🦋 Meditation verse - ஏசாயா 54 : 7, 8 / Isaiah 54:7–8

 "விதைகளின் உள்ளே" 🌳 

வேதாகமத் தியானம் எண் - 1619                                          ஆதவன் 14.07.2025 திங்கள்         

"இமைப்பொழுது உன்னைக் கைவிட்டேன்; ஆனாலும் உருக்கமான இரக்கங்களால் உன்னைச் சேர்த்துக்கொள்வேன். அற்பகாலம் மூண்ட கோபத்தினால் என் முகத்தை இமைப்பொழுது உனக்கு மறைத்தேன்; ஆனாலும் நித்திய கிருபையுடன் உனக்கு இரங்குவேன் என்று கர்த்தராகிய உன் மீட்பர் சொல்லுகிறார்." ( ஏசாயா 54 : 7, 8 )

நமது வாழ்க்கையில் சிலவேளைகளில் துன்பத்துக்குமேல் துன்பங்கள் தொடரும்போது, அல்லது நமது ஜெபங்களுக்குப் பதில் கிடைக்காதபோது நாம் மனம் சோர்ந்துபோவதுண்டு. தேவனோடு எந்தத் தொடர்பும் இல்லாமல் வெறுமனே ஜெபித்துக்கொண்டிருக்கும் சாதாரண விசுவாசிகளுக்கு இது பெரிதாகத் தெரியாது. காரணம், அவர்கள் தேவ உறவை வாழ்வில் தனிப்பட்ட விதத்தில் அனுபவித்து அறியாதவர்கள். ஆனால் ஆவிக்குரிய வாழ்வில் நாம் தேவனோடு தொடர்பில் வாழும்போது தேவனது இந்த "இமைப்பொழுது கைவிடல்" நம்மைச் சோர்வடையச் செய்துவிடும். 

இப்படிப்பட்ட வேளைகளில் பல்வேறு எதிர்மறையான எண்ணங்கள் நம்மைக் கவலைக்குள்ளாக்கும். நமது விசுவாசம்கூட தளர்ச்சியடையும். தேவன் நம்மைத் தள்ளிவிட்டாரோ? என எண்ணத்தோன்றும். ஆனால் அன்பானவர்களே, நாம் அப்படி சந்தேகப்படத் தேவையில்லை. காரணம்,  நமது ஆண்டவராகிய இயேசு கிறிஸ்துக் கூறினார், "பிதாவானவர் எனக்குக் கொடுக்கிறயாவும் என்னிடத்தில் வரும்; என்னிடத்தில் வருகிறவனை நான் புறம்பே தள்ளுவதில்லை." ( யோவான் 6 : 37 ) என்று. 

ஆம் அன்பானவர்களே, நாம் அவருக்கு ஏற்புடைய வாழ்க்கை வாழும்போது  தேவன் நம்மை முற்றிலும் கைவிட்டு விடுவதில்லை. ஆனால் இன்றைய தியான வசனம் கூறுவதன்படி அவர் அற்பகாலம் மூண்ட கோபத்தினால் தனது  முகத்தை இமைப்பொழுது நமக்கு  மறைத்தாலும் நித்திய கிருபையுடன் நமக்கு இரங்குவார். 

இப்படி தேவன் இமைப்பொழுது நம்மைக் கைவிடுவதால் நாம் பல ஆவிக்குரிய காரியங்களை உணர்ந்து கற்றுக்கொள்ளமுடியும். முதலாவது, தேவனில்லாத வாழ்க்கை என்பது எத்தனை பரிதாபத்துக்குரிய கைவிடப்பட்ட வாழ்க்கை என்பதனை நாம் இதன்மூலம் அனுபவத்தில் தெளிவாகக் கண்டு உணர்ந்துகொள்ள முடியும். எனவே, நாம் அவரது உடனிருப்பு நமக்குத் தேவை என்பதனை உணர்ந்துகொள்கின்றோம். மேலும், அவர் இல்லாவிட்டால் நாம் ஒன்றுமில்லை என்பதனை இதனால் கண்டுகொள்கின்றோம்.

இரண்டாவது, இமைப்பொழுது அவர் நம்மைக் கைவிடும்போது  நமது ஜெபங்களை அவர் கேட்காததுபோன்ற அனுபவம் ஏற்படும். அது, பரத்திலிருந்து எந்த உதவியும் நமக்கு இல்லாததுபோன்ற உணர்வைத் தரும். நமக்குக் கிடைக்கும் அனைத்து உலக மற்றும் ஆவிக்குரிய காரியங்களும் பரலோகத்தின் அனுமதிபெற்றே கிடைக்கின்றது. "நன்மையான எந்த ஈவும் பூரணமான எந்த வரமும் பரத்திலிருந்துண்டாகி, சோதிகளின் பிதாவினிடத்திலிருந்து இறங்கிவருகிறது" ( யாக்கோபு 1 : 17 ) என்று கூறப்பட்டுள்ள வசனம் உண்மை என்பதனை நாம் அனுபவத்தில் கண்டுகொள்கின்றோம். நமக்கு எதுவும் கிடைக்கவேண்டுமானால் நமது ஜெபங்களல்ல மாறாக, தேவனது கிருபை அவசியம் என்பதனைக்   கண்டுகொள்கின்றோம். 

