🦋 Meditation verse - லுூக்கா 13: 26, 27 / Luke 13:26–27

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1871

🔆 2026 மார்ச் 23, திங்கள்             

"அப்பொழுது நீங்கள்: உம்முடைய சமுகத்தில் போஜனபானம்பண்ணினோமே, நீர் எங்கள் வீதிகளில் போதகம்பண்ணினீரே என்று சொல்லுவீர்கள். ஆனாலும் அவர்: நீங்கள் எவ்விடத்தாரோ, உங்களை அறியேன், அக்கிரமக்காரராகிய நீங்களெல்லாரும் என்னைவிட்டு அகன்றுபோங்கள் என்று சொல்வார் என்று உங்களுக்குச் சொல்லுகிறேன்."( லுூக்கா 13: 26, 27)

வெளியரங்கமான பக்திச் செயல்பாடுகள் பல நம்மிடம் இருந்தாலும் மனம் திரும்பாத வாழ்க்கை வாழ்வோமானால் அவை அனைத்தும் தேவனுக்குமுன் அர்த்தமில்லாதவை என்பதனை இன்றைய தியான வசனத்தில் இயேசு கிறிஸ்து குறிப்பிடுகின்றார்.

இந்த வசனத்தின்மூலம் அவர் நமக்கு முக்கியமான ஒரு காரியத்தை உணர்த்துகின்றார். நாம் தினசரி ஆலய வழிபாடுகளில் கலந்துகொள்ளலாம், நமது ஊருக்கு அருகில் நடக்கும் நற்செய்திக் கூட்டங்களிலெல்லாம் பங்கெடுக்கலாம், அங்கு ஊழியர்கள் பேசும் பேச்சுக்களைக் குறிப்புகளாக நோட்டில் எழுதியெடுக்கலாம், மற்றவர்களையும் ஊக்கப்படுத்தி அத்தகையக் கூட்டங்களுக்கு அழைத்துச் செல்லலாம். ஆனால் இத்தகைய செயல்கள் மட்டும் நம்மைப் பரலோகத்துக்கு உரிமையாளர்களாக மாற்றாது என்று இயேசு கிறிஸ்து கூறுகின்றார்.

ஆராதனைகளில் கலந்துகொண்டாலும், நற்செய்திக் கூட்டங்களில் கலந்துகொண்டு, கர்த்தருக்கு ஊழியம் செய்கிறேன் எனக் கூறிக்கொண்டு நாம் இந்த உலகத்தில் பல்வேறு செயல்பாடுகளைச் செய்தாலும், நமது வாழ்க்கையில் தேவன் விரும்பும் கனிகள் இல்லையானால் இறுதி நியாயத்தீர்ப்பு நாளின்போது நாம் அவர்முன் தைரியமாக நிற்கமுடியாது. இதனை, பரலோகத்தின் வாசல்கள் அடைக்கப்பட்டபின்னர் நடக்கும் சம்பவமாக இயேசு கிறிஸ்து உவமையாகக் கூறினார்.

இன்றைய தியான வசனத்தின் முந்தின வசனமுதல் தொடர்ந்து வாசிப்போமானால், "வீட்டெஜமான் எழுந்து, கதவைப் பூட்டினபின்பு, நீங்கள் வெளியே நின்று: ஆண்டவரே, ஆண்டவரே, எங்களுக்குத் திறக்கவேண்டுமென்று சொல்லிக் கதவைத் தட்டும்போது, அவர் பிரதியுத்தரமாக: நீங்கள் எவ்விடத்தாரோ, உங்களை அறியேன் என்று உங்களுக்குச் சொல்லுவார். அப்பொழுது நீங்கள்: உம்முடைய சமுகத்தில் போஜனபானம்பண்ணினோமே, நீர் எங்கள் வீதிகளில் போதகம்பண்ணினீரே என்று சொல்லுவீர்கள். ஆனாலும் அவர்: நீங்கள் எவ்விடத்தாரோ, உங்களை அறியேன், அக்கிரமக்காரராகிய நீங்களெல்லாரும் என்னைவிட்டு அகன்றுபோங்கள் என்று சொல்வார் என்று உங்களுக்குச் சொல்லுகிறேன்."( லுூக்கா 13: 25 - 27) என்று கூறப்பட்டுள்ளதை நாம் காணலாம்.

