🦋 Meditation verse - நீதிமொழிகள் 21 : 23 / Proverbs 21:23

 "விதைகளின் உள்ளே" 🌳 

வேதாகமத் தியானம் எண் - 1620                                          ஆதவன் 15.07.2025 செவ்வாய்          

"தன் வாயையும் தன் நாவையும் காக்கிறவன் தன் ஆத்துமாவை இடுக்கண்களுக்கு விலக்கிக் காக்கிறான்." ( நீதிமொழிகள் 21 : 23 )

மனிதர்கள் செய்யும் பல்வேறு பாவங்களில் நாவினால் செய்யும் பாவங்களே அதிகம். மற்ற உறுப்புகளால் செய்யும் பாவங்களாக இருந்தாலும் பல வேளைகளில் அந்தப் பாவங்களுக்கு மூல காரணம் நாவாகவே இருக்கின்றது. மட்டுமல்ல, மற்ற பாவங்கள் ஒருவேளை காலப்போக்கில் மறையலாம்; ஆறிப்போகலாம் ஆனால் நாவினால் செய்யும் பாவங்கள் மனிதர்களை அழிப்பது மட்டுமல்ல, யாருக்கு எதிராக நாம் பேசுகின்றோமோ அவர்களது வாழ்க்கையையும் அது அழித்து ஒழிப்பதாக இருக்கின்றது. எனவே அந்தப்பாவங்கள் நமது ஆத்துமாவை நரகத்துக்கு நேராக இழுத்துச் செல்வனவாக இருக்கின்றன. 

"தீயினால் சுட்டபுண் உள்ளாறும் ஆறாதே  நாவினாற் சுட்ட வடு." என்று திருவள்ளுவரும் கூறுகின்றார். தீயினால் சுட்டதால் ஏற்பட்ட புண் சில நாட்களில்  ஆறிவிடும், ஆனால் நாவினால் நாம் ஒருவருக்கு எதிராகப் பேசும் சொற்கள் வடுவாக என்றும் நிலைத்திருக்கும்.  பல்வேறு கொலைகள், ஏமாற்றுக்கள், வஞ்சகங்கள் இவை நாவினால் வெளிவரும் வார்த்தைகளால் ஏற்படுகின்றன. காரணம், இவை இருதயத்திலிருந்து வெளிவருபவை. "வாயிலிருந்து புறப்படுகிறவைகள் இருதயத்திலிருந்து புறப்பட்டுவரும்; அவைகளே மனுஷனைத் தீட்டுப்படுத்தும்." ( மத்தேயு 15 : 18 ) என்றார் இயேசு கிறிஸ்து. 

மேலும் பலர் பல்வேறு உபவாசங்கள் ஒறுத்தல்கள் செய்து கடவுளைத் திருப்திப் படுத்தலாம் என்று எண்ணிக்கொண்டு சில உணவுவகைகளைத் தவிர்க்கின்றனர்.  நாவின் சுவைகளைக் கட்டுப்படுத்த முயன்று ஒருசில  உணவு வகைகளைத் தவிர்ப்பதை தேவன் மேலானதாகக் கருதுவதில்லை. மாறாக வாயைப் பாவமில்லாமல் காப்பாற்றுவதையே மேலானதாக எண்ணுகின்றார். எனவேதான் இயேசு கிறிஸ்து கூறினார், "வாய்க்குள்ளே போகிறது மனுஷனைத் தீட்டுப்படுத்தாது, வாயிலிருந்து புறப்படுகிறதே மனுஷனைத் தீட்டுப்படுத்தும் " ( மத்தேயு 15 : 11 )

அப்போஸ்தலரான யாக்கோபு, "அப்படியே, நாவானதும் சிறிய அவயவமாயிருந்தும் பெருமையானவைகளைப் பேசும். பாருங்கள், சிறிய நெருப்பு எவ்வளவு பெரிய காட்டைக் கொளுத்திவிடுகிறது! நாவும் நெருப்புத்தான், அது அநீதி நிறைந்த உலகம்; நம்முடைய அவயவங்களில் நாவானது முழுச்சரீரத்தையும் கறைப்படுத்தி, ஆயுள் சக்கரத்தைக் கொளுத்திவிடுகிறதாயும், நரக அக்கினியினால் கொளுத்தப்படுகிறதாயும் இருக்கிறது!" ( யாக்கோபு 3 : 5 - 6 ) என்று கூறுகின்றார். 

