🦋 Meditation verse - நீதிமொழிகள் 16 : 7 / Proverbs 16:7

 "விதைகளின் உள்ளே" 🌳 

வேதாகமத் தியானம் எண் - 1618                                          ஆதவன் 13.07.2025 ஞாயிறு        

"ஒருவனுடைய வழிகள் கர்த்தருக்குப் பிரியமாயிருந்தால், அவனுடைய சத்துருக்களும் அவனோடே சமாதானமாகும்படிச்  செய்வார்." ( நீதிமொழிகள் 16 : 7 )

இந்த உலகத்தில் பலவேளைகளில் மனிதர்கள்  தங்களுக்கு  ஏதாவது காரியங்களில் எதிர்த்துச் செயல்படுபவர்களை தாங்களும் எதிர்த்துப் போராடுபவர்களாக இருக்கின்றார்கள். பல வேளைகளில் தங்கள்பக்கத்து நியாயத்தை உறுதிப்படுத்துவதில் நிலையாக நின்று தங்களை நியாயப்படுத்த முயல்கின்றனரேத் தவிர பெரும்பாலும் சமாதானம்செய்ய விரும்புவதில்லை. 

எனவே வழக்குகள் வாதுகள் ஏற்படும்போது தங்கள் பக்கத்துக்கு சார்பான மக்களைத் தேடி அவர்களது உதவியை நாடுவதிலும் நீதிமன்றங்களை நாடுவதிலும்தான் குறியாக இருக்கின்றனர்.  நீதிமன்றங்களில் பதிவாகும் வழக்குகள் இதனையே உணர்த்துகின்றன. கழிந்த ஒரு ஆண்டில் மட்டும் இந்திய நீதிமன்றங்களில் பதிவுசெய்யப்பட்ட மொத்த வழக்குகள் 1,74,10,342. இவற்றில்  சிவில் வழக்குகள் - 45,86,004, கிரிமினல் வழக்குகள் - 1,28,24,338. 

அப்படியானால் இந்த வழக்குகளுக்காக செலவழிக்கப்படும் பணம் எத்தனை ஆயிரம் கோடிகளாக இருக்குமென்று எண்ணிப்பாருங்கள். நமது ஆண்டவராகிய இயேசு கிறிஸ்து தனது பிள்ளைகள் நீதிமன்றங்களுக்குச் செல்வதை விரும்புவதில்லை. அப்படிச் செல்லும்போது நமக்குப் பணச் செலவும் மன உளைச்சலும்தான் ஏற்படும். அப்படிச் செல்லும்போது "நீ கடைசிக்காசைக் கொடுத்துத் தீர்க்குமட்டும், அவ்விடத்திலிருந்து புறப்படமாட்டாய் என்று உனக்குச் சொல்லுகிறேன் என்றார்." ( லுூக்கா 12 : 59 ) இயேசு கிறிஸ்து. 

இன்று பல கிறிஸ்தவர்கள் எதிராளிகளின்மேல் நீதிமன்றங்களில் வழக்குத் தொடுத்துவிட்டு அந்த வழக்கில் வெற்றிபெறவேண்டுமென்று ஜெபித்துக் கொண்டிருக்கின்றார்கள். அதாவது அவர்கள் தேவனை ஒருபுறமும் சுய பலத்தை மறுபுறமும் நம்பிக்கொண்டிருக்கின்றனர். 

அன்பானவர்களே, இன்றைய தியான வசனம், நாம் நமக்கு எதிராகச் செயல்படுபவர்களுக்கு எதிராக செயல்படுவதற்குப்பதில் நமது வழிகளை தேவனுக்கு நேராகத் திருப்பினாலே போதும் எதிரிகள் நமக்குமுன் சமாதானமாவார்கள் என்று கூறுகின்றது. அதனையே, "ஒருவனுடைய வழிகள் கர்த்தருக்குப் பிரியமாயிருந்தால், அவனுடைய சத்துருக்களும் அவனோடே சமாதானமாகும்படி செய்வார்." என்று கூறப்பட்டுள்ளது. 

இதற்கு வேதத்தில் பல உதாரணங்கள் உண்டு. யோசேப்பு ஒரு நல்ல உதாரணம். அவனது உடன்பிறந்த சகோதரர்கள் அனைவரும் அவனை எதிரியாகப் பார்த்தனர். அவனுக்கு எதிராக கொலைமுயற்சியில் ஈடுபட்டு இறுதியில் இஸ்மவேலரிடம் இருபது வெள்ளிக்காசுக்கு விற்றுவிட்டனர். ஆனால் யோசேப்பு தேவனுக்கு உகந்த வாழ்க்கை வாழ்ந்ததால் "கர்த்தர் யோசேப்போடே இருந்தார்." (ஆதியாகமம் 39:2)  இறுதியில் அவனது சகோதர்கள் அவனிடம் வந்து மண்டியிட்டு வணங்கும்படி தேவன் செய்தார். 

