🦋 Meditation verse - சங்கீதம் 121 : 1 / Psalm 121:1

 "விதைகளின் உள்ளே" 🌳 

வேதாகமத் தியானம் எண் - 1630                                          ஆதவன் 25.07.2025 வெள்ளி         

"எனக்கு ஒத்தாசை வரும் பர்வதங்களுக்கு நேராக என் கண்களை ஏறெடுக்கிறேன்." ( சங்கீதம் 121 : 1 )

இந்த உலகத்தில் நமக்கு உதவிகள் தேவைப்படும்போது சில  நேரங்களில், "நான் இந்தக் காரியத்தில் அவரைத்தான் மலைபோல நம்பியிருக்கிறேன்" என்று கூறுவதுண்டு. அதாவது அந்த நபர் நமக்கு உதவுவார் என்று நிச்சயமாக நாம் நம்பியிருக்கின்றோம் என்று பொருள். மலை உறுதியானது, உயரமானது, யாரும் எளிதில் அசைக்க முடியாதது. அதுபோல அந்த மனிதர்கள் நமக்கு உதவுவார்கள் என்று நாம் உறுதியாக நம்பிக்கொண்டிருப்போம். மட்டுமல்ல, மலையானது நமக்கு மிகப்பெரிய பாதுகாப்பு அரணாகவும் இருக்கின்றது. நமது இந்திய நாட்டிற்குக்கூட வடக்கிலுள்ள இமயமலை மிகப்பெரிய பாதுகாப்பு அரணாக இருக்கின்றது. 

இப்படி நாம் நமக்கு உதவிக்காக பல்வேறு நபர்களை மலைபோல நம்பிக்கொண்டிருக்கலாம். அவர்கள் நமக்கு உண்மையாக உதவுபவர்களாகவும் இருக்கலாம். ஆனால், சில வேளைகளில் சூழ்நிலைகள் மாறி அவர்கள் நமக்கு உதவிட முடியாத நிலைகளை உருவாக்கிவிடலாம். நமக்கு வேண்டியவர்கள் ஆட்சி அதிகாரத்தில் இருப்பவர்களாக இருந்தாலும்கூட  சூழ்நிலைகள் மாறும்போது அவர்களால் நமக்கு உதவி செய்ய இயலாமல் போய்விடும். 

எனவேதான் சங்கீத ஆசிரியர் கூறுகின்றார், "மனுஷனை நம்புவதைப்பார்க்கிலும், கர்த்தர் பேரில் பற்றுதலாயிருப்பதே நலம். பிரபுக்களை நம்புவதைப்பார்க்கிலும் கர்த்தர் பேரில் பற்றுதலாயிருப்பதே நலம்." ( சங்கீதம் 118 : 8, 9 )

மேலும், எருசலேம் நகரைச் சுற்றிலும் மலைகள் பாதுகாப்பு அரண்போல இருப்பதுபோல, கர்த்தர் நமக்குப் பாதுகாப்பு அரணாக இருக்கின்றார்.   நாம் கிறிஸ்துவுக்கு ஏற்றவர்களாக வாழ்வோமானால் நாமே அவரது பரிசுத்த எருசலேம் நகராக இருக்கின்றோம். அவர் நமக்குள் வந்து தங்குகின்றார். அப்படி நாம் வாழும்போது, "பர்வதங்கள் எருசலேமைச் சுற்றிலும் இருக்குமாப்போல், கர்த்தர் இதுமுதல் என்றென்றைக்கும் தம்முடைய ஜனத்தைச் சுற்றிலும் இருக்கிறார்." ( சங்கீதம் 125 : 2 ) எனும் வசனத்தின்படி அவர் நமக்கும் நமது குடும்பத்துக்கும் பாதுகாப்பு அரணாக இருப்பார். 

ஆம் அன்பானவர்களே, நமக்கு ஒத்தாசை வரும் மலைபோல அசையாமல் மாறாமல் இருப்பவர் கர்த்தர் மட்டுமே. சூழ்நிலைகளோ, நேரமோ, காலமோ அவரை மாற்றமுடியாது.  அவர் கொடுத்துள்ள வாக்குறுதிகள் நித்திய காலத்துக்குமானவைகள். கொடுத்த வாக்குறுதிகளை மாற்றிட மனிதர்களைப்போல அவர் உண்மையற்றவரல்ல. "நாம் உண்மையில்லாதவர்களாய் இருந்தாலும், அவர் உண்மையுள்ளவராயிருக்கிறார்; அவர் தம்மைத்தாம் மறுதலிக்கமாட்டார்." ( 2 தீமோத்தேயு 2 : 13 )

