🦋 Meditation verse - 1 யோவான் 3 : 24 / 1 John 3:24

 "விதைகளின் உள்ளே" 🌳 

வேதாகமத் தியானம் எண் - 1614                                          ஆதவன் 09.07.2025 புதன்    

"அவருடைய கட்டளைகளைக் கைக்கொள்ளுகிறவன் அவரில் நிலைத்திருக்கிறான், அவரும் அவனில் நிலைத்திருக்கிறார்; அவர் நம்மில் நிலைத்திருக்கிறதை அவர் நமக்குத் தந்தருளின ஆவியினாலே அறிந்திருக்கிறோம்." ( 1 யோவான்  3 : 24 )

மற்றவர்கள் தேவனை வழிபடுவதற்கும் ஆவிக்குரிய வாழ்வு வாழும் ஒருவர் தேவனை வழிபடுவதற்கும் வித்தியாசம் உண்டு. மற்றவர்கள் தங்களது பாரம்பரியத்தில் தங்களது முன்னோர்கள் காட்டியுள்ள முறைமைகளின்படி வழிபடுகின்றனர். ஆனால் தேவனை ஆவிக்குரிய முறையில் வழிபடுபவர்கள் அவர் தங்களுக்குள் இருப்பதை உறுதியாக உணர்ந்து வழிபடுகின்றனர். 

இதனை நாம் இயேசு கிறிஸ்துவுக்கும் சமாரிய பெண்ணுக்குமிடையே  நடைபெற்ற உரையாடல்மூலம் தெளிவாக உணர்ந்துகொள்ளலாம். அந்தப் பெண் இயேசு கிறிஸ்துவிடம், "எங்கள் பிதாக்கள் இந்த மலையிலே தொழுதுகொண்டுவந்தார்கள்; நீங்கள் எருசலேமிலிருக்கிற ஸ்தலத்திலே தொழுதுகொள்ளவேண்டும் என்கிறீர்களே என்றாள்". ( யோவான் 4 : 20) அதாவது அவளது முன்னோர்கள் சொல்லிக்கொடுத்த முறை அதுதான். அந்த முறையில் அவள் தேவனை வழிபட்டுவந்தாள். 

"அதற்கு இயேசு: ஸ்திரீயே, நான் சொல்லுகிறதை நம்பு. நீங்கள் இந்த மலையிலும் எருசலேமிலும் மாத்திரமல்ல, எங்கும் பிதாவைத் தொழுதுகொள்ளுங்காலம் வருகிறது. நீங்கள் அறியாததைத் தொழுதுகொள்ளுகிறீர்கள்; நாங்கள் அறிந்திருக்கிறதைத் தொழுதுகொள்ளுகிறோம்; ஏனென்றால் இரட்சிப்பு யூதர்கள் வழியாய் வருகிறது. உண்மையாய்த் தொழுதுகொள்ளுகிறவர்கள் பிதாவை ஆவியோடும் உண்மையோடும் தொழுதுகொள்ளுங்காலம் வரும், அது இப்பொழுதே வந்திருக்கிறது; தம்மைத் தொழுதுகொள்ளுகிறவர்கள் இப்படிப்பட்டவர்களாயிருக்கும்படி பிதாவானவர் விரும்புகிறார். தேவன் ஆவியாயிருக்கிறார், அவரைத் தொழுதுகொள்ளுகிறவர்கள் ஆவியோடும் உண்மையோடும் அவரைத் தொழுதுகொள்ளவேண்டும் என்றார்." ( யோவான் 4 : 21 - 24 )

