❤️Meditation verse - ஏசாயா 41: 17 / Isaiah 41:17

 வேதாகமத் தியானம் - எண்:- 1,486    

'ஆதவன்' 💚மார்ச் 03, 2025. 💚திங்கள்கிழமை  

"சிறுமையும் எளிமையுமானவர்கள் தண்ணீரைத் தேடி, அது கிடையாமல், அவர்கள் நாவு தாகத்தால் வறளும்போது, கர்த்தராகிய நான் அவர்களுக்குச் செவிகொடுத்து, இஸ்ரவேலின் தேவனாகிய நான் அவர்களைக் கைவிடாதிருப்பேன்." ( ஏசாயா 41: 17)

பொதுவாக இந்த உலகம் பொருளாதார நிலைமை, படிப்பு, பதவி இவைகளைக்கொண்டு மனிதர்களை மதிப்பிடுகின்றது. இவைகளை வாழ்வில் பெறாதவர்களை அற்பமாக எண்ணுகின்றது இந்த உலகம். ஆனால் தேவன் அப்படியல்ல; சிறுமையானவர்களின் குரலை தேவன் புறக்கணிப்பதில்லை. அவர் மனிதர்களின் உள்ளான மனத்தினைப்  பார்க்கின்றார். எனவே, பலவேளைகளில் உலகத்தாரால் அற்பமாகவும் சிறுமையாகவும் எண்ணப்படும் மனிதர்கள் தேவனது பார்வையில் மேலானவர்களாக இருக்கின்றனர்.   

இப்படி சிறுமையும் எளிமையுமானவர்களை தேவன் கைவிடுவதில்லை என்பதனையே இன்றைய தியான வசனத்தில் நாம் "சிறுமையும் எளிமையுமானவர்கள் தண்ணீரைத் தேடி, அது கிடையாமல், அவர்கள் நாவு தாகத்தால் வறளும்போது, கர்த்தராகிய நான் அவர்களுக்குச் செவிகொடுத்து, இஸ்ரவேலின் தேவனாகிய நான் அவர்களைக் கைவிடாதிருப்பேன்." என்று வாசிக்கின்றோம். 

இங்கு "தண்ணீரைத் தேடி" என்று கூறப்பட்டுள்ளது உருவகமாக கூறப்பட்ட வார்த்தைகளாகும். அதாவது பிழைப்புக்கான வழியற்று என்ன செய்வோம் என நிலைகுலைந்து நிற்கும் ஏழைகள் இந்த உலகினில் பலர் உண்டு. அத்தகைய நிலைமையையே "சிறுமையும் எளிமையுமானவர்கள் தண்ணீரைத் தேடி, அது கிடையாமல், அவர்கள் நாவு தாகத்தால் வறளும்போது" என்று கூறப்பட்டுள்ளது. தேவனுக்கு ஏற்புடைய வாழ்க்கை வாழும் ஏழை மக்கள் இப்படித் துன்பம் அனுபவிக்கும்போது தேவன் அவர்களுக்கு உதவுவேன் என்கின்றார்.  

ஒருமுறை எனது நண்பரொருவரிடம் பேசிக்கொண்டிருக்கும்போது அவர் என்னிடம், "நீங்கள் கடவுள் அன்பும் இரக்கமும் உள்ளவர் என்று கூறிக்கொண்டிருக்கிறீர்கள், ஆனால் இந்த உலகினில் பசி பட்டினியால் எத்தனையோ ஏழைகள் மடிவதை நீங்கள் காணவில்லையா? கடவுள் அன்புள்ளவரென்றால் ஏன் இதனை அனுமதிக்கின்றார்?" என்று கேட்டார். ஒருவரது ஆவிக்குரிய கண்கள் திறக்கப்படாதவரை இத்தகைய கேள்விகளுக்கான பதிலை அவர்களுக்குப் புரியவைக்க முடியாது. தேவன் அநீதி செய்பவரல்ல என்பதை நாம் நம்புவதைத் தவிர வேறு வழியில்லை; அதனை நாம் விசுவாசிக்கவேண்டும். 

நாம் மனித கண்ணோட்டத்தில் அனைத்தையும் பார்க்கின்றோம். தேவனின் சில திட்டங்களை நாம் உடனே புரிந்துகொள்ள முடியாது.  சில வேளைகளில் குறிப்பிட்டக்  காலம்வரைச் சிலரை, சில நாடுகளை  தேவன் சிறுமைப்படுத்தி வைத்திருப்பார். அது நிரந்தரமல்ல. ஆனால், தனக்கு உகந்த வாழ்க்கை வாழும் எவரையும் தேவன் முற்றிலும் கைவிடுவதில்லை. அதனையே இன்றைய தியான வசனத்தில், "கர்த்தராகிய நான் அவர்களுக்குச் செவிகொடுத்து, இஸ்ரவேலின் தேவனாகிய நான் அவர்களைக் கைவிடாதிருப்பேன்." என்கிறார் தேவன். இதற்கு வேதாகமத்தில் பல உதாரணங்கள் உண்டு. 