எனவே, கர்த்தரே நமக்கு மிகப்பெரிய நம்பிக்கை மலையாக இருக்கின்றார்; அவரே நமக்கு ஒத்தாசையாக இருக்கின்றார். அவரை நோக்கி நமது கண்களை ஏறெடுத்துப் பார்க்கும்போது அவரது உதவி நமக்குக் கிடைக்கும். மனிதர்களை நோக்கியல்ல; கர்த்தரையே நோக்கி  நமது கண்களை ஏறெடுப்போம். நமக்கு ஒத்தாசை அவரிடமிருந்து மட்டுமே வரும். 

பிரச்சனைகள், துன்பங்கள் நெருக்கும்போது எதிர்மறையான எண்ணம்கொண்டு விசுவாசத்தில் பலவீனமடைந்து பிற தெய்வங்களையோ பிற மத நம்பிக்கைகளையோ நாம் பின்பற்றிடாமல் உறுதியான மனதுடன் கர்த்தரையே கிட்டிச் சேர்வோம். மலைபோன்ற அவரை உறுதியான விசுவாசத்தோடு அண்டிக்கொள்வோம்.  அப்படி வாழ்வோமானால், "மலைகள்  விலகினாலும், பர்வதங்கள் நிலைபெயர்ந்தாலும், என் கிருபை உன்னைவிட்டு விலகாமலும், என் சமாதானத்தின் உடன்படிக்கை நிலைபெயராமலும் இருக்கும் என்று, உன்மேல் மனதுருகுகிற கர்த்தர் சொல்லுகிறார்". (ஏசாயா 54:10) என்று கூறியுள்ளபடி அவரது கிருபை நம்மைவிட்டு விலக்கிடாமல் இருக்கும். 

தேவ செய்தி :- சகோ. எம். ஜியோ பிரகாஷ்                                     

"Inside the Seeds" 🌳

Scripture Meditation No. 1630

AATHAVAN – Friday, 25.07.2025

“I will lift up mine eyes unto the hills, from whence cometh my help.” — Psalm 121:1 (KJV)

At times when we are in need of help, we often say, “I looked up to him like a mountain for support.” This means we firmly believed that the person would certainly help us. A mountain is firm, tall, and unshakable. In the same way, we may consider some people as our solid support, believing that they will come to our aid. Not only that, mountains serve as great natural fortresses. Even for our country, the Himalayas in the north stand as a strong natural defense.

Likewise, we may trust many individuals as our mountains of help. And some of them may indeed be faithful to help us. But there are times when circumstances change, and those people—however willing—may become unable to help. Even if they are people in authority or positions of power, when situations shift, their ability to assist us might be hindered.

That’s why the Psalmist declares:

“It is better to trust in the LORD than to put confidence in man. It is better to trust in the LORD than to put confidence in princes.” — Psalm 118:8–9 (KJV)

Just as the mountains surround Jerusalem and form a strong protective wall, so the Lord surrounds His people as their defense. If we live lives pleasing to Christ, then we ourselves are His holy Jerusalem. He dwells within us. When we live like that, this verse becomes true for us:

“As the mountains are round about Jerusalem, so the LORD is round about his people from henceforth even for ever.” — Psalm 125:2 (KJV)

Dearly beloved, only the Lord can be our unshakable and unchanging mountain of help. Circumstances, time, and seasons cannot change Him. His promises are eternal. Unlike man, God is not unfaithful to change what He has promised.

“If we believe not, yet he abideth faithful: he cannot deny himself.” — 2 Timothy 2:13 (KJV)

Therefore, the Lord is our mighty mountain of confidence and help. When we lift up our eyes toward Him, we will surely receive His help. Let us not lift our eyes to man, but unto the Lord alone. True help comes only from Him.

When we are troubled or oppressed, let us not waver in faith, nor turn to other gods or beliefs. Instead, with firm hearts, let us draw near to the Lord. Let us cling to Him—the mountain that cannot be moved. And if we live like that, His grace will never depart from us, as He has said:

“For the mountains shall depart, and the hills be removed; but my kindness shall not depart from thee, neither shall the covenant of my peace be removed, saith the LORD that hath mercy on thee.” — Isaiah 54:10 (KJV)

God’s Message by: Bro. M. Geo Prakash