தேவனை ஆவியோடும் உண்மையோடும்  தொழுதுகொள்ள வேண்டும் என்று இயேசு கூறுகின்றார். தேவன் நமக்குள் இருப்பதை நாம் உணர்ந்துகொண்டால் மட்டுமே அவரை நாம் ஆவியோடும் உண்மையோடும் தொழுதுகொள்ள  முடியும். "அவர் நம்மில் நிலைத்திருக்கிறதை அவர் நமக்குத் தந்தருளின ஆவியினாலே அறிந்திருக்கிறோம்." என்று இன்றைய தியான வசனம் சொல்கின்றது. நாம் பரிசுத்த ஆவியானவரை வாழ்வில் பெற்றுக்கொள்ளும்போது என்ன நடக்கின்றது என்பதனை இயேசு கிறிஸ்து, "சத்திய ஆவியாகிய அவர் வரும்போது, சகல சத்தியத்திற்குள்ளும் உங்களை நடத்துவார்; அவர் தம்முடைய சுயமாய்ப் பேசாமல், தாம் கேள்விப்பட்டவைகள் யாவையுஞ்சொல்லி, வரப்போகிற காரியங்களை உங்களுக்கு அறிவிப்பார்." ( யோவான் 16 : 13 ) என்று கூறியுள்ளார்.  

ஆம் அன்பானவர்களே, இதுதான் ஆவியானவர் நமக்குள் இருக்கின்றார் என்பதற்கு அடையாளம். வெறுமனே சில சடங்குகளைக் கைக்கொண்டு பரிசுத்த ஆவியானவரை நாம் பெற்றுக்கொண்டுள்ளோம் என எண்ணிக்கொண்டு வாழ்வோமானால் உண்மையை அறியாதவர்களாகவே  இருப்போம். கிறிஸ்தவம் வெறும் கற்பனை போதனைகளைக் கொண்ட மார்க்கமல்ல, மாறாக அது அனுபவ மார்க்கம்; உயிருள்ள தேவனைக் கொண்டுள்ள மார்க்கம். இரண்டாயிரம் ஆண்டுகளுக்குமுன் சொல்லப்பட்ட, சீடர்கள் அனுபவித்த,  அனுபவங்கள் இன்றும் உண்மையாக நடப்பதை நாமும் அனுபவிக்கவேண்டும். 

"உலகம் அந்தச் சத்திய ஆவியானவரைக் காணாமலும் அறியாமலும் இருக்கிறபடியால் அவரைப் பெற்றுக்கொள்ளமாட்டாது; அவர் உங்களுடனே வாசம்பண்ணி உங்களுக்குள்ளே இருப்பதால், நீங்கள் அவரை அறிவீர்கள்." ( யோவான் 14 : 17 ) என்றார் இயேசு கிறிஸ்து. ஆம் அன்பானவர்களே, ஆவியானவர் நமக்குள் இருப்பதை நாம் தெளிவாக அறிய முடியும். வேத    வசனங்கள் வெறுமனே வாசிப்பதற்கல்ல,  வாழ்வாக்குவதற்கு.

பரிசுத்த ஆவியானவரை வேண்டுமென்று "கேளுங்கள்; உங்களுக்குக் கொடுக்கப்படும்." என்றார் இயேசு கிறிஸ்து. ஆவியானவரை கேட்கச்சொல்லி இயேசு சொல்லிக்கொடுத்த இந்த வார்த்தைகளை உலகப்பொருட்களை கேட்கும்படி மக்களை பயிற்சிவித்துள்ள ஊழியர்கள் தெளிவடையவேண்டும். வேதாகமத்தில் நமக்கு வேண்டிய வார்த்தைகளை மட்டும் துண்டாக பொறுக்கியெடுத்து அர்த்தம் கொள்ளாமல் முழுமையாக வேத வசனங்களை வாசிக்கப் பழகுவோம். இந்த வசனங்களை இயேசு எப்படிச் சொல்லி முடிக்கின்றார் பாருங்கள் ;- "பொல்லாதவர்களாகிய நீங்கள் உங்கள் பிள்ளைகளுக்கு நல்ல ஈவுகளைக் கொடுக்க அறிந்திருக்கும்போது, பரமபிதாவானவர் தம்மிடத்தில் வேண்டிக்கொள்ளுகிறவர்களுக்குப் பரிசுத்த ஆவியைக் கொடுப்பது அதிக நிச்சயம் அல்லவா என்றார்." ( லுூக்கா 11 : 13 )