இஸ்ரவேல் மக்களை தேவன் எகிப்திலிருந்து விடுதலையாக்கி கானானை நோக்கி வழிநடத்தியபோது அவர்கள் இடுக்கமான ஒரு வாழ்க்கையையே சந்தித்தனர். ஆனால் நாற்பது ஆண்டுகள் தேவன் அவர்களை நடத்தினார். உணவு, இறைச்சி, தண்ணீர் என அவர்கள் அடிப்படைத் தேவைகளைச் சந்தித்தார். "இப்படி நாற்பது வருஷமாக வனாந்தரத்தில் அவர்களுக்கு ஒன்றும் குறைவுபடாதபடிக்கு, அவர்களைப் பராமரித்து வந்தீர்; அவர்கள் வஸ்திரங்கள் பழமையாய்ப் போகவுமில்லை, அவர்கள் கால்கள் வீங்கவுமில்லை." ( நெகேமியா 9: 21) என்று வாசிக்கின்றோம்.

ஆம் அன்பானவர்களே, இன்றைய துன்பங்களையும் கஷ்டங்களையும் கண்டு நாம் துவண்டுபோய்விடவேண்டாம் அவருக்குமுன் உண்மையும் உத்தமுமான வழக்கை வாழ நம்மை ஒப்புக்கொடுப்போம். ஒருவேளை உலக மக்கள் அனுபவிக்கும் மேலான செல்வங்கள் நமக்குக் கிடைக்காமல் இருக்கலாம். ஆனால்,  "சிறுமையும் எளிமையுமானவர்கள் தண்ணீரைத் தேடி, அது கிடையாமல், அவர்கள் நாவு தாகத்தால் வறளும்போது, கர்த்தராகிய நான் அவர்களுக்குச் செவிகொடுத்து, இஸ்ரவேலின் தேவனாகிய நான் அவர்களைக் கைவிடாதிருப்பேன்" எனும் வார்த்தைகளின்படி தேவன் நம்மைக் கைவிடாமல் காத்து நடத்துவார். 

தேவ செய்தி :- சகோ. எம். ஜியோ பிரகாஷ்                          

Scripture Meditation - No. 1,486
AATHAVAN 💚 March 03, 2025 💚 Monday

"When the poor and needy seek water, and there is none, and their tongue faileth for thirst, I the LORD will hear them, I the God of Israel will not forsake them." (Isaiah 41:17, KJV)

Generally, this world evaluates people based on their economic status, education, and position. Those who lack these things are often considered insignificant by the world. But God is not like that; He does not ignore the cries of the humble. He looks at the inner heart of a person. Therefore, many times, those who are considered insignificant or lowly by the world are highly esteemed in God’s sight.

This truth is reflected in today’s meditation verse: "When the poor and needy seek water, and there is none, and their tongue faileth for thirst, I the LORD will hear them, I the God of Israel will not forsake them."

Here, the phrase "seek water" is metaphorical. It refers to those who are struggling to find a way to survive, feeling helpless and desperate. There are many in this world who are in such a state. God promises to help them when they face such difficulties.

Once, while talking to a friend, he asked me, "You always say that God is loving and merciful, but don’t you see how many poor people are dying of hunger and poverty in this world? If God is loving, why does He allow this?" Unless one’s spiritual eyes are opened, it is difficult to explain such questions. We must believe that God is not unjust; we must trust in His ways.

We see things from a human perspective and cannot always immediately understand God’s plans. Sometimes, God allows individuals or nations to go through periods of hardship for a specific time. This is not permanent. However, God never completely forsakes those who live a life pleasing to Him. This is what today’s meditation verse emphasizes: "I the LORD will hear them, I the God of Israel will not forsake them." There are many examples of this in the Bible.

When God delivered the Israelites from Egypt and led them toward Canaan, they faced many hardships. Yet, for forty years, God guided them, providing for their basic needs—food, meat, and water. As it is written: "Yea, forty years didst thou sustain them in the wilderness, so that they lacked nothing; their clothes waxed not old, and their feet swelled not." (Nehemiah 9:21, KJV)

Yes, dear ones, let us not be discouraged by today’s troubles and hardships. Let us surrender ourselves to live truthfully and righteously before Him. Even if we do not possess the worldly wealth that others enjoy, God will not forsake us. As today’s verse assures us: "When the poor and needy seek water, and there is none, and their tongue faileth for thirst, I the LORD will hear them, I the God of Israel will not forsake them."

Gospel Message: Bro. M. Geo Prakash