மூன்றாவது, அவர் நம்மைக் கைவிட்டதுபோலத்  தெரிந்தாலும் நம்மை விட்டு அவர் எங்கும் சென்று விடுவதில்லை. ஒரு தாய் நடக்கப்பழகும் குழந்தைத் தட்டுத்தடுமாறி நடக்கும்போது கீழே விழுந்தாலும் உடனே சென்று தூக்கிடாமல் குழந்தை தானாக எழுந்து நடக்க அதற்கு நேரம் கொடுப்பாள்.  அதுபோலவே தேவனும் நமது சில வீழ்ச்சிகளை அனுமதிக்கின்றார். ஆனால் ஆபத்தான சூழ்நிலை ஏற்படும்போது விரைந்து வந்து நம்மைத் தூக்கிவிடுகின்றார்.  இந்த உண்மையினை அவர் இமைப்பொழுது நம்மைக் கைவிடும்போது நாம் கண்டுகொள்கின்றோம். தேவனது தனிப்பட்ட  அன்பை உணர்ந்து கொள்கின்றோம். 

ஆம் அன்பானவர்களே, நாம் தேவனுக்குமுன் நேர்மையான வாழ்க்கை வாழும்போதும்  நமக்குச் சிலவேளைகளில் எதிர்மறையான காரியங்கள் நடைபெறுமானால் மனம் சோர்ந்துபோய்விட வேண்டாம். இது இமைப்பொழுது தேவன் நம்மைக் கைவிடுதல்.  இந்த இமைப்பொழுது தேவ கைவிடுதல் தாற்காலிகமானதுதான். விசுவாசத்துடன் நமது ஆவிக்குரிய வாழ்வைத் தொடர்வோம். "மகனே, மகளே கலங்காதே, நித்திய கிருபையுடன் உனக்கு இரங்குவேன் என்று கர்த்தராகிய மீட்பர் சொல்லுகிறார்."

தேவ செய்தி :- சகோ. எம். ஜியோ பிரகாஷ்              

“Inside the Seeds” 🌳

Scripture Meditation No. 1619
AATHAVAN | Monday, 14.07.2025

“For a small moment have I forsaken thee; but with great mercies will I gather thee. In a little wrath I hid my face from thee for a moment; but with everlasting kindness will I have mercy on thee, saith the Lord thy Redeemer.” — Isaiah 54:7–8 (KJV)

At certain times in life, when afflictions follow one after another or when our prayers seem to go unanswered, we may become discouraged. Casual believers who pray routinely without maintaining a real relationship with God may not fully grasp this experience. That’s because they have never known the personal depth of a divine relationship. But for those of us who live in spiritual communion with God, even a momentary sense of His silence — this "small moment of forsaking" — can feel heavy and disheartening.

During such times, various negative thoughts may trouble us. Our faith may begin to waver. We may wonder, “Has God truly abandoned me?” But dearly beloved, we need not doubt. Because our Lord Jesus Christ has clearly promised:

“All that the Father giveth me shall come to me; and him that cometh to me I will in no wise cast out.” — John 6:37 (KJV)

Yes, beloved, when we live a life that is pleasing to Him, God will never completely forsake us. As today’s meditation verse states, though He may hide His face from us for a brief moment in a burst of wrath, He will gather us with everlasting mercy.

It is through this “momentary forsaking” that we begin to discern and learn many spiritual truths:

1. The Reality of Life Without God

We begin to understand, even experientially, how miserable and forsaken life is without the presence of God. This realization makes us crave His nearness. We come to see that without Him, we are nothing. His presence is not optional — it is essential.

2. The Silence in Prayer

When He hides His face, it may feel like our prayers are not being heard. We sense a lack of help from above. Yet this draws us to recognize that every spiritual and earthly blessing we receive comes only through the will of heaven.

“Every good gift and every perfect gift is from above, and cometh down from the Father of lights…” — James 1:17 (KJV) We come to see that it's not merely our prayers that bring results — but God’s grace is the deciding factor.

3. His Watchful Presence Even in Silence

Even when it appears as if God has forsaken us, He never truly leaves. Just as a mother gives her toddler space to stumble and learn to walk without immediately picking them up, so does God allow us to experience certain spiritual falls. But when danger arises, He swiftly lifts us up. Through these moments, we come to understand His personal love more deeply.

Yes, beloved, even when we live sincerely before God, negative circumstances may still arise. But do not be discouraged. These are merely brief moments when God hides His face. They are temporary. Let us continue our spiritual walk with faith.

“Son, daughter, be not dismayed; with everlasting kindness will I have mercy on thee, saith the Lord thy Redeemer.”

Gospel Message by: Bro. M. Geo Prakash