ஆனால் இன்று ஆவிக்குரிய ஆராதனைகளில் கலந்துகொள்கின்றோம் என்று கூறிக்கொள்ளும் பலர்கூட தங்களது நாவினைக் கட்டுப்படுத்துவதில்லை. தேவனை அறியாத மனிதர்கள்கூடப் பேசாத  சாபத்துக்குரிய வார்த்தைகளைக்கூறி மற்றவர்களை பலவேளைகளில் சபிக்கின்றனர். இது இன்று நேற்றல்ல, அப்போஸ்தலரான யாக்கோபு காலத்திலும் இப்படியே இருந்திருக்கின்றது. எனவேதான் அவர் கூறுகின்றார், "நாவை அடக்க ஒரு மனுஷனாலும் கூடாது; அது அடங்காத பொல்லாங்குள்ளதும் சாவுக்கேதுவான விஷம் நிறைந்ததுமாயிருக்கிறது. அதனாலே நாம் பிதாவாகிய தேவனைத் துதிக்கிறோம்; தேவனுடைய சாயலின்படி உண்டாக்கப்பட்ட மனுஷரை அதினாலேயே சபிக்கிறோம்." ( யாக்கோபு 3 : 8, 9 )

இருதயத்திலிருந்து புறப்பட்டு மனுஷனைத் தீட்டுப்படுத்தும் நாவை நாம் கவனமுடன் கையாளவேண்டியது அவசியம். தேவையில்லாத வார்த்தைகளைப்  பேசுவதைத் தவிர்த்தாலே நாம் பல பாவங்களைத் தவிர்க்க முடியும்.  அதனையே தேவன் விரும்புகின்றார். ஆம் அன்பானவர்களே, "தன் வாயையும் தன் நாவையும் காக்கிறவன் தன் ஆத்துமாவை இடுக்கண்களுக்கு விலக்கிக் காக்கிறான்" எனும் வார்த்தைகள் எப்போதும் நமக்கு நினைவில் இருக்கவேண்டியது அவசியம். பிறரைப்பற்றி நல்லதையே பேசுவோம். பிறரைக்குறித்த தீமையான காரியங்களை அறிந்திருந்தால் அவற்றை நமக்குள்ளே அடக்கிக்கொள்வோம். 

"கர்த்தாவே, பொய் உதடுகளுக்கும் கபடநாவுக்கும் என் ஆத்துமாவைத் தப்புவியும். கபடநாவே, உனக்கு என்ன கிடைக்கும்? உனக்கு என்ன செய்யப்படும்? பலவானுடைய கூர்மையான அம்புகளும், சூரைச்செடிகளை எரிக்கும் தழலுமே கிடைக்கும்." ( சங்கீதம் 120 : 2 - 4 )

தேவ செய்தி :- சகோ. எம். ஜியோ பிரகாஷ்                                     

"Inside the Seeds" 🌳

Scripture Meditation No. 1620
AATHAVAN – Tuesday, 15.07.2025

"Whoso keepeth his mouth and his tongue keepeth his soul from troubles." — Proverbs 21:23 (KJV)

Among the many sins committed by mankind, sins committed through the tongue are the most prevalent. Even if the sin is executed through other parts of the body, often the root cause originates from the tongue. Moreover, while other sins may fade over time, the sins of the tongue not only destroy the sinner but can also deeply damage and ruin the lives of those they target. Such sins are capable of dragging one’s soul straight into hell.

As the Tamil poet Thiruvalluvar said, "A burn from fire may heal, but not a wound from the tongue." A wound caused by fire may heal in a few days, but words spoken against someone remain as lasting scars. Many murders, betrayals, and deceptions begin with words uttered by the tongue. Why? Because they proceed from the heart.

As Jesus Christ said, “But those things which proceed out of the mouth come forth from the heart; and they defile the man."— Matthew 15:18 (KJV)

Many attempt to please God by fasting or avoiding certain foods, thinking it is spiritual. They try to restrain the tastes of the tongue, but God does not consider this superior. Rather, He desires that we keep our mouth from sin. Hence, Jesus said: "Not that which goeth into the mouth defileth a man; but that which cometh out of the mouth, this defileth a man."
— Matthew 15:11 (KJV)

Apostle James wrote: "Even so the tongue is a little member, and boasteth great things. Behold, how great a matter a little fire kindleth! And the tongue is a fire, a world of iniquity: so is the tongue among our members, that it defileth the whole body, and setteth on fire the course of nature; and it is set on fire of hell." — James 3:5–6 (KJV)

Yet today, many who claim to participate in spiritual worship fail to control their tongues. Even people who do not know God often curse others with foul language. This is not a new issue. It existed even during the time of Apostle James. That is why he declared: "But the tongue can no man tame; it is an unruly evil, full of deadly poison. Therewith bless we God, even the Father; and therewith curse we men, which are made after the similitude of God." — James 3:8–9 (KJV)

It is vital to handle the tongue with caution, as it proceeds from the heart and has the power to defile a man. By merely refraining from speaking unnecessary words, we can avoid many sins—and that is what God desires.

Yes, beloved, let us keep the verse always in mind: "Whoso keepeth his mouth and his tongue keepeth his soul from troubles." — Proverbs 21:23 (KJV)

Let us speak only good about others. If we know any evil about someone, let us suppress it within ourselves.

"Deliver my soul, O LORD, from lying lips, and from a deceitful tongue. What shall be given unto thee? or what shall be done unto thee, thou false tongue? Sharp arrows of the mighty, with coals of juniper." — Psalm 120:2–4 (KJV)

Message by: Bro. M. Geo Prakash