இன்றைய தியான வசனம் கூறுவதன்படி அவருடைய கட்டளைகளைக் கைக்கொள்ளும்போது நாம்  அவரில் நிலைத்திருக்கின்றோம் என்று பொருள்.  இதுவே உண்மையான கிறிஸ்தவ  அனுபவம். இதுவரை இந்த அனுபவத்தைப் பெற்றுக்கொள்ளவில்லையானால் இதனை பெற்றுக்கொள்ள முயற்சியெடுப்போம். "கேளுங்கள்; உங்களுக்குக் கொடுக்கப்படும்." என்கிறார் இயேசு கிறிஸ்து.

தேவ செய்தி :- சகோ. எம். ஜியோ பிரகாஷ்            

"Inside the Seeds" 🌳

Scripture Meditation No. 1614

AATHAVAN – Wednesday, 09 July 2025

“And he that keepeth his commandments dwelleth in him, and he in him. And hereby we know that he abideth in us, by the Spirit which he hath given us.” (1 John 3:24, KJV)

There is a distinct difference between how ordinary people worship God and how a person led by the Spirit worships Him. The former worship based on traditions passed down by their ancestors, whereas the latter worships with the full awareness that God truly dwells within them.

We can clearly understand this through the conversation between Jesus Christ and the Samaritan woman. She said to Jesus:

“Our fathers worshipped in this mountain; and ye say, that in Jerusalem is the place where men ought to worship.” (John 4:20, KJV)

She was referring to the traditional method of worship handed down by her ancestors. She worshipped according to what was taught to her.

To this, Jesus replied:

“Woman, believe me, the hour cometh, when ye shall neither in this mountain, nor yet at Jerusalem, worship the Father.

Ye worship ye know not what: we know what we worship: for salvation is of the Jews. But the hour cometh, and now is, when the true worshippers shall worship the Father in spirit and in truth: for the Father seeketh such to worship him. God is a Spirit: and they that worship him must worship him in spirit and in truth.” (John 4:21–24, KJV)

Jesus emphasized that we must worship God in spirit and in truth. This kind of worship is only possible when we know that God abides in us. As today's meditation verse states:

“Hereby we know that he abideth in us, by the Spirit which he hath given us.” (1 John 3:24)

Jesus Christ also explained what happens when we receive the Holy Spirit:

“Howbeit when he, the Spirit of truth, is come, he will guide you into all truth: for he shall not speak of himself; but whatsoever he shall hear, that shall he speak: and he will shew you things to come.” (John 16:13, KJV)

Dearly beloved, this is the evidence that the Holy Spirit dwells in us. If we simply cling to certain rituals and assume we have received the Holy Spirit, we are deceiving ourselves. Christianity is not a religion of imaginative doctrines—it is a faith of experience, a path with a living God.

We must experience today what the disciples experienced over two thousand years ago. Those events were not just historical; they are to be personally experienced even today.

Jesus said:

“Even the Spirit of truth; whom the world cannot receive, because it seeth him not, neither knoweth him: but ye know him; for he dwelleth with you, and shall be in you.” (John 14:17, KJV)

Yes, dear ones, we can know with certainty that the Holy Spirit is in us. Bible verses are not given to be merely read, but to be lived.

Jesus said, “Ask, and it shall be given you.” He taught us to ask specifically for the Holy Spirit. But sadly, some preachers mislead people to seek worldly things instead. They must come to clarity. Let us be people who read the Word in its entirety, not just selected fragments.

Look how Jesus concludes the teaching: “If ye then, being evil, know how to give good gifts unto your children: how much more shall your heavenly Father give the Holy Spirit to them that ask him?” (Luke 11:13, KJV)

Today’s meditation verse teaches that by keeping His commandments, we abide in Him. This is the true Christian experience. If you have not yet received this experience, then take a step to seek it today.

“Ask, and it shall be given you,” says Jesus Christ. (Matthew 7:7, KJV)

Gospel Message: Bro. M. Geo Prakash