🦋 Meditation verse - எபிரெயர் 9 : 12 / Hebrews 9:12

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1880

🔆 2026 ஏப்ரல் 01, புதன்      

"வெள்ளாட்டுக்கடா, இளங்காளை இவைகளுடைய இரத்தத்தினாலே அல்ல, தம்முடைய சொந்த இரத்தத்தினாலும் ஒரேதரம் மகா பரிசுத்த ஸ்தலத்திலே பிரவேசித்து, நித்திய மீட்பை உண்டுபண்ணினார்." ( எபிரெயர் 9 : 12 )

ஆண்டவராகிய இயேசு கிறிஸ்து நமக்காக பலியானதன்  காரணம் நமக்கு பாவமன்னிப்பை பெற்றுத்தருவதற்கும், பாவத்திலிருந்து முழு விடுதலையைத் தருவதற்கும்தான். பாவ மன்னிப்பினை மட்டுமல்ல,  தொடர்ந்து நாம் பாவத்தில் விழாமலிருக்க பலத்தையும் அவர் தருகின்றார். பழைய ஏற்பாட்டுக்காலத்தில் பாவ மன்னிப்புக்காக மிருகங்கள் பலியிடப்பட்டன. ஆனால் அவைகளின் இரத்தம் பாவங்களிலிருந்து மக்களுக்கு முழு விடுதலையினை அளிக்கவில்லை. பல்வேறு நியாயப்பிரமாணக் கட்டளைகளையும் தேவன் அளித்திருந்தார். அந்தக் கட்டளைகளும் மனிதர்களை நல்வழிப்படுத்த முடியவில்லை. 

பாவ மன்னிப்பினை நாம் பெறுவோமானால் நமது மனதுக்கு மகிழ்ச்சியும் அமைதியும் ஏற்படும். மட்டுமல்ல, நமக்குள் நாம் செய்த பாவம் உண்டாக்கிய  குற்றமனச்சாட்சியின் உறுத்தல் நீங்கிவிடும். ஆனால் மிருகங்களின் இரத்தம் இத்தகைய மன மகிழ்ச்சியையும் நிம்மதியையும் பாவங்கள் மன்னிக்கப்பட்டதன் நிச்சயத்தையும் மக்களுக்குக் கொடுக்கவில்லை. மனிதர்களைப் பூரணப்படுத்தவுமில்லை. அப்படிப், "பூரணப்படுத்துமானால், ஆராதனைசெய்கிறவர்கள் ஒருதரம் சுத்தமாக்கப்பட்டபின்பு, இன்னும் பாவங்களுண்டென்று உணர்த்தும் மனச்சாட்சி அவர்களுக்கு இல்லாதிருப்பதினால், அந்தப் பலிகளைச் செலுத்துகிறது நிறுத்தப்படுமல்லவா?" ( எபிரெயர் 10 : 2 ) 

அதாவது, மிருகங்களின் இரத்தம் மனிதர்களது பாவங்களை முற்றிலும் கழுவிப் பூரணப்படுத்தவில்லை. எனவே, மனச்சாட்சியின் பாவ உறுத்தல் காரணமாக பலியிடுவதை நிறுத்தாமல் மீண்டும் மீண்டும் பலிசெலுத்திக்கொண்டே இருந்தனர். ஆனால் நமது ஆண்டவராகிய இயேசு கிறிஸ்து, வெள்ளாட்டுக்கடா, இளங்காளை இவைகளுடைய இரத்தத்தினாலே அல்ல, தம்முடைய சொந்த இரத்தத்தினால்  ஒரேதரம் மகா பரிசுத்த ஸ்தலத்திலே பிரவேசித்து, நித்திய மீட்பை உண்டுபண்ணினார்.

இயேசு கிறிஸ்து தன்னைப் பலியாக ஒப்புக்கொடுக்க இன்னுமொரு காரணம்:- தேவன் ஏற்கெனவே பல்வேறு கட்டளைகளை மனிதர்களது நல்வாழ்வுக்காகக்  கொடுத்திருந்தார்.  ஆனால் மக்கள் அவற்றுக்குக் கீழ்படியவில்லை. எனவே, தேவன் கொடுத்திருந்த அந்த நியாயப்பிரமாணக்  கட்டளைகளால் செய்யமுடியாததை தேவனே நமக்காகச் செய்யும்படி என்று வேதாகமத்தில் நாம் வாசிக்கின்றோம். "அதெப்படியெனில், மாம்சத்தினாலே பலவீனமாயிருந்த நியாயப்பிரமாணம் செய்யக்கூடாததை தேவனே செய்யும்படிக்கு, தம்முடைய குமாரனைப் பாவமாம்சத்தின் சாயலாகவும், பாவத்தைப் போக்கும் பலியாகவும் அனுப்பி, மாம்சத்திலே பாவத்தை ஆக்கினைக்குள்ளாகத் தீர்த்தார்." ( ரோமர் 8 : 3 ) என்று வாசிக்கின்றோம். 