இயேசு கிறிஸ்து கூறும் இந்த உவமையில், "உம்முடைய சமுகத்தில் போஜனபானம்பண்ணினோமே", என்பது ஆராதனைகளில் கலந்துகொண்டு நற்கருணை உட்கொள்வதையும் "நீர் எங்கள் வீதிகளில் போதகம்பண்ணினீரே" என்பது ஆங்காங்கே நடைபெறும் பல்வேறு சுவிசேஷக் கூட்டங்களிலும் ஜெபக்கூட்டங்களில் பங்குபெறுவதையும் குறிக்கின்றது. சுருக்கமாக, இத்தகைய நமது செயல்பாடுகளை தேவனுக்கு எடுத்துச்சொல்லி நாம் இறுதிநாளில் தேவனது இரக்கத்தைப் பெறமுடியாது என்கின்றார் இயேசு கிறிஸ்து.

தேவன் நமது பக்திச் செயல்பாடுகளையல்ல, மாறாக நமது மாறுபட்ட வாழ்கையினைப் பார்க்கின்றார். நமது உடலும் மனமும் செய்வதை யல்ல, ஆவிக்குரிய வாழ்வில் நாம் எப்படி கிறிஸ்துவோடு இணைக்கப்பட்டிருந்தோம் என்பதையே அவர் பார்க்கின்றார். எனவேதான் அப்போஸ்தலரான பவுல், "ஆனபடியால், கிறிஸ்து இயேசுவுக்குட்பட்டவர்களாயிருந்து, மாம்சத்தின்படி நடவாமல் ஆவியின்படியே நடக்கிறவர்களுக்கு ஆக்கினைத்தீர்ப்பில்லை." ( ரோமர் 8: 1) என்று கூறுகின்றார்.

ஆம், மாம்சத்தின்படி நடவாமல் ஆவியின்படியே நடக்கிறவர்களுக்கு ஆக்கினைத்தீர்ப்பில்லை. நாம் 100 சதவிகிதம் மற்ற உலகமனிதர்களைப்போல வாழ்ந்துவிட்டு நம்மை அவருக்கு உகந்தவர்கள் என்று கூறிக்கொள்ள முடியாது. அப்படி இருப்போமானால் அவர் இறுதிநாளில் நம்மைப்பார்த்தும், "நீங்கள் எவ்விடத்தாரோ, உங்களை அறியேன்" என்பார். ஒன்றிரெண்டு ஆராதனை முறைகளைக் கைக்கொள்வதைவிட ஆவியின்படி வாழ முயற்சியெடுப்போம்.

தேவ செய்தி :- சகோ. எம். ஜியோ பிரகாஷ்

"Inside the Seeds" 🌳

📖 AATHAVAN Bible Meditation — No. 1871

🔆 Monday, March 23, 2026

"Then you will begin to say, ‘We ate and drank in Your presence, and You taught in our streets’; and He will say, ‘I tell you, I do not know where you are from; depart from Me, all you evildoers.’" (Luke 13:26–27)

In today's meditation verse, Jesus Christ points out that even if we have many outward acts of piety, they are all meaningless before God if we live a life without repentance.

Through these words, He makes us realize a vital truth. We may attend daily church services, participate in every gospel meeting held near our towns, take diligent notes on what the ministers speak, and even encourage and lead others to such gatherings. However, Jesus warns that these actions alone do not make us inheritors of the Kingdom of Heaven.

Though we participate in worship, attend gospel meetings, and involve ourselves in various activities claiming to serve the Lord, we cannot stand boldly before Him on the final Day of Judgment if the fruits God desires are missing from our lives. Jesus spoke of this through a parable describing what happens after the gates of heaven are shut.

If we read the verses leading up to today's passage, we see the sequence of events:

"Once the head of the house gets up and shuts the door, and you begin to stand outside and knock on the door, saying, ‘Lord, open up to us!’ then He will answer and say to you, ‘I do not know where you are from.’ Then you will begin to say, ‘We ate and drank in Your presence, and You taught in our streets’; and He will say, ‘I tell you, I do not know where you are from; depart from Me, all you evildoers.’" (Luke 13:25–27)

In this parable, the phrase "We ate and drank in Your presence" refers to participating in worship and partaking in the Holy Communion. The phrase "You taught in our streets" refers to our participation in various gospel and prayer meetings held in different places. In short, Jesus Christ explains that we cannot obtain God's mercy on the final day simply by presenting these outward activities to Him.

God does not look at our religious performances; rather, He looks for a transformed life. He does not merely observe what our body and mind do, but examines how we are spiritually connected with Christ. This is why the Apostle Paul says:

"Therefore, there is now no condemnation for those who are in Christ Jesus." (Romans 8:1)

Indeed, there is no condemnation for those who do not walk according to the flesh but according to the Spirit. We cannot live 100% like the people of this world and still claim to be acceptable to Him. If we remain in that state, He will look at us on the final day and say, "I do not know where you are from." Rather than merely observing a few rituals, let us strive to live according to the Spirit.

Message by: Bro. M. Geo Prakash