுவாசம். 

இந்த விசுவாசமும் பாவத்திலிருந்து விடுதலையும்  பிசாசுகளுக்குக் கிடையாது. எனவேதான் இன்றைய வசனம், "தேவன் ஒருவர் உண்டென்று விசுவாசிக்கிறாய், அப்படிச் செய்கிறது நல்லதுதான்; பிசாசுகளும் விசுவாசித்து, நடுங்குகின்றன. வீணான மனுஷனே, கிரியைகளில்லாத விசுவாசம் செத்ததென்று நீ அறியவேண்டாமோ? என்று கேள்வி எழுப்புகின்றது. ஆம், நமது விசுவாசம் செயலாகவேண்டும்.

மேலும் இந்த விசுவாசச் செயல்கள் நம்மிடம் இல்லையானால் நாம் செத்தவிசுவாசம் கொண்டவர்கள் என்கின்றது வேதம். ஆம்,  "அப்படியே, ஆவியில்லாத சரீரம் செத்ததாயிருக்கிறதுபோல, கிரியைகளில்லாத விசுவாசமும் செத்ததாயிருக்கிறது." ( யாக்கோபு 2 : 26 ) எனவே உயிருள்ளவர்களாகிய நாம் நமது விசுவாசத்தைச் செயலில் காண்பிப்போம். அதற்கு, முதலில் கிறிஸ்து இயேசுவின் ஆவியின் பிரமாணத்துக்குள் நம்மை உட்படுத்திக்கொள்வோம்.

தேவ செய்தி:- ✍️ சகோ. எம். ஜியோ பிரகாஷ்    

                                   FAITH OF DEVILS

AATHAVAN 🔥 929🌻 Monday, August 14, 2023

"Thou believest that there is one God; thou doest well: the devils also believe, and tremble. "But wilt thou know, O vain man, that faith without works is dead?" ( James 2 : 19, 20 )

We all generally believe in God. It is because of that belief that we come to temples, avoid doing certain things out of fear of God, read the scriptures, and pray to Him. Such faith is good. But this faith is not the greatest faith, says the apostle, James.

The reason is that even devils can visit temples. We read in the book of Job that devils also stood in the presence of God (Job 1:6, and Job 2:1). Satan tested Jesus Christ. And devils know more about the scriptures than we do. When Satan tested Jesus Christ, he used the same scriptures (Matthew 4:1-11), but the devils trembled when they saw Jesus. Because devils know too much about God and His holiness and power. Because the devils were the ones who were with him in the beginning and then cast into hell (Ezekiel 28).

Therefore, it is not enough for us to simply claim to believe in God and make some devotional efforts. It is necessary to show our faith in Christ in action. Otherwise, we will be worshipers of Christ just as people who do not know Christ worship other gods.

When our faith in Christ is manifested in action, we become like Christ. That is, when we have true faith in Christ, we are freed from sin by our faith in Him without doing righteous deeds; We are justified. When we turn away from sin, we come into the covenant of the Spirit.

"For the law of the Spirit of life in Christ Jesus hath made me free from the law of sin and death." (Romans 8: 2) Paul the apostle said. Beloved, having such an experience and living in Christ is the life of faith. Not just going to church claiming to believe in Christ; Faith that He frees us from sin.

Devils do not have this faith and freedom from sin. That is why today's verse asks, "Thou believest that there is one God; thou doest well: the devils also believe, and tremble. "But wilt thou know, O vain man, that faith without works is dead?". Yes, our faith must be manifested in our actions.

And if we do not have this faith, the scriptures say that we have dead faith. Yes, "For as the body without the spirit is dead, so faith without works is dead also." (James 2: 26) So we who are alive will show our faith in action. For that, let us first put ourselves under the covenant of the Spirit of Christ Jesus.

God’s Message: - ✍️ Bro. M. Geo Prakash