பழைய ஏற்பாட்டுக்கால உடன்படிக்கையானது இப்படி பயனற்றதாகிப்போனது. மனிதர்களது அக்கிரமங்கள் அதிகரித்தன.  "ஆகையால் முதலாம் உடன்படிக்கையின் காலத்திலே நடந்த அக்கிரமங்களை நிவிர்த்திசெய்யும்பொருட்டு அவர் மரணமடைந்து, அழைக்கப்பட்டவர்கள் வாக்குத்தத்தம்பண்ணப்பட்ட நித்திய சுதந்தரத்தை அடைந்துகொள்வதற்காக, புது உடன்படிக்கையின் மத்தியஸ்தராயிருக்கிறார்." ( எபிரெயர் 9 : 15 )  என்று கூறப்பட்டுள்ளது. 

எனவே, ஒரு சோகத் திரைப்படத்தைப்  பார்ப்பதுபோல ஆண்டவராகிய இயேசு கிறிஸ்து பட்டப்பாடுகளை உருக்கமாக எண்ணிப்பார்த்து  சில நேரமட்டும் உணர்ச்சிவசப்படுவதில் அர்த்தமில்லை.  அவர் சிந்திய இரத்தம் நம்மில் செயல்படுவதற்கு நமது இருதயத்தை நாம் திறந்துவிடவேண்டியது அவசியம்.  அவர் தனது சொந்த இரத்தத்தால் உருவாக்கிய மீட்பு  அனுபவத்தை பெற்றுக்கொள்ள முயற்சியெடுக்காமல் நாம் வாழ்வோமானால் ஆண்டுதோறும் கடமைக்காக இந்த நாட்களைக் கடைபிடிப்பவர்களாகவே இருப்போம்.  

ஆம் அன்பானவர்களே, கிறிஸ்துவின் இரத்தத்தால் பாவங்கள் கழுவப்பட்டு ஒளியான அவரோடு ஐக்கியமுள்ளவர்களாக நாம் வாழும்போது மட்டுமே நம்மால் மற்றவர்களோடும் ஐக்கியமாக இருக்கமுடியும். அப்போது மட்டுமே அவர் சிந்திய இரத்தம் முழுவதும் நம்மைத் தூய்மையாக்கும். "அவர் ஒளியிலிருக்கிறதுபோல நாமும் ஒளியிலே நடந்தால் ஒருவரோடொருவர் ஐக்கியப்பட்டிருப்போம்; அவருடைய குமாரனாகிய இயேசுகிறிஸ்துவின் இரத்தம் சகல பாவங்களையும் நீக்கி, நம்மைச் சுத்திகரிக்கும்." ( 1 யோவான்  1 : 7 )

தேவ செய்தி :- சகோ. எம். ஜியோ பிரகாஷ்

"Inside the Seeds" 🌳

📖 AATHAVAN Bible Meditation - No. 1880

🔆 Wednesday, April 01, 2026

"….and not through the blood of goats and calves, but through His own blood, He entered the holy place once for all, having obtained eternal redemption." (Hebrews 9:12)

The reason the Lord Jesus Christ became a sacrifice for us was to obtain forgiveness for our sins and to grant us complete deliverance from them. He provides not only the forgiveness of sins but also the strength to keep us from continually falling back into sin. In Old Testament times, animals were sacrificed for the forgiveness of sins, but their blood did not provide people with full liberation from sin. Although God had also given various legal commandments, those commandments could not lead humanity onto the right path either.

If we receive forgiveness for our sins, our hearts will experience joy and peace. Furthermore, the stinging of a guilty conscience caused by the sins we committed will be removed. However, the blood of animals did not provide people with such heart-felt joy, peace, or the assurance of forgiven sins. It did not make human beings perfect. If it could have made them perfect, "would they not have ceased to be offered, because the worshipers, having once been cleansed, would no longer have had consciousness of sins?" (Hebrews 10:2)

In other words, the blood of animals did not completely wash away and perfect human beings from their sins. Therefore, because of the lingering guilt in their consciences, they did not stop sacrificing but offered them again and again. But our Lord Jesus Christ, not through the blood of goats and calves, but through His own blood, entered the holy place once for all, having obtained eternal redemption.

There is another reason why Jesus Christ offered Himself as a sacrifice: God had already given various commandments for the well-being of humanity, but the people did not obey them. Therefore, we read in the Bible that God Himself did for us what those legalistic commandments could not achieve. "For what the Law could not do, weak as it was through the flesh, God did: sending His own Son in the likeness of sinful flesh and as an offering for sin, He condemned sin in the flesh." (Romans 8:3)

Thus, the Old Testament covenant became ineffective in this regard. Human transgressions increased. "For this reason, He is the mediator of a new covenant, so that since a death has taken place for the redemption of the transgressions that were committed under the first covenant, those who have been called may receive the promise of the eternal inheritance." (Hebrews 9:15)

Therefore, there is no meaning in merely becoming emotional for a few moments by watching the sufferings of the Lord Jesus Christ as if watching a tragic movie. It is essential that we open our hearts for the blood He shed to work within us. If we live without making an effort to receive the experience of redemption created by His own blood, we will merely be people who observe these days out of a yearly sense of duty.

Yes, dear ones, only when we live in fellowship with Him, who is Light, having our sins washed by the blood of Christ, can we truly be in fellowship with others. Only then will the blood He shed completely purify us. "but if we walk in the Light as He Himself is in the Light, we have fellowship with one another, and the blood of Jesus His Son cleanses us from all sin." (1 John 1:7)

Divine Message: Bro. M. Geo Prakash