🦋 Meditation verse - 1 கொரிந்தியர் 4 : 20 / 1 Corinthians 4:20

 "விதைகளின் உள்ளே" 🌳 

வேதாகமத் தியானம் எண் - 1609                                          ஆதவன் 04.07.2025 வெள்ளி    

"தேவனுடைய ராஜ்யம் பேச்சிலே அல்ல, பெலத்திலே உண்டாயிருக்கிறது." ( 1 கொரிந்தியர் 4 : 20 )

நமது ஆண்டவராகிய இயேசு கிறிஸ்துத் தனது சீடர்களுக்குக் கற்றுக்  கொடுத்த  ஜெபத்தில், "உம்முடைய ராஜ்ஜியம் வருக" என்று ஜெபிக்கக் கூறினார்.  இந்த தேவனுடைய ராஜ்ஜியம் வேறு    எங்கும் அல்ல, அது நமக்குள்தான் இருக்கின்றது என்றும் சீடர்களிடம் அவர் கூறினார்.  "இதோ, இங்கே என்றும், அதோ, அங்கே என்றும் சொல்லப்படுகிறதற்கும் ஏதுவிராது; இதோ, தேவனுடைய ராஜ்யம் உங்களுக்குள் இருக்கிறதே." ( லுூக்கா 17 : 21 ) என்று இயேசு கூறுவதை நாம் வாசிக்கின்றோம். 

இயேசு கூறும் நமக்குள் இருக்கும் இந்தத் தேவனுடைய ராஜ்ஜியம் பேச்சிலே அல்ல, பெலத்திலே உண்டாயிருக்கிறது என்கின்றார் அப்போஸ்தலரான பவுல்.  அதாவது, வெறுமனே தேவனுடைய ராஜ்ஜியம்  பற்றி பேசுவதிலல்ல, மாறாக அதன் வலிமை நம்மாலும் மற்றவர்களாலும் உணரப்படும் வலிமையுள்ளதாக இருக்கும்போதுதான் அது பயனுள்ளதாக இருக்கும் என்று பொருள். 

இந்த தேவனுடைய ராஜ்யத்தின் பெலன், தேவனுடைய பரிசுத்த ஆவியினால் நமக்குக் கிடைக்கின்றது. எனவேதான்  இன்றைய தியான வசனம் கூறுகின்றது, தேவனுடைய ராஜ்ஜியம் வெறும் பேச்சிலல்ல மாறாக பரிசுத்தஆவியானவர் தரும் பலத்தால் உண்டாகின்றது என்று. எனவே, தேவனுடைய ஆவியானவர் நமக்குள் வரும்போது நமக்குள் உலகம் கொடுக்க முடியாத மகிழ்ச்சி உண்டாகின்றது. 

ஆம், தேவனுடைய ராஜ்ஜியம் வெறுமனே உண்பது, நல்ல உடைகளை அணிவது, உலக செல்வங்களை அனுபவிப்பதிலல்ல, மாறாக பரிசுத்த ஆவியானவர் நமக்குள் அளிக்கும் மகிழ்ச்சியில் இருக்கின்றது. "தேவனுடைய ராஜ்யம் புசிப்பும் குடிப்புமல்ல, அது நீதியும் சமாதானமும் பரிசுத்த ஆவியினாலுண்டாகும் சந்தோஷமுமாயிருக்கிறது." ( ரோமர் 14 : 17 ) என்று கூறப்பட்டுள்ளது.

இன்றைய தியான வசனம், தேவனுடையராஜ்யம் வெறுமனே ஆலயங்களுக்குச் சென்று வழிபடுவதிலல்ல, மாறாக பரிசுத்த ஆவியானவர் நமக்குள் வந்து செயல்படுவதில்தான் உள்ளது என்பதையே எடுத்துக் கூறுகின்றது. இத்தகைய  ராஜ்ஜியம் வருவதாக என்றுதான் இயேசு தனது சீடர்களுக்கு ஜெபிக்கக்  கற்றுக்கொடுத்தார்.  ஏனெனில், ஆவியானவர் நமக்குள் வந்து செயல்படும்போது ஆவிக்குரிய வலிமை விளங்கும். 

இந்த ஆவியானவரின் வலிமையை நாம் பெற்றுக்கொள்ளும்போதே நாம் வெற்றியுள்ள ஆவிக்குரிய வாழ்வை வாழ முடியும். இந்தப் பெலன் நமக்குள் வரும்போதுதான்  நாம் பாவங்களை மேற்கொள்ளும் வலிமைபெற்றவர்களாகவும் கிறிஸ்துவுக்குச் சாட்சிபகரும் வாழ்க்கை வாழ்பவர்களாகவும் மாறமுடியும். எனவேதான் இயேசு கிறிஸ்து கூறினார், "பரிசுத்த ஆவி உங்களிடத்தில் வரும்போது நீங்கள் பெலனடைந்து, எருசலேமிலும், யூதேயா முழுவதிலும், சமாரியாவிலும், பூமியின் கடைசிப்பரியந்தமும், எனக்குச் சாட்சிகளாயிருப்பீர்கள்." ( அப்போஸ்தலருடைய நடபடிகள் 1 : 8 ) என்று. 

தேவ செய்தி :- சகோ. எம். ஜியோ பிரகாஷ்                                     

“Inside the Seeds” 🌳
Scripture Meditation No. 1609
AATHAVAN – Friday, 04 July 2025

“For the kingdom of God is not in word, but in power.” (1 Corinthians 4:20, KJV)

Our Lord Jesus Christ taught His disciples to pray saying, “Thy kingdom come.” He also told them that the kingdom of God is not somewhere outside or far away, but rather within them. As He said,
“Neither shall they say, Lo here! or, lo there! for, behold, the kingdom of God is within you.” (Luke 17:21, KJV)

The Apostle Paul affirms that this kingdom of God, which Jesus said is within us, is not merely in word, but in power. That is to say, the kingdom of God is not just about speaking or talking about it—it must be experienced through a power that can be felt by us and those around us. Only then does it become meaningful and fruitful.

This power of the kingdom comes through the Holy Spirit of God. That is why today’s meditation verse declares that the kingdom of God is not in word alone, but in the power given by the Holy Ghost. When the Spirit of God comes and dwells within us, we receive a joy that the world cannot offer.

Indeed, the kingdom of God is not about eating, wearing fine clothes, or enjoying worldly riches. It is found in the joy that the Holy Spirit imparts within us. “For the kingdom of God is not meat and drink; but righteousness, and peace, and joy in the Holy Ghost.” (Romans 14:17, KJV)

Today’s verse emphasizes that the kingdom of God is not about merely attending church services or engaging in external worship, but rather about the active presence of the Holy Spirit working within us. This is the very kingdom that Jesus taught His disciples to pray for: “Thy kingdom come.” Because, when the Spirit comes and works in us, the power of the Spirit becomes evident.

It is only when we receive this power of the Spirit that we can live a victorious spiritual life. When this power fills us, we receive strength to overcome sin and live as witnesses for Christ. That is why Jesus said,
“But ye shall receive power, after that the Holy Ghost is come upon you: and ye shall be witnesses unto me both in Jerusalem, and in all Judaea, and in Samaria, and unto the uttermost part of the earth.”
(Acts 1:8, KJV)

Gospel Message by: Bro. M. Geo Prakash