இதுபோல, யாக்கோபும் ஏசாவும்  பகைகொண்டிருந்தனர். இறுதியில் ஏசா யாக்கோபோடு சமாதானம் ஆகும்படி தேவன் கிருபை செய்தார். கைதியாகி அடிமையாக பாபிலோனுக்குக் கொண்டுசெல்லப்பட்ட தானியேலை எதிரி நாட்டு தரியு அரசனுக்கு நண்பனாக தேவன் மாற்றினார். "ராஜ்யம் முழுவதையும் ஆளும்படிக்குத் தன் ராஜ்யத்தின்மேல் நூற்றிருபது தேசாதிபதிகளையும், ராஜாவுக்கு நஷ்டம் வராதபடிக்கு அந்த தேசாதிபதிகள் கணக்கு ஒப்புவிக்கிறதற்காக அவர்களுக்கு மேலாக மூன்று பிரதானிகளையும் ஏற்படுத்துவது தரியுவுக்கு நலமென்று கண்டது; இவர்களில் தானியேல் ஒருவனாயிருந்தான்." ( தானியேல் 6 : 1, 2 ) என்று கூறப்பட்டுள்ளது. 

ஆம் அன்பானவர்களே, நமது வழிகள் தேவனுக்கு ஏற்றவையாக இருக்குமானால் நமது எதிரிகள் நமக்குமுன் சமாதானமாவார்கள். எப்படி நடந்தது என்று நமக்குத் தெரியாது. ஆனால் தேவனே நமக்கு எதிராகச் செயல்படுபவர்களது உள்ளத்தில் மாறுதலைக் கொண்டுவருவார். இதற்கு  மாறாக நாம் நமது சுய பலத்தையும் பண பலத்தையும் கொண்டு எதிரிகளை எதிர்த்து நிற்போமானால் தேவன் ஒதுங்கிக்கொள்வார்; நாம் நமது பலத்தில்தான் முயலவேண்டியிருக்கும். 

இன்றைய தியானத்தை வாசிக்கும்போது சிலருக்கு நான் வெற்று வேதாந்தம் பேசுவதுபோலத் தோன்றலாம். ஆனால், நான் எனது சொந்த அனுபவமில்லாமல் எதனையும் எழுதுவதில்லை. வசனங்களுக்கு நாம் கீழ்ப்படியும்போதுதான் வேதத்தில்  கூறப்பட்டுள்ள காரியங்களை நாம் அனுபவத்தில் கண்டுணர முடியும். ஆம் அன்பானவர்களே, நமது வழிகளை தேவனுக்குப் பிரியமான வழிகளாக மாற்றுவோம். அப்போது நமது  சத்துருக்களும் நம்மோடு சமாதானமாகும்படி தேவன் செய்வதை நமது வாழ்வில் கண்டுணர முடியும். 

தேவ செய்தி :- சகோ. எம். ஜியோ பிரகாஷ்              

“Inside the Seeds” 🌳

Scripture Meditation No. 1618
AATHAVAN – Sunday, 13.07.2025

"When a man's ways please the Lord, he maketh even his enemies to be at peace with him." — Proverbs 16:7 (KJV)

In this world, many people often respond to opposition with confrontation. Instead of seeking peace, they become determined to prove their own righteousness and justify themselves at any cost. Rarely do people genuinely desire reconciliation.

As a result, when disputes arise, people usually turn to those who support their side, seeking assistance from acquaintances, advocates, or the court system. The volume of cases registered in our judicial system reflects this mindset. In just one-year, Indian courts registered a total of 17,410,342 cases — 4,586,004 civil cases and 12,824,338 criminal cases.

Now imagine how many thousands of crores are spent on these litigations! Our Lord Jesus Christ does not delight in His children going to court. When they do, they incur not only financial loss but also mental stress. Jesus said,

"Thou shalt by no means come out thence, till thou hast paid the very last mite." — Luke 12:59 (KJV)

Today, many Christians file lawsuits against their adversaries and then pray to win the case. In doing so, they place their trust partially in God and partially in their own strength.

Dearly beloved, today’s meditation verse teaches us that if we simply turn our ways to please God, He Himself will cause our enemies to be at peace with us. That’s exactly what the Scripture says: "When a man's ways please the Lord, he maketh even his enemies to be at peace with him." — Proverbs 16:7 (KJV)

The Bible gives us many examples of this truth. Joseph is a prime example. His own brothers saw him as an enemy. They conspired to kill him, and eventually sold him to the Ishmaelites for twenty pieces of silver. But Joseph lived a life pleasing to God, and the Bible says: "And the Lord was with Joseph." — Genesis 39:2 (KJV) In the end, God caused his brothers to come and bow before him in humility.

Similarly, Jacob and Esau were enemies. But God showed mercy and brought reconciliation between them. Daniel, who was taken as a prisoner and slave to Babylon, was made a friend and chief administrator under King Darius — a ruler of a foreign land. "It pleased Darius to set over the kingdom an hundred and twenty princes… and over these three presidents; of whom Daniel was first." — Daniel 6:1–2 (KJV)

Yes, beloved, if our ways are pleasing to God, He will cause even our enemies to be at peace with us. We may not understand how it happens, but God Himself will bring change in the hearts of those who oppose us.

On the other hand, if we rely on our own strength and wealth to fight our enemies, then God will step aside and leave us to handle it on our own.

Some of you may feel that what I’m saying is just empty spiritual talk. But I never write without personal experience. Only when we obey the Word can we truly experience the reality of what is written in Scripture.

So, dearly beloved, let us turn our ways into ways that are pleasing to God. Then we will experience how God makes even our enemies to be at peace with us.

Gospel Message by: Bro. M. Geo Prakash